Quote:
حبيبنا ود الحيشان التلاتة
سلامتك و الالم بزول و كفارة ليك يا زول
الغريبة قطر عدد الحالات اليومية من كم شهر
لم يتجاوز ال 240 حالة كل 24 ساعة و هي متذبذبة
بين 180 الى 240 ألف سلامة ليك يا حبيبو طالما انك
في الجزيرة دي ما بتجيك عوجة ركز على الكافيار
بريحك و ابعد من كبدة اللبل و بدر الدين :)
|
أحبك الذي أحببتني و أحببتك فيه يا خِدِر؛
●شفت بس واحدة من كل ال24 نات ديل ،
و أخوك صادو أبو فرار دا. قالو االبخاف من العفاريت
بجنو يتنططن. و أنا جني و جن حاحة اسما ( Swap )
المسحة دي البحشرو ليها قصبة في كناكين لهاتك و نخرينك.
فمشيت عملوها لي في مركز لفحص الكرونة في "روضة
الخيل" و بقيت راجي قدري " بين اليقظة و الأحلام .. بين
أجفان تقول للنام : يا ريت النوم يزورني اليوم..أنوم لو ليلة
في كل عااام" .. نار البعد و الغربة شوقلأهلي .. شوق لكل
جميل في الحي .. شوق للشينة لو صعبة"
● طبعن أنا هنا في مأمورية رسمية و عاجلة، إن شاء الله
الشفقة تطير . و أهم من كدا مُمَني النفس ببلة شوق في بلتون
من الأحباب رفاق قدامى المتأبطين و طناً و طافشين بالمنافي ؛
إذ تفرقنا جميعاً أيدي سبأ تحملنا حويصلات طَيرٍ خُضْرٍ. و شريط
مخبوز بلون الطيف من ذكريات العشرة النبيلة شيدناها بال[رمال]
ممتدة اعتباراً منذ تاريخ 20 \ 05 \ 1986. منهم إخوة لم تلدهم
لي أمي دماً و لحماً؛ و منهم من تشرفنابحبهم عبر أثير [العصافير].
♡ منهم مثالاً لا حصراً: الأخوين عادل و كمال سالم شفاه الله
و عافاه من كل عَينٍ لامَّة ؛ و أبناء سنجة: خالد خوجلي الحامدي،
النعيم (حيدر ) المهدي و شقيقه الصادق الحاضر الغائب بشيكاغو؛
و أولاد حفرتي/ عادل سعيد أب جقادو ، محمد السُّنِّي الصاروخ ؛
عاطف عمر التاي ؛ و على رأس الكل أستاذنا الذي علمنا سحر
القيافة و اللِّياقة و الأناقة و اللباقة/ محمد السُّنِّي دفع الله.
دفع الله ود الأصيل
فيس بوك
تويتر
انستقرام
يوتيوب
بنتيريست