Quote:
***أبا إيثار ***
صباح مشرق ولم يستنطقني الحرف
ولا أستنطق حرف ذاتي حينما يزاورني
ويملأ ساحتي صدر التشابه برغم خواء المفردة
هنا أحسب أنك أهديتني وهج البهاء وشبيه طلعتك
البهية للزمان القادم ,,
لِم كلّما أوغلت في عينيك يقتلني الظمأ
|
(18)
أرني بولك أشخص أبو أهلك ظاتو
و هاك دي كمان لمزيد من المهازل
واحد كان مرة ماشي مطلش في الشارع،
قام وطا ليه قشرة موز..وقع كسر كوعو قام جرا
لأقرب حكيم ..في العيادة .. قال للتمرجية: أنا داير أقابل الدكتور!
التمرجية من آخر شلاليفها: عايزين عيّنة من البول ، لو سمحت !
الراجل باستغراب شديد: عشان شنو عينة البول!!.. و شنو دخل البول
بكوع إيدي ثم التفت يحدث نفسه دي الظاهر خميرة عكننة من الصباح)!؟
التمرجية معصّبة موبااالغة:بكيفك يا خوي، لازم عينة بول عشان تدخل على
الدكتور دا النظام يا خوي إن عجبك .مافي بول .. يعني كان كان شنو داك مافي دكتور!
أخونا.. سلّم امره لله و قال: يلا مافي مشكله على الأقل نلقى حتة نشر فيها؟ بدل ما ندفقو
فوق ركبينا أو في أقرب كوشة.. و جاب ليهم عينة البول سلموها للدكتور. و بعد شوية ندهوهو. لما
الدكتور شاف المريض ابتسم و قال: و اضح الضربه قوية .. بس تطمن كوعك سليمو ما في عوجة طب!
المريض مستغرب: و كيف عرفت يا دكتور دا كوع؟!: أكيد الممرّضة قايلا ليك !! الدكتور: لا أبداً ياخي، تحليل
البولهو اللي يبين كل شي . عندنا جهاز صيحة في عالم التحليل. خد المرهم دا و أدهن منه كوعك ، و بعد
اسبوع كدا تعالراجعني ( و ليك علي ، ح أوريك كوعك من بوعك) وأ وعة تنسى تجيب عيّنة البول معاك. الحاج رجع
بيتو و في راسه خرتمية سعال، مستغرب من الاختراع العجيب و قال لأهله عن الموضوع و قعدو يضحكو عليه وقالو
ليه دا نصب دكاتره ساي ، مافيش حاجة اسما تحليل بول بكمبيوتر .بعد اسبوع زولك الكوع طاب مية مية و قرر يرجع
للحرامية ديل. لا واحد من شفعو اقترح عليه انهم ينصبو فخ لكشف شبكة الاحتيال دي يلقنوها درساً... قام الولد كب
ليك عينة من بوله على عينة من بول الشويفعة أختو على عينة من بول أبوه و خت عليها شوية قدحة من زيت فرامل.
قام عمك شال (كوكتيل البول) داك و يلا فللي على الناس المهببين ديل .لقى الممرضه سلمها العينة الموقوتة! و قعد
ينتظر و يراقب الموقف. بعد نص ساعه كدا تقريباً طلع الدكتور عرقو دا لمان سايل من سداغاتو و ماسك ورقة نتيجة فحص
طويلة ليها بداية ما ليها نهاية. قام عط المريض و سأل الحكيم بنبرة فيها حدة و تهكم: أها بشر يا.. يا دكتور شن لقيتو في
العيننة!؟ لكن الدكتور رد التحية بأسوأ منها: و اضح ياحاج إنو كوعك .شفي تمام التمام. بس في شوية نتائج غريبة هنا!!؟
الحاج نفسو قام فجأة:،يعني شنو غريبة!قالو ليه: يا حاج كدي أهدأ شوية و روق النفهمك : أول هام لقينا في دمك دعكة
صبغة (نظام موت بطيء وكدا) .. تاني هام و لدك طلع موية من تحت تبن و بشم بلاوي..وكمان بالنسبة للأمورة الحلوة
المحروسة بنتكم المصون نقول ليها 1000..1000مبروك في الخامس، بس ياريت نعمل ليها ألترا ساوند و إن شاء
الله يا رب تجيبو ضكر. و حتى لو نتاية، برضو إن شاء الله من المستورات. بعدين ما تنسى يا حاج كمان
إنو عربيتكم ، و لا اظنها ركشتكم دي عايزة شنابر !!!أها من حيسك دا أكان لاقاك أيزول
حايم بي ناك يلقط قزاز عينات من الكوش طوالي تعرفو بكون دا صاحبنا
شغال لصالح العصابة إياها! يلا يا جماعة عايزين نشوف بياض السنون
و دامت حمايم المودة رسل سلام بيننا.
******(((+)))******
ود الأصيل
دفع الله ود الأصيل
فيس بوك
تويتر
انستقرام
يوتيوب
بنتيريست