|
Re: بوباااااااااار 2020 (Re: دفع الله ود الأصيل)
|
كيف يا ود الأصيل 00 شكرا لحرفك الطاعم
Quote: مصنقرفوق البمبة سلم ل على جبينو و دفع ليو وللنساوين و شال عصرلو حويجتن كدي في جيبو . عرفو عمك العين بصيرة و الليد قصيرة بس شايلاه الهاشمية ومتل دا لو كان معاهو درهم لغلب ألفَ درهم. |
اهلنا كريمون جداً يدفعون تحت كل الظروف يمكن سمعت باهلك الكانوا ماشين الإنداية ومعاهم جنيه واحد فجاة قابلهم شحاد واحد فيهم قال ليه الله يدينا ويديك قام عمنا الثاني زعل وقال ليه ياخ اديهو الجنيه يمكن يكون دا النبي الخدر ولو اديناهو الجنيه حا تتفتح علينا ابواب الرزق يمين وشمال قاموا سلموه الجنيه وواصلوا طريقهم نحو الانداية فجأة يشوفوا زولهم الشحاد خاتي صفيحة مريسة ماكنة ويغرف بالكورة واحد فيهم قال للثاني اها شوف الخدر بتاعك ياحيوان !!!!
بمناسبة الزبالة دي عندنا واحد عمنا في ودربيعة بيبني الحيطة بالطين والزبالة والبنيان بتاعو بي سرعة شديدة يعني تجيب قدح المونة وقبل ما تتحرك منه يقول ليك امشي جيب القدح الثاني المهم مرة كدة بنى حيطة ولمن جاء وقت الفطور الحيطة بتاعت الحوش كلها انتهى منها اها واحد من العمال قريبنا قالوا ليه امشي جيب زيادة ملاح وكسرة الراجل مشى واتى بالزيادة المطلوبة لكن حلف ما ياكل الا يدوه حق اليومية وقدر ما الجماعة حنسووووه قال الا يدوه قروشه وفعلا أدوه القروش وسط دهشة الحضور طبعا صاحبنا مفتح لمن طلع يجيب الكسرة والتقلية الزيادة لقى الحيطة واقعة
|
|
|
|
|
|
|
|
|