|
Re: تلفزيون السودان والقنوات السودانية (Re: اخلاص عبدالرحمن المشرف)
|
مع جشع المدارس الخاصة لا بد من تفكير خارج الصندوق ، والله يبارك في وسائل الاتصالات الحديثة، كل طالب المقرر في موبايل او لاب توب ، ارخص من رسوم مبالغ فيها ، قال ايه قال السنه دي عشرين مليون غير الجرة. يا ريم ومحسن ما ضغطوا الزول ده
التهاني للطلاب وعهد علي الدولة السودانية أن توفر لكم كل سبل النجاح
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
فضائيات كغثاء السيل وبدون فائدة غناء ورقص من تصبح لامن تمسي حتى غنائنا الجميل لكبار المبدعين تم تشويهه من كثرة الترديد لبعض ممن يسمونهم الفنانين الشباب وجاتنا ألقاب لم يحظ بها حتى كبار الأساتذة المبدعين من عينة ( إمبراطور الغناء / سلطان الطرب / صاروخ الأغنية وهكذا وبعد كم يوم يختفى هؤلاء السلاطين وكلو لت وعجن الشغلة عايزة فرمتة من جديد ولك التحية
| |
|
|
|
|
|
|
Re: تلفزيون السودان والقنوات السودانية (Re: حسن محمد عمر)
|
اهلاً استاذ حسن محمد عمر
لمست موضوع مهم وبه هضم لحقوق مبدعين حقيقين ، جيل كامل نشأ يظن ان بعض الاغنيات هي لمغنيين قاموا بادائها مراراً وتكراراً حتي ضاعت الحقوق ، نفس اللحن لا تغيير ويضيع حق الشاعر والملحن والفنان ، التلفزيون مفروض يضع حد لهذا ، ويجود البرامج .
نأمل خيراً
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
د اخلاص سلام عشان تعرفي بؤس الثالوث المؤدلج الماسك الاعلام امس شفت برنامج مع باقر العفيف العصر طبعا ما عرفتو مباشر ولي اعادة ودي ما اتعلموها طواقم التلفزيون لسه قطعو البرنامج لاذان العصر مشت عملت قهوة عشان اشوف رؤية باقر العفيف المنسقة جابو لاركس بعد الاذان وفجاءة جابو برنامج تاني فيه اريعة قاعدين في حديقة اسمو فضاءات حرة من اهل التكلس الثقافي يقوولو في كلام الطير في الباقير طوالي مشيت ناشونال جوغرافيك شوفي عدم احنرام المشاهد السوداني ووعيه وصلت وين كلام مليان او حقيقي ما عيازنو ابدا المنافقين ديل الحل قدااااااااااااااااااااااامهم بعرض فيه صحفتم في تويتر من 2018 عشان تعرفي مستوي الجهل والاستكبار بتاع المشوهين ديل تلغي وزارة الاعلام دي نهائي وتمجد وزارة الثقافة والسياحة مع بعض بي وزير مبدع وكل مؤسسة او وزارة او حزب او شخص عايز يعمل فضائية ولي اذاعة ولي جريدة حر يعملا طوالي بي اجراءا رمزية والقانون موجود اذا جاب اي حاجة ترقي لجريمة او اشانة ولاني زعلت شديد لازم اعبر عن شعور جقود هنا https://top4top.io/
| |
|
|
|
|
|
|
Re: تلفزيون السودان والقنوات السودانية (Re: adil amin)
|
اهلاً دكتور عادل امين حضرتها حلقة الباقر عفيفي أولاً واعادة، اهم ما قال هو موضوع التفويض ، الحكومة الحالية حسب وجهة نظرة مفوضة دون الحوجة لانتخابات لان الشعب كله خرج وغير النظام ، فاتت عليه ان من خرجوا تحالف يضم طيف واسع متفقين فقط علي الحد الادني وهو اسقاط النظام ، ما سواه لا بد من تفويض وهذا سبب المسيرات الكثيرة.
من هم في قمة ادارة الاعلام بؤسهم فات الحد ، هداهم تفكيرهم بالاستيلاء علي القنوات الموجودة ( غنائم حرب ) لو راقبت ح تصل كل قناة لمن تتبع ، المغصة القناة الرئيسية تبع مخابرات دولة، والعجاجة قائمة حول الشروق ، عديمين همة .
| |
|
|
|
|
|
|
Re: تلفزيون السودان والقنوات السودانية (Re: adil amin)
|
طبعت نحن بننقد ونضع الحل
فعلا كلام باقر عفيف في الحتة دي ضرسني شديد اتعلم حركات الشيوعيين ينعق بي الديمقراطية وما عايز انتخبات محروسة بي محكمة دستورية واعلام حر تحسن خيارات المواطنين الاذكياء يا اختنا اخلاص زمان السودانيين 80% اميين طلعو الانجليز بي برلمان والفانوس حرق القطية وكانت عصر ذهبي حقيقي للسودان في زمن الشيوعيين والكيزان والبعثيين والناصريين 80% من الشعب السوداني متعلم وو50% من الشعب السوداني شباب ومبارين نظرية الشيوعيين وقحت ان الانتخابات رجس من عمل الشيطان بتجيب الكيزان وهم اصلا خايفنها تجيب ناس الجلد والراس الختمية والانصار والحركة الشعبية بالعقل كده الوعي في السودان بقى الاربعة ديل اانصاري ختمي ما عايز ابقى حركة شعبية او جمهوري شيوعيين وبعثيين وناصريين وكيزان وسلفيين ديل مشاريع ما سودانية وهسة بقت امراض نفسية زهايمر لاحظيه في البورد ده
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
التلفزيون الممل ما مرق يغطي المسيرات وخلاها للجزيرة مباشر الاخوانية الرخيصة ولا عرف الناس بي التاريخ بتاع الثورة بتاعة اكتوبر والي اين ودت السودان ولا طروحها في ساحة اكثر من راي للشباب المغيب ده اعلام حقت ده فشل تماما عبر عام كامل من التراهات ولو ترك امر السودان لاعلام الدول الناهبة للسودان والمفضوحة دي اقرو عليه الفاتحة
| |
|
|
|
|
|
|
Re: تلفزيون السودان والقنوات السودانية (Re: adil amin)
|
صدقت دكتور عادل امين ، لم تغطي قنواتنا ما يحدث ، فقه السترة لا زال مستمراً ، سترة احزاب كراع جوه وكراع بره
اليوم 21 October تحققت نبوة حميد صدق حميد بعد الشفتو في الجزيرة مباشر حميد ولي حميد ولي نورا شافت في رؤاها طيرة تاكل في جناها حيطة تتمغي وتفلع في قفا الزول البانها .
الحاضنة حضنت شنو ؟!!!! حميد ولي حميد بشوف بنور البصيرة انوارو جاهره بدون سلوك
يا تلفزيون السودان يا قنوات السودان ليه بنشوف ما يحدث لبلدنا من قنوات الخارج ، بومبيو وتأكيد رفع اسم السودان شفناه في قناة غيركم ومظاهرات الحاضنة والكيزان شفناها في قناة غيركم . لا وعيتو لا ثقفتو لا نقلتو . محن. محن محن
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
دكتورة اخلاص .. تحياتي يوم امس وفي ذكرى اكتوبر اكتشفت ان التلفزيون خالي من اي توثيق وحتى مقدمي البرامج من ابنائنا وبناتنا ليس لهم أي خلفية عميقة عن اكتوبر مثال مداخلة مع الدكتور عبدالمطلب الفحل عبر الهاتف في قناة الخرطوم لا أعرف لماذا حول الموضوع الى ضحك وكوميديا .. وسائل الاعلام لدينا في معاناة حقيقية الظاهر ان التعيين لا يتم عن طريق المعاينة أو السيرة الذاتية ( مجاملة وساطة وغيرها) حتى الضيوف طريقة جلوسهم ولبسهم والتعابير ... الخ ( زيرو )
ابن اختى يقول لي ( يا خال سيبك من التلفزيون .. نحن مع الجبلية والدولية والقلعة .. الخ ) قال لي ديل فنانات في يوتيوب ..
تحياتي الدكتورة .. شيء محزن جداً ..
| |
|
|
|
|
|
|
Re: تلفزيون السودان والقنوات السودانية (Re: علي عبدالوهاب عثمان)
|
اهلاً استاذنا علي عبدالوهاب عثمان ع ع ع الانقاذ عملت خلال ثلاثين عاماً علي تغييب الوعي وكما ذكرت يا استاذنا الشباب هو من حاولوا تجهيله ولكنه كالمارد . الوسائط ح تملأ اي فراغ وكذلك القنوات الاخري لا يمكن التحكم في المعلومة او الخبر فقد ولي ذاك الزمان
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
الاعلام السوداني الحر يجب ان يوعي الناس ويربطهم بي الحضارة والتاريخ الحقيقي واالايقونات السودانيين الحقيقية وعلم الاستقلال مش يغني وردي اليوم نرفع راية استقلالنا والشباب قاشر بي علم الاستحمار المصري والاستلاب الايدولجي بتاع مايو 1969 لحدي هسة دون حياء وكمان علماء التدليك الروحي الكيزان
| |
|
|
|
|
|
|
Re: تلفزيون السودان والقنوات السودانية (Re: adil amin)
|
دكتورة اخلاص .. خطأ فضيحة في التلفزيون القومي والآن الساعة سبعة وخمسين دقيقة كان فيلم عن اكتوبر ثم عرج الى انجاز الحكومة الديمقراطية آنذاك فكان مؤتمر القمة اللات الثلاثة وفي شريط الاخبار باللون الاحمر والابيض (( محادثات براهان وحمدوك ترامب ونتنياهو )) فجأة قطعوا البرنامج والآن خليل اسماعيل يغني جبل مرة
الفيلم ظهر فيهو الملك فيصل وازهري وعبدالناصر
بالغوا فيصل ولقمان .. عرض بدون مراجعة المحتوى
تحياتي الدكتورة
| |
|
|
|
|
|
|
Re: تلفزيون السودان والقنوات السودانية (Re: علي عبدالوهاب عثمان)
|
اهلاً استاذنا علي عبدالوهاب عثمان
اخبار السودان لا تري في قنواتنا فيصل موقفه معروف ، بس الخبر وصل للجميع يبقي ايه فائدة التعتيم الاعلامي
قرار ضخم وهناك فرحة برفع اسم السودان من قائمة الدول الراعية للارهاب وانقسام حول التطبيع الانقسام متوقع .
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
Quote: قناة السودان الاستاذ عمر قمرالدين وزير الدولة للخارجية بدات اجراءات رفع السودان من القائمة و حديث عن التطبيع. |
دكتورة إخلاص، طبعاً الكضاب ديمة .. عمر قمر الدين .. ح يطلّع كل التطبيع هو شغله هو .. وما في زول عمل شيئ ..
الله يكون في عون السودان ..
بريمة
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
قناة الخرطوم الشريط الاخباري رئيس اركان الجيش المصري بالخرطوم لاجراء مباحثات ومناقشة التعاون المشترك.
اكيد لا تصنيع طيارات ولاغيرو ياها شركات الجيش والاراضي ( اول مرة جيش يبيع لجيش اراضي بلده تحت مسمي الاستثمار، وايضاً الطائرات تحمل الذهب والدولارات ). جيشنا يا جيش .....
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
د. اخلاص تحياتي اعلامنا في غاية الانحطاط مع الاسف الشديد لهذه العبارة لا توجد اي تغطية لأحداث الحدود الاثيوبية واللاجئين
إلا نسمع ( عاآآآآ طف بشيييير .. تلفزيون السودان - القضارف)
كل اخبارنا من القنوات الخارجية ..
الحسنة الوحيدة في قناة امدرمان هي تقديم حكايات عن امدرمان واغاني الحقيبة على اصلها احياناً ..
تحياتي
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
اللهم أرحمه وأغفر له واعف عنه واحسن اليه واجعل الجنة مثوآه . العزاء لاسرته https://top4top.io/ قلت اعزيك انت بس لانك الاصدق في امر الصادق المهدي وحزب الامة في البورد والانصار كحركة تاريخية اسهمت في صيانة الهوية السودانية بي ثورتين الامام محمد احمد المهدي السيد عبدالرحمن المهدي
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
الكباشي يدافع عن التمارين المشتركة مع مصر ( التي تحتل حلايب وشلاتين) ويتحدث عن الجيش والذي أتت وفود اسرائيل وفتحت لها مكاتب التصنيع الحربي وورشه ، والجيش الذي شعر بالاهانة من اعتصام المدنيين ورسوماتهم واحتفالاتهم امام مبانيه ف ( حدث ما حدث) .
كباشي انت بتهضرب ولا بتكذب
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
الاستاذة اخلاص تحياتي البوست مهم .. الاعلام السوداني بدون كفاءات
اليوم في موقع السوداني هذا الخبر العجيب
Quote: قدم تلفزيون السودان مساء الإثنين اعتذارا آخر للمرة الثانية خلال 24 ساعة، وذلك نتيجة خطأ ثان وقع فيه مع رئيس حركة العدل والمساواة د. جبريل إبراهيم، مساء أمس الأحد اثناء اعتذاره عن صدور لفظ نابي من أحد ضيوفه بروفيسور في الآداب.
وكان قد صاحب اعتذار التلفزيون عن صدور نعت خادش للحياء، عَرض صورة رئيس حركة العدل والمساواة د. جبريل إبراهيم، على الشاشة، بدلا عن أستاذ التاريخ أحمد حسن إبراهيم الذي صدر منه الخطأ.
مما اضطر التلفزيون للاعلان عن اعتذار آخر مساء اليوم الإثنين منوهاً ( هذا تنويه واعتذار واجب ومستحق للدكتور خليل إبراهيم عن هذا الخلط غير المقصود).
الخرطوم: السوداني |
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
دكتورة اخلاص .. تحياتي نشرة التاسعة في القناة القومية اشاهدها بانتظام كل نشرة أو معظمها عبارة عن ورش عمل قاعات بطاقات قارورة مياه امام كل واحد سترات صفراء أو حمراء محاضر ..
الغريبة حسب نشرة الاخبار .. ورشة عمل في الشمالية عندنا هناك .. بعنوان (( كيف نبني وطن جديد )) يا ريت كانوا ركزوا على الجازولين والسماد والتقاوي ( موسم القمح .. الشتوي ) ولا مراعاة للكورونا والتباعد
معقول كل النشرة عبارة عن زيارات وورش عمل وعبارة ( اثناء زيارته وقف على سير العمل ) ووعد برفع الانتاج والانتاجية .. إلخ
تحياتي الدكتورة
| |
|
|
|
|
|
|
Re: تلفزيون السودان والقنوات السودانية (Re: علي عبدالوهاب عثمان)
|
اهلاً استاذنا علي عبدالوهاب عثمان ع ع ع كلو كلام نظري ، نحن شطار في التنظير اما الجانب الواقعي الحقيقي ال بفيد الناس كزيادة الانتاج واصلاح الالات واستعمال الطرق الحديثة لزيادة الغلة لا يوجد به اهتمام ، الورش دي زي حفلات وعزومات يطفو الحنك والاكل والشراب والخسارة المؤكده حيث تضاف تكاليف المادبة والترحيل للوزارات والمصالح
هذا من ارث الانقاذ
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
إنهاء خدمة عاملين بالتلفزيون القومي ..بعضهم عمل في إعلام (الوطني) أصدرت لجنة التفكيك قراراً قضى بإنهاء خدمة 60 موظف بالتلفزيون القومي تراوحت درجاتهم ما بين الأولى الخاصة والثالثة والثامنة. واكتشفت لجان التحقيق الأولية عن أن النظام البائد قام بتعيين 37 من عناصره من أصل 60 شاركت في العمليات العسكرية بالجنوب ودارفور وبعضهم كان يعمل في إعلام المؤتمر الوطني. وأشارت حيثيات لجان التحقيق إلى أن النظام البائد انتدب متدربين ومتعاونين إلى دولة ماليزيا عام 2011 حيث تم تعيينهم مباشرةً بعد الرجوع من الدورة دون أن تطرح الوظائف للمنافسة العامة . وضبطت لجنة التحقيق تزوير في شهادة عليا تخص مذيعة شهادة ماجستير في القانون مزورة من جامعة النيلين كلية الدراسات العليا .بينما ضبطت اللجنة أحد الموظفين مدان في قضية فساد مالي وتم إرجاعه إلى الخدمة بعد الفصل .
| |
|
|
|
|
|
|
Re: تلفزيون السودان والقنوات السودانية (Re: خضر الطيب)
|
اهلاً استاذ خضر الطيب التمكين خطأ الانقاذ القاتل وبسببه تدهورت الخدمة المدنية ، الان سنعاني من الوجه الاخر للمعادلة حيث فقد الكثيرون وظائفهم. وكما كل شئ في الحياة سافر من استطاع واكتسب خبرات ونال تحصيلاً وصارت المعادلة هل يستطيع القادمون من عوالم اخري التأقلم وهل يستطيع المغادرون ان يصمدوا.
| |
|
|
|
|
|
|
Re: تلفزيون السودان والقنوات السودانية (Re: اخلاص عبدالرحمن المشرف)
|
Quote: ياسر الوزير الكارثة عليه ان يتفاوض علي شراء الكهرباء لمدة 10 سنين بسعر |
د. الاخلاص تحياتي دائما نجد بدايات الحل في مداخلاتك نعم من الأفضل المصلحة العامة وكما ذكرت في المداخلة السد اصبح أمر واقع المفروض كيف نستفيد منه ؟ السودان في مرحلة هشاشة أي مواجهة خارجية خسرانين 100%
رجعنا تاني لنظرية امريكا تحت جزمتي ( كرامتنا ونحن ونحن .. إلخ)
مع اننا نحن في صفوف الخبز والوقود والدواء
تحياتي الدكتورة
| |
|
|
|
|
|
|
|