|
Re: اين اجد كتاب الجيش السوداني والسياسة لعصا (Re: خضر الطيب)
|
عزيزي الفاضل خضر الطيب مداخلتك مهمة للغاية لانك الان وريتنا ان مؤلف الكتاب عضو في هذا المنبر العام ، وهذه علومة مهمة جدا يا ترى اين هو الان، وهل يقيم في السودان!!؟؟؟ ولانك وريتنا ان الكتاب موجود في القاهرة،،،،وطرات لي فكرة لمن ارجع السودان ارجع عن طريق القاهرة بالخطوط المصرية واقطع التذكرة للقاهرة فقط ، واقضي في القاهرة يومين ثلاثة افتش عن الكتاب، وبعد داك اقطع تذكرة جديدة للخرطوم او اسافر بالبص ، لكن المسنوحة بنت عطبرة حذرتني من هذه الفكرة وذكرتني ما حصل لنا في السفرية التي كانت عن طريق الامارات ، وخاصة وهي خاضت معنا تلك التجربة الصعبة في هذا الزمن القمئ، زمن الكرونا...كما انني تذكرت بانه لا يمكن ان نفوت الخطوط القطرية ونسافر بالمصرية ،وخاصة ان مطار القاهرة سمعتها تخوف وقالوا بيسرقوا الكحل من العين،،، ،،،،واقترحت لي ان اكلف بنت خالتي التي تقيم في الخرطوم واقطع ليها تذكرة للقاهرة وتشتري الكتاب وتتفسح في قاهرة المعز وترجع ،،،لكنني ايضا استبعدت الفكرة بسبب انتشار الكرونا في القاهرة ، وقالوا القاهرة قربت تلحق امريكا في عدد الوفيات،،، وبعد نقاش بين الزميلات لقينا صديقة عزيزة عندعا قريبتها تقيم في القاهرة وتدرس في الجامعة هناك ، وقالت لينا انها من كثرة اقامتها هناك ومعرفتها بشوارع القاهرة بقت لهجتها لهجة مصرية وما قادرين يجاروها في الكلام...واكدت لينا انها هي الوحيدة الممكن تلقى الكتاب من تحت الارض في القاهرة... وانا قرات اللنك بتاعك هنا ووجدته لنك مهم جدا جدا ، وفي واحد من الاعضاء عنده تعليق مهم وهو انه اقترح لي سيد الحوش انه يحمل الكتاب وينزله في المنبر العام ،،،،لكن الامر لم يتم ربما لاسباب تقنية لا نعرفها...كما انني فشلت في تحميل الكتاب في التابلت بتاعي مع اني اكثر من ٥٠ كتاب نزلته في الجهاز ....الا هذين الكتابين ما قدرت عليهم ... ولكن المعلومة المهمة اننا اتصلنا بها في القاهرة وقالت انها حتتفرغ للبحث عن الكتاب ووصيناها تمشي لدار النشر الذي طبع الكتاب ليسهلوا لها المهمة،،،
والله يديك الصحة والعافية ،،،،
|
|
|
|
|
|
|
العنوان |
الكاتب |
Date |
اين اجد كتاب الجيش السوداني والسياسة لعصام الدين مرغني طه | امتثال عبدالله | 01-27-21, 02:11 AM |
Re: اين اجد كتاب الجيش السوداني والسياسة لعصا | امتثال عبدالله | 01-27-21, 02:24 AM |
Re: اين اجد كتاب الجيش السوداني والسياسة لعصا | Abureesh | 01-27-21, 03:56 AM |
Re: اين اجد كتاب الجيش السوداني والسياسة لعصا | خضر الطيب | 01-27-21, 05:01 AM |
Re: اين اجد كتاب الجيش السوداني والسياسة لعصا | امتثال عبدالله | 01-27-21, 07:28 AM |
Re: اين اجد كتاب الجيش السوداني والسياسة لعصا | علاء سيداحمد | 01-27-21, 08:51 AM |
Re: اين اجد كتاب الجيش السوداني والسياسة لعصا | خضر الطيب | 01-27-21, 09:28 AM |
Re: اين اجد كتاب الجيش السوداني والسياسة لعصا | Ahmed Tuhami | 01-27-21, 09:17 AM |
Re: اين اجد كتاب الجيش السوداني والسياسة لعصا | امتثال عبدالله | 01-27-21, 01:19 PM |
Re: اين اجد كتاب الجيش السوداني والسياسة لعصا | امتثال عبدالله | 01-27-21, 06:36 PM |
|
|
|