|
|
 Re: بوست مشتت الرؤية والفكرة (Re: عبيد الطيب)
|
إتذكرت سالم الكيجاوي،وحكاويه عن القرود،وأنا أشاهد حكام وحكومات
أهل السياسة،وأفعالهم بالوطن السمح بلحيل السوّوه(قلبة بطيخ)
من آخر نميري
حكومة الديمقراطية البعدو
وأفعال الكيزان قديما وجديدا ودي الأسوأ
وناس الحرية والتغيير والعسكر
وتجار الحروب والسياسيون الجُدد
قالوا:(القرود بعد تتملك القلبة قلبة البطّيخ (قلبة قاف معطشة)
إذا أتفقوا بياكلوها
وإن اختلفوا بشلعوها)
أكلوها لكن ماتشلعوها يا بخات الخال
ومن حكاوية الجميلة والمبدعة،أن عمه هجمت علي بلاده قرود
بتفتش عيل للبطيخة"أم دم"، أها أولا لم يعطِ الأمر إهتماما
لأنه عندما جدع التيراب قال:(للغاشي والماشي والخاطر)
يفقع ويشرب وياكل
لكن مايشيل في مخلايتو
أها القرود عصرت علي البلاد شوية
قام جاب كجامتو وقجّاه للقرود
(كجّامة الحداحيد الملانة سنون
قبضة فينا يامولاي تكون في العون)
الليل جا والقرود دخلت البلاد وشبعت وفرّت
والقرود بعد شبعت بوّمت وعيونها بتشوف طشاش طشاش
ومع الدغش شالت الكجامة في واحد أبوكنقِر
كسرت كراعو ...لكن بحاسة الغبن يعرف العاقبة
شال ضَلعتو وقلع معاهن، ومع شقّة السرحان عم سالم
عقر الكجامة ..ولقى عيل مداستها
مسك دربو والدم تحتو هتاف شنة...
والقرود شافت الزول لافح فرارو يخب ساكت
قلعن روكا..والقرد ب وراهن يكلعت ويعتب، والجري غلبو
رجعن منهن قرود منّاع وإتربعنوا وقلعن وعم سال عاد يعجبك
قلع قَلْعَتُو العجيبة وزازاهن وضايقن والقرد المكسور محّق جريهن
أها بعد بقن في الحلوة جدعنّو وقلعن،
عم سالم صاح هيي ود أم جعاب الليلة تار بطيخي
المهم فرار أبولَي واحد وجاب خبره،قطع ضيلو دايرو ل سوطو ضبّةورجع
أها بعد يومين القرود إتنادت وهجمت علي البلاد،شُغل الإنتقام والضُر
حتي البرُّول الصغيرة قطعتها، وإتناولت العروق شلعتها وقطّعتها
زولنا جي شاف بلادو وإتهوّل في ضُر القرود
مشى ل جارتو وقال لها:(المريسة دي كووولها سويها دقّة خريط)
باكر جهزت وشال جردلو ودخل البلاد، وأي قعفة بطيخة كبيرة
نضفها ودفهنا من وسط،وملاها دقّة
ناس أبّان صليب الدغش هجموا البلاد ولقوا الدقّة وعاد الواحد
نامن يقش الحُتحت من شنبو ومعاها إنبصاطة
سكروا سكرة طيني، وقفوا شوشلّي ورقدوا قبلهن
عم سالم جي مع شقّة الكضّاب،شاف القرود متندلين ونوم العافية
أها حلف قال:( يمسك القرد من إيدو ويرفعها
والقرد يفتح عينو يعاين ليهو وبردلب يغمض ويرقد في مكانو
ابادها إبادة وأنتقم منها
ورد في الحكي الفوق دي "شقّة الكضّاب" والكبابيش يطلقون علي طلوع الفجر الكاذب"شقّة الكضّاب"،
ياخ الكبابيش ديل لهم عبقرية في لغتهم المتداولة بينهم تحتاج لكتابة مغايرة يقول الشاعر العجيب الساعور:
( بنوتنا البِسوَّن دِلْكَة المَهَبَاب
جبادات فريقهن حيكَة الدّيناب
خَرْج الرِّيف لَبَاسِن بِقْدِلَنْبُو تِياب
عَرَّاكات جَبينْهِن شَقَّة الكَضَّاب
رشَّاشَات قرونْهِن ريحة البَانْتَاب
مَسْتُورَات قِنَاع ماهِنْ من الخِيَّاب
مع أم بَشَّار كَتَبْهِن مَشَّقِلُّو كراب)
|
|
 
|
|
|
|
|
| العنوان |
الكاتب |
Date |
| بوست مشتت الرؤية والفكرة | عبيد الطيب | 11-10-20, 06:55 AM |
| Re: بوست مشتت الرؤية والفكرة | عبيد الطيب | 11-10-20, 06:57 AM |
| Re: بوست مشتت الرؤية والفكرة | عبيد الطيب | 11-10-20, 06:58 AM |
| Re: بوست مشتت الرؤية والفكرة | عبدالحفيظ ابوسن | 11-10-20, 07:13 AM |
| Re: بوست مشتت الرؤية والفكرة | عبيد الطيب | 11-10-20, 07:21 AM |
| Re: بوست مشتت الرؤية والفكرة | اخلاص عبدالرحمن المشرف | 11-10-20, 07:19 AM |
| Re: بوست مشتت الرؤية والفكرة | عبيد الطيب | 11-10-20, 07:26 AM |
| Re: بوست مشتت الرؤية والفكرة | امتثال عبدالله | 11-10-20, 07:21 AM |
| Re: بوست مشتت الرؤية والفكرة | عبدالحفيظ ابوسن | 11-10-20, 07:29 AM |
| Re: بوست مشتت الرؤية والفكرة | عبيد الطيب | 11-10-20, 07:46 AM |
| Re: بوست مشتت الرؤية والفكرة | عبيد الطيب | 11-10-20, 07:31 AM |
| Re: بوست مشتت الرؤية والفكرة | جلالدونا | 11-11-20, 00:28 AM |
 Re: بوست مشتت الرؤية والفكرة | Biraima M Adam | 11-11-20, 02:59 AM |
| Re: بوست مشتت الرؤية والفكرة | عبيد الطيب | 11-11-20, 05:16 AM |
| Re: بوست مشتت الرؤية والفكرة | عبيد الطيب | 11-11-20, 05:02 AM |
| Re: بوست مشتت الرؤية والفكرة | عبدالحفيظ ابوسن | 11-11-20, 05:17 AM |
| Re: بوست مشتت الرؤية والفكرة | عبيد الطيب | 11-11-20, 07:13 AM |
| Re: بوست مشتت الرؤية والفكرة | عمر نملة | 11-11-20, 10:31 AM |
| Re: بوست مشتت الرؤية والفكرة | عبيد الطيب | 11-11-20, 10:53 AM |
| Re: بوست مشتت الرؤية والفكرة | عبيد الطيب | 11-12-20, 06:47 AM |
 Re: بوست مشتت الرؤية والفكرة | محمد أبوجودة | 11-12-20, 11:30 AM |
| Re: بوست مشتت الرؤية والفكرة | عبيد الطيب | 11-12-20, 12:32 PM |
|
| |
عبيد الطيب
فيس بوك
تويتر
انستقرام
يوتيوب
بنتيريست