كتب الكاتب الفاتح جبرا المتوفرة بمعرض الدوحة
|
Re: التفاصيل الكاملة لاجتماعات مجلس الوزراء � (Re: خضر الطيب)
|
برامج طموحة و مثالية تحتاج الى وقت والى موارد مالية وبشرية مؤهلة.. يمكن ان تكون خطة بعيدة اامدى.. العبرة في التنقيذ.. يا ريت لو مسكوا حاجة او اثنين وجودوها.. بالنسبة للتوسع في اازراعة المطرية.. هناك علامة استفهام...اذا كان في مناطق الزراعة الالية في شرق السودان، تذه مشكلة لانه الزراعة قي تلك المناطق متدنية الانتاج بسب استهلاك التربة و تحتاج لاستخدام السمادىبكثافة..
| |
|
|
|
|
|
|
Re: التفاصيل الكاملة لاجتماعات مجلس الوزراء � (Re: محمد عبد الله الحسين)
|
هههههههه والله كان طموحه ما بعرفوا ... هسي فرقها شنو من توصيات الكيزان؟ وفرقها شنو من توصيات وخطابات اللسد النتر؟ ما أهو البلد مشكلتا معروفة ومعلومة لي بت بتي ... سواقة خلا على أصولها ... بلد لازالت صفوف الرغيف تتطاول فيها ... البلد لازالت صفوف البنزين بالكيلومترات صباح اليوم ... البلد لازالت تفرض فيها زيادات الترحيل والمواصلات كل صباح جديد داخل شوارع الخرطوم ... البلد لازالت تقطع فيها الكهرباء يوميا في جميع أنحاء العاصمة وأنحاء الشبكة القومية لمدة ٨ إلي ١٠ ساعات ... البلد عدمانا الغاز ولازالت صفوف أنابيب الغاز في كل أحياء العاصمة مشهد رئيسي في الأحياء ... ولو عايز تستخدم فحم بيلزمك ٥٠٠ جنيه عشان تطبخ حله ... البلد صار فيها كيلو الضأن بي ١٣٠٠ جنيه وكيلو البقر بي ٨٠٠ و٩٠٠ جنيه وكيلو العضام والجلافيط بي ٥٠٠ جنيه ... البلد حصل فيها كيلو السكر ٤٠٠ جنيه ... البلد حصل فيها كيلو الطماطم في موسم إنتاجها (الشتاء) حصل ١٥٠ جنيه وكيلو البطاطس ٣٠٠ جنيه وربطة الجرجير الصغيره بي ٥٠ جنيه وربع البصل بي ٧٠٠ جنيه (٥ بصلات بي ١٠٠ جنيه) ... إلخ البلد اتكنسلت (اتلغت) فيها فئات العملة (٥ و١٠ و٢٠ جنيه) لأنو بقت ما بتجيب حاجه ... كباية الشاي ٥٠ والقهوة ١٠٠ ...
اجتماعات مجلس الوزراء ٣ يوم وتخرج توصياته دون حتى تعزية المواطن في مصيبتو الواقعة عليهو دي ... دا ما ياهو شغلة الكيزان زااااااتا ... هسع داخل التوصيات وكلام الوزير هل في سيره لحل أي مشكلة من المشاكل الفوق دي وحالتا دي المناظر بس؟
| |
|
|
|
|
|
|
Re: التفاصيل الكاملة لاجتماعات مجلس الوزراء � (Re: Salah Zubeir)
|
لو ما كان معاش الناس هو أولى أولويات الحكومة فلمن تقوم المشروعات والبرامج الطموحة؟ ما تمتلكه الحكومة من أموال يجب أن يذهب لدعم المواطن (موظف الحكومة وغالبية المواطنين خارج جدول رواتب الحكومة) ... دي الأولوية القصوى ... ولابد من دعم المنتجين أيضا بترك السوق للعرض والطلب ... مشاكل الطاقة (المحروقات وكهرباء) من المشاكل المزمنة نتيجة لي ٥٠% ضعف إداري و٥٠% ضعف موارد ... جود الإدارة ووجه ما يتاح من موارد لحلحلة المشاكل ... دا شغل الحكومة التي تعني بمواطنها في هذه المرحلة ... سواقة الخلا نتيجتها الحتمية ثورة الجياع قريبا جدا ...
| |
|
|
|
|
|
|
Re: التفاصيل الكاملة لاجتماعات مجلس الوزراء � (Re: Salah Zubeir)
|
Quote: ١ :- المحور الإقتصادي والإجتماعي ... ٢ :- محور السلام ... ٣ :- محور الأمن ... ٤ :- محور العلاقات الخارجية ... ٥ :- محوالإنتقال الديمقراطي ... |
This is bul ls h it وزيرة المالية السابقة جعلت المواطن الغلبان هدف أساسي عشان تلقط وتجمع موارد الميزانية التي من المفترض تنصرف على الخرابيط الخمسة أعلاه ... ماذا فعلت :- رفعت أقل سعر للكيلواط/ساعة من ١٥ قرش لي ١١٤ قرش خفضت كمية الكهرباء المدعومة من ٦٠٠ لي ٣٠٠ كيلوواط/ساعة ١ :- ال ١٠٠ الأولى ١١٤ قرش .. قبل ال٢٠٠ الأولى ١٥ قرش .. ٢ :- ال١٠٠ الثانية ١٥٦ قرش .. قبل ال ٢٠٠ الثانية ٣٢ قرش .. ٣ :- ال ١٠٠ الثالثة ١٨٥ قرش .. قبل ال ٢٠٠ الثالثة ٥٣ قرش .. ------------------------------- بعد ال ٦٠٠ كيلو واط المدعومة كان لسع ممكن تشتري ال٢٠٠ الرابعة بي ٨٦ قرش للكيلو الواحد ... الآن ال ١٠٠ الرابعة تدفع ٦ جنيه و٣٠ قرش للكيلواط الواحد ... وتتدرج الأسعار بي زيادات مخيفه ما بعد ال ٥٠٠ كيلوواط ... ------------------------------------------- المواطن المسكين ما عندو فكرة عن زيادة أسعار الكهرباء وتأثيرها عليه لأنها اعلنت ابتداءا من ١/١/٢٠٢١ والدنيا شتاء حيث يقل الاستهلاك ... تعالو شوفو وجع الناس بداية" من نهاية هذا الأسبوع ... حيث ارتفاع درجة الحرارة الجد جد ... ------------------------------------------------ الحكومة العجيبة دي بتسرق رسوم المياه من المواطن الغلبان دا ... أقسم بالله سرقة عديييل ... قبل الأول من يناير ٢٠٢١ كانت الحكومة بتسرق ١٥٤ جنيه من فاتورة الكهرباء للمياه بدون إخطار المواطن رسميا ... يعني قبل يناير تمد ال ٥٠٠ جنيه بيدوك كمية قريب ٨٠٠كيلوواط بي ٣٤٤ جنيه و١٥٦ جنيه رسوم مياه ... حكاية السرقة صعب اكتشافها بعد تشوف كمية الكهرباء ... أها ... المشكلة مكانا وين ... ------------------------------------ المشكلة الحكومة ابتداءا من الأول من يناير رفعت رسوم المياه من ١٥٠ جنيه لي ١٠٠٠ جنيه ... شفتو هبه عملت شنو عشان موارد الميزانية؟؟؟؟ في زول عاقل شايف ظروف الناس والسوق والرواتب ممكن يتصرف بهذه الطريقة؟؟؟ في حكومة في الدنيا دي بتقص ضهر مواطنا بالطريقة دى؟؟؟!!! عرفنا المواد الموجودة في السوق لا تملكها الحكومة ودا خبر ممتاز ... لأنو لو كانت تملكها كانت خلت البصله الواحده بي ١٠٠ جنيه instead ٥ بي ١٠٠ الآن ... يعني مثال الكهربا والمويه التي هي شأن خاص بالحكومة وحدها لا شريك لها شوفو نواياها وحقدها تجاه مواطنيها ...
دا كلو كوم والبيحصل في الكهربا اليومين دي شيء لا يصدقه العقل ولا المنطق ولا الهندسة ولا الإدارة ... كنت أتمنى اجتماع مجلس الوزراء لمدة ٣ يوم كان يكون في وزارة الطاقة بدل ضاحية سوبا ولا الباقير ما عارف (الزول بتاع القعدات جنو جناين) ... كان الأجدر للمجلس الاجتماع في مبنى وزارة الطاقة ليعرف أين الخلل ويطلع الوزير البتراجف دا ويكلم المواطنين عن مشكلة الكهرباء أسبابها وجهود الحكومة في حلها ويديهم تايم تيبل ملزم عن متى سوف يستقر وضع الكهرباء ... دي الحكومة التي تضع مواطنها في قمة أولوياتها ... وبالتأكيد مش هي الحكومة الحالية ...
| |
|
|
|
|
|
|
|