نعمة أن تكون سودانياً

مرحبا Guest
اخر زيارك لك: 05-08-2024, 12:12 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-25-2021, 04:02 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
نعمة أن تكون سودانياً

    04:02 AM April, 24 2021

    سودانيز اون لاين
    Tagelsir Elmelik-فرجينيا الولايات المتحدة
    مكتبتى
    رابط مختصر



    نعمة أن تكون سودانياً!
    من نعم الله علينا، نحن السودانيون، والتي لا تحصي، أننا (نلفق) في اي مكان وفي اي زمان.. قولو لي كيف؟
    اقوليك كيف
    في كل سنوات تجوالي في العالم، إهتديت إلى هذه الحقيقة الباهرة، حقيقة كوننا متفردون، وقد اسعفتني هذه النعمة، وبفضل إستغلالي لمنافعها، أنها أخرجتني سالماً، في أحلك الاوقات، انقذتني من مهالك، كدت أقنط فيها من نجاة وسلامة، وقد اضاء الله قلبي بحكمته في خلقنا من عنصرين بشريين، العرب والافارقة، فأدركت منذ عهد بعيد، المكرمة التي خصنا بها دون عباده، وعلمت بأن ذلك لكرم منه، لا يدركه إلا أولي الألباب، ولا يختص به إلا من سبب لهم الأسباب.
    فكنت إذا جلست، أو إلتقيت حتى ولو من على البعد، باي (بلاكمان)، من اي جهة ومكان، وزمان من الأزمان، وبمجرد أن نتبادل الشفرة الغمزية، والعاطفة اللونية، وننشد اسمر جميل فتان، فإنني طوالي أكون قد تأمنت ضد كيد المعتدي، اياً كان، وأينما هو كائن، إلا إذا كان كوزاً، فهذا النوع لئيم زنيم، وأظل في حفظ اللون، والذي هو للون رحمة، وصون، حتى يشرق ضوء النهار. فإذا بي وهو Brothers
    لزم
    لا يهم من اين أتى هذا (البرظر)، أو من اي من مناحي القارة السوداء، افريقيا، فليكن من غانا، ليبيريا، نيجيريا تمبكتو، جزر القمر، أو حتى ملاقاسي، فهو في الأصل من تنقاسي. أومن الويست أنديز، شاكي السلاح وراشي الراسطا بموية باسطة،
    (روب ادوب ستايل)، ( بمبا كلوت) من جاميكا ، فهؤلاء أولاد ماركوس غارفي، الريفوليوشن عندهم، عصير منقة وكبنقة.
    أها الدرب يوم يجيبك في نيويورك، تشق هارلم دي من اولها لاخرها، تلاقي (البرظرات) الما خمج، ما يفرزوك منهم إالا (بالكيرلي)، وأطمئن، وخت في صدرك واقي رصاص، مايحصل ليك (ستيك اب)، الا تكون منحوس بس، ولا تكون مشلخ، ولا شغال في دكان يماني.
    أها ديامة هارلم ديل، أي رجل ابيض ولا هسباني، يفتح (دنقلو) معاك، بدوه في (دنقلو)، ديل كمان البونية عندهم ناشفة، ومملحة، بعد ما يخبتو الزول، ويقع من طولو، بقولو ليه، من باب النصيحة البحتة:
    Stay where ya at, Sucker, for at least 30 minutes, you won’t be able to walk for a while, but that’s aaaaaaight!
    تمرق من هارلم، تخش اوروبا، كان لقيت روحك في نص شكله وكان في مغاربة ولا جزائريين، ولا توانسة، إنت سعيد في الدنيا دي، الأخ سوداني؟ يدقو ليك الناس دق العيش، بالكف وبالبونية وبالزاف.، هكا هكا. بضاربو معاك، لمن تقوليهم يا جماعة، شكر الله سعيكم، ما قصرتو. مرة أنا بتضارب مع سوداني في نيويورك، اصحابي الجزائريين طارق وكريم، كل واحد فيهم عنده خمسين بلاك بيلت، وصلو، وقعو في السودانيين الواقفين يتفرجو، الشمشارة، درشوهم درش، البني كجة، مجندلين، مافهمو حاجة، وقفت الشكلة وجيت لثوار الجزائر، هدو اللعب، حنستهم قلت ليهم ديل سودانيين برضو، حتى البني كجة شمو عافية.
    والعجب الفلسطسينية، لو جابك الدرب على إيطاليا، ولا صويلح، ولا طرابلس الفي لبنان، خيو خيو، الله وكيلك، برصصو ليك اي واحد بلمسك، كل واحد فيهم عنده بازوكا واربي جي في البيت، يمانية عراقيين شوام اكراد ... سوداني؟ تكرم عينك، لو ناقص ليك حق مواصلات ؟ مافي مشكلة يا معود يا زلمي يا ابو الشباب. ياخي اولاد وادي النيل بضاربو معاك، واضعف الإيمان بشجعوك هههههه، أديلو على افاه، ابن ال ... ع الصبح.
    ياخ أنا كنت بشق، بيروت الشرقية، حصن الكتائبيين العتيد، لو اي عربي دخل هناك، بيقتل، أنت سوداني؟ اتفضل روح خيو، ولك أباضايات إنتو، اباضايات وين وأنا ركبي سايحة. يا رجل، داخل على غابة من الكلاشات، وكل الحكي، أوَّصتو وأوَّصناهم.
    ياخي ابالغ ليك؟ اليونانيين بشاكلو معاك، يا سلام (خدرتك) إنت من السودان؟ بتعرف ديمتري البازار، وكونتي ميخالوس؟ ديل جدودي، وبتشرب بزيانوس؟ وخوري وعبيد؟ بابا كوستا كيف؟ يلا يا جماعة نضارب معاه كاليميرا كانسبيرا.
    فشنو
    أعلمو أنكم متفردون، أيها السودانيون
    اللوتري ده عملو عشانا






                  

04-25-2021, 06:02 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9390

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: Tagelsir Elmelik)

    ههههه
    غايتو ذكرتّني السوداني الشاكل الليبي فى ليبيا
    بعد حجزوهم قال ليهو
    يا انت يا انا فى البلد دى
    رمضان كريم و تصوم بفضله و تفطر على خير رزقه

    (عدل بواسطة جلالدونا on 04-25-2021, 06:09 AM)
                  

04-25-2021, 07:16 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 10336

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: جلالدونا)

    ابو السرة ياخ
    Quote: اللوتري ده عملو عشانا

    ذكرتني سيرة سيئ الذكر
    و انا ما بجيب سيرة الجنوب هههههههه
                  

04-25-2021, 07:30 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 10336

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: خضر الطيب)

    واحد قال يا ابو السرة انو السوداني ذي الضب الصحراوي بتاع خميس مشيط داك
    اللي هو الورل اكيد بتكون اكلتو لانو هو كان الفياغرا بتاعة السعوديين و حتى الأجانب
                  

04-25-2021, 08:34 AM

walid taha
<awalid taha
تاريخ التسجيل: 01-28-2004
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: Tagelsir Elmelik)

    ده غير كمية الناس البحبونا فى الله بس عشان الفيتوري :)
                  

04-25-2021, 08:42 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: walid taha)

    بزاف بزاف 🐸🐸🐸

    غايتو تنقاسي دي بالغت فيها

    زرت في الأمارات بلدة غياثي (ينطقها السودانيون قياسي)

    قبل اربعين عاما كانت صحراء بلقع

    قيل أن أحدهم وكان متنفذا ملأ هذه الصحراء من أهله من تنفاسي "صحراويون: حديد لاقى حديد"

    حسبما روي لي انو بعضهم سعى عند الكبير: خالي وديني دبي .... عمي وديني الوظبي

    يقال انه قال لهم قولة صارت مثلا (يا قياسي .... يا تنقاسي)

    فأختاروا قياسي وصار لهم بنين وحفدة لا بكادون يطرون تنقاسي السوق😀😀😀
                  

04-25-2021, 06:09 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 18040

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نعمة أن تكون سودانياً (Re: عبدالله عثمان)

    با تاجوالأريب
    انت نظرية الحجبات دي ما حجوك بيها واللا شنو ؟
    ..............
    أنا بعرف فكي بجيبوا ليهو شاي لبن شييييييت
    يشطف اللبن وبخلي الشاي سادة خخخخخخ
    ولو ما صدقتو بياكل الكوباية قرمشك قرشك يخلي الشاي
    واخف في الهواء برااااهو الله ورخبتو خخخخخخخخ
    أو كما قال محمد محمد علي.. هههه
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de