***** مطالبات بعزل طرمبة *****

Quote: اسمع زوكربيرج طبله في الفيس وإنستغرام وناس تويتر ودوهو الكونيكا ما عندك الواتس بتاعه يا قرموطي

Quote: هوووووووى يا ابوحسين بالانجليزى زولنا دا ما عندك دخل بيهو دحين شوف سودانك وين ههههههها تحياتى ياغالى

Quote: حبيبنا أبوحسين .. تحياتي افتكر ترامب ما قصر معانا امس توقيع اتفاقية بخصوص الديون مليار دولار سنوي الديمقراطيين عندهم حساسية معانا صدقني مع أني لا ارتاح لترامب على الاطلاق وأنا خوفي من الديمقراطيين وموضوع التعويضات لجمع الاصوات ,,نعم العلاقات مع اسرائيل لعب دور اتفاقية ( ابراهام ) ان شاء الله ما يكونوا على نفس الخطى مع السودان وهذا هو المهم بعدين تلك المرأة في الاستخبارات ايام اوباما اسمها ( سوزان رايس ) سوف ترجع مرة اخرى مع بايدن .. والمهم كمان عمر قمرالدين يكون وزير خارجية لأن له علاقات مع الجماعة ديل ( سوزان رايس ) تحياتي أبوحسين

Quote: بقيت الخبت بينك وبين وولف بليتزر ...

Quote: والحاجة الغريبة ان اكثر الناس البيطالبوا بعزله هم الجمهوريون لانه شوه ليهم سمعة الحزب الجمهوري. ...وتاني ناس الحزب الجمهوري يشموها قدحة الرئاسة الامريكية او اغلبية الكونجرس

Quote: والجواب هو انه ما كان سياسي اساسا وما كان عضو في الحزب الجمهوري ،بل جابوهو من الشارع... طبعا هو غني جدا وعنده بلايين متلتلة، وعنده برنامجين في التلفزيون، واحد قيهم مسابقة اجمل امراة في العالم،،، لانه ما كان عنده شغلة غير يجري ورا النسوان... ويوم قابل واحد صديقه عضو في الحزب الجمهوري في ملعب القولف ...وهم بيتونسوا صاحبه بيهظر معاه قال ليه: يا بختك يا ترامب انت عندك كل حاجة ، المال والعقارات والنساء الجميلات يتحاومن حولك وما فضل ليك الا تبقى رئيس امريكا....ترامب رد عليه وقال ليه: بس دي ما ممكن لاني ما سياسي ولا عضو في اي حزب ولا عضو في الكونجرس ولا عضو في مجلس النواب..وما جربت اخوض اي انتخابات في حياتي... صديقه الجمهوري قال ليه:-دي ما مشكلة..انا برشحك تنضم للحزب الجمهوري الان ،بس انت اتبرع للحزب بكم مليون دولار ...وهم حيوافقوا....في نفس اللحظة ترامب كتب شيك ب.........مليون دولار ...وعينوه عضو في الحزب ، وفي نفس السنة رشحوهو كي يمثل الحزب الجمهوري في انتخابات الرئاسة، وبالطبع دفع ملايين لاستمالة اعضاء الحزب الكبار... وبالصدفة بقى رئيس ، وهو لا يفقه في السياسة ولا يعرف عن السياسة سوى ما تعرفه والدة حبوبتي عن كيفية قيادة مركبة الفضاء الامريكية ابوللو ١٣.

Quote: لا..انا جادة وما بهظر...والكلام ده منشور في مجلة اسمها enquirer وهي مجلة بتاعة فضائح الممثلين والممثلات في هوليود في عام ٢٠١٦م... يعني انت كنت مصدق انه كان سياسي!!!؟؟؟؟ والان السي ان ان اعلنت تصريح لرئيسة مجلس النواب، المرأة الشجاعة بيلوسي، ان البرلمان سوف يبدأ اجراءات خلعه من السلطة يوم الاثنين وذلك بتشجيع من نواب جمهوريين... ..وفي الوقت الذي اعلن فيه ترامب انه سوف لن يحضر حفل تنصيب بايدن رئيسا، صرح بايدن انه لن يشرفه ان يحضر ترامب حفل تنصيبه ولكنه يرحب بمشاركة نائبه بنس...