اسمع يا قريبي ود أبحراز جيناك بجاي و جاي عملت زوغبير تراكا مل أبو الضبضوب أصلك ما بتنقبض . زي شلاقتك السلخوك بيها وتستاهل ، دي جدن عادي زي أكل الزبادي عند اغلواحد بالزات قدام العين زايدة لأننا بنعز التــوب وكــت ينــــشال ويــــــــنفـــــــرا وعلى الكتفـــين يتـــــيه مـــــرة و يتــوه مــرة يزغرط شـــــــوق و شـــلال فرحـــة ينـــشرة * عمنا بلة ود حامد شغال لياس بيوت . يوم خامجلو زبالة في دار أمبلال و خلاها تخمر وماشي بقادي يبت هناك ويجيها صاد باكر دَغش. فمرق رابط عراقيو بي دبارة في كتافينو و مكرتح عدمان الملينة الحمرا. بقى واقف فوق الدرب جان فوقو كورجة نساوين جاياتلهم من فراش بكا\وقفن جنبو . قام فوقم بتاع داوودي وقف ليهم ركبو كلهم . بعد شوية مساعدي الحَلة نزل يفرطق في إصيبعاتو يابسات متل النجرمط داير يلقط منهم حق الجاز . فمشي على النساوين قام عمنا بلة كور كلهن: لا ما تدنو . جاهو راجع قاللو : خلاس يا حاج أدينا حقك وحقهن.عم بلة قاللو ما عند معلم الله. المساري خلاهو مشى قبل على تاني النساوين قالهن :يلا أدننا عمكن دا داير ضيع زمنن بالمساسقة ا. تاني عمي بللة قاللو: طلق بالتالتة ما تخلس منهن . سمح يا حاج أتا قلت معلم الله و كيفن عاد بتحلف؟! ياخ دي شبكة شنو دي يلحنا الحل بلة من القيد والمزلة. أها في جناين نجيض وأبو مروة كان راكب في التندة و مراقب الدراما دي عن كثب. قام جاهو متلب لعمي بلة مصنقرفوق البمبة سلم ل على جبينو و دفع ليو وللنساوين و شال عصرلو حويجتن كدي في جيبو . عرفو عمك العين بصيرة و الليد قصيرة بس شايلاه الهاشمية ومتل دا لو كان معاهو درهم لغلب ألفَ درهم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة