|
|
 Re: *وتتوالى إخفاقات لجنة إزالة التمكين ! ب� (Re: الزبير بشير)
|
نعم عمل اللجنة مثله مثل أي عمل بشري فيه قصور وعندهم لجنة استئنافات لمعالجة الأخطاء
لكن الكاتب هنا يشير لمعرفته بالمذكور قبل 40 سنة من الآن !!!
يعني قطع شك حيكون ياهو نفس الشخص الخليتو في داخليات البركس أيام نميري؟!!
* هو من علماء الاقتصاد القلائل وكان طوال 40 عام في مركز اتخاذ القرار وينه علمه دة في إقالة عثرة الاقتصاد السوداني؟
* الكلام عن معارضته للحكومة وهو موظف في البنك المركزي دة ضحك على الدقون ساي .. ممكن يكون ما موالي للحكومة لكن ما ممكن يكون معارض ويسيبوهو جوة خزينة البلد اللي ما بتعين فيها إلا خاصة الخاصة .. يعني كشوفات الإحالة للصالح العام دي كلها زاغ منها وهو معارض!!
* كاتب المقال يتحدث عن فساد في الطباعة! فساد ساي كدة بدون أي تفاصيل! وبرعي وقف ضد الفساد بتاع الطباعة الما سمع بيه زول دة وما سمعنا بيه أيام فساد الإنقاذ 30 سنة !!
* لم ينتمي للكيزان وكان معارض للحكومة ورغم كدة تم تعيينه مدير لمصنع سك العملة! معقولة بس ؟!!!! ياخي الكيزان ديل كانوا ناس كويسين خلاص هو معارضهم مالو!
* موضوع سنحت له الفرصة للعمل في الخارج وبتاع دة كلام للاستهلاك ساي ! سنحت دي كيفن؟ يعني جاهو وفد من بنك قطر المركزي في مكتبه السودان للتعاقد معاهو وهو رفض؟
* الإنقاذ الفاسدة 30 سنة خلتو في مكانه عشان هو كفاءة؟ من متين الحكومة بتحتفظ بي كفاءات؟ أمال الصالح العام دة شنو؟
لكن المشكلة في إنه القحاطة - بحسب الكاتب - لأنهم مفسدين لسة ما شالوا قروش البلد لكن مخططين يشيلوها قاموا أقالوا الرجل النزيه الذي ظل شاهداً على كل سرقات البلد أيام الانقاذ وما فتح خشمه ولا شالوهو من وظيفته! قال حقاني ودغري قال! حقانتيه دي كانت وين 30 سنة؟ كان داسيها لليوم الأسود!
____________
ممكن يكون مظلوم ومن حقه يستأنف .. لكن شغل اصحاب اصحاب دة ما بنفع في القضايا العامة
أنا شفت في الفترة الفاتت ناس فداسي محتفلين بخروج جمال الوالي الاغتنى في زمن الانقاذ بقروش جهاز الأمن .. والكواهلة مدافعين عن وداد بابكر .. ومواطني الحصاحيصا معتصمين عشان يفكوا الوزير الإنقاذي كمال عبد القادر الاعتقلوا الأطباء وعذبوهم في زمنه.
مسألة إنه فلان كويس عشان انا قريت معاهو قبل 40 سنة دي تفتقر لأدنى مقومات المنطق ولا تختلف عن دفاع العوائل عن أبناءها من فسدة نظام الإنقاذ
|
|
 
|
|
|
|
|
| العنوان |
الكاتب |
Date |
| *وتتوالى إخفاقات لجنة إزالة التمكين ! برعي الصديق نموذجاً* | الزبير بشير | 03-02-21, 07:20 AM |
| Re: *وتتوالى إخفاقات لجنة إزالة التمكين ! ب� | الزبير بشير | 03-02-21, 07:24 AM |
| Re: *وتتوالى إخفاقات لجنة إزالة التمكين ! ب� | الزبير بشير | 03-02-21, 07:28 AM |
| Re: *وتتوالى إخفاقات لجنة إزالة التمكين ! ب� | الزبير بشير | 03-02-21, 07:32 AM |
| Re: *وتتوالى إخفاقات لجنة إزالة التمكين ! ب� | الزبير بشير | 03-02-21, 07:38 AM |
| Re: *وتتوالى إخفاقات لجنة إزالة التمكين ! ب� | أحمد محمد عمر | 03-02-21, 08:16 AM |
| Re: *وتتوالى إخفاقات لجنة إزالة التمكين ! ب� | Abureesh | 03-02-21, 08:42 AM |
| Re: *وتتوالى إخفاقات لجنة إزالة التمكين ! ب� | محمد البشرى الخضر | 03-02-21, 10:20 AM |
| Re: *وتتوالى إخفاقات لجنة إزالة التمكين ! ب� | HAIDER ALZAIN | 03-02-21, 11:04 AM |
| Re: *وتتوالى إخفاقات لجنة إزالة التمكين ! ب� | Biraima M Adam | 03-02-21, 02:01 PM |
| Re: *وتتوالى إخفاقات لجنة إزالة التمكين ! ب� | محمد محمد قاضي | 03-02-21, 02:14 PM |
| Re: *وتتوالى إخفاقات لجنة إزالة التمكين ! برعي الصديق نموذجاً* | Hafiz Bashir | 03-02-21, 04:49 PM |
|
| |
فيس بوك
تويتر
انستقرام
يوتيوب
بنتيريست