|
|
|
 Re: بعد تجربتي الكيزان والقحاتة وزوال سكرتهم� (Re: عمر التاج)
|
عمر التاج
تحياتي
انت متخيل القحاته مشوا ديل الان هم الحقيقة الاولي في الساحة السياسية وعقولنا وكمان معاناتنا
ما في حل غير التجربة الحالية دي تمر بدون أي صراع لانوالصراع ح يقود البلد لفتنة مسلحة
اعرف أنهم اخطر بكثير من الكيزان والفوضي الحالية لها مقاصد كتيرة عاين كويس انت ح تعرف
في يد منو الامور الان قحاته قاعدين هناك بعيد وديل وكلاء شرعيين ليهم أنظر حولك
القرار من للباب العالي بدون تسمية الجهة المسالة بقت فيها تهديد بالتصفية الجسدية
والتنفيذ للموجودين في الخرطوم بلا مناقشة وحرص شديد بالانصياع الكامل
لا اود التفاصيل عشان ما اموت غريب
| |
  
|
|
|
|
|
|
|
|
Re: بعد تجربتي الكيزان والقحاتة وزوال سكرتهم� (Re: زهير عثمان حمد)
|
تحياتي زهير عثمان..
هي سنة السياسة يا صديقي ..
اختلاف وجهات النظر والصراعات الفكرية داخل الاحزاب
وتزداد وتشتد كلما توغلت التنظيمات في السلطة والشمولية .. تماما كما يحدث لقحت الان ..
وقبلهم الكيزان اختلفوا وانقسموا، وبعد ان حكموا ٣٠ سنة وسقطوا قال قائلهم ..(الاسلاميون لم يحكموا بعد)
وعليه فان مسؤولية الفشل في التوافق على السلطة
ومسؤولية السلام الهش القائم على المحادثات
ومسؤولية تضخم الجنجويد ليصبحوا بحجم دولة
و مسؤولية تمكين قائدهم حميدتي في أروقة السياسة..
ومسؤولية تردي الأوضاع الاقتصادية والمعيشية
ومسؤولية تأخر الديمقراطية وتمدد الفترة الانتقالية كل عام
ومسؤولية الفساد المالي والسياسي وتدهور الخدمة المدنية لما دون الصفر
كل هذه المسؤوليات والاخفاقات تقع على عاتق قحت ..
وسيذكر التاريخ ان التضخم فاق ال٢٥٠% ، وزادت اسعار السلع والخدمات الحكومية
(بنزين، جازولين، غاز ، كهرباء ، مياة، خبز ، رسوم داخلية ورسوم اراضي ..الخ)
زادت لاكثر من ٥٠٠% في عهد حكومة قحت التي كانت المكون الاساسي في الحكومة الانتقالية السابقة ..
وسيذكر التاريخ أن حكومة قحت ما كانت حكومة كفاءات قط ،
بدليل فشلها في كل الوزارات التي امسكت بتلابيبها وافرغتها من بقية السودانيين ..
وأنها ما أنجبت القادة الخلص الزاهدين في السلطة ..
وبخلاف اليوم الأول الذي ذهب فيه الوزراء لمجلسهم بحافلة ..
فقد امتطوا السيارات الفاخرة ، وامتلكوا البيوت والفلل، وسكنوا الفنادق الفخمة
وتصارعوا على الكراسي وتحاصصوا فيها ، وصرفوا مرتباتهم بمئات الملايين وبعضهم بالدولار
في الوقت الذي يرزح كل الشعب تحت وطأة الفقر والعوز وصفوف الرغيف والوقود..
هذه حقائق تقول ان حمدوك وحكومته يتحملونها كاملة كما تحمل الكيزان قبلهم ما حل بالبلد من خراب وعزلة ..
وذلك لان حكومة قحت هي من اختارت هذه الشراكة ، وهي من سعت لتمديد فترتها
ولان حمدوك ارتضى بحميدتي شريكا والبرهان حاميا
ولو انحاز للجمهور من اول يوم لاغناه عن سيطرة العسكر وحكم الكاكي وثلة اليسار ..
الان أجزم يا زهير ان حكومة قحت سقطت ..
ولقد شاهدت سقوطها في عيون الاغلبية الصامتة قبل سقوطهم الكامل من السلطة..
| |
|
|
|
|
|
|
|
|
|
Re: بعد تجربتي الكيزان والقحاتة وزوال سكرتهم� (Re: عمر التاج)
|
يا ود التاج اولا لا يمكن وصف قحت كدا كله بي زر ابوها باليساريين
خاصة وان اعلى اليساريين صوتا و الحزب الشيوعي لم يعلن تجميده مثلا بل مرق بالباب و فات بي وشه حتى من كتلة الاجماع الوطني!
قحت من مكوناتها الرئيسة حزب الأمة و كذلك عند التجمع الاتحادي و ايضا قبل ان يفرزوا عيشتهم حركة العدل و المساواة ديل لا يمكن وصفهم باليساريين ابدا!
ولسة عندك كيانات كبيرة غير حزبية او ايديولوجية - على الاقل رسميا - زي تجمع المهنيين و كتلة تجمع القوى المدنية
فا شنو وضع قحت كأنها تكثل اليسار الخالص أمام اليمين مقاربة غير سليمة.
باقي الكلام ما فيه موضوع كالعادة!
| |
|
|
|
|
|
|
|
|
|
Re: بعد تجربتي الكيزان والقحاتة وزوال سكرتهم� (Re: muntasir)
|
Quote: لا يمكن وصف قحت كدا كله بي زر ابوها باليساريين
خاصة وان اعلى اليساريين صوتا و الحزب الشيوعي لم يعلن تجميده مثلا بل مرق بالباب و فات بي وشه حتى من كتلة الاجماع الوطني |
الكلام ده ود البشرى تحاول تقنع بيه شبابك الماناقشين ..
لكن أي زول واعي عارف تماما ان اليسار عموما .. والحزب الشيوعي خاصة
هو المسيطر على مفاصل الحكومة والدولة الان ..
وان التوجه العام للحكم يساري صارخ ما عايزة ليها أي تفكير ..
والمنهج المطبق في كل مؤسسات الدولة هو برنامج الحزب الشيوعي البنعرفه مما قمنا .
نفس الفكر الأحمر، نفس التوجه الاقصائي الانتقامي، نفس الشمولية البغيضة، بل حتى الشعارات والاشعار ما لحقوا يغيروها ..
وقصة ان فلان طلع وعلان انسحب ، ووجود مريم الصادق ودخول احزاب الفكة ..
الفلم ده للاسف مكرر .. وطبقه الكيزان قبلكم وما قدروا يغطوا دقونهم ..
جابوا كم وسبعين حزب ، بمافيهم الامة والاتحادي الكبيرين
ودخلوا اولاد المهدي والميرغني في القصر، وأشركوا حتى الصوفية وانصار السنة
ووظفوا حتى الشيوعيين والبعثيين في اجهزتهم الامنية ..
وجابوا عقار وعرفان ومناوي وسلفاكير ومبارك الفاضل وغازي سليمان وامين بناني وترباس والسر قدور وسيف الجامعة ..الخ
وفي النهاية الخط العام ظل ياهو خطهم والفساد حقهم براهم ومسؤوليهم الكاملة ..
الكلام يا ود البشرى مافي الحزب قرر وعمل ..
الكلام في الكوادر البتسيير دولاب مجلس الوزراء وطواقم كل الوزارات ..
واو ما عارف انهم شيوعيين صارخين أعرف.
| |
|
|
|
|
|
|
|
|
|
Re: بعد تجربتي الكيزان والقحاتة وزوال سكرتهم� (Re: عمر التاج)
|
اححححح من الغلاط يوم السبت
طيب يا قريبك طالما الحزب الشيوعي مسيطر على دولاب العمل و سياسة الدولة تقدر تفسر لي النقطتين التاليات:
الحزب الشيوعي واقف الف احمر ضد تنفيذ سياسة صندوق النقد و البنك وضد سياسة وزير المالية الاسبق (حزب أمة) و الحالي وضد سياسة الحكومة الاقتصادية اجمالا ودا موقف مبدئي ومن ادبيات الحزب و ايديولوجيته يعني ما ممكن تقول عليها اي كلام رغم كدا الحكومة نفذت وتنفذ سياستها وترفع الدعم وتعمل على تعويم سعر العملة و غيرها من السياسات التي يرفضها الحزب بشكل مبدئي
التانية حكاية التطبيع مع اسرائيل دي برضو مما يرفضه الحزب بشكل مبدئي وما عنده فيها مسك عصا من النص او تقية! رغم كدا الحكومة وقعت الاتفاقية الابراهيمية وماشة في موضوع التطبيع
يبقى كيف يكون الحزب مسيطر على الدولة ومسير للعمل بكوادره وحكومة تتخذ مواقف مخالفة لرؤية الحزب! وشن فايدة سيطرة الكوادر كان ما قادرين يغيروا المواقف و السياسات ! السيطرة المزعومة دي خاتنها لليوم الأسود؟
غايتو يا عمر التاج انا اشوف حقو تشاور جماعتك قبل تكتب بوستات بظن انها تدعهم! غير تطلق النار على اقدامك و اقدامهم لا تفعل شيئ
| |
|
|
|
|
|
|
|
|
|
Re: بعد تجربتي الكيزان والقحاتة وزوال سكرتهم� (Re: محمد البشرى الخضر)
|
مبدئية شنو وبطيخ شنو يا ود البشرى ، وين شفت حزب شيوعي عنده مبادئ واخلاق ..
الاحزاب الحمراء في كل العالم ما عندها اي مبدأ غير انها تحكم وتسيطر على السلطة ولو على جماجم الشعوب
والسوداني بالذات تحول للرأسمالية الكاملة وظل يدار ويمول بواسطة مؤسسات امبرالية على السكين ،
تجي تقول لي مبدئية ..
والكيزان يكفي انهم كانوا بيتلقوا دوراتهم التدريبية في مقرات الحزب الشيوعي الصيني ..
تاني لو عايز تبحث عن مبدئية أقع احزاب الوسط وماتحدثني بالله عن اقصى اليمين واليسار
| |
|
|
|
|
|
|
| |
عمر التاج
زهير عثمان حمد
محمد البشرى الخضر
كمال عباس
فيس بوك
تويتر
انستقرام
يوتيوب
بنتيريست