|
Re: ستنا ترش عطبرة وشندي بف باف تقيل.. (Re: عزالدين عباس الفحل)
|
أنا عندي كلام ما بتقال إلا في سياق ونسة هو كلام انطباعي ناجم عن مشاهدات وتعاملات شخصية وزيارات خاطفة متفرقة من خلال معرفتي بالمنطقتين شندي وعطبرة قادر تماماً اتفهم اعتراض أهل شندي على الوالية فالتوزيعة السكانية في نهر النيل تختلف عن الوسط يعني مثلاً في الجزيرة لو مشيت مدني، الحصاحيصا، الكاملين، المناقل، رفاعة ولاقيت الشباب ما بتلاحظ فروقات في التفكير والوعي لكن لو زرت شندي والمتمة ومنهن مشيت عطبرة وبربر بتلقى فروقات واااااااسعة شديد .. بل مافي أي علاقة بين طبيعة التفكير والحياة في المنطقتين اللي مفروض إنهن في ولاية واحدة ناس عطبرة وبربر تحس بيهم حلوين وباسمين وحبوبين وحياتهم ساهلة بينما ناس شندي والمتمة بدوك احساس إنهم عاوزين يتشاكلوا حتى وهم بحلفوا عليك عشان يكرموك بكون الموضوع شكل وهرش عطبرة وبربر ما بتحس فيهن بي إنك غريب عن البلد .. منظرك بكون عادي. بينما في شندي والمتمة تحس بي إنه الناس بتعاين فيك وبعضهم بسألك صراحة انت من وين وجاي لمنو! مجتمعات شندي والمتمة بتسيطر عليها القبلية بصورة جلية وصعب جداً شخص ما مطلع على ثقافات وقرايات تانية يطلع من مفهوم إنه الحياة متوقفة على القبيلة وفهم أهله الكلام دة في عطبرة وبربر ما موجود نهائياً .. هناك الناس بتسألني انت من وين؟ بينما في شندي والمتمة بسألوك انت من ياتو قبيلة في رأيي الانطباعي إنه دة السبب المباشر لكونه الثورة قامت من عطبرة وتم تسيير قطار الشمال من هناك بينما شندي والمتمة لم يشهدوا ولا ربع مظاهرة طوال أيام الثورة لمجرد إنه الحكام قرايبهم
|
|
|
|
|
|
|
العنوان |
الكاتب |
Date |
ستنا ترش عطبرة وشندي بف باف تقيل.. | HAIDER ALZAIN | 08-31-20, 08:52 AM |
Re: ستنا ترش عطبرة وشندي بف باف تقيل.. | علي عبدالوهاب عثمان | 08-31-20, 10:06 AM |
Re: ستنا ترش عطبرة وشندي بف باف تقيل.. | HAIDER ALZAIN | 08-31-20, 10:13 AM |
Re: ستنا ترش عطبرة وشندي بف باف تقيل.. | HAIDER ALZAIN | 08-31-20, 12:21 PM |
Re: ستنا ترش عطبرة وشندي بف باف تقيل.. | HAIDER ALZAIN | 01-18-21, 08:05 AM |
Re: ستنا ترش عطبرة وشندي بف باف تقيل.. | أحمد الشايقي | 01-19-21, 12:21 PM |
Re: ستنا ترش عطبرة وشندي بف باف تقيل.. | علاء سيداحمد | 01-19-21, 02:02 PM |
Re: ستنا ترش عطبرة وشندي بف باف تقيل.. | طلحة عبدالله | 01-19-21, 03:25 PM |
Re: ستنا ترش عطبرة وشندي بف باف تقيل.. | محمد حمزة الحسين | 01-19-21, 04:03 PM |
Re: ستنا ترش عطبرة وشندي بف باف تقيل.. | HAIDER ALZAIN | 01-21-21, 06:01 AM |
Re: ستنا ترش عطبرة وشندي بف باف تقيل.. | HAIDER ALZAIN | 01-21-21, 06:06 AM |
Re: ستنا ترش عطبرة وشندي بف باف تقيل.. | اخلاص عبدالرحمن المشرف | 01-21-21, 06:14 AM |
Re: ستنا ترش عطبرة وشندي بف باف تقيل.. | عزالدين عباس الفحل | 01-21-21, 06:18 AM |
Re: ستنا ترش عطبرة وشندي بف باف تقيل.. | عزالدين عباس الفحل | 01-21-21, 06:19 AM |
Re: ستنا ترش عطبرة وشندي بف باف تقيل.. | أحمد محمد عمر | 01-21-21, 07:37 AM |
Re: ستنا ترش عطبرة وشندي بف باف تقيل.. | HAIDER ALZAIN | 01-21-21, 09:28 AM |
|
|
|