|
|
 Re: توقيع السلام... والجيش السوداني في فتيل!!! (Re: حاتم إبراهيم)
|
Quote:
كويس إنو ذاكرتي ما بتخذلني أبداً.
شوف يا (الشيخ سيد أحمد) عمرنا دا كلو ما شفنا زول مخلوع بثمار المنطقة الهو عايش فيها
والمفروض أنها بيئته الطبيعية، يعني أهل الجنوب مثلاً ما بيخلعهم الباباي والأناناس،
حاجات بسيطة زي دي بتفرق، شفت كيف!
بس أنت ما جاوبت على استفساري!
بتدعي إنو الاتفاق (مشين وغير عادل) وما برهنت أي شيء من مزاعمك.
فلو ما عندك أي حجة على ادعاءك دا يبقى بتقول كلام فارغ ساكت بدافع عنصري،
|
بالله يا "حاتم" انت شايف انو دي خلعة؟؟ يعني انا مخاوع بي بيئتي وبيئة اهلي الترابلة؟؟
طيب ومالو ؟؟
انا نقلت صورة طبيعه ساحرة لمنطقة محددة حتى يفهم القارئ..
انت لو عنك ان شاء الله :عجور" انقل لينا الصورة.
انت لو مشتهي المنقة قول لينا ..ليك علينا قبل ما نصل الشمالية من قريب من هنا من اولاد عمنا
الجعليين اجيب ليك منقة اشكال وانواع اخليك تتملي وتقيف "زمبارة" ..وانت اذا موضوع المنقة مزعلك
نعمل منو "حميل" تاني في اي مداخلة معاك.. اصلو ما تزعل.
Quote:
وهو تتعنصر على شنو ذاتك أنا ما عارف يا (الشيخ). |
ليه سميتها عنصرية؟؟
يعني ناس "ابو فراس الحمداني" والمتنبي وسيف الدولة مرورآ بي "مصطفى سند" وصولآ إلى شارع بيتنا :)
ديل كلهم كانو عنصريين في وصفهم؟؟
طيب اذا انا ما عندي ملكة الشعر في تصوير البيئة اعمل شنو يعني..اكون زي "حمد الريح" واقول "يا قلبي المكتول كمد"
غايتو يا حاتم دي "سرجت" معاك ..مافي ما يمنع من الوصف للبيئة الحياتية لتعريف الآخر وللشعور بالزهو من ذلك
المجهود الكبير الذي بذل من جانب اهلنا البسطاء الكادحين لتكوين تلك البيئة الخضراء.
Quote: الغريب والرخيص في الأمر أنك عايز تكورك وتقلع في نفس الوقت!
عين تدمع وعين مفنجلة تتراقص تفتش عن الأعذار والحجج بغرض الفتنة
تكورك وتتخيل سيناريو زي التحت دا
|
Quote: Quote: هذه القوات مجتمعة في وجود أطماع قادتها لن تتورع في إرتكاب ابشع الجرائم
وستكون اشبه بالتطهير العرقي (إن لم تنال ما تصبو إليه من فرض سلطتها).
|
انت مستبعد هذا السيناريو ؟؟
هذه تراكمات نفسية بالغة التعقيد في نفوس العديدين...تم بناؤها على تصوير شخصية انسان شمال
بأنه عميل وخائن ..وهي صورة مغايرة لواقع الأمر تمامآ.
ولكن العديدين أمنوا على صدقيتها...لذلك أرضية التعاطي مع انسان الشمال من الكثيرين وليس الكل
بنيت على مزاعم زائفة وغير صادقة ..لكن المؤسف انها عصية على التعيير في الوقت الراهن ..
ولكن سياتي وقت التغيير وأتمنى أن يكون مسالمآ ولا ينحو إلى العنف.
| Quote: وفي نفس الوقت بتجيش في (مطامعك) عشان تقلع من أهل دارفور استحقاقهم بمزاعم عنصرية في أساسها وتحريضية في وسيلتها. |
نحن لم نطلب ما لا يخصنا ولن نفعل ذلك.
وبذات القدر الذي أقريت فيه بغستحقاقات إنسان دارفور يجب أن تكون لإنسان الشمال شبيهآ لها..
اليست تلك المواطنة التي يتشدق بها المنظراتية؟؟
الحقوق لكل أهل السودان دون تمييز.
Quote: وهو أنت رضيان بالاتفاقية عشان تكورك للقوات المسلحة تضمنها ليك؟
إنتو الاضطراب العظيم العليكم دا شنو دا؟
|
أنا رافض للإتفاق تمامآ ولا يمثلني ولم أفوض من يشارك بغسمي في توقيعه.
لكن القوات المسلحة هي ملك للشعب السوداني ..لذلك من حقي كمواطن
ان اشير الى اوجه الخلل في المنظومة بغرض تقويمها ..
انت فهمتني.
Quote:
شوية كدة شغل مخك عشان تعرف ترد بطريقة منطقية ومقنعة.
|
ليه يا حاتم ؟؟ ما كنا ماشين كويس!!
Quote:
التمييز الإيجابي جبراً لسياسة التمييز العرقي الأنتهت بكرام أهل دارفور في المعسكرات يا أخينا،
في وقت كان الباقين بيتفرجوا على مسلسل مهند ونور وأغاني وأغاني والتبرع بالدم لأهل غزة والغناء للحلم العربي!
ولأنهم فعلاً مهمشين منذ الاستقلال في التوظيف والتعليم والأعمال والمشاريع التنموية، والهدف هنا زي ما أنت طلبت، العدل.
دا معنى التمييز الإيجابي، اتفضل بالشرح لزولك الأغبش.
وليه تمييزهم إيجابياً؟
عشان يبقوا دكاترة ومهندسين وسفراء ومدراء شركات وبنوك وضباط كبار في الجيش ورجال أعمال أغنياء زيهم وزي غيرهم وأي وظيفة مرموقة تغيظك
عندك اعتراض؟
|
طيب انسان الشمال ذنبه شنو في انو كرام القوم سكنوا المعسكرات؟؟
هل انسان الشمال "شال طوريتو ومشى دارفور وبقى يكتل في الناس"؟؟
نحن برضو في الشمال عانينا ولا زلنا نعاني من التهميش.
وصل الامر الى حرق محاصيلنا التي يعتاش منها الناس..بلغ درجة مرض السرطان اعداد كبيرة وعليك ان تضرب الفيافي حتى تتلقى العلاج..
اعتمدنا على ابنائنا في توفير المعينات للزراعة والدراسة..
نحن مش برضو سودانيين؟؟ ومش مفروض الحكومة تميزنا تمييز ايجابي زينا وزي باقي خلق الله؟؟
اما قصة يبقوا دكاترة ولا مهندسين ما شايف ما يمنع ..المحك هناك محل " الشولة والنقطة والهمزة على السطر" فصول الدراسة
الواحد يجتهد عشان يدخل الكلية التي يريدها..لكن تخصص ليهم 15 % من مقاعد محددة عشان شنو؟؟
ليه يعني؟؟
انت عايزهم يقروا بدون جدارة وبدون كفاءة وبدون منافسة!!
نحن لن نطالب بي 15% ولا 5% ولا 1 % ..تعرف ليه ؟؟
لأنو نحن ولدنا الما قادر ينافس مع الاولاد طوالي يمشي يشوف ليهو شغلة تانية.
| Quote: وكمان عشان ما يتجرأ واحد زيك كدة يا (الشيخ سيد أحمد) ويخاطب مواطن آخر باللغة زي التحت دي |
اول حاجة "دينق" ليس مواطن سوداني...عشان كده ما تحاول تلبسو عباية السودانيين.
وبعدين انت ما شفت كلمة "تعيس" الوصفني بيها ..ولا خرمت منها لمن حسيت انك ح تخش فيها.
Quote: عشان التعبيرات الكريهة النتنتة دي ما تتكرر
والهي في أصلها نتيجة طبيعية لاختلال موازين العدالة في أي منطقة من الكرة الأرضية، لما يجي واحد لسة مخلوع بشوفة المنقة،
مستجد نعمة يعني، ويفرغ كل الفي بطنه في سطرين، ولسة عايز يناقش ويحتج على منح الناس حقوقها ويستغرب في التمييز الإيجابي.
إنتو يا كافي البلاء لا عايزين تتعلموا من اخطائكم ولا تتعظوا ولا تفهموا الدنيا بقت كيف؟
|
نحن عندما نوصف بالجلابة ونتعرض لكل انواع الاساءات يكون شئ طبيعي..
وعندما نرد على الاساءة نكون عنصريين!!
يعني نحن مفروض نسكت ونقبل اي نوع من الاساءة ..عشان خاطر عيون "شينين" ..
كان زمان يا حاتم..تاني الصاع صاعين...اثبتت التجارب ان التغاضي عن الاساءة يعد ضعغآ .
Quote: المجلس التشريعي الانتقالي مشروع المسودة بتاعته حددت 300 عضو في أقصاه
ومالو لو اجتمعوا ومرروا أجندتهم؟ حرام؟ ولا ما من حقهم؟
ما ياهو الأصل في أعمال المجالس التشريعية، وياها الآليات البتمرر بيها مشاريع القوانين والتشريعات في أي برلمان،
ياكلوا وينوموا ويجمعوا سكوتياً زي ما كان بيحصل أيام زمان لما كانت المجاعة بتضرب دارفور والمجلس التشريعي بيناقش مقتل أميرة مش كدة؟
ولا تطلع التشريعات نوع الكان بسببها تنجلد وتسجن نساء الحاج اليوسف والحزام ومايو وكل سكان الأطراف في العاصمة والمدن؟
ولا كمان عايزهم ياخدوا منك الإذن أول لأنك (الساس والراس) عشان ينفذوا مشروع تنموي في مناطقهم؟
|
ليه تكون الاكثرية من دارفور؟؟
شنو المتميز في انسان دارفور ..ولا يوجد ذلك التميز في كردفان او الشرق او الشمال او الوسط؟؟
هل في معلومة انو في نبي جديد ح ينزل في دارفور ؟؟
هل انسان دارفور انسان يتمتع بمقومات لا تتوفر في بقية اهل السودان؟؟
قول لينا عشان نفهم؟؟
غير كده ما يتميز علينا بي اي حاجة زيو وزينا ...تتوزع نسب المجلس التشريعي بالتساوي
مش تديهو 75 مقعد من نسبة المجلس.
Quote: عشان ما يلم فيها (سيدك) ويكاورها ويدودل كرعينو
ويكلمنا عن الدخان والأنكحة ولا التاني الما بيعرف غير السردبة والسكات وجمع الأطيان.
|
انت شايف انو عندنا "سيد"..
طيب ناخدك قدر فهمك المعطوب...
انا سيدي كفل لي انو اتعايش مع باقي مكونات الشمال بي تسامح وسلام ومحبة..
انت ماعندك سيد مش كده؟؟
اها النتيجة ياها قدامنا ..قتل وتطهير واغتصاب ونهب.
انصحك شوف ليك سيد زي سيدنا القلت عليهو..ولا تعال لينا هنا ننجضك كويس
و نعلمك العوم ونفكك مع التيار خخخخخخ
Quote:
كردفان ودارفور والشرق بيدفعوا من قبل الاستقلال، دلوقت دا أوان رد حقوقهم على أساس التعويض وجبر الضرر الاتسببوا فيهو
القاعدين منذ الاستقلال في كراسي المركز الأنت بتتكلم عنه كأنو في المكسيك، مين المتسلط في كراسي المركز يا (الشيخ)؟
ياخي لو بس حسبنا ليك الناس الاسمهم (شيخ) في القيادة العليا والمؤسسات الإعلامية والاقتصادية والبنوك والوزارات والسفارات بتتملي صفحات!
|
كردفان والشرق ما عندك بيهم شغلة ..
نحن نديهم دمنا ..عارف ليه؟؟
لأنهم لم يضمروا السوء والحقد لإنسان الشمال وظلوا يصوبون فوهات بنادقهم نحو خدم المركز وليس انسان الشمال.
لقناعتهم بأن إنسان الشمال يعاني مثلما يعانون.
الفرق كبير..لذلك لا تحاول ان تجعلهم في صف الاحتجاجات المؤدلجة التي ولدت شرارة حرب قضت على انسان دارفور البسيط.
حرب دارفور مؤدلجة وارجو الا تتذاكى على القائ.
Quote:
جاي تتاجر بمصيرهم؟
أ |
إنا لله ياخ..
حين تطلب انت لاهلك تكون تبحث عن الحقوق ..
وحين نكتب نحن عن ذات الرؤية نكون نتاجر بمصيرهم.
معقولة يا حاتم..ياخي "سفرجت" عديل كده.
وإنت منو الاداك الوصاية عشان تتكلم بلسانهم؟؟
بقيت تجليها واقفة يا عمك خخخخخ.
| Quote: حقهم يصلهم في مكانهم وفي أي بقعة يسكنوا فيها مواطنين كرام أعزاء ليهم كل الحقوق زي غيرهم |
منو البيوصل ليهم حقهم؟؟
انت مفتكرهم عاجزين؟؟
عايز تمارس الوصاية على باقي مكونات السودان وتوزع ليهم المصاريف؟؟
ليه ما يشاركوا بنسبة متوازنه زياخدوا حقوقهم ويزعوها لأهلهم بأنفسهم؟؟
الوصاية مرفوضة علينا...نحن قادرون على ادارة شئوننا بالكيفية الامثل .
Quote:
وأيوة يمنح طلاب دارفور الكانت الحكومة في (المركز) بتطردهم من جامعات دخلوها بمثابرتهم وتمنع حتى أصحاب الحافلات ينقلوهم لعاصمة بلدهم!
|
وين الكلام ده؟؟
يا حاتم ما تسوق بينا بالخلاء..
وين الكلام ده حصل ومتين؟؟
Quote:
وعشان أخوانهم القاعدين على الأرض الفوق ديل يشعروا بالكرامة وبأنهم بشر ويشوفوا الدنيا زي ما بيشوفها ولد فلان البيقرأ في كمبوني وعلان في سان فرانسيس،
عايز القاعدين على الأرض ديل ينافسوا واحد أمو جايبة ليهو أستاذ خصوصي في العصر وواحد تاني بعد المغرب وعمه قنصل وخاله فريق؟
ومال غسيل العدة وبيع الليمون والجندية وعمال الكنابي يشتغلهم منو؟ مش
|
بقيت تكتب كتابات استعطافية!!
قبل كده مش قلت الكلام ده ما صاح..
اجيب ليك الاقتباس ولا مافي داعي؟؟
ما تحاول تعزف هلى النغمة دي لأنو السودان كلو مظلوم..وكل السودان يعاني.
فكونوا في زول ابوهو قنصل ولا فريق دي مش منقصة ولا عيب..
Quote: دي رؤيتك ولا أنا غلطان يا المخلوع بالمنقة؟
|
ههههههههههه
عليك الله انت موجوع من المنقة ولا من "الصفار"
انت فهمتني.
|
|
 
|
|
|
|
|
| العنوان |
الكاتب |
Date |
| توقيع السلام... والجيش السوداني في فتيل!!! | الشيخ سيد أحمد | 10-07-20, 05:17 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 05:20 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 05:35 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 05:44 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 06:03 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 06:10 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 06:51 AM |
| Re: توقيع السلام... والجيش السوداني في فتيل!!! | علي عبدالوهاب عثمان | 10-07-20, 08:19 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 01:18 PM |
| Re: توقيع السلام... والجيش السوداني في فتيل!!! | Deng | 10-07-20, 01:49 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 02:32 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-07-20, 04:14 PM |
| Re: توقيع السلام... والجيش السوداني في فتيل!!! | wedzayneb | 10-07-20, 04:24 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-08-20, 02:35 AM |
| Re: توقيع السلام... والجيش السوداني في فتيل!!! | صديق مهدى على | 10-08-20, 06:28 AM |
| Re: توقيع السلام... والجيش السوداني في فتيل!!! | سعاد تكة | 10-08-20, 07:46 AM |
| Re: توقيع السلام... والجيش السوداني في فتيل!!! | حسن ادم محمد العالم | 10-08-20, 08:30 AM |
| Re: توقيع السلام... والجيش السوداني في فتيل!!! | حاتم إبراهيم | 10-08-20, 08:11 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-08-20, 10:21 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-08-20, 10:29 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-08-20, 11:06 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-08-20, 11:14 AM |
| Re: توقيع السلام... والجيش السوداني في فتيل!!! | حاتم إبراهيم | 10-09-20, 06:42 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-09-20, 08:55 AM |
| Re: توقيع السلام... والجيش السوداني في فتيل!!! | اخلاص عبدالرحمن المشرف | 10-09-20, 03:17 PM |
| Re: توقيع السلام... والجيش السوداني في فتيل!!! | عمر التاج | 10-09-20, 07:14 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-10-20, 04:15 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-10-20, 04:21 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-10-20, 04:28 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-10-20, 11:56 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-10-20, 03:31 PM |
| Re: توقيع السلام... والجيش السوداني في فتيل!!! | حاتم إبراهيم | 10-10-20, 08:47 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-11-20, 05:56 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-11-20, 06:06 AM |
 Re: توقيع السلام... والجيش السوداني في فتيل!!! | HAIDER ALZAIN | 10-11-20, 07:14 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-11-20, 08:15 AM |
 Re: توقيع السلام... والجيش السوداني في فتيل!!! | HAIDER ALZAIN | 10-11-20, 09:30 AM |
| Re: توقيع السلام... والجيش السوداني في فتيل!!! | حاتم إبراهيم | 10-11-20, 08:45 AM |
| Re: توقيع السلام... والجيش السوداني في فتيل!!! | HAIDER ALZAIN | 10-11-20, 10:56 AM |
| Re: توقيع السلام... والجيش السوداني في فتيل!!! | HAIDER ALZAIN | 10-11-20, 10:57 AM |
| Re: توقيع السلام... والجيش السوداني في فتيل!!! | HAIDER ALZAIN | 10-11-20, 01:07 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-11-20, 02:09 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-12-20, 05:09 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-12-20, 05:20 AM |
| Re: توقيع السلام... والجيش السوداني في فتيل!!! | HAIDER ALZAIN | 10-12-20, 06:12 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-12-20, 07:37 AM |
| Re: توقيع السلام... والجيش السوداني في فتيل!!! | HAIDER ALZAIN | 10-12-20, 10:04 AM |
| Re: توقيع السلام... والجيش السوداني في فتيل!!! | منتصر عبد الباسط | 10-12-20, 11:50 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-13-20, 06:53 AM |
| Re: توقيع السلام... والجيش السوداني في فتيل!!! | الشيخ سيد أحمد | 10-13-20, 01:26 PM |
| Re: توقيع السلام... والجيش السوداني في فتيل!!! | HAIDER ALZAIN | 10-13-20, 02:51 PM |
| Re: توقيع السلام... والجيش السوداني في فتيل!!! | الشيخ سيد أحمد | 10-14-20, 05:00 AM |
| Re: توقيع السلام... والجيش السوداني في فتيل!!! | الشيخ سيد أحمد | 05-09-21, 02:46 PM |
|
| |
الشيخ سيد أحمد
فيس بوك
تويتر
انستقرام
يوتيوب
بنتيريست