|
|
|
 Re: دا كلو هين شوتايم دا عايز شنو بالضبط؟ (Re: طلحة عبدالله)
|
الاقتباس تتمة لعاليه Quote:
حقيقة الإبادة الجماعيه والمغابر الجماعية في إقليم دارفــور الان واضحه وضوح الشمس في كبد النهار... 🔥💔😑😌😌😌🤐
.
|
ذكر في أكثر من مقطع فيديو أنه تعرض لمحاولة
اغتيال .. وأنه لابس حجاب ضد الموت ..
........
الموت دا لما يجي لا بعرف حجاب ولا قصور مشيدة.
يتبع .....
| |
 
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
Quote:
هوووووي يا وهم البتطلقوووا رصاص كثير وتجروا ده... لو فيك رجالة تعال عديل كده راجل لي لراجل واقتل أو اضرب رصاصك ده من قريب بلاش شغلة نسوان..... ده.
وحنك الحرب النفسي ده ما بتخوف شوتايم يا حمار..
|
شوتايم كان أحد أبرز الثوار وعمل شغل
اعلامي جميل جدا وفيهو جهد كبير وتضحيات
جسيمة في النهار والليل وهو صائم وفاطر ومجهد
ومرتاح ونادر جدا ما كان يغيب عن القيادة وكل
مكان يتواجد فيهو الثوار وإستطاع بذلك أن ينال الاعجاب
ويدير الرؤوس ويحذب أعداد كبيرة جدا من المتابعين
والمعجبين والمقدرين لعمله وجهده، بل أنه وعندما تعرض
ذات مرة لحادث زاره رئيس الوزراء نفسه كما أكد هو
في أحد مقاطع الفيديو .. لكن اتبع ذلك بتعليق غريب جدا
اذا قال إن زيارة رئيس الوزراء ومن معه كانت كلام
فارغ ولتغبيش الوعي وسياسة قذرة ( أو معنى كلامه)
وذهب الكثيرون من الذين ردوا على هذا المقطع أن شوتايم
كان ينتظر ( مكرمة) ما وليس مجرد زيارة فقط .. هذا ما
صرح به البعض وألمح به البعض الآخر، خصوصا وأنه
دائم الشكوى من امكانات شغله المتواضعة.
شوتايم في الآونة الأخيرة جنح بشكل متطرف جدا لاشغال
جذوة العنصرية بين أبناء الغرب والعرب ( حسب وصفه)
ودعا حميدتي للانحياز إلى أهله في دارفو الخ الخ الخ..
وانقلابه الغريب هذا جعله عرضة للاتهامات والأقاويل
وقلل كثيرا من شعبيته بل أن الغالب الأعم من متابعيه أصبحوا
يشتمونه ويبلغون عن صفحته.
......................
لماذا أشعر أن شوتايم يريد شىء لنفسه ؟؟؟؟
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
اي شئ عملو في ناس ساهمت ليه ودفعت بس هو شكلو ما ياهو .
حتي لمن م كان عندو جهاز كان الشفاتة والكنداكات بدوهو اجهزتهم عشان يعمل لايف .
بعرف ناس رسلو ليه ادوات في بداية رمضان بي 1600 دولار ..
م يقدنا ساكت
اتخدعنا فيه والله مفروض كان نعرف من الاسم
فعلا
show time
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: Osama Mohammed)
|
قصة شوتايم محزنة* بحق, شاب احبه الجميع خاصة نحن البعيدين عن الاحداث التي كان السبيل لنعيشها مع الشباب بالداخل
اسفت له وعليه, و على الهجوم القاسي الذي تعرض له من اخوة و اصدقاء الامس و الذين بادلهم بهجوم اقسى و افظع
عموما برضو تبقى له الذكرى الجميلة و دوره الكبير الذي لا ينكره أحد
ربنا يهديه
____________________________
* محزنة أكثر من قصتك يا تنظير يا كافي البلا لا بتشوف الفيس لا بتعرف ترفع صورة ولا فيديو الجابرك شنو على فتح البوستات و الغلاط كمان في البتعرفه والما بتعرفه
قوم لف كرهتنا, دا شنو ياخ
| |
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: الشيخ سيد أحمد)
|
والله يا الشيخ أخوي أنا ما عارف بالضبط هدفو
لكن عندي احساس انو عايز حاجة ما، وزاد الاحساس
دا لما قال انو زيارة رئيس الوزراء ليهو كانت كلام
فارغ ساي ( معنى الكلام) ..
المهم ما كنت اتمنى أن يصل هذه المرحلة أبدا فقد
كان شخصية محبوبة كاعلامي ثائر أكتر من الجوز ديلك
أولاد الضو .
| |
|
|
|
|
|
|
|
|
 Re: دا كلو هين شوتايم دا عايز شنو بالضبط؟ (Re: طلحة عبدالله)
|
fبغض النظر عن الموقف من تصرفاتو الاخيره .
شوتايم خامه اعلاميه جيده ربما كانت تحتاج بعض الصقل والاستيعاب فى جهاز الاعلام القومى ليواصل ماكان يقدمو قبل واثناء الثوره بوصف يكاد يصل درجه مراسل حربى وهو المحتاج ليهو الاعلام .اعلام بيشبه السودانيين فى كلامو مش (كلام الحناكيش المكعوج) وحركتو خارج الخرطوم عكس الاشكال المكسحه الاعلام الان.
شوتايم اختلف سياسيا مع الحكومه او مع جهه ما شىء وضوروره استيعاب طاقتو ليقدم دورو فى المعركه الوطنيه. دا من حقو كمواطن سودانى سواء كان صاحب راى او صاحب طاقه وموهبه.
البحصل الان لشوتايم ربمابعد موضوع المخدرات (شجاعه منو الاعتراف بالقصه دى) تلقى عليها امكانيه حصول عمليه تحطيم نفسى ومعنوى لاتجده الا عند الاجهزه الامنيه .ودا سلوك معتاد من بنى كوز (حتى لو من غواصاتهم).
البحصل هسى للثوره ذكرنى بمقوله الثوره تاكل بنيها
شوتايم محتاج احتواء واستيعاب وعلاج عشان يرجع شوتايم الزمان.
تحياتى صاحب البوست وضيوفو
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: Mohammed Abuzaid)
|
سلام عاصم Quote: (شجاعه منو الاعتراف بالقصه دى) تلقى عليها امكانيه حصول عمليه تحطيم نفسى ومعنوى لاتجده الا عند الاجهزه الامنيه .ودا سلوك معتاد من بنى كوز (حتى لو من غواصاتهم).
|
هو بالله اعترف بالمخدرات دي ؟؟
أنا شايفو بقول الناس بتتهمني بالمخدرات ما قايلو اعترف.
ع العموم زي ما قلت الزول دا متميز جدا في تقديم
المادة الاعلامية المناسبة في المكان والزمان المناسبين
وكذلك الموضوع المناسب باستثناء بعض الهنات التى
يمكن أن تؤثر على رسالته وتحول دون وصولها كما
ينبغي للمتلقى ودي بسيطة جدا وبشوية تدريب زي ما
قلت ممكن تتصلح .
ما كان عليه أن يتعامل بردود الفعل ودي برضو عدم
خبرة لأنو شىء معتاد انك كشخصية عامة تجد الانتقاد
بالإضافة إلى أنك لا تستطيع أن ترضي الكل، و قدر
الناس الانتقدوا أو هاجموا في غلط كان عليه على
الأقل يتجاهلهم لكن المشكلة بعد كدا هو جاط الشغلانية
(حسب متابعتي ليهو) وأصبح يرد من طرف ويعمم
معتقدا أن الهجوم عليه نوع من الحقد والحسد وألمح
إلى أثنية بعينها قال أنهم ديل هم الحاقدين عليهو وكان
طبيعي ومتوقع جدا أن يرد الآخرين ويدافعوا عن أنفسهم
ويختلط الحابل بالنابل إلى أن أصبح الوضع على ما هو
عليه الآن للأسف الأسيف.
................
لو صبر كان لحق وفات بهناك لى هدفو .
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
Quote: خبرة لأنو شىء معتاد انك كشخصية عامة تجد الانتقاد
بالإضافة إلى أنك لا تستطيع أن ترضي الكل، و قدر
الناس الانتقدوا أو هاجموا في غلط كان عليه على
الأقل يتجاهلهم |
القصة أكبر من نقد اتوجه ليه, شو تايم كان لصيق بتجمع المهنيين و شخصيات منه وبقولها دا يما لما كانت الصحف و الاعلاميين المشهورين بهربوا منهم ايام النظام هو كان بكاميرته حاضر ينقل فعالياتهم و المؤتمر الشهير عن زيادة الاجور كان منقول على صفحته, وبعد كدا كان الاول دائما في كل الفعاليات بل كانوا بحرصوا يتواصلوا معاه لنقل المؤتمرات الصحفية وغيرها, فا كان بعتبر نفسه احد الطاقم القيادي للثورة, فكانت اول صدمة له حين اتى حمدوك بطاقم صحفي و اعلامي كامل و وجوه اعتبرها جديدة على الثورة او آتية من الخارج فكان لايفه الشهير و الاطلق فيه فرية تكوين جسم اعلامي من الناشطين للدفاع عن الحكومة بمقابل 500 دولار للفرد!
ومن ديك وعيك
________________
اسمهم اولاد الضي بالياء! الضو دي جبتها من وين!
يعني انت لازم كل يوم بفتح بوست!
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: محمد البشرى الخضر)
|
جرجير
حقيقة أنا كنت متابعو أيام الثورة والقيادة وخصوصا
في رمضان وهو الوحيد الكنت بتابع لايفاتو ولو
عايز أتأكد من حدث واللا خبر بمشي أشوفو وين
عشان أتأكد .. لكن مشكلتو وبداياتا كيف ومتين دي
ما عندي عنها خلفية كاملة .. فجأة لقيت عندو مشاكل
مع الحكومة الانتقالية وقاعد يشتم ويشتموه ودا كان
أمر محزن جدا والله بالنسبة لي.
غايتو ربنا يهدي النفوس، وما كان عليه أن يخرب ما بناه
حب الناس كان أفضل له مليون مرة من أي حاجة تانية
ومن جهتى كنت متأكد أنو ح يصل لكنه استعجل ياخ.
....................
يا زول لا لا القاصدم أنا أولاد الضو .. أولاد الضي ديلك براهم
إيه رأيك ؟؟ 
أ
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
طلحة يا حبيب
شو تايم - اولاد الضي - ذا النون
هؤلاء كان عندهم تطلعات فردية تخصهم ..
أملوا في أن يحصلوا عليها عبر تعيينهم
في وظائف في الحكومة وتم تجاهلهم
فقلبوا ضهر المجن وقالوا علينا وعلى قحت ..
مشكلة كبيرة الأنانية والنرجسية ..
بعدين شو تايم ده أدمن المخدرات دي حقيقة ثابتة ..
حتى وإن حاول التملص منها وهذه خصمت منه كثير ..
ربما فعاها احباط أو تم التغرير به والضحك عليه كما يدعي ....
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: usama Babiker)
|
لا حول ولا قوة إلا بالله
والله يا جماعة كان ما كلامكم وصوركم دي ما كان عندي
خلفية خالص .
أنا شايفو في اكتر من لايف قاعد (يشفط) نخرتو بى يدو
لكن أبدا ما جاء على بالى انو يكون بتعاطي المصيبة دي
كنت مفتكرة طبيعة فيهو برغم اني ولمتابعتي اللصيقة
ليهو أيام القيادة ما شفت منو الحركة دي لكن ما انتبهت
أبدا.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
Quote:
لما ناس تجمع المهنيين اهتموا بي حالته وعرضوا عليه المساعدة في الإقلاع قال ما بتعالج في السودان إلا يطلعوهو برة
|
والله دا كلام مساطيل فعلا المفروض أنتبه
ليهو.. في لايف بتاعو قبل يومين قال عرضو علي يودوني
فندق خمسة نجوم برة ويجيبوا لي 4 بنات (ما عارف 4 تحديدا
لشنو)
وقال كمان انو قبل كدا جابوا ليهو بنات لكن هو
احترمهن وما عمل ليهن حاجة ..
أنا ما اتوقفت كتير في تحليل الكلام دا لأني
كنت بثق فيهو ثقة عمياء ولله وأصلا ما خطر ببالي
أنو يكون تلفيق أو تحت مؤثرات عقلية .
والله صدمة وحسرة يا شوتايم.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
سلام أسامة Quote:
للاسف شوتايم في جهة جعلته مدمن مخدرات لدرجة اخذ حقنة مخدرات في لايف شهير ... والان بيخضع لجهات تبتزو بثمن الجرعة ....
. |
ما استبعد أبدا والله البعمل فيهو دا ما براهو
أنا ما شفت اللايف الأخد فيهو جرعة دا لكن قطعا
دي ما عملية زول واعي أبدا ..
ربنا يعينه ويشفيه ويعيده إلى جادة الطريق.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
محمد الشيخ تحياتي Quote:
اعتقد لسه ما راح شيء
ممكن يتلحق
|
ممكن ونص والله لكن في حالة
زي دي غالبا نجاح العملية بكون مرهون بمدي
إستجابتو هو شخصيا يعنى لو قبل يسلم نفسه
للناس الحادبين على مصلحتو زي تجمع المهنيين
مثلا كما قال أحمد محمد عمر أكيد ح يلحقوا ويعالجوا
لكن أعتقد هو نفسه رافض بسبب المؤثرات العقلية دي.
أقترح أنو يقبضوا عليهو عديل ويودوا يعالجوا.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
في أحدث لايف سمعتو صوت ( ما في صورة)
أوضح شوتايم سبب مشكلتو الأساسية وهو أنو محارب اقتصاديا
كان اللايف محادثة بينه وواحد إسمه هيثم.
هيثم: أنت مشكلتك شنو يا شوتايم ولشنو ما مشيت
طلعت لايف من قلب الحدث في دارفور؟
شوتايم: عندي مشكلة قروش لأنو اتسرق مني مبلغ مليار ونص
ودي قروش ما حقتي بتاعت زول ولو مشيت دارفور قبل
ما أسددا ليهو بقول أنا هربت عشان كدا ما مشيت.
هيثم: طيب اعتبر الموضوع دا اتحلا وأنا ملتزم اسدد لزولك
دا القروش قدام الناس القاعدين يسمعوا فينا ديل تاني عندك مشكلة؟
شوتايم: أيوة اتسرقت مني 8 تلفونات لكن أنا عايز 2 بس قيمتهم
الاتنين 950 ألف.
هيثم: تمام دي برضو أنا بلتزم بيها واعتبرها محلولا والمبلغ جاهز
تاني شنو؟
شوتايم: مصاريف السفر لدرافور بكرة الصباح بحددا ليك
( الكلام دا كان يوم الخميس)
هيثم: تمام بكرة الصباح بنتظرك تحدد لي المصاريف والنثريات
عشان نديك ليها برضو ويوم السبت تمشي دارفور.
تم الاتفاق ودخل النقاش في مواضيع أخرى هيثم قال ليهو
انت كيف تقول أنا مع حميدتي وهو غرابي وأنا غرابي
حميدتي دا ما بشغلك وما بديك تعريفة والله والدعم السريع
هو القتل وهو الاغتصب وهو العمل وهو الفعل وهو الترك
شوتايم قال ليهو أنا ما قلت وأنا ما عايز حاجة منو وأنا ما عارف
شنو المهم كلام عائم ما فيهو اجابة واضحة.
المهم الحوار طويل وبصراحة شوتايم اتلجلج وما قال أي كلام
أو حجة تدل على أنو فعلا على حق ( دي وجهة نظري )
...............
من خلال المحادثة دي طلعت بحقيقة انو شوتايم دا عايز حاجة
لنفسو قروش ومنصب ما عندو علاقة بالثورة ولا شوتايم
الأول الكانوا الناس بعرفوه ثورجي قوى وشجاع وحقاني
وقلبو على الوطن .. وفي سبيل تتحقق مطالبو استعمل كل
الأسلحة بما فيها العنصرية والاساءات والاتهامات والتلفيقات.
باختصار شوتايم عايز يختوها في فترينة والناس كلها
تقول ليهو أنت صاح وأعمل العايزو .
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
طليحة الرداحة
انت لسه بتردح يا طيره..
وقت مكا لقيت زول تردح فيهو مسكت في شوتايم هههههههه
شوتايم زاتو ما خليتو؟؟؟؟
مع انو شوتايم انجض منك ونص وخمسه كان قاااعد ومعاصر وعندو دور مهما كانت مواقفه فيما بعد لكنه أثر في قلب الثورة وتأثر بها..
انت كنت لابد وين؟؟؟؟ عامل قديديمك ده بس تعرف للردحي..
يا اخ انت زول مريض عديل كده
لا يمكن تطرح موضوعات فيها تفكير إيجابي
داااايما تردح وتقدح وتحسد وتحقد يا ابو العُريف انت
حسادتك دي حتخليها متين يا اب قديديم
واحد رداحه بطريقة مخجله ياخ.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: محمد قسم الله محمد)
|
محمد قسم الله، شنو ياخ دا منبر عام
اي زول يكتب بحرية ما يراه مهما
نحن كمتلقيين، اما ناخذ او نترك
ولا لا نتنمر ابدا، على بعض
شايف يعني شايلة تقيله مع الاخ طلحة،
وتصغير للاسم ومنابيز، بصراحة مافي داع ليها
ابدا، الراجل كافي خيرو شرو،
ما معقول تجي بلا سبب تنزل في الزول كدة،
ياخ الكلام دا م صاح منك والله،،
لو كنت مكانك لما دخلت ابدا لبوست طلحة،
واسترحت وارحت،،،
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: عبدالمنعم الطيب حسن)
|
اووووووو الدكتور المراجع القانوني محمد قسم
شنو اختفيت كدا؟ الديباجة بتاعتنا دي عفنت عديل خخخخ
معليش اتاخرت في الرد عليك لأنو كنت سايق العربية
ماشي على المطار عندي سفرة عمل صغيرة كدا ( أبلع
حبوب ضغط) .. خخخخخخ
أها
مالو شوتايم ؟ أبدا أنا ما ردحت فيهو ولا حسدتو بالعكس
أنا بحبو جدا زي ما هو واضح في البوست دا وعايزو
يرجع زي ما كان أول أيام القيادة هسة ( الحسد ) وين
في الكلام دا؟؟ وبعدين أنا فعلا شايفو أحسن مني بكتير والله في
الثورة دي يعنى انت ما جبت جديد يا دكتور .
ايوة بالمناسبة دي انت مفردات زي ( حاسد) و (فاشل)
و (حاقد ) دي شايفك بترددا كتير بمناسبة ودون مناسبة
مالا معاك المفردات دي ( حاسد) (فاشل) ( حاقد) ؟؟ حكايتك
معاها شنو ؟؟
يا دكتور انت واضح جدا من خلال أسلوبك (عاقل) و(نصيح جدا) و(ناجح )
بامتياز في (حياتك) و(عملك ) وأهو أنت دكتور ومراجع قانوني
الخ الخ الخ فما عارف لشنو دائما بتلوك في حكاية (حاسد)
و(حاقد ) و (مريض) و (فاشل) أنا مستغرب فيك .
بعدين شايفك بقيت تبادر أنت وتجيني في محلي هههههههه
من باب السعي للموت ولا أنتظاره خخخخخخخ .. دي خدمة
كويسة والله .. بدل أقعد احوم بالديباجة التقيلة دي ..
الدكتور المراجع القانوني محمد قسم أرفع رأسك دا عاين
لي فوق هنا دا
أثبت أني كنت كوز
أو
اعتذر
أو
أنت كضيضيب أشر وأفاك خبيث وحاقد مريض لا تخشى
ممن في الأرض ولا تخاف ممن في السماء.
............
دي ما شتيمة يا دكتور دا وصف انتفاءه مرهون
باثباتك أو اعتذارك .. انظر للنص المليان خخخخخ
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
Quote: ما معقول تجي بلا سبب تنزل في الزول كدة،
|
لا لا أبدا يا عبد المنعم الدكتور عندو سبب
أنا مطالبو باثبات اتهام في حقي ومطاردو بيهو وهو متيقن
تمام أنو ح أظل ساكيهو في قفاهو كدا هنا وفي أي مكان الاقيهو فيهو
عشان كدا بقى ما بفتح بوستات وقال احسن يجيني دافر نفسو
ومستعدل ضهرو براهو عشان الصق ليهو الديباجة ويرتاح
ههههههههههههههه
لكن المستغرب ليهو في الدكتور دا شايفو بس ماسك ( حاسد)
(حاقد) (مريض) (فاشل ) يا ربي يكون مالو مع الحاجات دي؟
شايفو تاب من حكاية (أب ضينات) بقى ما بقولا مسك في أب
قديديم مع انو أب قديديم دي برضو معايرة في خلقة الله هههههههه
طليحة والرداحة والحاجات دي خليهو يقولا عشان هو دكتور
ومراجع قانوني و( عاقل جدا) و( نصيح جدا) و(ناجح بامتياز)
في حياتو وعملو ودا واضح جدا من خلال اسلوبو خخخخخ
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
يا طليحة الرداحه
مبروك العربيه ومبروك السفريه
مع إنو عشه الجبل عندها عربيه نيسان باترول هههههههههههه
والغياب عن المنبر ماعايز أقول ليك بسبب مشغوليات وسفريات عشان ما اظهر مخلوع زيك كده هههههههههه
المهم..
وبدون اقتباسات مما تتقيأه كل مرة من كلامك المكرور من باب الردحي التي تجيده..
انت كوز ياخ
آسف..
كويز.
أما الحقد مما تتقيأه فبوستاتك موجودة تنضح بالردحي والحقد المزمن ومحاولات تقليل الىخرين أمسك من الإسمو عثمان مرغني لحدي الإسمو شوتايم وانت ماش وراجع بوستاتك يا طليحه..
فحقو تعترف انك كويز وحويقد.
الكيزان اصلهم كده حقد مزمن وإن سافروا وإن لبسوا البدل والقمصان ههههههههه
تحياتي ياخ
| |
|
|
|
|
|
|
|
|
 Re: دا كلو هين شوتايم دا عايز شنو بالضبط؟ (Re: محمد قسم الله محمد)
|
Quote: طليحة الرداحة
انت لسه بتردح يا طيره..
وقت مكا لقيت زول تردح فيهو مسكت في شوتايم هههههههه
شوتايم زاتو ما خليتو؟؟؟؟
مع انو شوتايم انجض منك ونص وخمسه كان قاااعد ومعاصر وعندو دور مهما كانت مواقفه فيما بعد لكنه أثر في قلب الثورة وتأثر بها..
انت كنت لابد وين؟؟؟؟ عامل قديديمك ده بس تعرف للردحي..
يا اخ انت زول مريض عديل كده
لا يمكن تطرح موضوعات فيها تفكير إيجابي
داااايما تردح وتقدح وتحسد وتحقد يا ابو العُريف انت
حسادتك دي حتخليها متين يا اب قديديم
واحد رداحه بطريقة مخجله ياخ |
بوست عادي ومفتوح بمداخلات ومشاركات عادية ..
مافيهو ولا ردحة او شئ خارج غير المداخلة المقتبسة اعلاه ..
ولحكمة الله في ملكه فحوى المداخلة الرادحة هو الردح بحجة إدانة الردح وذمه ..
دي زي أنا بإضنيني وإنت بأضنينك تقدر اضنيني تعضي اضنينك زي ما اضنيني اتعضت بعضعيض اضنينك ..
المهم خليكم رايقين يا اخوانا :)
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: HAIDER ALZAIN)
|
يا حيضر
المداخلات وصلا لما انقطع في بوستات سابقه
فما تتشالق ساي
أما طليحة الرداحه فطابع بوستاته الردح والانتقاص وعندو راي في أي زول ويتكلم عن كل شخص بطريقة مبالغ فيها من الحسد والحقد ودونكم بوسته عن عثمان ميرغني إلى هذا البوست عن شوتايم
..
رغم انو كويز ناكر كوزنه هههههههههههه
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: محمد قسم الله محمد)
|
Quote:
أما الحقد مما تتقيأه فبوستاتك موجودة تنضح بالردحي والحقد المزمن ومحاولات تقليل الىخرين أمسك من الإسمو عثمان مرغني لحدي الإسمو شوتايم وانت ماش وراجع بوستاتك
|
عارف يا دكتور محمد قسم يا مراجع يا قانوني
أنا لي فترة والله مستنكف جدا أشيل وأدى معاك ند لى ند
والله العظيم وكتابه الكريم خجلان عديل من الحتة دي
وإلا كان زمان دخلتك في (اية حاجة)
والغريبة يا دكتور أنت قاعد تدخل نفسك بى نفسك
في (أية حاجة) ودا الخلاني أقول عليك (نصيح)
و(عاقل) وما عندك أية مشكلة في حياتك بل ( ناجح جدا)
يعنى مثلا أمسك عندك المقتبس الفوق دا تشيل وتكرر فيهو
زي ما بتكرر في ( حاسد) (حاقد) (فاشل)، مريض) خخخخخ
المقتبس الفوق دا قول لي مالو ولشنو يدل على أنك (نصيح)
و(عاقل) وأية حاجة ؟
لأنو ببساطة الكلام الفوق ينطبق عليك شوكة وسكين حسب
مفهومك ( العاقل ).. كيف ؟؟
ممكن أجيب ليك مثلا مثلا تلاتة أربعة بوستات
ليك هنا منهم مثلا ( من هو هذا الطاهر التوم) فهل ما ينطبق
على ينطبق عليك ( حاسد) (فاشل) (مريض) (حاقد) بالإضافة
ل (رداحة) ؟ لانو عندك رأي في الشخص دا وغيرو؟؟
انساك أنت فأصلا (غير مؤاخذ) والله عندي ( اكتشفت الحكاية
دي أخيرا جدا ) الناس الهنا ديل القاعدين ينتقدوا ويتناولوا
شخصيات عامة وغير عامة هل ينطبق عليهم (حاسد) (حاقد)
(مريض) (فاشل)؟؟ واللا أنا بس ؟؟
وما تنسي بالإضافة للناس الأنت عندك فيهم رأي زي
الطاهر وغيرو ( البوستات موجودة هنا) عندك رأي فيني
أنا فهل ينطبق عليك الحاجات الماكلة معاك جمب دي وقاعد تلوك
فيها زي اللبانة ؟؟
دي عينة من النقاش بطريقة باص وخانة لو عايزو معاك
لكن ولله مستكتر عليك دي لدرجة انو خجلان عديل .. معقولة
ياخ أشيل وأدي مع دكتور ومراجع قانوني ( نصيح) و(عاقل)
و(ناجح بامتياز) في حياتو وعملو ؟؟ ما بتجي والله عشان كدا
مكتفي بالديباجة بتاعتي دي بس كل ما أشوفك بلصقا ليك في
ضهيرك وإن لا ففي عنقرتك أو أية حتة فيك من وراء خخخخخ.
أيوة برضو من الحاجات المستنكر اشيل وأدى معاك فيها الشتايم
يا دكتور من عينة طيرة والحاجات دي .. طبعا مستحيل أقول
لى دكتور ومراجع قانوني زيك كرد على الشتايم مثلا مثلا انت
علق أو مريض نفسيا أو غباءك مستحكم أو ضكر ضبان الخ الخ الخ
مع انو دي حاجات ساهلة ما بتحتاج إلا ضربة كيبورد
لكن لو قلتها ليك بحس أنك ند لي وبصراحة
ما عايز أطلع لمستواك كدكتور ومراجع قانوني خخخ.
المهم..
دكتور محمد قسم الله عاين لي هنا دا أرفع رأسك فوق واتنى
ضهيرك أو عنقرتك أو أية حاجة من وراء ..
أثبت أني كنت كوز
أو
اعتذر
أو
أنت كضيضيب أشر وأفاك خبيث وحاقد مريض لا تخشى ممن
في الأرض ولا تخاف ممن في السماء .
دي ما شتيمة يا دكتور بل هو وصف انتفاءه مرهون بالاثباات
او الاعتذار .. أنظر لل(نص) المليان.
...........
حيدروف طلبتك بالنبي ما تخش هنا تاني ترد على الدكتور
لكن البوست في عضمتو أنت مخير فيهو .
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
أيوااااا نسيت دا Quote:
ماعايز أقول ليك بسبب مشغوليات وسفريات عشان ما اظهر مخلوع زيك
|
يا دكتور باعتبار كلامك (صاااح) أنت ناجح
ومشغول وقاعد تسافر وأية حاجة لكن لو قلت
كلام زي دا بتعتبر مخلوع لكن أنا لو قلتو ليك ما بعتبر كدا قول لي
لشنو؟؟ .. ايواااااااا قلت لي شنو ركز معاي ..
عشان أنا قلت ليك أنت تحديدا لأثبت ليك أني ما فاشل زي ما
بتقول دائما والدليل أهو ناس الشغل قاعدين يسفروني وعندي عربية
اللهم إلا كان عندك راي في المشغلني ديل خخخخخخ
يعنى ما قلتو ليك لأني مخلوع وإلا كان قلتو للناس ديل هنا
من زماااااااان شفت كيف ؟؟ ( والله يا دكتور أنا هسة داخل
في ضفوري كونو بناقش فيك بالمنطق ) .
ودا ..
Quote:
مع إنو عشه الجبل عندها عربيه نيسان باترول هههههههههههه
|
عشة الجبل منو أو شنو يا دكتور ؟؟
بمعنى هل هي انسان زيي وزيك ويحق ليها تمتلك عربية
وقمر صناعي واللا بتضرب بيها المثل مع (هههههههه) طويلة
لشنو ؟؟ أنا عارفك ما ( حاسد) ولا (حاقد) ولا ( مريض) ولا (فاشل)
ولا عندك مشكلة في حياتك وعملك لكن بسأل بس خخخخخخ
.................
يا جماعة أقسم بالله العظيم تلات أنا خجلان عديل من مناقشة
الدكتور دا بطريقة الأخذ والرد .. لا حولاااااااااا
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
عينة من حجج الدكتور المراجع القانوني ( الناجح) وما
عندو أية مشكلة في حياتو لاثبات أنني ( فاشل) (حاسد)
(حاقد) (مريض) ..
قال : Quote: المنافسة عالية في السودان ما قدر عليها عشان كدا
مشى يكسر تلج للخلايجة .
|
على أساس ان الخلائجة بشغلوا أي زول يكسر ليهم
تلج وفي الحتة العايزا هو ويخلوا الناس المؤهلين لأنهم ما كسروا
تلج وعلى أساس أنا العبدلله بارع في تكسير التلج لدرجة اسحر الخلائجة
ويشغلوني رغم أني (فاشل)، وعلى أساس أنو عشرات الجنسيات الواقفة
طابور ومنتظرين فرصة ما لقوها معاي لأني بكسر تلج .. وفوق دا كلو
على أساس أن الناس الهاجروا من السودان عشان يشتغلوا في بلاد برة
فاشلين وما قدروا على المنافسة هناك خخخخخخ
قال : (Quote:
قاموسك التافه ما بنقولو فاهم يا طيره الناس مقامات
|
الدكتور المراجع القانوني صاحب المقام العالي ما عندو
قاموس تافه يقولو لكن عندو عادي يسخر من خلقة الله ( أبضنين ) ( أب قديديم)
قال: Quote:
أما الحقد مما تتقيأه فبوستاتك موجودة تنضح بالردحي والحقد المزمن ومحاولات تقليل الىخرين أمسك من الإسمو عثمان مرغني لحدي الإسمو شوتايم وانت ماش
|
الدكتور لافض فوه في دي بقي تور في مستودع الخزف هههههه نفسو
ذاتا نازل فيها شتيمة وضرب وعفيص وخوار خخخخ هو مثلا
كتب ضمن ما كتب مما نسميها مجازا بوستات ( من هو هذا الطاهر التوم ) هههههه
لاحظ لى ( من هو هذا) ههههه وهو طبعا هنا بسخر وبحقر الزول عديل
والبوست دا بالمناسبة عرد منو لما لموا فيهو الجماعة سلقوا خخخ
لكن ما علينا المهم هو هنا عندو رأي في الطاهر التوم وغير الطاهر التوم
كما في اكتر من بوست ليهو ومع ذلك يعتبر انو الزول العندو رأي في زول
تاني (حاقد) (حاسد) (مريض) (فاشل) والغريبة هو عندي رأي فيني
أنا ذاتي وبصراحة هنا يعنى تماما ما يقول كما هو واضح من طريقتو
وترديدو ل (الحقد والحسد والمرض والفشل) .. لا وغير كدا بفهمو دا
شاتم اي زول عندو رأي في زول تاني ناس المنبر هنا وناس الجرايد
وحتى عثمان ميرغنى الورط نفسو عشانو هنا برضو عندو رأي في
عشرات الناس وقاعد يكتب الكلام دا في عمودو الملان بلاغة
ومحسنات بديعية دا .
إلى اللقاء مع عينات أخر خخخخخخخ
.................
دكتور احكى ليك قصة التور في مستودع الخزف الذي له
خوار واللا عارفا ؟
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
يا جماعة أي زول قاعد يطالع البوست دا أنا
بتأسف ليهو لأنو بجيهو راجع كل مرة.. بس
قاعد اتذكر حاجات مهمة ولازم أقولا وأتمنى
أنو الناس ما تمل
مثلا زي كلامي دا Quote: عندك رأي فيني
أنا فهل ينطبق عليك الحاجات الماكلة معاك جمب دي وقاعد تلوك
فيها زي اللبانة ؟؟
|
للحق قد يكون طريقة الدكتور المراجع القانوني
في التعامل مع الزول العندو رأي في زول تاني هو ( الشتيمة)
ورميه بالإفك والبهتان والسخرية من خلقتو زي ما قاعد يعمل
معاي .. مش زي ما أنا انتقدت عثمان ميرغنى ..
يعنى الدكتور عندو راي فيني وبالتالي يشتمنى ويسخر من
خلقتي ويتهمنى بالكوز ويرميني بالإفك وكدا يكون تمام .
هذا ما لزم التوضيح عشان ما أضيع فهم الدكتور واتعلق
ذنبو ..
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
إلى الاخ الاستاذ طلحة..
بلا مقدمات وفذلكات من شاكلة استجابةً للعديد من الزملاء الذين راسلوني لإيقاف هذه المهاترات التي لا طائل من ورائها ولهم شكري..
ولكن من الواجب كذلك ان اتقدم للأخ الأستاذ طلحة بالاعتذار أصالةً عن نفسي ورجوعاً للحق ونبذ لما لا طائل منه كما أسلفتْ..
هنا أرجو أن أعتذر وبكل شجاعة للاخ طلحة (رغم إنو بدا معاي بنمرة خمسه) ولزملاء المنبر وقرائه وللمنبر نفسه كمنارة للرأي والرأي الآخر وليس ساحة للتهاتر البغيض..
أكرر اعتذاري وتقديري لأخي طلحة ابراءاً للذمة وليس بيني وبينه شيئاً شخصياً والله خير الشاهدين...
والعفو لله والرسول.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: محمد قسم الله محمد)
|
مقبول يا محمد قسم الله والعفو لله والرسول
Quote:
(رغم إنو بدا معاي بنمرة خمسه)
|
غير صحيح لم أبدأ معاك ولا مع أي
زميل هنا .. طول عمري في المنبر دا ماشي جمب
الحيط عشان لا أغلط على زول ولا زول يغلط علي
حتى أني لى فترة طويلة جدا ما قاعد اتداخل في البوستات
إلا لناس بعينهم تجنبا للأشكالات دي.
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: طلحة عبدالله)
|
شكراً الاخ محمد قسم الله
و شكراً للأخ طلحة عبد الله
ملاحظين نهاية القافية دي فيها الله
استهدو بالله و باركوها
Quote: وأنا أعتذر لك أيضا..
ولأخي طلحة الاعتذار من جديد
وللجميع هنا. |
صفحة جديدة للتصافي و التعافي
و المثل بقول البعافرك لو ما رماك بقوم نفسك
افتكر مافي داعي لقومة النفس
و شكراً لكل من جعل هذا ممكناً
| |
|
|
|
|
|
|
|
|
|
Re: دا كلو هين شوتايم دا عايز شنو بالضبط؟ (Re: خضر الطيب)
|
تمام يا خضر الطيب
وأصلا والله الشاهد ما عندي أية حاجة في
قلبي مع أي زول لا في المنبر ولا خارجه (لا حاليا ولا قبل)
نفر معدودين بشيل وبدي معاهم لاعتقاد جازم
عندي انو مستحيل أفهمهم أو يفهموني غلط وبالتالى
ضامن انو ما ح تحصل مشاكل وأنا لا أحب المشاكل
أبدا .
تحياتي .
| |
|
|
|
|
|
|
| |
طلحة عبدالله
Osama Mohammed
محمد البشرى الخضر
الشيخ سيد أحمد
Asim Ali
Mohammed Abuzaid
جمال ود القوز
MOHAMMED ELSHEIKH
usama Babiker
محمد قسم الله محمد
عبدالمنعم الطيب حسن
HAIDER ALZAIN
خضر الطيب
فيس بوك
تويتر
انستقرام
يوتيوب
بنتيريست