|
|
|
 Re: عطاء من لا يملك (Re: Hafiz Bashir)
|
والله لا قوة عين ولا شئ حق عديييييل كدا (بالشراكة)..
العسكر ديل مش عندهم حق يشاورهم (بالوسيخة) اللي
ما معروفة ياتها.؟؟
زمااااان قلنا لاااا قالوا لينا عنده (كتيف) ههههههه.
ابوسن وضيوفه سلامات..
| |
 
|
|
|
|
|
|
|
|
Re: عطاء من لا يملك (Re: Mutasim Idris)
|
يا امتثال عنوان بوست اب سن يكفي للاشارة لعبارة الكباشي التي قالها في وصف اتفاق حمدوك الحلو في اديس اببا
المهم
اتوقع يا قريبك الكباشي حرق ورقه تماما و ح يلحق عمر زين العابدين أو سيتم تحجيمه و ابعاده عن ملف المفاوضات, اللعبة أكبر منه و البرهان و حميدتي براغماتيين خالص وما رابطين روحهم باي التزام نحو الحركة الاسلامية و ادبياتها
بنود اتفاقية سلام جوبا الموقع عليها حميدتي واضحة جدا في مسالة علاقة الدين بالدولة و ما هي الا العلمانية الا عشرة زاتها العاملها الحلو حجر عثرة و ليفرج للتفاوض بس باقي تسميتها زي ماهي
ثم ليس بعد التطبيع مع اسرائيل تاني حجة او منطق او مجال لرفع الدين كقميص عثمان
| |
|
|
|
|
|
|
|
|
Re: عطاء من لا يملك (Re: محمد البشرى الخضر)
|
مرحب امتثال اظنك كدة عرفتي
حبابك ترهاقا
شوف التصريح فيهو تجاوز لاسس التعامل مع قمة الجهاز التنفيذي
تجاوز طفولي ساذج وسلوك همجي وشفتنة شوارع بلغة فصحى زي ترجمة الافلام الاجنبية
| |
|
|
|
|
|
|
|
|
|
Re: عطاء من لا يملك (Re: عبدالحفيظ ابوسن)
|
مرحبا ودو
صدقت
انا لامن قريت كلامو دة تساءلت
ماذا يري كباشي؟
أي قوة استند عليها في تصريحه ليكسب ودها ؟
قد ينتقد الشارع اداء الحكومة وينتقد حمدوك نفسه ولكن لن يقبل من هو مثل كباشي ومايمثله او من يمثله
نشوف رد الحكومة
| |
|
|
|
|
|
|
|
|
|
Re: عطاء من لا يملك (Re: tabaldy)
|
سلام يا أبوسن
البرهان وحميدتي إلى حد كبير فهموا حجم التغيير الذي حدث ومتطلبات الشارع والمرحلة
ذلك لا ينفي سؤ طويتهم ولكنه يجعلهم يتعاملون بواقعية وبرغماتية.
كباشي زول كيشة
لسه ما قادر يفهم إنو قصة شريعة ودولة دينية دي تجاوزها الزمن وأصبحت غير مطروحة حتى للنقاش في الشارع
الزمن تجاوز فكرة إكتساب شعبية عن طريق طرح شعارات كيزانية كاذبة.
غندور ذاتو بيكون شايف البعمل فيهو كباشي دا عوارة ما أكتر.
| Quote: الجهة منو الممكن تحاسبو؟ |
الجهة الممكن تحاسبو هي الشارع يا تبلدي
الكل يبحث عن القبول لدى الشارع بما فيهم البرهان وحميدتي
ورغم أن كل العسكر مرفوضين من قبل الشارع
إلا أن كباشي هو أكثرهم عدم مقبولية في الشارع.
| |
|
|
|
|
|
|
|
|
|
Re: عطاء من لا يملك (Re: Hafiz Bashir)
|
| Quote: لا أن كباشي هو أكثرهم عدم مقبولية في الشارع. |
الكباشي ذكي برضو يا مولانا بل واذكاهم, هو لا يخاطب الشارع الذي تعنيه بل يخاطب شارع آخر خذل في البرهان و حميدتي و الان كباشي طارح نفسه الأمل الباقي لهذا الشارع في المجلس و الواقف الف أحمر أمام الشيوعيين الكفرة و نشطاء الخارج العملاء ابوات الجوازات الاجنبية - أو كما هو تصور الحكومة الانتقالية المدنية في المخيلة الفلولية و الاسلاموية و الادارة الاهلوية و اللوايفة و المنتفعين الذين تضرروا من قفل البلف و المخذولين في المناصب و القنينيط التحت!
كباشي يخاطب قاعدة الاسلاميين في القوات المسلحة و مهووسي الجهاد و العداء لامريكا و اسرائيل في الدفاع الشعبي المحلول و يخاطب الجزولي و عب حي و كل من تهيج مصرانه كلمة علمانية و يرى فيها فستان تحت الركبة أو ولد مضفر شعره!
| |
|
|
|
|
|
|
|
|
 Re: عطاء من لا يملك (Re: محمد البشرى الخضر)
|
سلام عليكم ابو سن وضيوفو
القصه توزيع ادوار بينهم من جهه مغازله اطراف فى الداخل ومن جهه تانيه مع اطراف فى الخارج ومجتمع دولى
الشارع ....
هل الشارع الان موجود ومتوحد بنفس (زخم ووحده) ابام الاعتصام او مليونيه 30 يونيو 2019 ؟؟؟
الشارع فى حاله ارتباك لانو اختلطت عندو السياسه بالاقتصاد والازمات ورفع الدعم
الجماعه ديل خازوقهم جوا الانتقاليه مسك بينا زمن لغايه مانظمو صفوفهم وبالمناسبه الاخطر جدادهم الالكتروتى شغال بشكل مختلف وللاسف مالاقين زول يقرعهم غتدهم السلطه والقروه والسلاح
الحاضنه السياسيه اصبحت راكوبه فى الخريف
| |
|
|
|
|
|
|
|
|
|
Re: عطاء من لا يملك (Re: محمد البشرى الخضر)
|
أنا غايتو متكيف منه
فرز الكيمان بوضوح
نسبة كبييييرة جداً من الشعب شايف إنه العلمانية كفر وعري وسكر في الشارع
ديل الأغلبية المسلمين عقولهم للشيوخ بالعاطفة الدينية وبقيموا الأفكار بشخصيات معتنقيها
عندهم الشيوعي الكافر بقول علمانية وإمام المسجد الشايل مفتاح الجنة في جيبه بقول حكم اسلامي .. وهم ضد الشيوعية والكفر بتأثير 30 سنة من التكرار
الآن أصبح المحارب للعلمانية هو الكباشي بتاع حدث ما حدث
كدة حيراجعوا حساباتهم المبنية على الأشخاص ويتقبلوا العلمانية كراهة في الكباشي
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
| Quote: وهم ضد الشيوعية والكفر بتأثير 30 سنة من التكرار |
الشيوعيه الكانت ذريعه للهجوم على الثوره وانها شيوعيه والحكام شيوعيين
اها الشيوعى مرق
يشوفو ذريعه جديده غير حركات كباشى. لانو حمدوك اتفق ولا ما اتفق الموضوع قائم وعثره فى طريق الانتقاليه والسلام الحقيقى الشامل
| |
|
|
|
|
|
|
|
|
|
Re: عطاء من لا يملك (Re: عبدالحفيظ ابوسن)
|
الشارع يا حافظ يستعيد في تسوية صفوفه
ما اظنو كيشة لكنه يستند علي قراءات خاطئة للرفض الواسع للحكومة حاسبا انه رصيدا للكيزان
او بالاصح رصيدا للمؤتمر الوطني
مافي كيزان في رأسمالية طفيلية مرتبطة بجهاز الدولة تستغل الدين لتحكم
| |
|
|
|
|
|
|
|
|
|
Re: عطاء من لا يملك (Re: عبدالحفيظ ابوسن)
|
اتفق معاك يا احمد فرز الصفوف بشكل واضح جدا
حتي الآن لحمدوك مناصريه واستعداهم
اضف لذلك من ينتقدون الحكومة لايضعون المؤتمر الوطني كخيار ايضا
وايضا يأملون في استعدال خط الحكومة وليس اسقاطها فإسقاطها سيعقد المشهد
يعني معالجة الوضع من داخل الديمقراطية والمدنية نفسها
| |
|
|
|
|
|
|
|
|
|
Re: عطاء من لا يملك (Re: عبدالحفيظ ابوسن)
|
يا حيدر الزين النبي فيك تجي تترجم لينا زميلك في الأدبخانة التحت دة بقول في شنو؟
ببرطم بي تحت ما فرزت منه أي حاجة! الدخل الحزب الشيوعي مع الجمهوريين مع مع الكباشي مع العلمانية مع مداخلتي الفوق شنو؟
دي حلة القطر قام ولا كيف!
____
عاين يا تحتاني انت
أنا بتاع تلميحات جنسية
الجنس حاجة لطيفة وانا بحبها جداً وممكن أتونس فيها معاك لحدي بعد بكرة
لكن النبي فيك أرحمني من ادبخانتك دي وشوف ناسها بي وين
دقايق النديها كباية شاي وأجي أحكي ليك قصة قريبي الكوز :)
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
قريبي ودفعتي كوز مؤصل بكل ما في الكيزان من صفات: الدقن ، فلقة الصلاة، كلام الخير والإيمان، والخساسة
اتصل بي عشان اللابتوب بتاعه فيه مشكلة، طلعت من شغلي مشيت ليه في مكتبه وانا شايل معاي الهارديسك الخارجي بتاعي
أول ما دخلت عليه لقيتو مشتري اسطوانة ويندوز وقال لي بس عاوزك تفرمت اللابتوب دة وتنزل فيه نظام جديد
طبعاً في شغل الصيانة أول ما زول يقول ليك بس انت فرمت معناها عامل مصيبة 
قلت ليه دقايق يا حبة .. الفورمات دة مرحلة متأخرة شديد .. انت أحكي لي المشكلة يمكن أحلها ليك في دقيقتين بدون ما تفقد بياناتك
قال لي مافي أي بيانات بس اللابتوب كان عند واحد صاحبي وبقى يجيب لي إعلانات غريبة
أهااااا صاحبك قلت لي ! 
قبل ما أكمل كلامي معاهو اتصلوا بيه دايرينه في مكتب تاني .. فتحت اللابتوب .. عملت إظهار للملفات المخفية وترتيب للمجلدات بالحجم طوالي الكمونية طفحت بي فوق
رجعت الوضع زي ما كان وهو جاني جاري سريع داير يلحقني قبل ما اكتشف حاجة وبقينا نتونس قال لي الهارديسك بتاعك دة فيه شنو قلت ليه يعني برامج وأفلام امريكية وشوية حاجات تانية
قال لي بااااس عليك الله عندك افلام لي فاندام ورامبو ؟ أنا بحب افلام الآكشن والحروب دي شديد .. وبرضو لو عندك مصارعة حرة أندرتيكر دة بالذات زولي شديد ياخي دة عنيف بشكل ما طبيعي
قلت ليه يا شاب حاجاتك الكلها دم وقتل دي ما تبعي ومصارعة دي ما بحضرها نهائي أنا زول افلام دراما ورومانسية وسكس :)
طوالي نطط ليك عيونه: بتحضر افلام سكس؟؟!!
قلت ليه بالحيل هسة الهارديسك دة فيه 120 قيقا سكس
قال لي لكن الكلام دة عيب وانحراف
قلت ليه العيب أندرتيكر بتاعك دة، مناظر الدم والموت البتحضر فيها دي ياها المنافية للأخلاق. زول يكتل ليه زول تاني ولا يضربه لحدي ما يجيب الدم دة ياهو الانحراف ذاتو .. أصلو ما ممكن زول طبيعي يستمتع بالعنف ومناظر الدم. لكن الجنس حاجة حلوة نحن الاتنين بنعملها وبنستمتع بيها فما عارف الانحراف هنا وين؟
قال لي تعملها مع زوجتك لكن تشاهدها في أفلام دي قلة أدب والله
قلت ليه والله أي زول بشاهد البعجبو .. انت زول عنيف وبتاع دم بتشاهد رامبو وانا زول حنين ورومانسي بشاهد الجنس .. عموماً حب الناس مذاهب .. أنا غايتو ما شايف مشكلة وأهو دة مالي الهارديسك بتاعي وماشي بيه عادي بلا خجل .. انت لو شايف دة انحراف عادي دة اختلاف وجهات نظر ما بقدر أقنعك بنظرتي خاصة وإنك زول متدين وكدة
ختيت الهادريسك جمب اللابتوب وقلت ليه أنا داير امشي الحمام وأصلي العصر وبجيك راجع
أديتو ليك زي تلت ساعة وجيت داخل لقيتو مركب الهارديسك وشغال يفتش .. قعدت بعيد عملت فيها مشغول بالموبايل وانا داير اموت من الضحك
قال لي انت أفلامك وين؟
قلت ليه شوف أنا أديك نصيحة معلم .. في مجلد اسمه آل باتشينو دة تشيله كلو كدة بي صمته تحضره بالكامل
يفتح ليه كم فيلم ويقفلن يقول لي لا لا أفلام تانية
وأنا أطرااااااش في الزفة نظام ما فاهم أي حاجة .. أقول ليه في أفلام حروب جميلة ما زي رامبو بتاعك افتح الفولدر بتاع ميل جيبسون بتلقاها
في النهاية لمن زهج قال لي ياخي الـ 120 قيقا القلت كلها قلة أدب
طبعاً فكيتها ليك ضحكة لمن داير اقع في الواطة قلت ليه حيييييييييينا ما قلت انحراف!
الهارديسك دة مافيه أي حاجة من الفي بالك يا عجل .. ولابتوبك دة بنضف ليك منه الفيروسات الجبتها مع فولدراتك المخفية وببقى كويس
قلت لي عيب وانحراف؟
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
| Quote: قبل ما أكمل كلامي معاهو اتصلوا بيه دايرينه في مكتب تاني .. فتحت اللابتوب .. عملت إظهار للملفات المخفية وترتيب للمجلدات بالحجم طوالي الكمونية طفحت بي فوق |
اولا :هذا تصرف شخصي يمثله كانسان اولا وقبلا ولايمثله في الفكرة التي تتجسد في عقليته
ثانيا : انت حكمت عليه من منظور بانه كوز ولايجوز له ان يشاهد مثل هذه الافلام واستنكرت هذا التصرف على خلفية الدقن والتدين التي يظهرها قريبك وهذا دليل منك بان فكرة الكيزان خالية من " الشبوهات " وهذه محمدة على ان العيب ليس في الفكرة وانما في الاشخاص الذين لبسوا لباس فكرة الحركة الاسلامية ولم يتحلوا بصفاتها
ثالثا : شخصك الكريم اخذ الموضوع من ناحية سياسية وليس دينية على اعتبار بان هذا السلوك كمسالة دينية مستنكرة على المسلم مشاهدتها فلماذا لم تهتز عقيدتك الدينية واهتزت عقيدتك السياسية ؟
رابعا: باعتبارك كنت تؤدي واجب فكان الاجدر ان تقوم بتنفيذ رغبات المستخدم كما هى دون المساس باسراره لتاتي في الاخر وتتكلم عنها في الملا وامام الناس
| |
|
|
|
|
|
|
|
|
|
Re: عطاء من لا يملك (Re: Asim Ali)
|
| Quote: طيب نغيرها لي أنصار سنة أو صوفي بتقسّم ؟ :) |
المهم يكون عندو دقن و غرة و جلحات - ولا هي صلعة راسها عديل؟
المهم عدة الشغل
| |
|
|
|
|
|
|
|
|
|
Re: عطاء من لا يملك (Re: Asim Ali)
|
| Quote: لسه ما قادر يفهم إنو قصة شريعة ودولة دينية دي تجاوزها الزمن وأصبحت غير مطروحة |
لا دولة دينية ولا يحزنون
أي مسلم ملتزم وضد الدولة الدينية ويكره الكيزان والسلفيين كره العمى
طالما هو مسلم ملتزم كيف سيرضى أن يفقد الغطاء القانوني لحماية بناته وأولاده القُصر من
من أن يسمح لابنته مثلاً بالسفر خارج السودان دون إذنه وأن تتزوج دون إذنه
و موافقته وكذلك أبنائه القُصر ؟!
أو أن تسن قوانين تتعارض مع قوانين الأحوال الشخصية في الزواج والطلاق وحقوق المرأة
والرجل
وفق الشريعة الاسلامية في الزواج والطلاق والميراث والبيع والشراء بعيدا عن المحرمات
كالربا وأمثاله؟!
إكراه المسلم على فعل ما يخالف دينه في معاملاته الخاصة ما هي الضمانات
التي تعطى له
إذا لم يتضمن الدستور السوداني أن الشريعة الإسلامية تعتبر أحد المراجع في للدستور السوداني
هي والأعراف
وإلا ستكون قوانين الأحوال الشخصية والميراث ونحوهما التي يحاكم القضاة فيها عرضة للتغول
إذا لم تؤمن وتضمن الإشارة لها في الدستور السوداني
الشريعة الاسلامية الحدود تعتبر جزء صغير فيها فهناك عبادات ومعاملات هي الأهم
الحدود قضية دولة وحكومة هم فيها أحرار في تعاملهم مع الزاني والسارق والقاتل
ونحو ذلك فهاناك بدائل في القوانين المدنية
لكن قضايا المسلم في خاصة نفسه واسرته وحقوقه وواجباته الحرام والحلال وفق الشريعة الإسلامية
خط أحمرولابد من التأمين عليها في الدستور
وفي حال لم تضمن في الدستور السوداني ستكون عرضة لخطر التغول عليها
| |
|
|
|
|
|
|
|
|
|
Re: عطاء من لا يملك (Re: منتصر عبد الباسط)
|
تحياتي منتصر
الاسلام والعرف مصدر من مصادر التشريع في السودان
ما اظن في زول حيختلف فيها
ما حنستورد قوانين من برة
تعرف من الاسئلة القاعد اسألها للناس المهاجرين بخصوص الميراث
والاجوبة بتكون مختلفة جدا
للدول الاوربية قوانين حول الميراث تختلف عن الاسلام
الزواج بثانية او رابعة
ثم العلاقة مع الابناء
والمهم رغم تباين الاجوبة يظل يتمسك احدهم بأسلامه لا علاقة له بطبيعة قانون ودستور وطنه الجديد
| |
|
|
|
|
|
|
|
|
|
Re: عطاء من لا يملك (Re: عبدالحفيظ ابوسن)
|
Quote: يا حيدر الزين النبي فيك تجي تترجم لينا زميلك في الأدبخانة التحت دة بقول في شنو؟
ببرطم بي تحت ما فرزت منه أي حاجة |
دا اقرب نداء او استدعاء يوجهه لي شخص .. في بوست لا مشارك فيه لا قاعد اشارك في الفيس!
ما قادر افهم مداخلتك دي الا بي انك يا حيدر قاعد في إدبخانة..
دا إعتبره تحرش منك والا تسبب والا ظرافة ؛)
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
Quote: ديني أناااااااا !
دة كلو في كلمة كوز؟
طيب نغيرها لي أنصار سنة أو صوفي بتقسّم ؟ :) |
على ثقة تامة لو كان قريبك في واحد من التصنيفات اللى انت ذكرتها أعلاه ماكنت لتمنح الموضوع أهمية واستغراب ....لكن عشان هو كوز طوالي حضرة سيادتك لقيتها فرصة وعايز تعمل منها مذلة
خليك من الكلام الخارم بارم الما فيهو لون ولا طعم وخليك في الــ"12" وقية بتاعتك بدل ما تستخدمها في مجال الطعمية أحسن تفكر وتشوف بيها حل لمشكلة السودان
| |
|
|
|
|
|
|
|
|
|
Re: عطاء من لا يملك (Re: النعمان اسحاق)
|
ديشااااااك الكوز ردمني
اتفسح يا النعمان أخوي .. وحاة الله دي فرصة ما بتلقاها تاني
عندك لحدي الجمعة أخلص الشغلة الفي يدي وأجيكم انت والسفلي
___________
يا حيدر الزين ناديتك عشان صاحبه ياخ :)
عليك دينك فتش السبعة وعشرين ألف عضو بتاعين الاونلاين ديل شوف بتلقى فيهم صليح لي عاطف غيرك! :)
| |
|
|
|
|
|
|
|
|
 Re: عطاء من لا يملك (Re: أحمد محمد عمر)
|
| Quote: يا حيدر الزين ناديتك عشان صاحبه ياخ :) |
برضه دا أغرب منطق وسبب عشان تسئ لي بيهو ..
يعني عشان صاحبي او متصالح معاهو أو ما بيننا انا وهو مشكلة بتختني في أدبخانة!!
وأسالك ترد لي بكل تسفيـه تحت الخط ..
تعديـك دا في إطار الفقه الاسلامي مفهومه بباب الولاء والبراءة من الزمـرة الضالة ولا تليـق ..!
عموماً .. وان إغلق باب الكاظمين للغيظ فبباب العافين عن الناس سلوى ..
وابداً كان الله مع المحسنين..
تحياتي
| |
|
|
|
|
|
|
|
|
|
Re: عطاء من لا يملك (Re: HAIDER ALZAIN)
|
كوز الدين ازيك
| Quote: اولا :هذا تصرف شخصي يمثله كانسان اولا وقبلا ولايمثله في الفكرة التي تتجسد في عقليته |
انجليزي دة يا مرسي؟ ماهي التصرفات نتاج للأفكار والعقلية! موش الزول بفكر في التصرف قبل يعملو ولا عندك الإنسان دة ماشي سليقة ساي كدة!
| Quote: ثانيا : انت حكمت عليه من منظور بانه كوز ولايجوز له ان يشاهد مثل هذه الافلام |
وين أنا قلت لا يجوز أنا يشاهد الأفلام!! أي زول عاوز يشاهد بي راحته أنا عارف ليك ظروفه! يمكن يكون بقوم دفرة :)
المواقع الزرقاء مالية النت والـ VPN متاحة بالمجان والزلابيا للجميع .. بس أكل براك جوة أوضتك ومافي زول ساءلك
| Quote: واستنكرت هذا التصرف على خلفية الدقن والتدين التي يظهرها قريبك |
التدين براهو ما المشكلة وإنما كمية النصائح وكلام الخير والإيمان البحذر بيه الناس من الانحراف اللي هو غرقان فيه لحدي نخرته
| Quote: هذا دليل منك بان فكرة الكيزان خالية من " الشبوهات " |
يا النبي نوح!
أموت واعرف النتيجة دي وصلت ليها كيف؟ هي الشبوهات تختاكم تمشي وين؟!!!
| Quote: وهذه محمدة على ان العيب ليس في الفكرة وانما في الاشخاص الذين لبسوا لباس فكرة الحركة الاسلامية ولم يتحلوا بصفاتها |
هي لجنة إزالة التمكين خلت ليها دقن حايمة؟ ياخي من زمن سندس والصافي جعفر الناس عرفت ما وراء الدقون .. هسة بعد فساد 30 سنة لسة مفروض نقعد نردد في موضوع فصل الفكرة عن الأشخاص!!! ياتو فكرة دي البتقعد قرون بدون ما تلقى زول يفهمها ويطبقها؟!!
ومااشييييين في السكة نمد
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
| Quote: الثا : شخصك الكريم اخذ الموضوع من ناحية سياسية وليس دينية على اعتبار بان هذا السلوك كمسالة دينية مستنكرة على المسلم مشاهدتها فلماذا لم تهتز عقيدتك الدينية واهتزت عقيدتك السياسية ؟ |
دة شنو دة! عقيدة دينية وعقيدة سياسية وبتاع!
ياخوي أنا لا بستنكر على مسلم ولا سياسي كل زول يقفل عليه أوضته ويعمل الدايره بكامل الحرية .. فمافي أي اهتزام اطمئن
المسلم بحاسبه ربه ما أنا والسياسي بحاسبه بقراراته السياسية
الفكرة يا كوزنا في الله إنه الواحد يدعي الصلاح ويقعد ينصح في الناس وينتقد في تصرفاتهم البعملها هو بالغمتي
| Quote: رابعا: باعتبارك كنت تؤدي واجب فكان الاجدر ان تقوم بتنفيذ رغبات المستخدم كما هى دون المساس باسراره |
أنا ما موظف عندو
وأي كمبيوتر بجيبوهو لي عشان أصلحه بشيك عليه in and out لأنه ما ممكن أقعد أنزل لي في ويندوز وأوفيس وانتي فايروس وبرامج ملحقة في 5 ساعات بينما المشكلة ممكن تتحل في scan بتاع 10 دقايق !! وأساساً إذا انت عندك صور خاصة مثلاً وحابي تودي الجهاز الصيانة لازم تمسحها براك الأول أو تشوف زول ثقة تكلمه يمسحها ليك بوجودك لكن كونك تودي جهازك الصيانة معتمداً على إنه الفني حيغض النظر من نفسه كدة زي البتخلي دكانك فاتح بالليل وتمشي تنوم عشان مفروض الحرامية يخلوا عندهم دم ويبطلوا سرقة :)
الأهم من دة انت ما انتبهت لي إنه هو شال الهارديسك بتاعي وانا مافيش وبدون إذني برضو؟ يعني دة ما أداك إشارة إنه الحالة بيناتنا واحدة!
| Quote: لتاتي في الاخر وتتكلم عنها في الملا وامام الناس |
الإجابة دي ليك انت وللقفة التحت البتكلم عن الخصوصية
هو قريبي الفضحته دة اسمو منو؟ وساكن وين؟ ووصفه شنو؟
تكون فضيحة كيف والزول مجهول؟؟!!! بطريقة تفكيرك دي ليك حق تكون كوز
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
| Quote: على ثقة تامة لو كان قريبك في واحد من التصنيفات اللى انت ذكرتها أعلاه ماكنت لتمنح الموضوع أهمية واستغراب ....لكن عشان هو كوز طوالي حضرة سيادتك لقيتها فرصة وعايز تعمل منها مذلة |
أولادنا في داخلية حسيب واحد جاب ليهم مجلة سكس اتفرجوا فيها بالليل .. صاحبي بعد اتفرج ختاها تحت لحافه
الصباح زميله في الغرفة أول ما صحى قال ليه عليك اديني المجلة الكعبة بتاعة امبارح :)
رد ليه مادام هي مجلة كعبة انت عاوز بيها شنو؟ اعترف بي إنها مجلة حلوة وعجبتك بديك ليها .. لكن مادام هي كاكّا مالك عاوز تضر نفسك براك! انت زول دكتور ياخي!
حضرة سيادتي :) يدعم التصالح مع الذات .. هسة قول لي عاوز كاسر بروكسي شوفني ما بعزك! لكن تجيني في الخاص أبشّرك .. سرك في اسكرين شوت وبلصقه هنا :)
انت زول في حالك ما بتنتقد التدخين إن شاء الله تدخن 10 علب سجاير في اليوم .. لكن ما تجي تعمل فيها ناصح للمدخنين وتحرم عليهم التدخين بنص الكتاب والسنة وتعملو بالدس
وانت متدسي الموضوع بمشي لكن لحظة يتفضح ما تنتظر الناس ترحمك
| Quote: خليك من الكلام الخارم بارم الما فيهو لون ولا طعم وخليك في الــ"12" وقية بتاعتك بدل ما تستخدمها في مجال الطعمية أحسن تفكر وتشوف بيها حل لمشكلة السودان |
أهااا يعني انت زي قريبي افتكرت إنه فعلاً عندي 120 قيقا كمونية وحايم بيها؟ هو الكيزان ديل في العضوية بتاعتهم عندهم حد أعلى لمستوى الذكاء ولا شنو؟
| |
|
|
|
|
|
|
|
|
|
Re: عطاء من لا يملك (Re: أحمد محمد عمر)
|
كباشي بيمثل منو في الهيصة الحاصلة دي؟
الزول ده ما بيفهم سياسة.
الجهة الوحيدة الممكن يعوّل عليها هم (رفقاء السلاح) ... وديل الأيام دي بيتضايروا من موضوع القبور الجماعية وعودة جريمة فض الإعتصام للعناوين الرئيسية ... بيتمنوا الزوبعة دي تنتهي والناس ينسوهم.
ما أظن يقيفوا معاهو في هبالتو دي.
| |
|
|
|
|
|
|
|
|
|
Re: عطاء من لا يملك (Re: محمد أبوالعزائم أبوالريش)
|
حياك الله الاخ عبد الحفيظ | Quote: لا علاقة له بطبيعة قانون ودستور وطنه الجديد |
كيف لا علاقة؟!
نحن نريد دستور فيه تفاصيل التفاصيل لكل شيء
الشغل الجربندي ساكت لا يصنع وطن متقدم وحر ويرعى العدالة والمساواة والإنصاف
نحن نريد دساتير في كل نشاط من أنشطتنا الحياتية بعمل مؤتمرات دستورية في الدين والأعراف
والقانون الجنائي والأمن والسلام الشعبي والتعامل المدني وفي السكن والأراضي والزراعة والصناعة
والصحة وصحة البيئة وفي الدواء والتجارة والتعدين وكل الأنشطة لينتج عنها قوانين
أما لغة الناشطين السياسييين بتاعين اليفط والعناوين البارزة الفارغة الجوفاء لنتعارك فيها ونموت ونمتلء فقراً بلا داعي
لابد من وقف ذلك العبث ونتحول للعمل الجاد المخلص الذي يبني أفكار نتعامل بها مع الواقع تعامل
علمي وموضوعي وليس باسفاف فارغ
| |
|
|
|
|
|
|
|
|
|
Re: عطاء من لا يملك (Re: منتصر عبد الباسط)
|
كباشي بيمثل منو في الهيصة الحاصلة دي؟| Quote: كباشي بيمثل منو في الهيصة الحاصلة دي؟ |
يا أخ محمد أبو العزائم في قضايا الدستور كل مواطن يمثل نفسه
مهما علت المرتبة والوظيفة رئيس الوزراء حمدوك يمثل نفسه فقط
لأنه ليس مفوض لغير العمل التنفيذي والفريق كباشي كذلك يمثل نفسه فقط
وكل أعضاء مجلس السيادة ومجلس الوزراء وحتى أعضاء البرلمان القادم
يمثلون أنفسهم فقط وليسوا مفوضين من أحد
في فرض دستور لا يصادق عليه الناس كل الناس عبر التصويت الحر المباشر
او بما يعبر عن الرضى الشعبي بوسائل شفافة
فأنا وأنت والفريق كباشي والسيد حمدوك وعبد العزيز الحلو كلنا متساويين في هذا الحق
وليس هناك من هو مفوض من أحد ليتخذ خطوة جديدة في هذا الشأن دون الرجوع للشعب
| |
|
|
|
|
|
|
| |
عبدالحفيظ ابوسن
محمد البشرى الخضر
ترهاقا
Hafiz Bashir
Mutasim Idris
Asim Ali
النعمان اسحاق
منتصر عبد الباسط
HAIDER ALZAIN
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست