وأي قلة أدب بالمستندات ياعملاء تنشر هنا وفي الصحافة#

مدخل أرشيف للعام 2020-2023م

12-15-2020, 07:07 PM زهير عثمان حمد زهير عثمان حمد تاريخ التسجيل: 08-07-2006 مجموع المشاركات: 8273 للتواصل معنا FaceBook تويتر Twitter YouTube 20 عاما من العطاء و الصمود مكتبة سودانيزاونلاين وأي قلة أدب بالمستندات ياعملاء تنشر هنا وفي الصحافة# 06:07 PM December, 15 2020 سودانيز اون لاين زهير عثمان حمد-السودان الخرطوم مكتبتى رابط مختصر (adsbygoogle = window.adsbygoogle || []).push({}); كنت عايز أرفع طلبي لقيادات الحرية والتغيير عشان أمنح كرسي في البرلمان وكذلك لوممكن من نصيب المكون العسكري مع انهم ما مبلوعين لا لسكان المدن ولا المهاجر وكل قطاعات المعتربين عشان العظمة الفارغة فاكنها في نفسهم والمعاكسة حقتم اللي مابتحل ليهم قضية ح يجي يوم ح نبلهم والله يابرهان وحميدتي والوهمي كبش الخرفان الاسود ح تتمنوا وساطة العبد الفقير لربه من أجل الانعتاق من السجون ودم القصاص الذي سوف يراق من أعناقكم والمهم أنا والله زول صريح تعرفوا نحن مسالمين وناس رحمة لكين ناس سلام جوبا اكبر من غضبة سكان الغابات والاحراش اللي شوفوا الموت ضحي ديل حقيقة جايين ناس تار وأصحاب غبن وخصومة قديمة لكين أنتو مابتسمعوا ولابتشوفوا ياله أشبعوا بيهم ياناس أنا الان بكتب ليكم العريضة عشان بالجد تعبت وكبرت ومابقيت متحمل التشرد وكمان المعايش خارج الوطن أصبحت والله مستحيلة وأنتو عارفين عشان الجماعة رجعوا بكامل الاطراف العائلية والاقراب والاصحاب وكمان حملة الجوازات الاجنبية والصديقات من الاحباب من دول الجوار والمعشوقات من بنات القارة العجوز والامريكاتيين بس أنا أنتو ما عارفين الظروف الانسانية التي أمر بها لقد أثقلت كاهلي الديون وأصبحت فقير و معدم وهذه أرادة الرب أنه لطيف خبير وقيل في المثل السوداني الشهير اللي ناس الهبوط الناعم أتخذوه قاعدة ذهبية (دار أبوك كان خربت شيل منها شليه ) بالله الشيله حقتي بسيطه بحجم النسب والمحاصصات وسكن الفنادق والعربات وقطع الاراضي وجبر الضرر اللي بالدس قاموا لفوا أنتو أكتر ناس مستفدين من سلام جوبا أجروا البيوت البيت الواحد 45 مليون جنيه داغير الكهرباء ياجماعة بالجد حرام عليكم الوطن للجميع ياتعساء أنا مصر أني أكون علي الاقل نائب برلماني لمدة 39 شهر ح ترقعني لجني الجني بيكون عندي أموال كويس تستحق المعارك من أجل الارث. وبرضو ما في زول ح ينكسر ليكم وحقوقنا ح ناخد من عيونكم كان عسكر ولاجن أحمر المهم والله أعرفوا أنا عارف الجماعة في زيارتهم الميمونة للدولة الطمعانة فينا أخد كم من الدولار والدراهم وشحنوا كم عربيه وخطة العمل خلال الفترة الجاية حميدتي كيف يعني ماتعملوا أشراف مكة يا لصوص المواقف وسارقين حقوق اللاجئين وسكان المعسكرات المنبطحين المفرطيين في دماء الشهداء ياجماعة أخجلوا كلمة في حق المجازر والاراوح اللي مات من أجل التغيير ما في وثائق المسارات السبعه حاجة تشرف مناضل شريف أو وطني غيور تغروا للموت أنشالله يازبالة عاملين فيها أنسانيين وموجوعيين عشان الازمة السياسية ومعاش الناس تبكوا وتمثلوا منافقيين عارفين نحن بالجد التمايز ما بين موضوعية غائبة ومصداقية حاضرة من عنفوان شباب اللجان الثورية والمقاومة وأهالي شهداء الثورة وضحايا جرايم الحرب كان في دارفور ولا النيل الازق تعلن فيكم وصرختهم السياسية اصبحت عالية بحثا عن التغيير يعبر تبني سياسات العدالة الناجزة تقول لكل الحضور في المشهد السياسي أذهبوا عنا أنتم ما الا مجموعات مسكونة بفهم رجعي للقيم وللدين أو دعاة عنصرية وكراهية وخوف من الآخر وخوف من الاختيار الحر أو متخلفين عن ركب التقدم والتعلم كان التاريخ ولا التجارب كضابيين وحتي السماوات المفتوحة للرحمة أنتو عايزنها ليكم ياجماعة نحن مصيبتنا في الساسة بالجد كلهم وهم وكمان لو أضفت عليهم العسكر ماهو دا السودان الان بكل معاناتنا الله يقطع تيار الوسط والشمال وحركات المصالح المطعمة بالسلاح طيل سنوات البشير معركة واحد في حله ماأنتصرتوا فيها حسي جايين تتكلموا نحن الثورة الثورة ح تكون عليكم ياطماعيين ياعطالة أمشوا أشتغلوا غير الشغلة دي بالله أحسن للبلاد والعباد المهم أسمعو أن قرفت منكم وفي محل واحد مابنقعد مع بعض لاعايز منكم كرسي ولابنبر وحتي أشوف أشكالكم الدجالة دي في تلفزيون الوطن وأي قلة أدب بالمستندات ياعملاء تنشر هنا وفي الصحافة (عدل بواسطة زهير عثمان حمد on 12-15-2020, 07:09 PM) (عدل بواسطة زهير عثمان حمد on 12-15-2020, 07:19 PM)

العنوان الكاتب Date وأي قلة أدب بالمستندات ياعملاء تنشر هنا وفي الصحافة# زهير عثمان حمد 12-15-20, 07:07 PM   Re: وأي قلة أدب بالمستندات ياعملاء تنشر هنا و� عماد الدين الطيب عمر 12-15-20, 07:59 PM     Re: وأي قلة أدب بالمستندات ياعملاء تنشر هنا و� Biraima M Adam 12-15-20, 08:40 PM       Re: وأي قلة أدب بالمستندات ياعملاء تنشر هنا و� بشير أحمد 12-15-20, 09:10 PM     Re: وأي قلة أدب بالمستندات ياعملاء تنشر هنا و� زهير عثمان حمد 12-15-20, 10:21 PM       Re: وأي قلة أدب بالمستندات ياعملاء تنشر هنا و� زهير عثمان حمد 12-15-20, 10:28 PM         Re: وأي قلة أدب بالمستندات ياعملاء تنشر هنا و� زهير عثمان حمد 12-15-20, 10:37 PM           Re: وأي قلة أدب بالمستندات ياعملاء تنشر هنا و� زهير عثمان حمد 12-16-20, 05:57 PM             Re: وأي قلة أدب بالمستندات ياعملاء تنشر هنا و� عمر التاج 12-16-20, 07:10 PM               Re: وأي قلة أدب بالمستندات ياعملاء تنشر هنا و� زهير عثمان حمد 12-16-20, 07:29 PM

[رد على الموضوع] صفحة 1 „‰ 1:   <<  1  >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

فيس بوك تويتر انستقرام يوتيوب بنتيريست

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us Contact Us About Sudanese Online	اخبار و بيانات اراء حرة و مقالات صور سودانيزاونلاين فيديوهات سودانيزاونلاين ويكيبيديا سودانيز اون لاين منتديات سودانيزاونلاين	News and Press Releases Articles and Views SudaneseOnline Images Sudanese Online Videos Sudanese Online Wikipedia Sudanese Online Forums
	If you're looking to submit News,Video,a Press Release or or Article please feel free to send it to [email protected] © 2014 SudaneseOnline.com