الأستاذ محمود محمد طه: الغوث مثال الإنسان الكامل

Quote: الأستاذ محمود محمد طه - أوتاد الأرض 455 Aufrufe •10.02.2021 10 4 Teilen Speichern Alfikra 9080 Abonnenten الأستاذ محمود محمد طه أوتاد الأرض الإنسان الكامل، باستمرار، موجود – باستمرار، موجودة الصورة بتاعته، ومثاله.. والقصة الحكوها لينا عنه – عن الخضر وموسى، بالصورة الحكوها ليهم – عبد عارف «معرفة إلهية كاملة»، ودا موجود، باستمرار، وطائف في الوجود.. يتنقل من جسد لجسد؛ لكن، أصلو، ما ينعدم.. زي هسع يقولوا ليك، مثلًا، الأولياء ما ينعدموا من الوجود، بالمرة.. كأنهم هم «أوتاد الأرض»، يمنعوا الأرض من أن تميد – هم البيثبتوها.. عندهم وكت ظهور، وعندهم وكت خفاء.. في رأسهم زول بيسموه «الغوث»، مثلًا.. الوجود دا، أصلو، ما ينقص منهن – عددهم ما ينقص – يظهروا أو يختفوا، لكن لا يمكن أن يُعدموا.. وهم العين البينظر بِها الله للوجود – هم موضع نظر الله للوجود دا – وقيومية الله للوجود.. فهم موجودين جسدًا، وموجودين معنًى