ترامب اصيب Hope Hicks COVID19 ونقل الي المستشفي و نظريةً ترهاقا مناظرة بنس وهاريس

●ياخ البوست دا تنويري هادف زي الفارعاو خالتو سلطانة نعمات بهناك
فما دايرين نفتلو زي شغل ود البشرى و أي زول بعمل كدا فيه شبهة زحفان.
● عمومن دي فعلن أحاجي سودانية. لكن نحنو ما قارينها في مجلة الصبيان.
إنما صنقرنالا القرفصاء تتفن عديل لحبوبة ونسيني فشاربنها كابراً عن كابرٍ .

● فمسلن أم بيرغول الدارة الشايلا جناها و فارة دي فردة لأم باجحوت
و عشان ما نعقدا زيادة هن اللتنين جكسويات (متشالبات) في جناين طاعم
إنسان عين زمانو عديل ؛ هو صحي جربوع لكن بدلعوه بقولولو : أبو (العُفَّين).
اسم حركي على مسمى بجد جد . جاي من كونو المخلوق دا يمتلك سلاح دفاع
نووي بايولوجي فتاك. عبارة عن(فُسيْفُساء) ياخ دي عليها جنس عفونية كفلية
لو بخَّوها في نخربن بلد ترقدا سديحة . يعني لامن يجي كدي مطاردو ليك أي
فكي مفترس، و هو ضعيف البنية صحي، علا لاكن بس من يعمل (بوركينا فاسو)
يفك ليك فوقو الحاجة دي بنكهة سابعة أثافي أوكسيد اللعوتيك المُخصَّب داك ،
قسمبلاي يخليو ليك يتناهف يجابد لأنفاسو . فيا ياريت لو أي بلد بايل إبليس
فوق راسو زينا جاي، لو أهتدينا لزي طريقة أبو العفين دي مع الدول العظمى
الدايمة العضوية الحاقرين بينا ديل. و قادر يضع سرو في أضعف خلقو.