العلمانيون ماعندهم إي مشكلة مع الصوفية ـ ولا مع إسلامنا ا الشعبي ؛مشكلتهم مع الإسلام السياسي وأفكار البنا والوهابية ـ ماهو المرحوم نقد ـ صلي عليه وبتوصية منه شيخ الإدارسة وشيعته كافة الطرق الصوفيةـ الإسلام الصوفي والشعبي الذي كان سائدا طيلة عهد الفونج والحكم الوطني الديموقراطي ماعندنا معاه مشكلة ـ
05-01-2021, 09:01 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: تلقي عبد الحي أصيب بنوبة قلبية لما شاف الصور دي ! تلقي يسوي لا دي ماصحيحة دي صور مهكورة ساي
عبدالحى بعد جماعته بايعوه ليقود دواعش السودان سنداً وتأييداً لأفكار شيخهم البغدادى , تركهم وذهب يستمتع بحياته فى تركيا العلمانيه والتى أسسها مصطفى كمال أتاتورك .
Quote: العلمانيون ماعندهم إي مشكلة مع الصوفية ـ ولا مع إسلامنا ا الشعبي ؛مشكلتهم مع الإسلام السياسي
والصوفية ما عندهم احزاب يا كمال؟ ما بسوطوا ما بتحبوا مابرشحوا ماعندهم دور في الحياة السياسية؟ الإسلام ده يا علمانيين دين مجتمع ومافي حاجة اسمها اسلام سياسي واسلام اقتصادي واسلام اجتماعي الاسلام دين شامل ولا يمكن فصله من الدولة ولا من السياسة ولا الاقتصاد. عندكم مشكلة مع المنافقين حلوها بعيد عن مصالح الشعب
05-02-2021, 00:23 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
Quote: الإسلام ده يا علمانيين دين مجتمع ومافي حاجة اسمها اسلام سياسي واسلام اقتصادي واسلام اجتماعي الاسلام دين شامل ولا يمكن فصله من الدولة ولا من السياسة ولا الاقتصاد. عندكم مشكلة مع المنافقين حلوها بعيد عن مصالح الشعب
ومصالح الشعب علاقتها شنو بالمتاجرة بالدين؟ أمشي أقرأ تاريخ السودان ـ أمشي شوف دولة الفونج والسودان في العهد التركي والعهود الوطنية الديموقراطيةـ دا الوضع اللي نحن عاوزنو ـ ما كان نافذا طيلة العهود الديموقراطية وفي حقبة الفونج ـ دا ا لوضع السائد والنافذ في معظم الدول العربية والإسلامية أها إنتو "الإسلامويين " ديل بديلكم شنو؟ للصيغ الوضعية ؟ هل في إتفاق بينكم علي عدد الحدود والردة والرجم والتعامل الربوي مع المؤسسات الدولية؟ - هل بينكم إتفاق حول شكل الحكم والموقف من الديموقراطية؟ ماهو مفهوم الشوري عندكم وماهي مؤسساتها ومواعينها ؟ هل تتفقون علي شرط الذكورة والإسلام فيمن يتولي الرئاسة؟ إذا كنت أنا العلماني أكفل وأصون حق ( الشيعي والجمهوري والعلماني والملحد وغير المسلم والسلفي والأخواني ) في التعبير والدعوة والتبشير وحرية الفكر والمعتقد ـ فمن التيارات الإسلامية يكفل هذا؟ هل تكفلون حقوق المواطنة الكاملة للمراة؟ -- هيا أجيبني بإختصار تيارات الإسلام السياسي لاتملك حلول ولاإجابات علي قضايا وإشكالات العصر لارؤية ـ ولابديل لاشئ سوي التهريج والشعارات ..تتصارعون في أسس الخطاب الإسلامي وترمون بعضكم بالضلال والكفر ـ قلوبكم شتي ـ صراع ونزاع ,,,,,,,,,,
Quote: الإسلام ده يا علمانيين دين مجتمع ومافي حاجة اسمها اسلام سياسي واسلام اقتصادي واسلام اجتماعي الاسلام دين شامل ولا يمكن فصله من الدولة ولا من السياسة ولا الاقتصاد. عندكم مشكلة مع المنافقين حلوها بعيد عن مصالح الشعب
05-02-2021, 00:44 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
في يوليو 2017 تقدم أكثر من 1200 طالب من طلاب جامعة بخت الرضا جميعهم من دارفور بإستقالاتهم من الجامعة على خلفية فصل 14 طالب من ابناء دارفور يمثلون قيادات الروابط الدارفورية المختلفة بالجامعة دون سواهم من بقية مكونات طلاب الجامعة. سبب الفصل كان إحتجاج الطلاب على نتائج إنتخابات الإتحاد المزورة والتي إنحازت فيها إدارة الجامعة لطلاب المؤتمر الوطني. وبعد قرار مدير الجامعة التعسفي بفصل قيادات روابط طلاب دارفور بالجامعة حزم أكثر من 1200 طالب أمتعتهم بنية مغادرة الجامعة، إلا أن إدارة الجامعة وطلاب المؤتمر الوطني تحرشوا بهم ومنعوا سائقي البصات من ترحيلهم إلى الخرطوم. لم يكن أمام طلاب دارفور إلا السير على الأقدام حتى وصلوا إلى مسيد الشيخ الياقوت بقرية الياقوت جنوب جبل أولياء. قطع أهالي قرية الشيخ الياقوت الطريق على طلاب دارفور واستضافوهم وفتح لهم الشيخ الياقوت مسيده برحابة صدر وأكرمهم بصورة عفوية ودون تكلف. هذه المعاملة الإنسانية الرائعة التي قدمها الشيخ الياقوت تمثل وجه السودان بجمال دينه الصوفي وبعيداً كل البعد عن الإسلام السياسي الذي سعى لبث الفتن بين مكونات الشعب السوداني وأزكى نار القبلية والجهوية على حساب القييم الإنسانية النبيلة.
شكراً حمدوك
05-02-2021, 11:44 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
الأمام يا عمدة اظنه مجرد شبه .. ولكن الأكيدة حمدوك وسلك دخلوا الصف الأول وجبريل قبلهم بيومين فتح لهم الطريق ولا عزاء لليساريين والجمهوريين والكيزان هههه
05-02-2021, 11:51 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
ما موضوع مسلمين وكفار الموضوع موضوع مسلمين وفهمهم للدين في ناس بيفتكروا الدين ده حاجة خاصة يمارسها العبد في المسجد أو البيت دون أن يكون لها أي اثر على بقية المعاملات وفي ناس بيفتكروا الدين ، وخاصة الإسلام يفترض يكون منهج حياة .. وبين هؤلاء واولئك يتوزع الناس.. وحمدوك بالأمس مشى لأهل الدين في معاقلهم بصفته الرسمية .. بصفته رئيس وزراء وليس حمدوك الشخص وده ضد توجه الجهة الأولى.. والجمهوريين والكيزان والانصار والسلفيين والصوفية كلها احزاب دينية لكن العلمانيين لايرون غير الاسلاميين لمن بيتحدثوا عن الإسلام السياسي
05-02-2021, 01:12 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
التحية الحبيب التاج كان على حمدوك أو الاعلام ان ينقل الموضوع كخبر فقط وليس بكل هذه التفاصيل حتى لا يذهب البعض بأن الموضوع اصبح تنافس والميدان هو الاسلام
أكثر المستفيدين هو جبريل فهم اللعبة تمام ويعرف ينتهز الفرصة ويجمع الاصوات
تحياتي الحبيب التاج
05-02-2021, 01:45 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
علمانيتنا ـ دي ماعندها شغلة بي فرنسا ولاتركيا وإنما هي صيغ وأوضاع لها جذور وأساس منذ عهد الفونج ـ الصوفي ـ قبل أن نعرف أوربا أو تعرفنا أوربا - ليس علمانية فرض حجاب بقرار أو حظره بقانون ولا التدخل في الأحوال الشخصية ـ من أراد يتزوج بمسجد أو كنيسة أو أمام قاضي أو موظف مدني فهذا خياره ولاتهدف لإلغاء الدراسات الإسلامية والمسيحية والحقائق العلمية بالمدارس أو بالإعلام ـ هي إحتكام لصيغ وضعية دستورا وقوانينا وإتاحة حرية العقيدة والتدين وعدمها وحرية الفكر ـ وحرية الدعوة والتبشير ليست دين بدليل إنها حق التدين للكل ولكن الدولة عندنا تقف علي مسافة واحدة من كل الأديان وتعتبر المواطنة وحقوقها والإنسانية وحقوقها هي الأساس والحد الأدني الذي يجمع الكل قلنا إذا كنت أنا العلماني الديموقراطي ( أكفل وأصون حق ( الشيعي والجمهوري والعلماني والملحد وغير المسلم والسلفي والأخواني ) في التعبير والدعوة والتبشير وحرية الفكر والمعتقد ـ فمن التيارات الإسلامية يكفل هذا؟ هل تكفلون حقوق المواطنة الكاملة للمراة؟
05-02-2021, 02:13 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: - ان على حمدوك أو الاعلام ان ينقل الموضوع كخبر فقط وليس بكل هذه التفاصيل حتى لا يذهب البعض بأن الموضوع اصبح تنافس والميدان هو الاسلام أكثر المستفيدين هو جبريل فهم اللعبة تمام ويعرف ينتهز الفرصة ويجمع الاصوات
دي ماشطارة ولاعبقرية دي دي متاجرة بالدين وهي ما أضاع عقود من عمر الوطن ـ الدستور الإسلامي في الستينات وقوانين سبتمبر و تنازع المشاريع الإسلاموية بعد الإنتفاضة وتجارب الإنقاذ الإسلامية سئية الصيت والسمعة ........ عبث وتناحر .
Quote: "الإسلامويو ن " ديل بديلكم شنو؟ للصيغ الوضعية ؟ هل في إتفاق بينكم علي عدد الحدود والردة والرجم والتعامل الربوي مع المؤسسات الدولية؟ - هل بينكم إتفاق حول شكل الحكم والموقف من الديموقراطية؟ ماهو مفهوم الشوري عندكم وماهي مؤسساتها ومواعينها ؟ هل تتفقون علي شرط الذكورة والإسلام فيمن يتولي الرئاسة إختصار تيارات الإسلام السياسي لاتملك حلول ولاإجابات علي قضايا وإشكالات العصر لارؤية ـ ولابديل لاشئ سوي التهريج والشعارات ..تتصارعون في أسس الخطاب الإسلامي وترمون بعضكم بالضلال والكفر ـ قلوبكم شتي ـ صراع ونزاع ,,,,,,,,,,
عبث ونزاع وصراع ـ سيزيفي ـ صرفنا عن قضايا التنمية والسلام واولويات المواطن ـ في العلاج والتعليم والحياة الكريمة هكذا نحن ومن دون معظم الدول العربية والإسلامية نغرق في هذه الدوامة
05-02-2021, 11:28 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
ده برسيتج ساكت يا عمر التاج عملو قبلو البشير ورقص مع الصوفية لامن فتر وخصوصا التجانية وما بقي محترم اطلاقا لحدي اخر مرة الشيخ الجعلي قال ليهما تجيني اهلنا الصوفية قالو الما عنده شيخ الشيطان شيخو والعلمانيين ديل ما عندهم قبب زينا في السودان وبفتشو في قبة واتحدى حمدوك ده لو قرا كتاب واحد لي الجمهوريين او الراتب او المولد كان زمان زح من كعوك مايو وايتام الترابي وحصل التحالف السوداني الاصلية بي الاسلام والكجور لاتحادي الديمقراطي الاصل والحركة الشعبية الاصل \هنا البرنامج الروحي والسياسي الحقيقي في السودان \وكرة ثلج متي بدات تتدرق زي عصا موسي بتلم السودانيين كلهم الجنسية الخضرا في حتة واحدة وتجدع الزبد الغاتس فيه حمدوك وقحت التي ضل سيعها في الحياة الدنيا السودان ما قحت والانقاذ بس عشان يقدونا سنتين حاصل فارغ
05-03-2021, 11:11 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: والصوفية ما عندهم احزاب يا كمال؟ ما بسوطوا ما بتحبوا مابرشحوا ماعندهم دور في الحياة السياسية؟ الإسلام ده يا علمانيين دين مجتمع ومافي حاجة اسمها اسلام سياسي واسلام اقتصادي واسلام اجتماعي الاسلام دين شامل ولا يمكن فصله من الدولة ولا من السياسة ولا الاقتصاد. عندكم مشكلة مع المنافقين حلوها بعيد عن مصالح الشعب
ايوه يا عمر ازمة الاسلاميين الكيزان والسلفيين والعلمانيين الشيوعيين والبعثيين والناصريين واحدة في السودان وهم وجهين لعملة واحدة للمشروع الامبريالي الصهيوني المفضوح والمتاجرة بي وعي الشعب السوداني هسة كلامك الفوق ده غلط كبير او جهل منك الختمية طريقة صوفية ورها الملايين وعندهم حزب سياسي حزب الشعب الديمقراطي وقادرين علي ادارة السودان وبي احدث نموذج ديمقراطية وست منتسر وقوانين مدنية فرملا الترابي الساقط بعد المصالحة الوطنية 1978 وكانت موجودة من مؤتمر الخريجين لحدي قوانين 1974 الانصار طريقة صوفية وفكر المهدية صوفي شوهو عبدالله التعايشي والترابي وعندهم ايضا حزب سياسي برعاية السيد عبدالرحمن المهدي الجمهوريين فكر سوداني اصلي وراقي وايضا عندهم الحزب الجمهوري ومشروعو اسس دستور السودان 1955 اللغوثة لازمتا شنو يا ناس شكراحمدوك وايتام الترابي السلفية السعودية صناعة بريطانية وما دين ذاتو لاخوان المسلمين مشروع ماسوني مصري الناصري والشيوعي والبعثي مشاريع امريكية عفا عنها الزمن ومفضوحة في بلدا عايزين تبقو سودانيين احترمو حاجات السودان الكبيرة المؤثرة يمشي حمدوك لي الختمية والانصار جماعة الهادي المهدي في الجزيرة ابا والهندي كمان رغم عندي راي فيهم وبطحتم لي مصر ويفتح التلفزيون للجمهوريين ويزع علماء السوء ديل المستمرين لحدي هسة واعلان قحت اصلا قبيح وما اعلام ثورة من الاساس غير كده السودان محكوم بي الكعوك والاستهبال غير المفيد ومغيبين قناعات الملاييين في السودان كسر رقبة بس
05-04-2021, 11:12 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: فالرجل رئيس وزراء ، ولايوجد مايمنعه من زيارة مواطنيه ، اينما كانوا . الانفتاح مطلوب للمرحله القادمه.
تفرق يا اخ هاشم.. زيارة المواطنين في محلية أو منطقة أو ولاية أو حتى قرية .. وزيارة رمز ديني أو منطقة دينية.. دعاة العلمانية البنادوا بفصل الدين عن الدولة ما قادرين يتخيلوا مدى تغلغل الدين في كافة معاملات السودانيين سواء كانت سياسية أو اجتماعية أو اقتصادية وحمدوك اثبت ذلك عمليا .. ووجد أن مناصرة رجال الدين فريضة اساسية في بناء الدولة وقبله زار جبريل شيخ اخر، وامس البرهان مع الختمية .. وهذه إشارة لوجود الحركات الدينية في كل احزاب السودان تقريبا.. باستثناء اليسار.. والذين ينادون بمحاربة الإسلام السياسي أو فصل الدين عن الدولة فعليهم إقصاء الاحزاب التالية عن ممارسة السياسة .. الأمة والاتحادي والجمهوريين والإخوان وانصار السنة والكيزان وكل الصوفية دفعة واحدة من السودان.. الذين ينادون بإعادة تعريف هذا التعاون وإصلاح التجربة أجد نفسي مؤيد لهم وداعيا لتحسين الصورة التي أشانتها تجارة الكيزان بالدين ، أو بعض شيوخ الصوفية بالعقيدة، أو بعض الاسلاميين المتطرفيين بالاسلام . .. ..
Quote: هسة كلامك الفوق ده غلط كبير او جهل منك الختمية طريقة صوفية ورها الملايين وعندهم حزب سياسي حزب الشعب الديمقراطي وقادرين علي ادارة السودان وبي احدث نموذج ديمقراطية.
تحياتي يا كبير.. ابدا انا تعليقي ما اعتراض على زيارة حمدوك لشيوخ الصوفية، ولا محاولة لهدم فكرة الأحزاب الدينية.. بل العكس انا مقتنع بدور شيوخ الصوفية وشيوخ الإسلام السياسي عموما في بناء السودان، وأنهم ممكن يديروا الدولة بكل اقتدار اذا توفرت البيئة الديمقراطية المناسبة .. الصوفية عموما هي حركة وعي مجتمعي وبتنمو في بيئة ديمقراطية منفتحة ، بعكس حركات الكيزان والبعثيين واليسار المتطرف واليمين المتطرف عموما، التي تحتاج لبيئات شمولية منغلقة .. البوست عموما ليس اعتراضا على الزيارة بل إقرار بصحتها ، ودعوة لانفتاح الساسة على مراكز الدين وتحلي القيادات السياسية بقدر من الزهد والتقشف والفقه والسلوك الدعوي .. والا فصل للدين عن السياسة وان حرصتم. الخطر الحقيقي على الديمقراطية لم يكن من الصوفية أو الأحزاب الدينية ولا حركات الإسلام السياسي ، بل من قبل قوات مسلحة نظامية وغير نظامية، تعرفونها جيدا وتعرفون أدوارها في السودان منذ الاستقلال و مدى خطورتها وهي تشارك وتحمي الاسلاميين والشيوعيبن والعلمانيين الجدد.
Quote: العدالة العقلية ..!! ============ #لو قبضنا زول ما قرا مدرسة نهائي، وشغال في مهنة الطب وفاتح عيادة، نعمل ليه شنو .؟ مفروض نقفل كليات الطب ونمنع دراسة الطب، عشان ما نفتح فرصة للمجرمين ديل .. كرّهونا ذاتو .! #كان لقينا زول درس لحدي الثانوي، وعمل ليه مكتب محاماة، وضرب اموال ناس كتيرة. زي دا نسوي ليه شنو .؟ طوالي نوقف حاجة اسمها قانون ونمنع دراسته في الجامعات، عشان ما نخلي فرصة للمحتالين ديل ياكلوا اموال الناس بالباطل. #رأيكم شنو في الحلول دي .؟ اي زول عنده مخ حيقول لي انت مجنون ولا شنو .؟ وحيقول لي الطب والقانون ذنبهم شنو .! مفروض نوقف المجرم وبس، لأنه العدالة العقلية بتقول كدا.
#طيب نمشي قدام عشان نشوف جنون من النوع ابوكديس. #لو لقينا كوز سرق باسم الدين، وأفسد باسم الدين، أها نحاسب الكوز ونقدمه للقانون ولا نبعد الدين من الدولة ونفصله من السياسة .! #ابوكديس بقول: الحل هو نبعد الدين من السياسة، ونبعد الطب والقانون برضو، لانه في ناس بستغلوا العلوم دي وبعملوا بيها جرائم، فلابد نقفل الباب دا نهائي، يا حليل عقلك يا ابوكديس، وفعلا الفهم قِسم.
#يأ أخي العزيز.. المجرم والفاسد ما عنده مبدأ ولا ضمير، ممكن يقول (هي لله) (هي لله) ويسرق، وممكن يلبس صليب ويقتل، وممكن يكون ما عنده دين اصلا علماني شيوعي ملحد ويكون سفاح وفاسد كبير باسم الشيوعية. وعشان اثبت ليك هاك النماذج دي: #جوزيف استالين: علماني شيوعي ملحد رئيس الاتحاد السوفيتي 30 سنة .. برضو 30 سنة اها رايك شنو السفاح دا قتل اكتر من 10,000,000 ( عشرة مليون ) انسان، كتير منهم عبارة عن تصفيات للمعارضين ،ماتوا في سجون جزيرة سبيريا الثلجية، وناس ماتوا بالإعدام، دا غير التطهير العِرقي، توفي استالين سنة 1953م
#ماوي تسي تونغ: علماني شيوعي ملحد رئيس الصين 27 سنة. الملحد دا تسبب في قتل 20,000,000 صيني، نتيجة المجاعة والفقر ودا كله بسبب سياسته الشيوعية الفاشلة، توفي زعيم الماوية سنة 1976م
#بول بوت: علماني شيوعي ملحد، رئيس وزراء دولة كمبوديا، قتل 3,000,000 من شعبه، ما بين تصفية معارضين وعمل قسري واعدامات، وكان الامين العام للحزب الشيوعي آنذاك، توفي عام 1998م
#مصطفى كمال أتاتورك: شيخ العلمانية في تركيا ومؤسسها، وأول رئيس لتركيا بعد سقوط الخلافة الإسلامية في اكتوبر 1923م. المجرم دا باسم العلمانية عمل الآتي: #منع المدارس الدينية #استبدل القانون الاسلامي بقانون سويسري #منع تعليم اللغة العربية في المدارس وغيرها من الطوام. #أها ديل اربعة نماذج بس ولو ما خايف اطوّل عليكم كان ذكرت نماذج اكتر من كدا سؤال: ستالين دا كان إمام الحرم المكي ولا ماوتسي دا كان خليفة المسلمين في الدولة العباسية.؟ #بالمناسبة: الآن النظام العلماني في فرنسا شغال حرب شعواء على الأقلية المسلمة هناك، وقام بمنع الحجاب والنقاب في الاماكن العامة الآن الحزب العلماني الشيوعي الصيني شغال قتل واغتصاب وتعذيب لاقلية الإيغور المسلمة في اقليم شنغيان حيث بلغ عدد السجناء قرابة مليون دا غير اغتصاب النساء وما تنسى النظام البوذي في بورما شغال حرق وتعذيب لاقلية الروهينغا المسلمة باقليم اراكان طبعا بعلم الحكومة ورضاها. وغيرها من النظم العلمانية السفاحة الفاسدة ، وعندك حروب هتلر وموسيليني وتشرشل وغيرهم من قواد الحربين العالميتين .. راح بسببهم قرابة 100,000,000 قتيل، دا غير الجرحى والمفقودين. طيب .. هتلر دا كان صحابي ولا تلميذ الامام مالك .؟ موسيليني دا كان تابعي ولا من طلاب الامام ابوحنيفة .؟ #الخلاصة: #هل في كيزان أفسدوا باسم الدين او كانوا بقولوا هي لله وبسرقوا .؟ الجواب: نعم #هل الإسلام مسجل حصريا باسم الكيزان .؟ الجواب : لا هل سقوط الكيزان من السلطة يعني فصل الدين من الدولة .؟ الجواب : لا #ربنا سبحانه قال : ( الذين إن مكّناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ) #مكناهم : يعني جعلناهم حُكام ووزراء ومسئولين وزعماء . معنى الآية: واجب المسئول المسلم اذا مسك السلطة يأمر بالمعروف وهو = اي حاجة ترضي ربنا، زي التوحيد، العدل ، الامانة ... الخ، طبعا يأمر نفسه اول حاجة. وينهى عن المنكر، وهو اي حاجة تغضب ربنا، زي الشرك والزنا والسرقة والقتل ...الخ، واكيد مفروض ينهى نفسه اول حاجة . #دا كلام الله سبحانه، ودا دستور المسلمين، طيب لو في سياسي مسلم ما طبّق الكلام دا، نعمل ليه شنو في الحالة .؟ مش مفروض نشوف سياسي غيره يكون ناجح وكفاءة يطبق الآية دي، ويحارب الفساد والعنصرية .؟ لانه العدالة العقلية بتقول كدا .. مش دا الصاح #المجنون ابوكديس : لا لا، مفروض نحذف القرآن من الحياة ونفصل الدين من السياسة. الله يشفي ناس ابوكديس ويصلح عقولهم
أها يا اخوانا ابوكديس دا نعمل ليه شنو في رايكم.؟
2 ابريل 2021م ============ #محمد حامد محمد
###
05-04-2021, 01:16 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7209
Quote: دعاة العلمانية البنادوا بفصل الدين عن الدولة ما قادرين يتخيلوا مدى تغلغل الدين في كافة معاملات السودانيين سواء كانت سياسية أو اجتماعية أو اقتصادية
إنت فاهم غلط. القال ليك منو دعاة العلمانية ما عارفين أهمية الدين وأثره في حياة الناس وفي المجتمع؟ إنت بتقطع من نص راسك وتتوهم أشياء لا وجود لها بسبب عدم فهمك لمفهوم العلمانية عند دعاتها. أي دراسة بحثية ممكن تثبت دور الدين كعلامة للهوية الثقافية للمجتمع ودوره في تشكيل قيم وثقافة المجتمع. والدولة العلمانية ليست في صراع مع مكونات ثقافة المجتمع بل تسعى لتوفير بيئة تحترم جميع الأديان والثقافات. والدولة العلمانية لا تنكر وجود الاديان ولكنها كدولة ليس لها موقف إيماني ولا إنكاري تجاه الدين، بل تقف على مسافة واحدة من كل الأديان وتتجنب المعاملة التفضيلية للمواطن على أساس معتقداته الدينية أو الانتماء أو عدم وجود أي منهما. الدولة العلمانية تعترف بوجود الأديان والطوائف الدينية والمذاهب وتعترف بتنوع المعتقدات وتعترف بدور الاديان والمذاهب تنوع المعتقدات ودورها في تشكيل هوية المجتمعات ولكنها في ذاتها كدولة لا تتبنى أي معتقد ولا دين ولا مذهب ديني. عدم تبنيها لمعتقد ديني لا يعني قطيعتها مع المجتمعات المتدينة او مع المذاهب والطوائف الدينية، ولكن يعني أنها تتعامل مع المجتمع بدون تفضلية لمعتقداته الدينية.
05-04-2021, 01:37 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: يأ أخي العزيز.. المجرم والفاسد ما عنده مبدأ ولا ضمير، ممكن يقول (هي لله) (هي لله) ويسرق، وممكن يلبس صليب ويقتل، وممكن يكون ما عنده دين اصلا علماني شيوعي ملحد ويكون سفاح وفاسد كبير باسم الشيوعية.وعشان اثبت ليك هاك النماذج دي:#جوزيف استالين:علماني شيوعي ملحد رئيس الاتحاد السوفيتي 30 سنة .. برضو 30 سنة اها رايك شنو............. #محمد حامد محمد
,,,,,,,,,,, هسي دا كلام يخدم قضيتك في شنو؟جاي حاري كما أرخميدس وجدتها وجدتها ـ أتيتكم من محمد حامد بالنبأ اليقين أمشي قو ليهو العلمانيون ديل عاوزين ديموقراطية أولا ـ خلي يلحس كلامو وترهاته الصبيانية دي إنتقاء مخل وخبيث طيب خت في هذه القائمة حكام ب الخلافة الأموية والعباسية والعثمانية وغيرها منو القاليك إنو في زول في السودان بدعو علمانية ديكتاتوريةـ ندعو لتزاوج الصيغ الوضعية = ديموقراطية +علمانية سودانية ونرفض الشمولية ـ تجت إي ستار جاءت ( إسلام ـ قومية عربية -إشتراكيةـ شيفونية وطنية ـ علمانية ) والغريبة إنو هذا الكاتب المتنطع نسي وتجاهل أن معظم أو كل التجارب الإسلاموية منذ العهد الأموي وحتي القرن العشريين ـ تجارب شمولية وقهريةوديكتاتورية ـ صحبها قتل وتشريد وقمع وإقصاء
Quote: مش مفروض نشوف سياسي غيره يكون ناجح وكفاءة يطبق الآية دي، ويحارب الفساد والعنصرية .؟ لانه العدالة العقلية بتقول كدا .. مش دا الصاح
زي ما قال ليك كمال عباس القاسم المشترك بين كل الأنظمة التي ذكرها المتنطع صاحب المقال هو أنها أنظمة شمولية دكتاتورية. ومنبع فساد وشرور هذه الأنظمة هو أحادية الرؤية والعدائية تجاه كل ما هو مختلف. لذلك أي إعادة إنتاج لنظام سياسي يتبنى رؤية أحادية لفئة تحتكر حق ممارسة السلطة سيأتي بنفس النتائج من فساد وإراقة دماء. لا يختلف في ذلك ما إذا كان النظام يدعي أن مرجعيته دينية او وضعية طالما أنها رؤية أحادية تناقض طبيعة البشر في إختلافاتهم الفكرية والعقدية.
05-06-2021, 07:09 AM
adil amin adil amin
تاريخ التسجيل: 08-01-2002
مجموع المشاركات: 36938
الكوز السلفي الشيوعي البعثي الناصري دي ما احزاب دي امراض نفسية في السودان الاحزاب السياسية في السودان حزب الامة ....حزب الشعب الديمقراطي ...الحزب الوطني الاتحادي ...الحزب الجمهوري ...الحركة الشعبية وهسة الفرق شنو بين حزب الامة وحزب الشعب الديمقراطي والحزب ديمقراطي ((المسيحي)) بتاع ميركل في المانيا مسيحي دي شنو الليكود حزب ديني كاديما حزب ديني \ اوروبا مسحية ونظرية صدام الحضارات نظرية دينية فريق باريس سان جرمان اسمو ديني زي اعمل فريق كورة اسمي الشيخ البرعي الشيوعي الغبي مش عايز ينظف السودان من رجس السلفية والاخوان المسلمين عايز يلغي الختمية والانصار ذاتهم دي ازمة الشيوعي في السودان حمدوك قاتل اقتصادي ومستهبل وبمثل زي البشير وما عنده موضوع والدين في السودان البمثل 95% خلي يحترم الختمية ويزورهم والانصار ايضا في الجزيرة ابا بطلو الاستهبال الكوز والشيوعي حاجة واحدة ما نافعة من الاساس والنتائج قدامكم وهي مرض نفسي ولا علمانية ولا حاجة
05-06-2021, 09:51 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: إنت فاهم غلط. القال ليك منو دعاة العلمانية ما عارفين أهمية الدين وأثره في حياة الناس وفي المجتمع؟ إنت بتقطع من نص راسك وتتوهم أشياء لا وجود لها بسبب عدم فهمك لمفهوم العلمانية عند دعاتها. أي دراسة بحثية ممكن تثبت دور الدين كعلامة للهوية الثقافية للمجتمع ودوره في تشكيل قيم وثقافة المجتمع. والدولة العلمانية ليست في صراع مع مكونات ثقافة المجتمع بل تسعى لتوفير بيئة تحترم جميع الأديان والثقافات. والدولة العلمانية لا تنكر وجود الاديان ولكنها كدولة ليس لها موقف إيماني ولا إنكاري تجاه الدين، بل تقف على مسافة واحدة من كل الأديان
ده كلام نظري وانشائي ساكت وفي الحقيقة المخفية، وعلى ارض الواقع فان العلمانية مجرد معول "تقية" لهدم الدين الإسلامي.. ويمكنك ان تتابع معي في هذا البوست سلسلة "خلاصة العلمانية".. وقبل ذلك نضع ملخصا عن مخالفات العلمانية الصريحة لاحكام الإسلام..
Quote: ١- إتفاقية سيداو تقول بأن المرأة مثل الرجل ..!! والقرآن يقول : وليس الذكر كالأُنثى.
٢- إتفاقية سيداو تقول لا يسمح للرجل بالتعدد ..!! والقرآن يقول : فانكحوا ما طاب لكم من النساء مثنىٰ وثلاث ورباع.
٣- إتفاقية سيداو تقول ينسب الأولاد لأمهاتهم في التسمية ..!!. والقرآن يقول : أدعوهم لابائهم.
٤- إتفاقية سيداو تقول : لا يوجد عدة للمرأة بعد الطلاق ..!! والقرآن يقول : والمطلقات يتربصْن بأَنفسهن ثلاثة قروء.
٥- إتفاقية سيداو تقول الرجل لا يملك الولاية على المرأة والأب لا يملك الولاية على البنت ..!! والقرآن يقول : الرجال قوامون على النساء.
٦- إتفاقية سيداو تنادي بالمساواة بين الذكر والأنثى في الميراث ..!! والقرآن يقول: يوصيكم الله في أولادكم للذكر مثل حظ الْأُنثيين.
٧- إتفاقية سيداو تقول الرجل يمكنه الزواج من رجل مثله وكذلك المرأة ..!! والقرآن ويقول : أَتأتون الذكران من العالمين.
٨- إتفاقية سيداو تعطي المرأة حق الإجهاض ..!! والقرآن يقول : ولا تقتلوا أولادكم.
٩- إتفاقية سيداو تجيز العلاقات الجنسية للزوجين خارج أطار الزوجية .!! والقرآن يقول : ولا تقربواْ الزنىٰ إِنه كان فاحشة وسآء سبيلا.
١٠- إتفاقية سيداو تقول : المرأة ترتبط بمن تشاء وتنفصل متى تشاء وتعاود الإرتباط متى تشاء ..!! والقرآن يقول : محصنات غير مسافحات ولا متخذات أَخدان.
05-06-2021, 11:35 AM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
في إطار الدين الإسلامي نعم ... ولذا ليس هنالك حوجه لسيداو ولا العلمانيه ... فشل الأفراد أو التنظيمات في التطبيق ليس عيب في الإسلام ولا دستوره ولا شريعته السمحة الغراء المصقوله ...
05-06-2021, 07:00 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
شكرا اخ محمد حمزة .. وارجو ان تتابع معي هذه السلسة عن العلمانية .. من تأليف الكاتب محمد حامد، .. .. خلاصة العلمانية (1) ============= ▪اول حاجة : لابد نتفق على تعريف المصطلح ؛ لانه المصطلحات تختلف معانيها وتتغيّر حسب الزمان والمكان وطبيعة البشر. تاني شيء : لا يمكن نقبل تعريف العلمانية من أي زول إلا إذا كان جهة أوربية رسمية ، لماذا ؟ لأنه الأوربيين هم الذين أنتجوا العلمانية واخترعوها ومارسوها. يعني غير مسموح لسوداني مثلا يعرّف العلمانية بفهمه ومزاجه ، فالتعريف لابد يكون جاي من المصدر الأصلي source وليس من شخص مستهلك consumer
▫طيب نبدأ ... 1- أهم مصدر لتعريف المصطلحات في أوربا هو دائرة المعارف البريطانية المشهورة ب بريتانيكا = britannica تقول عن العلمانية = secularism : ( هي حركة اجتماعية مضادة للدين وتهدف إلى صرف الناس عن الإهتمام بالدار الآخرة إلى الإهتمام بالدنيا وحدها )
2- قاموس ويبستر الإنجليزي يقول عنها : (هي نظام من التطبيقات والمبادئ يرفض أي شكل من أشكل الإيمان والعبادة ) # وفي موضع يقول ويبستر : ( هي نظام اجتماعي مؤسس على وجوب قيام الأخلاق على الحياة المعاصرة دون النظر إلى الدين )
3- أما قاموس اكسفورد فيعرّف العلمانية ( بان معناها : دنيوي أو مادي، ليس دينيا ولا روحيا ) # وفي موضع آخر يقول عنها : ( العلمانية هي الرأي الذي يقول : لا ينبغي للدين أن يكون أساسا للتربية والأخلاق )
▪يبقى كلمة العلمانية ( secularism ) ما عندها اصلا علاقة بالعِلم والعلماء ، فهي بعيدة عن كل ترجمات العلم ومشتقاته زي. العلم science المعرفة knowladge التعليم learning والدراسة studiedness المعلومات information
وليس معناها فصل الدين عن الدولة فقط ؛ وانما المعنى الصحيح هو { فصل الدين عن الحياة كلها } فصل الدين عن الدولة دا واحد من تطبيقاتها يليه فصل الدين عن التربية ثم فصل الدين عن الأخلاق ثم فصل الدين الإقتصاد وفصل الدين عن المجتمع فصل الدين السياسة ... وهلم جر
▪مثال بسيط : لو جاني زول قال لي عرّف الإسلام ؟ قلت ليه قال ابن تيمية الإسلام هو ... حيقول لي وقبل ابن تيمية في منو ؟ أقول ليه قال : الإمام مالك حيقول لي وقبل مالك في منو؟ أقول ليه قال عمر بن الخطاب . حيقول لي وقبل عمر بن الخطاب! في النهاية أنا مضطر أديه من المصدر ذاتو وأقول ليه قال النبي عليه الصلاة والسلام : ( الإسلام هو أن تشهد أن لا إله إلا الله وأن محمد رسول الله وتقيم الصلاة وتؤتي الزكاة وتصوم رمضان وتحج البيت ) الخلاصة : فالعلمانية هي فصل الدين كافة مناحي الحياة ▫تنبيه : ( السلسلة عبارة عن تلخيص لبعض الكتب عن العلمانية، حنذكرها في آخر حلقة ان شاء الله ) ▪يتبع ...
05-06-2021, 11:33 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
خلاصة العلمانية (2) ============= ▪أسباب العلمانية شنو ؟ العلمانية كنظرية متكاملة تم انتاجها قبل 250 سنة تقريبا، أما ك آراء شخصية بدون مُسميات فكانت موجودة قبل كدا بكتير ، ولفظة علمانية secular تم استخدامها لاول مرة عام 1648م
▪السبب الأول: ( تحريف الدين النصراني ) بعث اللهُ عيسى عليه السلام بعقيدة التوحيد ، وأنزل عليه كتابا واحدا هو الإنجيل، وأمر اتباع عيسى بحفظه من التحريف ، لكن للأسف في القرن الأول فقط تم تأليف 70 انجيل، مُلئت بالخرافة والدجل . التحريف دا بداهو واحد اسمه شاؤل الطرسوسي المشهور ب ( بولس ) ، مع انه ما حضر عيسى ولا شافه، كان وثنيا ، وتتلمذ على يد اليهود الحاقدين على النصرانية. ▪جزء من أتباع عيسى الصادقين زي آريوس ما سكتوا على التحريف دا، ودخلوا في مناظرات كتيرة ونزاع مع بولس ، وكانت النتيجة انقسام النصارى الى فريقين : 1- الموحدين بقيادة آريوس 2- المُثلّثين بقيادة بولس
▪قاصمة الظهر ... الإمبراطورية الرومانية الوثنية كانت تراقب هذه الخلافات لأنه النصارى موجودين في أراضيها، وليس للنصارى دولة مستقلة تدافع عنهم وعن دينهم . جاء الإمبراطور غسطنطين بفكرة جهنمية كما يقال .. في عام 325م عمل مؤتمر ديني لجميع طوائف النصارى بمنطقه نيقية، ( مؤتمر نيقية ) حضور المؤتمر من الفريقين 1- الموحدين حوالي 700 نفر 2- المُثلِّثين تقريبا 318 ▪الحصل شنو ؟ قسطنطين عمل قعدة خاصة مع المثلثين ورفع معنوياتهم، وبعد مداولات كانت النتيجة هي : 1- اعتماد عقيدة التثليث دينا رسميا للامبراطورية لأنها تتماشى مع ساسيتها. (عقيدة التثليث هي ان الله تجسد أو حلّ في المسيح عليه السلام ) 2- اعتماد 4 أناجيل فقط ( لوقا ، مرقص ، يوحنا ، متّى ) ومنع بقية الاناجيل وحرقها. 3- لعن وطرد كل من يخالف هذه القرارات وحرمانه من كل شيء. وبكدا استطاع بولس وأتباعه تحريف عقيدة المسيح عليه السلام بمعاونة ملك روما .
▫الخلاصة : 1- أول مرة يتم اختيار كنيسة رسمية للدولة منذ بعثة عيسى عليه السلام. 2- تم اختيار كنيسة روما ( عاصمة ايطاليا الآن ) مركزا عاما لكل النصارى في أوربا، وبعداك أصبح ليها فروع في بقية الدول. 3- حصل تحالف تام ومحبة وسلام بين غسطنطين والمثلثين تحقيقا للمصالح المشتركة . ▪ممكن حد يقو لي كلامك دا كله تاريخ ، علاقته شنو بالعلمانية ؟ الجواب : المعلومات دي بالذات مهمة جدا لفهم العلمانية بصورة صحيحة وبدونها حيكون الفهم ناقص ومشوّه .
▪يُتبع ...
05-07-2021, 10:55 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
خلاصة العلمانية (5) ============= السبب التالت .. ودا مهم جدا ▪الثورة الفرنسية : (حق الليلة الأولى ) إذا كنت خادما أو رقيقا ثم تزوجت ، فليس من حقك الدخول على عروسك في أول ليلة ، لأن هذه الليلة هي حق خالص للسيد الإقطاعي ... تخيل . بمثل هذه الممارسات القاسية وصل الظلم نهايته وبلغ الفساد ذروته . اضف لذلك قيام بعض المصلحين بنقد الكنسية ، أمثال مارتن لوثر وغيره ، مما أدّى إلى زعزعة الثقة في نفوس الأتباع تجاه الكنيسة. وايضا دور فلاسفة الطبيعة الذين أسسوا للعلمانية ، أشهرهم "جان جاك روسو" الذي ألّف كتاب ( العقد الاجتماعي ) لدرجة انه الناس سمو الكتاب دا " إنجيل الثورة " وفكرة الكتاب ببساطة انه الإنسان عشان ينظم حياته مفروض يقطع الروابط الدينية مع أي مجتمع آخر ويكتفي برابطة الوطن فقط، ويقطع الولاء للدين ويربطه بالدولة.
▪البداية .. كانت نقطة الانطلاقة عام 1789م عندما هجم الشعب على رجال الكنيسة وعلى الإقطاعيين ، قتلا وضربا ومطاردة .. حتى اشتهرت عنهم المقولة ( أشنقوا آخر ملك بأمعاء آخر قسيس ) وسبب قتل الملوك أنهم كانوا متواطئين مع الكنيسة، كل واحد لاقي مصلحة من التاني. ▪النتيجة : تم حل الجمعيات الدينية ، وتسريح الرهبان ، ومصادرة أموال الكنيسة، وإلغاء كل امتيازاتها، وبعدها تتالت الثورات في بقية دول أوربا.
▪تطورات خطيرة هناك جهات كتيرة زي اليهود استغلت الثورة وغيرت مسارها لتحقيق أغراض أخرى . في البداية مثلا كان شعار الثورة ( الخبز الخبز الخبز ) وفجأة وجد الثوار نفسهم يهتفون بشعار ( الحرية والإخاء والمساواة ) . وفي البداية أيضا كانت الثورة ضد رجال الدين ؛ وفجأة انقلبت الثورة ضد الدين ذاته .. وأخيرا انهارت الكنيسة بعد مرور 14 قرن من الاستبداد والغطرسة. ولأول مرة في تاريخ أوربا تقوم دولة مستقلة .. ولكنها دولة علمانية لا دينية . ▪تقوم فلسفتها على : #الحكم باسم الشعب وليس باسم الرب #وعلى حرية التدين بدلا من الكثلكة ( الدعوة للكاثوليكية ) #وعلى الحرية الشخصية بدلا من التقيد بالأخلاق الدينية. #وعلى دستور وضعي بدلا من قرارات الكنيسة .
▪خطأ فادح وقع فيه الثوار : تركت الثورة فراغا هائلا في العقيدة والاخلاق بسبب حذف الدين من الحياة. كانت آمالهم ان تقوم تلك الشعارات مقام الدين.. ولكنها لم تكن كافية لسد هذه الثغرة المهمة في حياة الإنسان.
طبعا كان ممكن يتمسكوا بدينهم وأخلاقهم وفي نفس اللحظة يحاربوا الظلمة من رجال الكنيسة . والأفضل من دا كله وهو الواجب عليهم كان ممكن يبحثوا عن الدين الحق - دين الإسلام - ويكونوا ضربوا تلاتة عصافير بحجر واحد. لكنهم للأسف حاربوا دينهم ثم اعتنقوا دينا آخر من حيث لا يشعرون .. دين العلمانية.
▪يتبع ...
05-09-2021, 03:45 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
خلاصة العلمانية (6) ============= السبب الرابع : نظرية النشوء والتطور ▪في عام 1859م كتب الإنجليزي تشارلز داروين كتابا سماه " أصل الأنواع " أثار ضجة كبيرة جدا في أوربا.
▫خلاصة النظرية أن داروين افترض ( ركز في كلمة افترض دي ) افترض أن الكائنات الحية كلها تطورت من خلية قذرة حتى وصلت لما هي عليه الآن . ▫يعني قبل كم ألف سنة ما كان في حاجة اسمها انسان بشكله الحالي .. الشكل الحالي دا ذاتو مرحلة من مراحل التطور .. ما معروف قدام يحصل ليه شنو ؟ احتمال يرتقي ويعمل ليه جنحين ويطير !! وعشان ترتقي لابد تنافس الكائنات المعاك لأن الموارد محدودة ، وعشان تنافس، انت محتاج لصفات تميزك عن البقية ! والصفات دي حتلقاها وين ؟ ما تشيل هم، الطبيعة هي البتوزع الصفات دي كلها !
بما أنه الكائنات دي كلها منحدرة من خلية واحدة عادي ممكن يكون القِرد خالك في النسب او يكون الحمار عمّك باللفة .. ليه ؟ لانه كلكم طالعين من سلف واحد !!!
▪تفتكر الغرض شنو من الفرضية دي؟ يقول آرثر كيث : ( إن نظرية النشوء لا زالت حتى الآن بدون براهين - وستظل كذلك - والسبب الوحيد في أننا نؤمن بها هو أن البديل الوحيد الممكن لها هو الإيمان بالخلق المباشر وهذا غير وارد على الإطلاق ) دا كله عشان ما يقولوا الإنسان تم خلقه بصورة مباشرة، لأنه دا يلزم منه وجود خالق وهو الله سبحانه . أي زول عاقل حيقول لي: والخلية الأولى دي ذاتها جات كيف ؟ طبعا هنا السؤال ممنوع! ▪كل دين من الأديان السماوية ينقسم إلى جزئين : 1- جزء خاص بالعقائد ودا يحتاج منك لتصديق بالقلب. 2- جزء خاص بالتشريعات ودي أفعال يعملها الشخص أو يمتنع عنها . ▪لما قامت الثورة الفرنسية حذفت الجزء الثاني من الحياة، وبقي الجزء الأول في قلوب الشعب؛ لأنه يجيب عن أسئلة مهمة ومزعجة في نفس الوقت .. زي : من هو الإنسان ؟ وكيف جاء إلى هذه الدنيا ؟ ومن هو الذي جاء به ؟ كيف وأين مصيره بعد الموت ؟ ...الخ ▫شعارات الثورة وكتب الفلاسفة تعجز تماما عن تقديم الجواب الكافي لهذه الأسئلة. ▫وعدم الجواب حيخلي الناس ترجع تاني للدين وتؤمن بوجود خالق للإنسان .. ودي مشكلة كبيرة بالنسبة للعلمانيين فلابد من وجود حل ! الحل شنو ؟ الحل إيجاد بديل يفتح الباب واسعا للإلحاد وإنكار الخالق ، عليه فقد تم استغلال نظرية داروين لتحقيق هذا الهدف .
▫الأسئلة السابقة دي حتظل تزن في دماغ كل من ترك الإسلام ، ولن يرتاح إلا إذا وجد إجاباتها الصحيحة ، غير كدا معناها حيستمر في القلق والخوف من المجهول. أكيد الإلحاد كان موجود قبل داروين ، لكن هذه المرة تمت صبغته بالعلم زورا وبهتانا حتى تقبله النفوس .
يقول أغازيس - أمريكي - : ( إن الافكار الداروينية مجرد خرافة علمية وسوف تُنسى ) للاسف مع خرافتها دي نحن درسناها ضمن المواد المقررة علينا في الجامعة .
قال الله : ( ما أشهدتُهم خلقَ السموات والأرض ولا خلقَ أنفسهم )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
زهير عثمان حمد
كمال عباس
صديق مهدى على
ABDALLAH ABDALLAH
Hafiz Bashir
محمد البشرى الخضر
علي عبدالوهاب عثمان
Amira Hussien
adil amin
Hasheem Karouri
محمد حمزة الحسين
فيس بوك
تويتر
انستقرام
يوتيوب
بنتيريست