لو عرفتي في غيابك الحصل علي شنو من مواجع الشوق الصعبه كيف وقلق الهواجس اللي بتتمدد تسيطر بالجد علي كل حواسي وأنكسرت بقيت وحيد غرقان في أحزاني وبحاول أنسي بقول أمكن بكرة أحسن وبنادي يا لطف اليقين وسألتك تعال في مناجاة روحية عميقة بالجد وقعت في محنه وأزمه دي بقت رحلة عمري انت لو عارفة شوقك عمل فيني شنو حتي عيوني فيك طماعه ومن الحنين ليك كل عين عايزا تشوفك براها مافي شمس طالعة علي إلا وذكرتني بيك وهو متين أنا ما فكرت فيك أنت ما حاجة منحوته جواي وانا عارف لو انا كل زوايا الاوضه دي بسالها هي وين ؟ وأنا عملت فيها شنو كانت عمرى ما نمت ليلة وأنا ناسيك ولما بيصحى أول خاطري يطوف بي هو انت وصورتك بقول مرات خليني أغيب شويه عشان ما يبقي اللي بينا حب عادي وأشواقنا تبقي زي نوبات الجنون وحقيقة بقولا ليك التلفون ما بتطمن حتي لو طال الكلام و ما بكيفيني فيك تسكوني روحي وما عايز صورة اشوفك منها بالجد أشتقت ليك ومكسر فيك وبحلم أكون مسكون بيك وطوالي خيالي يسرح ويجيك أتخيلي بشتهيك وبخاف وبهرب منك وكمان مرات بقول شوقي ليك أمكن يكون ملل انت كان عارفة ريدي ليك هو عمري وبكرة اللي بحلم بيها سالتك بكل عزيز وغالي ما تبعدي و خلينا سوا وأخيرا معليش أنا بتاسف لو بحكي مشاكلي ومعاناتي انا عارف انو انتي مقدرة أني بحكي وعشمان فيك خير وما فاضل شئ غير بس من يوم حكايتي معاك ذكريات جميلة وصور وصدقيني في غيابك الدنيا مضلمة وما فيها رحمة وماأصلك انت حلمي وصعب تاني أجي وأنا في الباقي من عمري ولو أتحتملت فراقك اح أكون عايش فى ذكرياتي معك والاحلام وأصلي في لحظة ما فكرت أني ح أقدر أودعك وأنا منو لي في الدنيا غيرك وكنت بقول بفخر وسط اصحابي وبقول عندي زوله ح تبكيني وتتوسد قبري . وياحسرة البعاد # .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست