|
|
|
 Re: سودانيات في المهجر... أوضاع يندى لها الجبي� (Re: محمد التجاني عمر قش)
|
حاولت ما أتداخل في بوستاتك لكن غلبني صراحة
ياخي عندك استعلاء ذكوري غريب خلاص
معقولة نحن في سنة 2021 المرأة عندنا دخلت المجلس السيادي وبقت رئيسة قضاء ووزيرة خارجية ووالية وانت بتدافع لي عن فكرة المحرم؟
يعني طبيبة ما عندها زول يسافر معاها معناها تتمنع من الشغل؟
ياخي انت من زمن البنت بتقعد في البيت واخوانها يدوها المصاريف؟!!!! لا لا يا باشا بقن شغالات عاااادي وعندهن مصادر دخل وقاريات جامعات وبعرفن يحافظن على روحهن
ليه خاتي في بالك إنه السودانوية مربوطة بسلوك أنثى؟ وياتو يوم خلى السودان من العاهرات؟
لو مشكلتك في الدعارة نفسها أبشرك شوارع الخرطوم مليانة عاهرات والجمبات على قفا من يشيل
لكن انت مشكلتك ليست في الدعارة نفسها بل في نظرة الخليجيين ليك انت شخصياً لما يتكلموا عن عاهرة سودانية
انت ما عندك مشكلة في إنه البت دي تبيع جسدها جوة السودان لكن حريص على سمعتك انت شخصياً من ممارساتها خارج السودان
يعني انت ما هاماك المرأة وإنما هاماك سمعتك !
شوف يا حبيب الدعارة دي أقدم مهنة في التاريخ وموجودة في كل الأجناس والقوميات والسودان ليس استثناء
حاول اتعامل مع واقع وجود دعارة في السودانيات عادي وما تنصب نفسك مدافع عن حقوقهم بالطريقة الفجة دي لأنك كدة بتمنعهن حقوقهن ما بتدافع عنها
مافي فرق بينك وبين حملة السيطان البضربوا في اللابسات بناطلين
| |
 
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: محمد التجاني عمر قش)
|
| Quote: لكن خصويتنا كسودانيين تحتم علينا الحفاظ على السمعة الطيبة التي ظللنا نتمتع بها بين الشعوب |
ما عندنا أي خصوصية نحن شعب عادي
فيه الفاسد والسارق والقاتل والسكران
أفراد الأمن سودانيين، الكيزان سودانيين، الفضوا الاعتصام واغتصبوا البنات سودانيين، حكومة الانقاذ كلها سودانيين
في زمن سابق كان الاغتراب حصرياً على قلة قليلة من المؤهلين أدت احساس إنه دة السودان لكن حالياً الاغتراب بقى مفتوح للجميع والحنك بتاع إنه السوداني ما بعمل كذا دة خلاص انتهى
مافي حزمة أخلاق جاهزة مربطة كدة اسمها (السوداني) ولا في صفة بتنطبق على كل السودانيين
موضوع السوداني مشهور بالأمانة وبتاع دة شغل اعلام ساي .. أنا القدامك دة بعرف اتنين سودانيين أساتذة في الجامعة ببيعوا الامتحانات للطلبة زي الما حاصل حاجة
انت ممكن في مجتمعك ومجالك تعكس تربيتك ونشأتك وأخلاقك الاتربيت عليها، بس ما تعتبر إنه السودان كلو اتربى زيك
اتقبل وجود الفساد السوداني على أنه أمر طبيعي وهو نحن لو ما الفساد دة كنا اغتربنا من أساسه؟!!
بعدين كيف تقول لي انت ما بتحرم المرأة العمل وانت في كل منشوراتك بتتأسف على منح التأشيرات للنساء!!
هسة شوف بداية منشورك دة | Quote: حتى وقت قريب كانت الأنظمة والقوانين في السودان وفي دول الخليج لا تسمح بسفر المرأة أو دخلوها إلى تلك الدول من غير ذي محرم، ولكن للأسف الشديد تبدلت الأحوال الآن حتى أصبحت بعض دول الخليج، التي تستقبل معظم المهاجرات السودانيات، تسمح بدخول النساء بدون محرم سواء كان ذلك بتأشيرة سياحية أو ما شابهها |
زعلان وبتتأسف على منح التأشيرات بدون محرم! نان هو المنع كيفنه؟!!
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: أحمد محمد عمر)
|
بعدين كيف تقول لي انت ما بتحرم المرأة العمل وانت في كل منشوراتك بتتأسف على منح التأشيرات للنساء!!
هسة شوف بداية منشورك دة
حرصي عليهن واجب ومن يحرص ثمينا يبخل
ليه ما نحافظ على عروضنا
إذا ذهبت سمعتنا بممارسة خاطئة فماذا بقي لنا
هل نفسد إذا أفسد الناس
لا والله
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: محمد التجاني عمر قش)
|
| Quote: حرصي عليهن واجب ومن يحرص ثمينا يبخل |
نفس الحنك بتاع حملة السيطان
نحن والله حريصين على البنات وسترتهن عشان كدة بنجلد الما لابسة كويس
وبالمناسبة انت ما حريص عليهن ولا حاجة
البنات البتتكلم عنهن ديل قاعدات في السودان من زمن حفروا البحر لكن انت حريص على رأي الكفيل فيك | Quote: إذا ذهبت سمعتنا بممارسة خاطئة فماذا بقي لنا |
انت مشكلتك شخصية .. يعني يفسدن جوة السودان بعيد عنك ما عندك مشكلة لكن يفسدن في الخليج والناس تذمك بيهن الموضع بياكل معاك جمبة
ما تعمل فيها طيب وود بلد حريص على العرض وبتاع لأنه دعوتك بتقييد سفر النساء دي لا تفرق أي حاجة عن ممارسات النظام العام
ما هم ناس النظام العام لمن بجلدوا النسوان ويعتقلوهن برضو كانوا زيك كدة بحافظوا على الأعراض
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: أحمد محمد عمر)
|
أسوأ ما في نوع طريقة تفكيرك دي هي الذاتية والأنانية
عندكم بنات مفسدات في السودان؟ بالله امسكوهن هناك ما تجيبوهن عندنا يشوهن سمعتنا
مافي أي تفكير في أصل المشكلة ومسبباتها وطرق معالجتها لأنه المشكلة الأصلية ما بتهمك في أي حاجة
يعني حتى ما جبت سيرة المفسدات بتاعات اوربا عشان بعيدات عنك
انت ما مهتم بالسيدة السودانية برغم كل محاولات ادعاء المسكنة والنية الطيبة بتاعتك دي .. انت مهتم بنظرة الخلايجة ليك وبس
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: محمد التجاني عمر قش)
|
عارف!
أنا قاعد في السعودية 8 سنوات ما حصل شفت أو سمعت بي بت سودانية ما كويسة
نهاااااائياً .. والله العظيم
ولا حصل سمعت أي عربي بتكلم عن فساد السودانيات
السبب إني ما بتواجد في المكان الغلط ولا بصاحب الناس الغلط
عايش في مجتمع أسري عادي بنتلم كأسر في الأفراح والأتراح والعازبات الحوالينا كلهن شغالات لما نكون ماشين السوق بتتصل بيهن المدام تشوف الدايرة تمشي معانا منو ويوم الجمعة لو فاضيات بتصلن عاوزات البنات .. بودي ليهن بنياتي الصغار يلعبوهن ويدلعوهن ونجيبهن منهن آخر اليوم محملات بالهدايا والحلويات
دة المجتمع العادي الطبيعي في السودان عشان كدة ممكن ببساطة أقول ليك في كل المدن والمجتمعات العشت وسطها في السعودية مافي بنت كعبة
هل دي معلومة أكيدة؟ طبعاً لأ .. لكن بالنسبة لي زول زيي عايش في أسرة ومجتمعه ما مهتم بفضائح البنات ما حيعرف كعبات
لكن نوعك البقعد مع ناس ونستهم كلها كان شفت فلانة خارباها وانا لاقيت واحدة في البلد الفلاني صفتها ونعتها كذا وكذا ويقعد يتونس مع الخلايجة في مغامراتهم العاطفية ... نوعك دة ياهو البكون شايف البنات كلهن كعبات ويجي يملأ النت بي شماراته دي وهاك يا إدعاء تدين ووطنية وأنقذوا بنات بلدي
الشباب الشايلين السيطان يدقوا في الما لابسات كويس هم أصلاً النوع الحارس الشوارع يتفرج في البنات ودي لابسة شنو ودي ما لابسة شنو عشان كدة عملوا لبس البنات قضيتهم .. لأنه دة حد اهتمامهم وشغلتهم الدائمة .. لكن الشاب الطبيعي الماشي شغله وبفكر في همومه ما بكون المشوار عندو بحلقة ولا بعدي زمنه تفحّص في ملابس البنات. وحتى لو شاف واحدة عريانة وهو متدين بقبل الناحية التانية وخلاص.
انت والناس البتنقل عنهم برضو دي ياها حياتكم بس تتلموا وتقعدو تتكلموا في فلانة فعلت وفلانة تركت لا تخلو ليكم بلد ولا مطار ما تتبادلوا فيه الشمارات عشان كدة ما بتكون شايف أي بنت في الدنيا غير البنات الفي ونسات المغامرات العاطفية
متى ما اتواجدت في المكان الصاح مع الناس الصاح واتونست الونسة الصاح حتكتشف إنه البنات ديل كائنات عادية وشغالات زيك في وظائف عادية وإنه الأنثى ما لحم معروض في فترينة! وحتستغرب للمطالبة بوجود محرم لأنه ببساطة أي سوداني حولها ممكن يبقى أخوها ويساعدها وأي أسرة سودانية بتبقى أسرتها وزي ما بتعيش في السودان وبتقرأ وتشتغل في مدن تانية تسكن داخليات أو يأجرن بيت عازبات برضو في الغربة ممكن يعملن نفس الحاجة لو سبتوهن في حالهن
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: HAIDER ALZAIN)
|
الشكر والتقدير لك أحمد محمد عمر
الاخ الفاضل شايف النساء هم
سبب تشويه سمعة السودانيين
اين الدجل والفساد والسرقة والشعوذة
والطرق الملتويةوالغش وغيرها وغيرها
كل هذا لا يعتبر تشويه سمعة
مافي داعي للتنميط
ورمي تشويه سمعة دي السودان
علي النساء
انحنا في اي قرن،!!!!!!!
رمضان كريم
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: tasneem)
|
يا أختي العزيزة
النساء هن ضحية لممارسات خاطئة وغش وتزوير من قبل تجار البشر ومافيا التأشيرات سواء في الخرطوم أو دول المهجر ونحن لا نقر أي ممارسة ربما تسيء لسمعة السودان وشعبه ولكن هنالك أحداث تمت الإشارة إليها وهي معلومة لدى كثير من الناس هي ما جعلني أتناول هذا الأمر وعموما قد تكون الظاهرة في الرياض محصورة حتى الآن لكنها قد تتفشى لا سمح الله.
| |
|
|
|
|
|
|
|
|
|
Re: سودانيات في المهجر... أوضاع يندى لها الجبي� (Re: محمد التجاني عمر قش)
|
شكوى سعودية من تزوير في مستندات السفر.. وتوجيهات سودانية بالتقصي
20 أبريل، 2021

الخرطوم : النورس نيوز
بحث اجتماع لوزيرة الخارجية مريم الصادق المهدي و سفير المملكة العربية السعودية لدى الخرطوم علي بن حسن جعفر ، العلاقات الثنائية وسبل دعمها وتطويرها في مجالات التعاون المشترك سيما متابعة تنفيذ مخرجات زيارة رئيس الوزراء للمملكة العربية السعودية، وثمنت الوزيرة وقوف المملكة العربية السعودية الى جانب السودان ودعمها له في القضايا الآنية مؤكدة تطابق وجهات النظر بين البلدين في المحافل الدولية.
كما بحث اللقاء المشكلات القنصلية الخاصة بالتزوير في المستندات الرسمية وعقود الزواج، وقد وجهت وزيرة الخارجية الجهات المعنية بالوزارة للوقوف على استقصاء الأمر ووضع الحلول العاجلة له
| |
|
|
|
|
|
|
| |
محمد التجاني عمر قش
Yasir Elsharif
سيف النصر محي الدين
HAIDER ALZAIN
فيس بوك
تويتر
انستقرام
يوتيوب
بنتيريست