|
|
|
 Re: جبريل ابراهيم, كان شغلوك بموضوع رغيف ناس ا (Re: muntasir)
|
| Quote: وعدم الإنغماس في وحل العاصمة ونسيان الأقاليم |
سلام هانى
تعرف افة ناس الضهارى كلهم هى عقدة الخرطوم هذه.
الكل عايز يملك قطعة ارض و يقوم غابة اسمنت. كل الناس سفرتهم اتجاه واحد و لا عودة الي الريف.
نحاول نذكر الناس انو الدنيا دى كلها (واطة و مبنية طوب) و ممكن تتعمر في اى حتة و كل الخدمات بتجي لغاية عند الناس حيث يتواجدون.
الخرطوم او مدنها الثلاثة هذه من اوسخ مدن العالم و مع ذلك الناس ما قادرة تشوف خارجها.
الناس البجو من الخارج بأسم اهل الريف, لو استقرو في الخرطوم اسبوع واحد, حتنسيهم الخرطوم اهلهم الفارشين السماء في معسكرات النزوح لان هموم الخرطوم غير هموم اهل الريف.
| |
 
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: muntasir)
|
| Quote: الهبيب يعني تضربوا الإيسكريم حقنا ولمن تجي للصفوف ترجعوا لي عصديتكم والدامرقة حقتكم بياعين ياخ والله بقيتوا جلابة عديل كدة |
تعرف يا منتصر
لو لقيتو لي تيراب الباسطة و الايسكريم تانى الخرطوم دى بعبر بيها من المطار.
بتمني من كل قلبى انو كل شعوب السودان شاملا ناس الخرطوم ان يعودو الي اكل الكسرة و بدل استيراد افران الخبر, يمكن استيراد بدائلها لانتاج الكسرة.
يا في تورنتو و المدن المجاورة عندنا لما تشتهى الكسرة, ابعد مسافة تمشى 15 دقيقة بالسيارة لمحلات بيع الانجيرا.
و هى شركة واحدة او اتنين بتنج و توزع لاكثر من 5 مدن متجاورة بسكان لا يقل عن 5 مليون. الاثيوبيين و نحنا نساوى اكثر من 200 الف.
الـ 200 الف ده تخمين و ممكن يكون اكبر من كدا.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
.
طيب يا محجوب والناس الهجت وخلت السودان في عضمو كيف يكون وضعهم اذا انت محتج على النزوح نحو الخرطوم !!!
.
.
تعرف مشكلة السودان في عقوق بنيه ...
السودان المسكين يعلم مجان من الابتدائي الى الجامعة ويخرج أناس مؤهلين بالمئات وهؤلاء الأشخاص في أقرب فرصة يتخارجوا برة البلد وبدون دفع ولو 1% من الديون العليه وبالتالي تتراكم تلك الديون على عاتق الأجيال اللاحقة مما ساهم في تردي الأحوال...
.
.
عموما انت يا محجوب بالذات أكتر واحد من أولاد الهامش موضوعية .
فلك التحية ...
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: قسم الفضيل مضوي محمد)
|
| Quote: عموما انت يا محجوب بالذات أكتر واحد من أولاد الهامش موضوعية . |
سلام قسم الفضيل
هذه الموضوعية التى تراها لاننى لست من (اولاد) الهامش.
فكلنا مراكز حيث ضهارينا و لا نحتاج الي هذه المدينة الوسخانة لتصير مركزا لاحد.
نعم التعليم مجانى و تسديد فاتورة التعليم ليس بالضرورة عن طريق الدفع مباشرة الي خزينة الدولة, فالناس خارج السودان يساهمون بأدخال اموالهم و رفع مستوى معيشة اسرهم و هذه بدورها تساهم في اقتصاد السودان.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
الغريبة لقيت زميلة المنبر رجاء العباسى (ربنا يرد غربتها لـ سودانيز) في نواحى الفيس بوك اخدت نفس الموضوع و لكن من زاوية مختلفة خالص.
قالت ان جيريل ما زال يفكر بعقلية الانقاذ او الاسلاميين عندما يقول و يرفض خروج النساء في صفوف الرغيف. اى ان جيريل يريد لها ان تبقي في المنزل.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
Quote: تعرف افة ناس الضهارى كلهم هى عقدة الخرطوم هذه.
الكل عايز يملك قطعة ارض و يقوم غابة اسمنت. كل الناس سفرتهم اتجاه واحد و لا عودة الي الريف.
نحاول نذكر الناس انو الدنيا دى كلها (واطة و مبنية طوب) و ممكن تتعمر في اى حتة و كل الخدمات بتجي لغاية عند الناس حيث يتواجدون.
الخرطوم او مدنها الثلاثة هذه من اوسخ مدن العالم و مع ذلك الناس ما قادرة تشوف خارجها. |
حبيبنا محجوب .. تحياتي
أحسن شيء في مداخلاتك أنك مباشر وتلمس اس المشكلة مباشرة
وبدون مجاملة
هي دي المشكلة ربما أغلى قطعة ارض في الخرطوم وكما ذكرت من اوسخ مدن ا لعالم
تخيل في الخرطوم .. مثلا 100 ألف دولار تكلفة بيت عادي في الضواحي .. الشقة تقريبا ضعف المبلغ
هذا المبلغ يساوي حوالي 370 ريال سعودي .. ممكن تشتري شقتين في عمارة جديدة ( غرفتين وصالة مع الخدمات)
مع كامل الخدمات والاسفلت ... الخ ، كمان يمكن شقتين في القاهرة ..
عندنا في ضواحي الدنيا .. المغترب اذا لم يبني بيت في العاصمة يصل لدرجة العيب
لاحظ قيمة البيت اذا تم استثماره في الزراعة ( قمح فقط ) يكون العائد خلال سنوات قليلة اكثر من الضعف
أسوأ شي يدمر البلد العقار هو تجميد للمال ولا يساعد في تشغيل ايدي عاملة او منتج في السوق
عبارة عن مال مجمد
تخيل تعداد الشمالية كلها اقل من 800 الف .. مكدسين في العاصمة
تحياتي
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: علي عبدالوهاب عثمان)
|
سلام استاذ علي عبدالوهاب
شوف هذا المقتبس
| Quote: Plains is a city in Sumter County, Georgia, United States. The population was 776 at the 2010 census.[7] It is part of the Americus Micropolitan Statistical Area. Plains is the birthplace and home of Jimmy Carter, the 39th president of the United States. |
هذه هى القرية التى انجبت الرئيس الامريكى كارتر, سكانها حتي عام 2010, في حدود 776 شخص.
هل رحل كارتر الي واشنطن و بقي فيها؟
لا. عندما اكمل دورته الرئاسية عاد الي قريته و ما زال فيها حتي الان و يذهب الي ذات الكنيسة كل يوم احد.
لنعود الي السودان, معظم المسؤولين من الوزراء و الرؤساء انحدو كجيل اول من قرى صغيرة موزعة في كل بقاع السودان و لكن اذا عملت بحث الان لن تجد شخصا واحد قام بتعمير قريته و بقي فيها. ربما في احسن الفروض قام بالتصديق بمدرسة و ساهم في بناءها بتجنيب بعض موارد الدولة.
ترى عمر البشير بنى مدينة كاملة و علي عثمان بيت جناينى, عوض الجاز و صلاح قوش. كل هؤلاء اختارو الخرطوم عن العودة الي مناطقهم و الاستقرار فيه.
في بوست اخر كتبت عن معضلة (الهامش) و قلت بضرورة ان يعى الجميع انهم مراكز حيث هم حتي لا تسيطر عليهم عقدة الخرطوم و الهروب من واقعهم. حتي تلك اللحظة التى سوف يعى فيها شعوب السودان بضرورة الهجرة الي العسكية الي مناطقهم و احراز تنمية, السودان لن يتقدم خطوة الي الامام.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
جبريل يمثل الجناح العسكري للمؤتمر الشعبي إللي هو اوسخ من المؤتمر الوطني نفسو
مؤتمر شعبي على مؤتمر وطني هم أس بلاء السودان ، والثورة دي ما قامت
عشان تجيب الاشكال الخبيثة دي للسلطة تاني، والجبهة الثورية على الانتهازي مناوي ، أنا ما مستغرب
يختوا يدهم مع من كان يحاربهم بالامس، لانو هدفهم مشترك ، السلطة
| |
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: ترهاقا)
|
يا محجوب هل جبريل يمثل شعب الهامش ودارفور وماذا عن الحلو وعبدالواحد , اين اصحاب الارض والمصلحة الحقيقية وضحايا الحروب فى معسكرات اللجو والنازحين لماذا لا يشملهم سلام جوبا , وماذا عن الاعتصامات فى مناطق دارفور ايام التفاوض فى جوبا , هل لديك معلومة انو مناطق النزاع احتفلت بالسلام مثلها ومثل الخرطوم ام كان يوم عادى
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: elsharief)
|
سلام الشريف
سؤال بسؤال
منو بمثل الشعب السودانى الان؟
هذه مرحلة الحد الادنى في تقديرى لتفادى غرق السفينة و ارى الكل يضرب تحت الحزام و يقدد في المركب.
في فراغ فكرى سياسى, يعنى الاحزاب السياسية ما قادرة تتبنى برنامج سياسى يستوعب طموحات السودانيين لكى تكون خياراتنا مبنية علي الفكرة السياسية بدلا من البدائية التى نعيشها.
في ظل هذا الفراغ و الانحطاط الفكرى, في اعتقادى تبنى المحاصصة الجهوية المتساوية بين اقاليم السودان قد يساهم في تفادى الغرق لان المرحلة التى تليها هى التشرزم القبلى و لكن يمكن العودة منها بسهولة. ربما القاع.
فيا عزيزى سؤال من يمثل من لا ينطبق علي دارفور بل لكل السودان, حالتنا بتبقي زى حالة الكاريكاتير المصرى عن عمر البشير حيث فقد سرواله (الجنوب) و يصرخ (حلايب).
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
تعرف يا محجوب أنا لسة ما سمعت خطبة جبريل العصماء رغم إنها كانت حديث الوسائط طوال اليومين الفاتو
ما سمعتها لأني ما عاوز حلول من كوز
اكتفيت حد التخمة من الكيزان والمتأسلمين وما بقدر اسمع ليهم مهما كانت موضوعية حديثهم
لا أملك حرمانهم من الحديث أو الممارسة السياسية بما تيسر من اتفاقيات لكن استطيع منع نفسي من الإنخداع بطلاوة حديثهم
بخصوص الرجوع للأرياف الموضوع ليس عقوقاً من سكانها
ببساطة وانت في الريف لن تجد أساسيات الحياة لإبنائك
لو زول ساي اتضايق بالليل محتاج عملية زائدة دودية والدنيا خريف ممكن ما تقدر تمرق من القرية عشان تفتش مستشفى تنقذ بيها حياته
ما حتلقى تعليم كويس لي أولادك ولا خدمات كهرباء مستقرة وانترنت
الناس دي هاجرت الخرطوم لما الإنقاذ قفلت كل أسباب الرزق في الولايات
عندنا في الجزيرة دمرت المشروع الزراعي الكان عايش الجزيرة كلها وقفلت المصانع وحاربت الرأسمالية المحلية
أمسك ليك مثال واحد بس اللي هو رجل الأعمال السابق المرحوم فتح الرحمن البشير مهندس مصالحة 77 دة كان فاتح عدد من المصانع في منطقة جنوب الجزيرة أبرزها مصنع الحاج عبد الله للغزل والنسيج .. لما جات الإنقاذ حاولت استمالته وهو سياسي محنك رفض اغراءاتهم فكان التضييق والمحاربة والضرائب والجبايات لحدي ما أجبر على إغلاق أعماله اللي أنشأها في منطقته عشان يخدم بيها مواطني جنوب الجزيرة واحداً تلو الآخر وفقد الآلاف من منطقة سنار وظائفهم البتكفل ليهم الحياة الكريمة في قراهم .. الآن قريته البريّاب شبابها كلهم مهاجرين
مشيت قرية ود الشافعي جنوب مدني اندهشت جداً لنظامها وترتيبها ومبانيها الجميلة رغم إنها شبه فاضية لما سألتهم قالوا لي القرية دي زمان كانت رئاسة السكة حديد عشان كدة متطورة ولما جات الإنقاذ واعدمت السكة حديد انتهت
متذكر حلويات الكريمت؟ أشهر حلاوة بقرة في السودان .. مصنعها كان في قرية نائية في المناقل برضو طلعوا عينهم لحدي ما قفلوا
أولاد أبو زيد الهلالي في منطقة المناقل كانوا شايلين البلد كلها عمالة في مصانعهم لحدي ما اتقفلت
مصنع الصداقة الصينية السودانية للغزل والنسيج في الحصاحيصا كان شايل محافظة الحصاحيصا بالكامل .. بصاته بتجيب العمالة من أقاصي قرى المنطقة .. يعني لو ماشي أي قرية هناك بس تمشي المصنع وتسأل من بص القرية اللي بيودي العمال ويجيبهم وتركب معاهم .. برضو تم إغلاقه
مدارس القرى الحكومة ما بتوفر ليها أي حاجة .. أنا شفت بي عيني مدرسة ود شنتور فيها 6 فصول و4 أساتذة .. الاستاذ بشتغل فصلين في نفس الوقت .. يكتب لي ديل في السبورة يقول ليهم أنقلوا ويمشي يكتب لناس الفصل التاني
شفت مدرسة الماطوري وهي معتمدة بالكامل على أبناء القرية اللي بيقروا في الجامعات يجوا يدرسوا في إجازاتهم
قريبي ودته الظروف لقرية بيّت فيها وطقته عقرب .. سواق لوري أداهو عرق قال ليه أمضغو دة العلاج الوحيد عندنا لأنه مافي مركز صحي في القرية ولا جمبنا مستشفى قريب
الرجوع للقرية طوعاً في الظروف الحالية ما خيار إلا للمضطر لأنه مافي زول مقتدر بغامر بي صحة وتعليم أولاده .. الارتباط بكون في الإجازات فقط
مالم تشمل التنمية الولايات بإجراءات حكومية تبدأ بإغلاق مراكز الجامعات الولائية في الخرطوم وتفتح فرص الاستثمار المغري في الولايات وتدعم التعليم في المناطق البعيدة وتملأ حوجتها قبل حوجة الخرطوم ما حيتصلح الريف
فتح الاستثمار في الولايات بإجراءات مغرية زي إعفاءات ضريبية لمدة سنتين مثلاً وتيسير الإجراءات .. يعني مناطق زراعة الطماطم لو الحكومة عملت فيها عطاء لإنشاء مصنع صلصة مثلاً بشروط تشغيل العمالة الوطنية المصنع دة حينهض بالمنطقة بالكامل .. وحتى لو ما عملتها شركة مساهمة عامة وإنما فتحتها للاستثمار الخاص بإعفاءات وشروط تحمي المنطقة رأس المال حيجي لأنه عندنا أيام الناس بتخلي الطماطم تموت في مزارعها بسبب إنه الحصاد والترحيل أغلى من سعرها
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: أحمد محمد عمر)
|
| Quote: بخصوص الرجوع للأرياف الموضوع ليس عقوقاً من سكانها |
سلام احمد محمد
شكرا للاضافة القيمة
فعلا تلف كل السودان الشىء التلقاهو واقف بنوهو الانجليز.
تمشى كتم, في حى بسموهو حى الموظفين ( الضابط الادارى, ضابط الشرطة و السجن, القضاة و غيرهم من كبار الموظفين و جوارهم طبعا المحكمة و مركز الشرطة و المحلية و المستشفى و غيرها من المراكز الحيوية. منظقة سياحية بأمتياز من مبانيها وشوارعها الرملية و هذه هي المبانى التى الانجليز.
نعم ليس هو عقوق السكان, لكن انا ضربت امثلة بالناس الاصبحو رؤساء و وزراء بسلطات فوق العادة و لذلك لم يفكر احدهم بأنشاء خدمات في مناطقهم التى اتو منها بل كل شئ في الخرطوم, فمثلا تجد مأمون حميدة, هل كان بأمكانه ان يبنى مستشفي الزيتونة في المنطقة التى نشأ فيها او اقرب مدينة لها ان كان قرويا مثلنا؟
الكهرباء و الماء و الطرق المعبدة هم اساس الخدمات, لماذا لم يفكرو في تطوير مدن غير الخرطوم. ما بنقول امشو طورو كتم و لكن علي امتداد النيل توجد كهرباء و طرق مرور سريعة, لم يفكر احد في ذلك. هل لانهم كيزان ام لان عقدة القروى من امثالنا هو الانبهار بانوار الخرطوم بالليل و لا يؤمن بنظرية (واطة مبنية طوب)؟
هل هؤلاء الذين اتو الان في قمة السطلة يفكرون في اى خارج الخرطوم غير معدن الذهب ليستبدلوهو بالرغيف. يعنى ماكلين دهب ساكت.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
الحبيب محجوب .. البوست مهم جداً
دكتور جبريل هو نجم الساحة كما في مواقع الصحف
بدأ يظهر نوع من الاستقطاب ويظهر بعض الممارسات
التي يكن تجعل له التميز عن أقرانه
اظهار لغة التسامح بعيدا عن التحريض والتشفي
وبعد أن لمح بذلك في خطابه في سونا .. أعلن ياسر العطا
رئيس لجنة التمكين نفس الرسالة ( التشفي والتحريض )
وصرح اليوم بانه سيكون سيحمي الاسلام بحكم أن الشعب السوداني متدين
ولن يتوافق مع أي صوت داخل الحكومة يقصد الشريعة
زيارة لمنزل الترابي تحت شعار نشاط اجتماعي
اليوم في تلفزيون دنقلا شاهدت مندوب العدل والمساواة في جولة في الشمالية
كان في منطقة تنقاسي وتحدث بطريقة جاذبة
ولاحظت أنه لا يعطي الوعود الاقتصادية .. ربما فهم أن الناس اصابهم الملل
من مصطلحات الانتاج والانتاجية وسوف وسنقوم .. الخ
تحياتي الحبيب محجوب .. يا ريت تكون هناك قراءة لمن لديهم معرفة اعمق بجبريل
| |
|
|
|
|
|
|
|
|
 Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
سلام عليكم
كمدخل
بتذكر حاكم اقليم جا من برا السودان بعد الطيب المرضى بعد مظاهرات واذكر كنا صغار لكن كنا نسمع انو بعد حضورو للاقليم فى البدايه اصبح مقيم ويدير الاقليم من الخرطوم (مامتاكد من مدى صحه الروايه) لكن برضو الموضوع كان حاصل ايام البشير كان كتيرين من الولاه بيقعدو فى الخرطوم اكتر من ولاياتهم المسئولين منها.
بتذكر مره فى الشعل عندنا زميله دات تقول لينا عن مخطط سكنى جديد ماسكاهو شركه ودعتنا نتملك قطع فيهو ومن ضمن كلامها انو من اهم الجهات اساتذه جامعه الفاشر بيشترو قطع فيها واستغربت كيف يكون عرض قطع اراضى -يعنى استقرار- فى الخرطوم بدل مايكون الشركه تعمل مخطط سكنى ليهم فى الفاشر ذاتها!!!!
الهجره العكسيه بتحصل بكم حاجه اهمها توفر التعليم والصحه واعتقد انو حاليا الجامعات من البنيات المتوفره فى كل اطراف السودان فالجامعه متوفر فيها خبرات ممكن تشارك بتخصصاتها المختلفه فى تنميه الولايه سواء بالبحث او العمل المباشر
اضف لذلك الصخه وتوفر المستشفيات
الاتنين ديل اتوفرو فى عواصم الولايات كدا قطعنا نص المشوار والباقى اداره وتخطيط
من الحاجات البتضايق الجامعات الخاصه والمستشفيات الخاصه ماليه الخرطوم ليه الدوله ماتمنح الجهات فرصه انها تنقل لولايه تختارها مع تسهيلات فى الضرائب وومنح اراضى لاقامه المبانى يعنى ببساطه تشجيع قطاعى التعليم والصحه على الانتشار فى اطراف الوطن بتحفيز .
مثلا وناخد برضو مثال دارفور الناس بتجى من تشاد للمستشفيات الخاصه هنا تتعالج وتمل عمليات طيب لو الزيتونه اوفضيل او رويال كير كانو فى الفاشر ونيالا , اعتقد حتكون وجهه استشفاء لكل منطقه وسط افريقيا وربما غربها
الحاجه التانيه الدوله تشجع فكره العواصم النوعيه زكل ولايه عاصمتها تكون حسب ماتتميز بيهو نشاط صناعى او اقتصادى او سياحى ...الخ بالتالى كل عاصمه عاصمه خبرات وكفاءات فى مجالات تنهض بيها
اهم شى نسيب حكايه قيبلتى وقبيلتك ونعاين للبلد ككل ولبعض كمواطنين متساويين ونصفر المشاعر السالبه بيناتنا البتفرق ومابتجينا عوجه
بمناسبه الحى الذكرتو فى كتم بتذكر كما مع الوالد (معلم) فى الفاشر ساكنين فى حى مشايه اسمو الكرانك وتحديدا كنا ساكنين فى طرف منو اسمو 14 بيت ماعارف لسه فى ولا الكيزان باعو المنطقه استثمار
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Asim Ali)
|
Quote: وصرح اليوم بانه سيكون سيحمي الاسلام بحكم أن الشعب السوداني متدين
ولن يتوافق مع أي صوت داخل الحكومة يقصد الشريعة |
سلام استاذ علي عبدالوهاب
يبدو لى ان الرجل بدأ حملته الانتخابية بينما احزاب الخرطوم يتجنبون الحديث عن الانتخابات.
هذا الحديث سياسى جدا و اظهر عدم الاكتراث لبرنامج الحد الادنى و الحقيقة كل الاحزاب لم تتعاهد علي برنامج الحد الادنى و في غياب برنامج كتلك, ربما نوى تذكير الجميع للجلوس مرة اخرى و تذكير انفسهم بضرورة بناء ميثاق.
ايضا يظهر شيئا اخر, ربما هناك تحالفات و تفاهمات داخل المنظومة السياسة او الحاضنة السياسية و ان وجدت مثل تلك التحالفات فسوف تسقط الحكومة قريبا و يكون الحل الامثل هو انتخابات مبكرة.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
| Quote: بتذكر حاكم اقليم جا من برا السودان بعد الطيب المرضى |
حاكم الاقليم هو محمد ابراهيم دريج كاول حاكم من ابناء دارفور.
نعم هو يملك منزل في الخرطوم و لكن اقامته كانت في دارفور و في فترته الوجيزة التى قضاها, اقام الطريق المسفلت من نيالا الي زالنجى مرورا بجيل مرة.
و لكن معاكسات مدير مكتب الرئيس (اسمو بهاء الدين ادريس) عطل كثيرا من برامجه و خرج من السودان غاضبا دون ان يقدم استقالته للنميرى و لم يعد حتي سقط النميرى و للحقيقة لم يعد الي السودان الا قبل 3 سنوات تقريبا.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
Quote: اضف لذلك الصخه وتوفر المستشفيات
الاتنين ديل اتوفرو فى عواصم الولايات كدا قطعنا نص المشوار والباقى اداره وتخطيط |
و دى واحدة من النماذج اللي ممكن يقومو بيها ناس الضهارى اللي صارو وزراء في الخرطوم, لولا عقدة الريف التى تعشعش في نافوخ معظمنا, لقامو ببناء خمس مستشفيات تخصصية بمستوى واحد في الاقاليم الخمس بحيث لا يحتاج احد للذهاب الي الخرطوم للعلاج.
في اشياء ممكن تتعمل بكل بساطة و لكن في الاساس ما فى همة و الكل عايز يمشى اتجاه واحد و لا للعودة الي الريف.
| |
|
|
|
|
|
|
|
|
|
Re: جبريل ابراهيم, كان شغلوك بموضوع رغيف ناس ا (Re: muntasir)
|
| Quote: والله يا ترهاقا ما بندور الكيزان لكن إرهابي وسلفي وداعشي عديل كده |
يا منتصر,
ولدنا في الاول قلنا سريع سريع نودى ياكل عصيدة قبل ما ياكل رغيف ناس الخرطوم و يشرب مويتهم المتلجة, لكن انو الزول ده راقد ليهو فوق رأى اخر. لو قعد اسبوعين, تانى ما حنشوفو ذاتو.
________________
غايتو انتو الجلابة سركم باتع.
| |
|
|
|
|
|
|
| |
Mahjob Abdalla
Hani Arabi Mohamed
قسم الفضيل مضوي محمد
علي عبدالوهاب عثمان
ترهاقا
elsharief
عبدالعظيم عثمان
Asim Ali
فيس بوك
تويتر
انستقرام
يوتيوب
بنتيريست