|
|
|
 Re: السعودية تعيد راكبا سودانيا وصل أراضيها ب (Re: عمر التاج)
|
ترحع الخرفان
ترجع المدنيين
بتين ترجع العساكر الرخيصين الباعهم البشير وبرهان وحميدتي
خلاس راح ترامب والثلاثة ديل انتهو
https://top4top.io/
لا مصر ام الدنيا الدنيا عملت فحص دي ان ايه لقت مصر ما امها
وبعران الخليج ديل نسو البناهم منو ومنو اللبسهم القميص وعلمهم الحديث
السودان ما رخص الا في زمن الكعوك ديل
الكيزان والشيوعيين بعد الاستقلال
| |
  
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: adil amin)
|
هو يا داب هوان يا عادل؟
رجعوا كم واربعين باخرة قلنا ديل خراف ..
ماتو في الطريق وفي بورتسودان الاف الرؤوس منها قلنا دي مجرد غلطات متكررة وشنو يعني نخسر مليارات الريالات طالما الحكومة بقت رشيدة ..
لكن يرجعوا بني ادم من المطار المستقبل بحجة اصابته بالكورنا دي تبقى كبيرة خالص ..
والاسوأ هو رد فعل الاعلام الرسمي ووزارة الصحة.
تتخيل رد فعلهم هو نفس بتاع الخراف؟
| |
|
|
|
|
|
|
|
|
 Re: السعودية تعيد راكبا سودانيا وصل أراضيها ب (Re: عمر التاج)
|
سلام عليكم مره تانيه
موضوع كورنا وفحصها من قبل فتره وفى بوست كتبو واحد من الزملاء عن وصول سودتنيين فى سفريات للامارات مصابين بكورونا.
السبب غالبا انو الحكايه يقت فساد وبيع شهادات ولتكتمل الصوره تشوف الزحام والصفوف للمسافرين فى معمل استاك براهو يجيب كورونا (برضو فى بوست هنا كان فى صوره للمنظر)
وزاره الصحه زادت عدد المعامل لكن فى غياب فحص عشوائى ميدانى (ودا من ايام رفع الاغلاق طالبنا بيهو عشان الصوره الحقيقيه للوضع)
هسى المرض منتشر وارقام التقارير الرسميه يبدو انها واس جبل الجليد
اذا كان وزير الصحه ذاتو واتنين من معاونيه اتصابو وفى مديره اداره فى الوزاره اتوفت من كورونا ونعيها فى صفحه الواره اظن د.ايمان احمد البشير
مايبدو حتى الفحص الميدانى العشوائى متاح لمنسوبى المؤسسات الهامه اما المواطن المدروش فى الصفوف وزحام المواصلات وانعدام الدواء شريط البندول اربعه حبات ب30 جنيه حتى البصل والليمون الممكن تعتبرهم علاج بلدى سعرهم متصاعد
الوضع فى الداخل متردى والدوله خايفه من اى شكل من اشكال الاغلاق لانو خايفين توابع الاغلاق وماعندهم اى دعم للمواطن زول رزق اليزوم باليوم .
وحسب بيان لجنه تاور (الطوارىء الصحيه) رمو اى اجراءات على الولايه والمحليه والشرطه وديل اصلا راكوبه فى الخريف مابننشكر
يعنى المشكله مامن السعوديه المشكله اصلها عندنا زى كل مشكله ماقادرين عليها وبنفتش لى اى حيطه قصيره
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: Asim Ali)
|
Quote: وحسب بيان لجنه تاور (الطوارىء الصحيه) رمو اى اجراءات على الولايه والمحليه والشرطه وديل اصلا راكوبه فى الخريف مابننشكر
يعنى المشكله مامن السعوديه المشكله اصلها عندنا زى كل مشكله ماقادرين عليها وبنفتش لى اى حيطه قصيره |
الحبيب عاصم .. كلام صحيح
الشباب هنا في السعودية يقولوا ان الشهادات
ممكن شراءها ما عارف 30-35 الف بدون كشف
هناك شك في احصائية وزارة الصحة
أخر خبر اليوم اصابة وزيرة المالية بالكورونا
فما بالكم في الناس العادييين ..والي الجزيرة قبل قليل يتحدث
عن امكانية اغلاق الجامعات والمدارس
تحياتي
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: علي عبدالوهاب عثمان)
|
سلام عليكم عمنا الحبيب على عبدالوهاب
فى الجزيره قبل كم يوم علقو الدراسه فى واحد من المجمعات اظن وفى جامعات تانيه ظهرت حالات فى الاساتذه والطلاب والمدارس مفروض تفتح بعد اسبوع كميه الحاصل دا
شابف برضو كلام عن اصابه امين عام حزب الامه وطبها ناس حزب الامه حسب شريط مريم الصادق الاتكلمت فيهو عن مرور اطباء الحزب على ناس المكاتب القياديه
وغالبا وزيره الماليه ظهر لانو بعملو فحص لناس المؤسسات الهامه والمسؤلين
لكن حجم المرض بين المواطنين العاديين حجمو مامعروف
.
الاخ عمر دا بوست الاخ الههادى قبل شهر عن وصول مسافرين سودانيين للامارات مصابين بكورونا
الناس تعمل حسابا من كورونا فيروس في السودان ـ تقارير عن وجود بعض الإصاباتالناس تعمل حسابا من كورونا فيروس في السودان ـ تقارير عن وجود بعض الإصابات
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: Amira Hussien)
|
| Quote: حاجة غريبة ليه يلجا الناس للشهادات المباعة ، هل خوف من عمل الاختبار او خوف من الازدحام فى مراكز الفحص ولاعدم وعى وهبالة منهم |
الحكايه بقت زى ماتقولى كدا اسلوب تعامل عند شريحه واسعه انو يتجاوزو المطلوبات زى دى حتى لو فى صالحهم
استسهال اى وكسب الزمن طالما القروش هى الحل
بتذكر انو ايام الدراسه كان فى ناس بتجاوزو خكابه التطعيم بتاع الحمى الصفراء ويختصروا القصه بشراء كروت جاهزه وقبلها حتى شهاده الكشف الطبى الكان مطلوبه ضمن الاوراق واحنا بنجهز للسفر للدراسه كان فى تجاوزات زى دى وبتذكر القت داك كان مستوصف بتاع كيزان ينتهى بكلمه اسلامى
سلوكيات زى دى بتختفى من المجتمع لو بقى فى ادارات جيده وصارمه تحسم الفساد
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: Asim Ali)
|
سلام عليكم
عن تجربة ،شخصان من بيتنا أجروا الفحص قبل السفر في معمل خاص مرخص له من الوزارة.
ما أغضبهم ان الفحص تم في ثواني و العينة اتاخدت من مقدم الأنف يعني بطريقة سطحية.
ما معروف السبب، هل هو قلة الخبرة أم هي سياسة لجذب المزيد من العملاء.
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: نعمات عماد)
|
نسيت أقول أن وزارة الصحة تلاشت تماماً و لا
وجود لها بدليل ان المستشفيات الحكومية أغلقت
أبوابها لإنعدام كل شئ حرفياً .الأطباء أضربوا لأنهم
لا يستطبعون ان ينقذوا حياة المرضى بدون أدوية
و أجهزة و محاليل .حتى لو دفعوا من جيوبهم فهي
غير متوفرة في الصيدليات .
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: muntasir)
|
ز| Quote: الخبر ده ما راكب عدله زول وصلك وعنده كرونا قبل إعادته لابد من حجره ومن معه في الطائرة على الاقل لمدة خمسة أيام واجراء الفحوصات بعد ذلك مش ترجعه وهو احتمال فرطق رحلة الذهاب وترجعوا مع ركاب آخرين لفرطقة حلة أم رحلة العودة |
منتصر الجميل
فعلا ، هنا إجراءت وبروتوكولات معينة للتعامل مع المصاب واهمها كما ذكرت عزله ومنع إختلاطه مع الغير ، كل الناس انشغلت بالتحليل والردود ولم يفكر احدنا في اصل الخبر ولم يشكك في مصدره ولم يطالب بالدليل ، ولعل مرد ذلك لحالة الإحباط وتكرر المآسي ، زي زول تكون في كارثة في البلد ، غرق جماعي مثلا وخبر الناس الميتين مليان الساحة وجاهو الخبر انو أمه من ضمن الموتى ، قام صرخ وعمل فراش وكواريك ، بعد فترة إكتشف ليهو واحد انو أمه ميتة من سنتين ..
دي ياها زي قصتنا دي ...
كدا نثبت الخبر وبعدين نحلل ، علما بأن هناك خطاب رسمي من الأمارات بهذا الخصوص .
تحياتي
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: عمر التاج)
|
بالمناسبة موضوع اخد العينة ما بالضرورة يكون من اعمق اعماق الانف
عن تجربة شخصية اخدت العينة فى معمل استاك ،مشيت بعد العصر يعنى حسبت انو مواعيد الحظر وأغلب الناس بتكون رجعت و فعلا لقبت المكان رايق ،دخلت بتى وانا انتظرت فى العربية ،تعامل راقى وجانى الممرض لحدى عندى واخد العينة ، بعد سافرت وعملت فحص فى مطار دبى وانا داخله وفحص اخر فى احد المستشفيات عند المغادرة لاحظت انو فى استاك قربوا يوصلو مخى وأخذت العينة ومن ناحية واحدة من الانف ، وفى مطار دبى عند الوصول اخذت العينة من فتحتى الانف و عند المغادرة من فتحة انف واحدة ومن الحلق . الدايره اقولو انه العينة ماضرورى تتاخد من عمق وممكن تتاخذ فى ثانتة
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: نعمات عماد)
|
| Quote: حاجة غريبة ليه يلجا الناس للشهادات المباعة ، هل خوف من عمل الاختبار او خوف من الازدحام فى مراكز الفحص ولاعدم وعى وهبالة منهم |
تحياتي اميرة الشيخ ،
من الواضح أن كافة النظم في السودان الي انهيار، ولذلك يسلك المواطن اسهل الطرق للحصول علي خدمته، ومن ذلك الحصول علي هذه الشهادات الصحية الجاهزة من مراكز معتمدة مقابل دفع المال، ولابأس لدي البعض ان وجد شخص يتبرع بالمسحة بالإنابة عنه.
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: عمر التاج)
|
المصائب في السودان كثيرة وما حتنتهي الا ان يتولى امر الحكم من ينتخبه الشعب بحر ارادته
وليس بتعيين من اناس يعملون فقط لمصالحهم الخاصة وليس لمصلحة الوطن والمواطن...وهيبة
الدولة دائما في وجود وزير داهلية شجاع قلبه غلى الوطن ومصلحة المواطن ،وفي وجود شرطة
مدربة تدريبا عاليا ، وياريت يجيبوهم يدربوا في كلية شرطة نيويورك عشان يتعلموا كيف يفرضوا
هيبة الدولة....
وقد قرات امس ان السعودية والامارات تفكران في حظر سفر السودانيين الى السعودية والامارات،،!!!
تخريمة:
كنت اقرا قبل يومين في مذكرات كاتب سوداني قال في السيد احمد المهدي، واظنه عم الصادق المهدي، قال:
ان السيد احمد المهدي كان في فترة ما وزيرا للداخلية، وفي عهده اختفى اللصوص نهائيا من الشوارع وختفت
جرائم القتل وان الراعي يخرج بغنمه وابله يسرح بها طول البلاد وعرضها ولا يخاف حتى من الذئاب تفترسها
لان الامن كان مستتبا في جميع قرى ومدن السودان...ويقول ان رجال الشرطة في عهده كانوا يقومون بواحباتهم
خير قيام وانه كان يلبس جلابيته ويحوم في تص الليل يتفقد احوال الشرطة ومنو النايم ومنو الصاحي...وان السواري
وهم افراد الشرطة الذين يمتطون الخيول يحرسون الاحياء طوال الليل،،،،
...اين يا ترى السيد احمد المهدي،!؟
والتحية له من هنا حيثما ما كان واينما كان...
| |
|
|
|
|
|
|
|
|
|
Re: السعودية تعيد راكبا سودانيا وصل أراضيها ب (Re: امتثال عبدالله)
|
Quote: وان السواري
وهم افراد الشرطة الذين يمتطون الخيول يحرسون الاحياء طوال الليل |
لسه موجودين لكن مافى اهتمام بيهم
فى بحرى لسه وراء المطافى فى المزاد شمال ميدان المولد
احيانا بيظهرو بوضوح ايام ماقبل الاعياد وزحمه الاسواق لغايه قريب الصباح بكونو لافين فى اطراف السوق
| |
|
|
|
|
|
|
| |
عمر التاج
adil amin
Asim Ali
علي عبدالوهاب عثمان
Amira Hussien
نعمات عماد
فيس بوك
تويتر
انستقرام
يوتيوب
بنتيريست