|
Re: هل السودانيون بالفعل أمة رديئة lousy nation (مق (Re: علي عبدالوهاب عثمان)
|
سلام احبتي المقال موجع ,,
Quote: مستر كان كبار موظفو الدولة السودانيون يأتون لرؤسائهم الإنجليز لتقديم تقارير سيئة للغاية ضد أبناء جلدتهم بل كانوا يكتبون تقارير سريه ضد بعضهم البعض بالانتماء سرا للمقاومة ضد المستعمر. |
لكن الانجليزي ده ما قالي كبار الموظفين ديل كان بجيبوهم كيف ,,, ممكن ترجعوا لقصيدة البوشي و كيفية اعداد واختيار كبار الموظفين ,,, الجرائم التى ارتكبها الاستعمار الانكيزي في هذا الوطن لم تكن القتل والنهب فقط , وانما التدمير للمنهج للانسان وقيمه (اكيد لو كان استرسل الخواجة كان حيقول لي الخرطوم دي كان شوارع بتتغسل بالصابون وبيوتها واسعة بها حدائق ينبعث منها رائحة ورود الفل والياسمين) و لكنه كان سيصمت عمن هم سكان الخرطوم الذين كانوا يتمتعوا بهذه الخيرات والجمال ,, هل يستطيع ان يقول له ان السودانيين كان ممنوعين من دخول خرطوم الخواجات (والارمن والاغاريق وكل حثالات الدنيا التى اتت في زيل الاستعمار) وكانوا يسكنوا في بيوت من الصفيح وعشش ,,, في منطقة الخرطوم اتنين الحالية والديم (قبل تخطيطهم في فترة السودنة و ما بعدها) ,,,,, أم سيحكي له عن انجازاتهم الحضارية والعلمية الذي احدثوه في السودان وقيم الضبط الاداري (وما سالنا انفسنا لماذا انهار بمجرد مغادرة الانجليز) لقد كانت الاشياء تعلم كما ساعة بيك بن في الخرطوم , سيقول هكذا وبمجرد خروجنا انهار كل شي لان السودانيين غير وطنين ولا يحبون و طنهم و لكن لن يقول له ان نظام الضبط الادراي كان قائما على نظام اشبه بالعبودية (سلطات الرئيس الخواجة مع الوطنين ممكن يقول لينا كانت شنو اكيد حيصمت) اها يا سيد الخواجة السودانيين الماعندهم وطنية ديل في معركة كرري (ما كان وطنين كان محض جواسيس للانجليز طبعا ما حيقدر يقول) لان دي حقائق اثبتها حثالة الضباط الفرنجة الخدموا في السودان في مذكراتهم ,,, نموذج من الضبط الاداري واساليب الاستعباد الاداري من اعلى القمة القضاء ,, قانون الانجليز كان يقول اذا دخل القاضي الشرعي على القاضي المدني عليه ان يخلع نعليه ويقابله حافيا ,,, (كان الغرض شنو من هذا الاسلوب) ,,,,,, في السكة حديد عمال الدريسة كان الحكمدار يستعمل الكرباج ,,, ايوا الجلد الواحد ده ,, ده الضبط الاداري ,, اما في العمل الخاص لشركاتهم و مؤسساتهم ناخد مثال (للمجرم ولكوم) البفتخر ان ساعد في تاسيس معمل استاك (الخواجة عديم الضمير هذا اعتبر الشعب السوداني حقل تجارب لتجريب ادويته مثلهم ومثل الفئران) ,,, طبعا لديه فديو في موقعه عن منطقة سنجة وعمل الكسارة وكيف كان منظم العمال و جاعلهم شبه عسكريين ,, دون ان يكشف عن مهمته الاساسبة في هذه المنطقة الاثرية التى دمرت تماما وهو يبحث عن كنوزها بطرق غير علمية وليست مجاله ولكنه كان مجرما عصبجيا يبحث عن الاثار (سنجة بها اكتشافات اثرية) كل ما يؤدي اليها قد دمره هذه المجرم ,,, هل يستطيع ان يقول لنا الخواجة عن ما واجهه في السودان بعيدا عن عقلية قلم المخابرات و علمائهم من اراذل القوم في السودان)
وجع قلبي ,,
|
|
|
|
|
|