|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
Quote: فيا اهل السودان ختو الرحمن في قلوبكم. دارفور لم تأخذ نصيب الاخرين. فقط عملية تحول (المادة: لا تفنى و لا تستحدث من العدم) و لكن يمكن تحوليها من طاقة تدميرية الى طاقة بنائية. في هذه الحالة, (القنابل ربما الي سنابل), لم ينقص من حق الاخرين شيئا. |
مبدع يا محجوب يا كيميائي انت اخبارك
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: د. بشار صقر)
|
Quote: كيفك محجوبنا ال 80% دخلت كرش العسكر الله اعلم ترجع، العاصمة ثلث السكان فيها وح تزيد وبرجع لك بعد 5 سنين وبتلقي الحال زي ما قلت لك بالظظظظظبط . وح تكون الانتخابات علي الابواب ودلع الحركات ح يكون دلال معجن محن الامات يا رداح |
سلام دكتورة في الماضى كان سبب تحويل ميزانية الدولة الي ميزانية امنية لادارة الحرب. اذا توقفت الحروب نتيجة لهذا السلام, هل يمكن ان يتقلص الميزانية العسكرية الي الحكومة المدنية و بناء عليه, هل يمكن تركيز الجهود نحو تحويل تلك الميزانية الي الحكومة المدنية بدلا من رفض مبدأ تخصيص الـ 20 لدارفور. بمعني اخر, ربما العساكر اعادو اعادو الـ 20% عندما طالب اهل دارفور بحقهم و احتفظو بالـ 60% لان الاخرين لم يطالبو بحقهم!. في تقديرى يجب ان تركيز الذين ينتقدون الاتفاق علي كيفية اخذ حقوق بقية الاقاليم من العسكر بدلا من المجابدة في حق اقليم واحد
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
Quote: مبدع يا محجوب يا كيميائي انت اخبارك |
سلام دكتور بشار كيف اخبارك. اتمني الناس ينظرو للموضوع بعقل بعيدا عن رواسب العواطف و حنلقى انو الاتفاق ده يادوب خطوة اولى نحو بناء دولة و لسه في خطوات كثيرة قدام و في الاخر لا احد يتضرر من السلام الا الذين كانو يستفيدون من استمرار الحروب.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: اْسامة اْباّرو)
|
Quote: الـ 8% حيتوزع 5% لـ دارفور (5% + 15% = 20%) و 1% للنيل الازرق و 2% لاقليم جبال النوبة. |
محجوب كيفنك ... ما شاء الله البندقية جابت وميزت بين مكونات البلد الواحد ... يبقي من العدل أن تدرس باقي الأقاليم مكافآت وفوائد ومخرجات رفع البندقية في وجه الدولة لتقرير مستقبلها في هذا البلد ...
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: muntasir)
|
سلام منتصر الغريبة, في المقتبس الجابو ابوصلاح, انا (افترضت) انو الـ80% من ميزانية الدولة الكانت ماشة في الحروب و تم تحويلها (بحسن نية) نحو البناء, فـ اى اقليم حياخد 15% و دارفور ربما لغرض جبر الضرر حيأخد 5% زيادة عن الاخرين لمدة محددة من الزمن لكن اخونا صلاح شايف انو ده امتياز السلاح.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: اخلاص عبدالرحمن المشرف)
|
Quote: المشكلة يا محجوب ما هي 20.% المحاصصة تمت بين العسكر والحركات ، منو الوقع عن الشمال؟ وحتي الشرق ، يعني كل السودان لم يحضر زي نيفاشا اتفاقية معيبة وللان لم يوقع الحلو ولا عبدالواحد |
سلام دكتورة اخلاص الحتة دى برجعنا لحديثنا قبل سنة و 6 شهور تقريبا (اى بعد يوم 12 ابريل 2019). انا بقيب اردد كتير جملة (ما قلت ليكم) حتى بدات اخجل من تكرارها و لكن يا هو ده الحاصل انو قلنا زمان: المطلوب ليست محاصصات حزبية بل حكومة تكنوقراط (موزعة بالتساوى علي اقاليم السودان) و يتفرغ اهل الاحزاب الى عقد مؤتمر يناقش فيه كيفية بناء سودان جديد و الاجابة علي سؤال كيف يحكم السودان و ليس من يحكم, ثم يرتبو انفسهم تجهيزا للانتخابات و ذلك يتطلب مشاركة الجميع. في حالة التشظى و غياب البرنامج السياسى, مرحليا هو التمثيل الاقليمى حتىي لا يتخلف احد.
الخلاف عندى في مبدأ التفاوض نفسه و الذى حسب ما توقعته لم و لن يفضى الى حل شامل للازمة السودانية بل الى دوامة الازمة و قد استنزفنا كل فرص بقاء الوطن و ثلاث انتفاضات (حسب القانون الالهى لا فرصة رابعة). حتي الان لا اعلم تفاصيل مبلغ الـ 750 مليون هل بالدولار ام بالعملة السودانية و هل هو تعويض لاهل المعسكرات او هل تم تخصيص طرق صرفها و لكن مبدأ توزيع الثروة في السودان يجب ان يكون متساويا بين اقاليم السودان بمعدل الـ 15% و في ذلك دارفور لم يأخد اكثر من حقه. اذا كان كل اقاليم السودان موجودة في المفاوضات لكان الاتفاق ان ينال الجميع حقوهم متساوية و لكن ليس لمفاوضين المناطق التى فاوضت الحق في التحدث نيابة عن بقية المناطق التى لم تدخل التفاوض.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
Quote: مية مية يا هبيب حتى محاصصات المناصب في الفترة الانتقالية في رايي ليست مشكلة! في النهاية هي فترة انتقالية و الناس اتعايشت مع محاصصات احزاب الحرية و التغيير الظاهرة و المستترة يبقى المشكلة شنو او اخذت الجبهة الثورية نصيبها |
سلام ود البشرى اهلنا بقولو البعشوم دائما بنصح اولادو, بقول ليهم "البني لو ما دخلت بينك و بينو شدرتين, اصلو ما تأمنو. يدو بتنقطع منو و بتجى تعوقك".
ساسة السودان تتملكهم الانانية و الحفر للبعض الاخر و ترانى لا اثق في ان هذه الاتفاقية ستذهب بعيدا و في كل الاحوال نتمني الا تصدق تخوفاتى.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
Quote: دائماً بالك طويل ، ال 100 مليون دولار بعد شهرين دي ح يدوها لمنو ، المخيمات ولا الحركات ولا حكومة الولايات ويصرفونها كيف ، صدقني دي بطريقتها دي ح تكون زي ال كان بعملوا الكيزان . |
سلام دكتورة الاخلاص النظام الادارى في السودان متغلغل فيه كمية الفساد و الان كل الجهات سالت لعابهم لاغتنامها و ربما لا يخرج ابدا مثل قروش سكر طريق الانقاذ الغربى. لا يسلم الي الحركات بالطبع و لا حتي الى حكومات الولاية. لو كان لى ان اقدم اقتراح, تخصيصها في بناء مدارس فقط. يقومون بحصر كل المدارس في دارفور و التركيز علي المرحلة المتوسطة التى تمت اعادتها و تأهيل الموجود منها او بناء مدارس جديدة بناءا علي خطة (ايا كانت الخطة) عبر النفير الاهلي.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: منتصر عبد الباسط)
|
Quote: هل الاتفاقية بتقول "حكومة السودان" ام حكومة "اقليم شمال السودان"؟ |
يا محجوب ياخي مافي Win ذو قيمة اكتر من سكوت البنادق ودا من أعظم إنجازات الثورة ... ونحنا كسودانيين ما أظن فينا من يرفض جبر الضرر لكل أهلنا العانو من ويلات الحرب وياريت يشيلو ال 80% كلها لمدة من الزمن لتصرف في إعادة كل الذين شردتهم واضرت بهم الحرب إلي أن ينصلح حالهم ... لكن ان تصبح قانون وبعد ٢٠ او ٣٠ سنة يعاني أحفادي من متل هذه التدابير ... هنا بيظهر التمييز ونبقي في التهميش ومواطنين درجة تانية ... ثم عنوانك دا ختيتو قدامي وقدر ما قلبتو ما عرفت ليهو فهم وخاصة حكومة شمال السودان دي اول مره أسمع بيها وغلبني اعرف الفرق بينا وحكومة السودان ياريت تنورنا ...
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Salah Zubeir)
|
Quote: ثم عنوانك دا ختيتو قدامي وقدر ما قلبتو ما عرفت ليهو فهم وخاصة حكومة شمال السودان دي اول مره أسمع بيها وغلبني اعرف الفرق بينا وحكومة السودان |
سلام ابوصلاح اولا المدة محددة بـ 10 سنين و هسى جيت قلت 30 سنة :)
بالنسبة للمقتبس, انا البسأل لانو قريت ردود كثيرة و اولهم رابط الفيس بوك في المداخلة التانية, الناس بتتكلم عن انو (شمال السودان) هو البدفع. هذه بعض الاقتباسات التى جعلتني اسأل:
Quote: أولأ سياسة فرض الامر الواقع التي تعاطت معها الإتفاقية والتي ألزمتنا في الشمال بالدفع ولم تترك لنا خيار المناقشة |
Quote: الاعباء المالية واستنزاف الشمال لمدة 10 سنوات |
عشان كدا سؤالى في العنوان.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
Quote: هي صحيح ال٨٠٪ راحت وين منذ سقوط البشير؟ |
سلام عمر الـ 80% قالو لسة مع العسكر لانهم مجهزين نفسهم (لو) قامت حرب تانى. اها لو اتفاق السلام اكتمل و بقينا بدون حروب (قيل) انهم سيتنازلون طواعية عن ميزانية الـ 80 لاجل الوطن او ربما لاجل الخشوم الفاتحة شهية لـ مرسيدس شبح او نيسان انفينيتى.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: اخلاص عبدالرحمن المشرف)
|
Quote: و كم كانت ميزانية الامن (حسب ما سمعت 80%) من ميزانية السودان؟ اذا كان ذلك كذلك, بعد توقف الحرب يمكن تحويل الـ 80% الي ميزانية تنمية. |
أخي العزيز محجوب، وهل ستبقى الأجهزة الأمنية بدون ميزانية؟ جزء كبير من هذه الميزانية يظل مستمرا سواء كانت هناك حرب أو لا. فعلى الأقل الفصل الأول (المرتبات) يظل مستمرا. أي أن الحسبة ليست صحيحة ولا يمكن أن تستفيد الخزينة إلا من جزء من هذه الميزانية.
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: محمد الأمين موسى)
|
Quote: أخي العزيز محجوب، وهل ستبقى الأجهزة الأمنية بدون ميزانية؟ جزء كبير من هذه الميزانية يظل مستمرا سواء كانت هناك حرب أو لا. فعلى الأقل الفصل الأول (المرتبات) يظل مستمرا. أي أن الحسبة ليست صحيحة ولا يمكن أن تستفيد الخزينة إلا من جزء من هذه الميزانية. |
سلام اخى العزيز محمد الامين, في تقديرى, تكلفة مرتبات الجيش اقل بكثير من تكلفة ادارة لوجستية الحرب. فهناك مشتريات الاسلحة و الذخيرة و حركة الجنود و الاستاد باى و وقود و حرجى و قتلى. بتوقف الحرب زالت هذه المنصرفات و في اسوأ الفروض لو تم تحويل الـ 20% فقط من منصرفات هذه الحروب الي التنمية فلن يتضرر بقية الوطن لان هذا المبلغ اصلا كان بتصرف في مناطق الحروب في معادلة الدمار. اتمني من السودانيين ان ينظرو الى الجانب الملىء من الكوب. ثانيا, المراهنة علي امريكا او اسرائيل في رفع العقوبات مقابل عدم حل المشكلة السودانية داخليا, فهو لامر غريب. لف و دوران عن استحقاقات مناطق الحروب الداخلية و الانبراش للسعودية و الامارات و مصر و اسرائيل, فده ما بحل. كل الدول دى حتستغل السودان استغلال الجن و يطلعونا خسرانين. يعنى السودان حيخسر بلايين الدولارات عشان ما يدفعو استحقاقات مناطق الحروب. يعني بدفعو عشان ما يحلو مشكلة داخلية, اى جنون هذا!
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: Mahjob Abdalla)
|
وهل سيتوقف تدريب الجيش وشراء السلاح في حالة وقف الحرب الداخلية ؟ لا أظن وستستهلك جزء مقدر من ال 80 % في اول الثورة وقعت الحكومة علي معاهدة حظر السلاح النووي وكذلك اوقفت التعاون مع كوريا الشمالية.
لا بد من تحديد عقيدة الجيش وهيكلته ومعرفة دور المدنيين في الامر ، هل يدربوا ويستعان بهم في حالة الحرب والطوارئ ، اعادة الهيكلة و تبيين العقيدة هي ما تحدد ميزانية الجيش
| |
|
|
|
|
|
|
Re: هل الاتفاقية بتقول andquot;حكومة السودانandquot; (Re: اخلاص عبدالرحمن المشرف)
|
Quote: لف و دوران عن استحقاقات مناطق الحروب الداخلية و الانبراش للسعودية و الامارات و مصر و اسرائيل, فده ما بحل. كل الدول دى حتستغل السودان استغلال الجن و يطلعونا خسرانين. يعنى السودان حيخسر بلايين الدولارات عشان ما يدفعو استحقاقات مناطق الحروب. يعني بدفعو عشان ما يحلو مشكلة داخلية, اى جنون هذا! |
الكلام دا يا الهبيب لفى راسي ... كدي ربطو لينا ...
| |
|
|
|
|
|
|
|