|
|
 Re: هل ازالة اسم السودان من قائمة الارهاب تحل (Re: Abureesh)
|
سلام عليكم
الاجابه فى اتجاهين وجهين لعمله واجده
اولا الموضوع دا زى مايكون فصل من فصول مسرحيه (فى انتظار جودو) رفع اسم السودان من قائمه الارهاب وتطبيع مع اسرائيل وكذلك الجرى المتواصل للشحده ومد اليد طلبا للقروض باسم الثوره وسودان مابعد الثوره ....الخ كله دى فارغه مابتقدم ولاتاخر وانت كحاضنه سياسيه واحزاب (الاحزاب والقيادات المنحازه فعلا لجانب الثوره والشعب) مش الاحزاب والقيادات العميله كان للكيزان او للمحاور الخارجيه .ومخلين الناس منتظرين فرج موهوم من الخارج قمح وبترول ودولار وحتى الشركاتلما تجى هل الشعب والدوله على قدر التحدى تسهيل (الحكومه) ومشاركه وامتساب خبره (الشعب) ولا القصه بس شغل اعلام والبلد يجو يشتغلو فيها الاجانب زى ماحصل ايام البترول (قبل الانفصال) الحبش والمصريين يجو يغتربو عندناونحنا بنمارس فى الانشطه الطفيليه سمسره وتجاره شنطه ورمتله من بنبر ست شاى لحفله غربان الفن ....الخ لكن مافى انتاج حقيقى.
ثانيا الشعب المفروض ثار وملا الشوارع وعصيان مدنى وواتكومو فى القياده شهور ...وين الناس دى هسى ؟ والبلد مليانه ازمات وثقوب وعراقيل ضمن حرب الفلول لاجهاض الثوره .
شعب الا تسوقو سواقه قطيع بمليونيات وهتاف وشعر وهلمجرا لكن الفعل الحقيقى اليومى فى المؤسسات وفى الاحياء لتثبيت الثوره والتغيير سواء اجتماعيا او اقتصاديا او حتى جانب ثقافى ينشر وعى والحكومه والحاضنه السياسيه فشلت انها تستنفر وتنظم وتوجه طاقات قواعدها (على الاقل) للمهمه دى ولو كلن فعلا عندنا احزاب متماسكين فى حاضنه سياسيه بحد ادنى من العمل على المستويات دى مان بيحصل الشايفنو هسى البلد لاعمل لا انتاج حقيقى والناس غرقانه فى ازمات - تؤدى لتعقيد الوضع السياسى -هى جزء منها بسلبيتها وعجزها .
مافى ازاله لاسم السودان من قائمه الارهاب اوةتطبيع مع اسرائيل او مال قارون يتكطب فى السودان حيعمل شىء غير يزيد الوضع سوء والفساد لافسد طالما نحنا لسه فى قبيتى وقبيلتك وصراع كراسى حكم وعدم حياء وخجل من العماله المكشوفه للمحاور الخارجيه .وشعب لسانو فاق دقن زيدان الكسلان فى ارتياد مساحات واحلام انجاز فى العد وهو مسترخى فى انتظار جودو
|
|
 
|
|
|
|
|
| |
Asim Ali
فيس بوك
تويتر
انستقرام
يوتيوب
بنتيريست