أنا كمواطن شمالي، أقبل بدكتور جبريل ابراهيم رئيسا مطلقا للسودان

Quote: ت وافقت على الرمم الاوصلوا البلد لزيرو دقيق وزيرو وقود .. والدولار ماشي درب ال٣٠٠ ولسه متمسك بيهم وتدافع عنهم رغم انهم لا جابوا مدنية ولا جابوا حق الشهداء ولا صلحوا الخدمة المدنية .. رجل بهذه الاتكاءة التعيسة مؤكد حايوافق باي فطيس اخر يحكم البلد بس ما من حقك تتكلم باسم الشمال وتتصدر قولك ب نحن .. انا -والمعاي- ممكن نوافق علي د.جبريل بنسبة ٩٥%، وممكن نوافق علي د.التجاني السيسي بنسبة ٩٠%، وممكن أصل معاك لحدي مناوي وعلي الحاج بنسبة ٥٥%، لكن وحات ربي، عبد الواحد والحلو لو جات زافاهم الامم المتحدة او قوات حمدوك زفا للعاصمة ما حايبقوا رؤساء .. حلهم الوحيد يجو بانتخابات نزيهة بنسبة ١٠٠%، وعندها سأقول بهم بنسبة ١%. الكيزان البتذيل بيهم تغريداتك ديل انا زاتي ما مقتنع يجوا للسلطة تاني قبل اقل من ١٠ سنوات .. افضل ليهم وافضل للوطن يغيبوا من المشهد هادين راضين .. لكن والله يا ناصر ، وجملة ايماني ويقيني ان الكيزان لو كانوا عايزين يقلبونها اليوم لقلبوها .. ولو فكروا يولعوا البلد لاشعلوها في ليلة واحدة وانتم سكارى في المزرعة ، ولو دايرين يرجعوا للسلطة في اقرب حكومة حايرجعوا غصبا عنكم، ولو جات الديمقراطية اليوم حاتلقوهم فوقكم، وهم الان موجودين في كل مكان حولك، لايتربصون بك شيئا حتي لا تسقط، ولكنهم يستمتعون بمشاهدة فشلك وسقوطك في أعين الناس. اسمع كلامي ده كويس وصدقوا ، وقول لنفسك يرفعوا بناطلينهم الناصلة دي وينكربوا ..