دا ح يفتح الباب للاسئلة المشروعة.. هل قوش (مدوّر) الحكومة دي؟ هل قحت (تعلم فقط) بليلة فض الاعتصام؟ اختيار حمدوك وااااضح كان لأجندة غير ما ثار الشارع عليه. وتناغمه مع العسكر وتجنبه تماما ااي ضغط من الشارع لهيكلة الاجهزة الامنية ليه ما يبرره.
08-02-2020, 05:26 AM
adil amin adil amin
تاريخ التسجيل: 08-01-2002
مجموع المشاركات: 37007
حمدوك كان خيار البشير لمن ابى عملو الغزالة الفوق في السلم ما سمعنا بيه الا 2019 كل ما يمر الزمن يفضح الكثير انت جهز الوعي البديل والمحترم الحقيقي البغيير السودان لي الافضل في المرحلة الجاية حل ديمقراطي فدرالي حقيقي والشعب مصدر السلطات ذى ما عملت الحركة الشعبية 2005-2010 وبي دستور محترم واتفاقية محترمة شرحا منصور خالد ما عندها علاقة بي قرود السيرك الامريكي الخمسة مصر السعودية الامارات او قطر تركيا الثورة الحقيقية تزحنا من ديل وترجع دولة جنوب السودان ده الوضع الطبيعي وبي علم الاستقلال وليس علم مايو الثورة لم تبدا بعد ولكن اكثر الناس لا يعلمون
08-02-2020, 06:02 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الاستاذ عادل سلامات.. الدوحة ودبي بصماتهم واضحة في روح اي شهيد ارتقت لبارئها وفي معيشة اي بيت وعلاج كل مريض. النخبة الموجودة وجثمت علي صدر الشارع تاريخها ملطخ بالعمالة عند عسكرها ومدنييها وصراع المناصب وكراسي الحكم ح يعجل بكنسها. الدقير يصرح بالفشل والامام يعرض في دبي والشيوعي بياناتهم تطاقش.. اما باقي فكة احزاب قوي الحرية فااا كرسي هنا ومقعد هناك كافي (قدر لحافهم). اتفق تماما معاك الثورة الحقيقة لم تبدأ بعد والشوط الثاني منها قد يتأخر لكن لامحالة ح يتلعب وح تتلعب معاه الكضبة دي. العلم القديم مع الثلاثة نجمات (الثورات ودم شهدائها) اتمني يكون شعار الشوط الثاني.
08-02-2020, 06:21 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
حمدوك تم (اختياره) لقوي الحرية وقبلت بيه صاغرة.. طلس (الترشيح) لاسماء لرئاسة الوزارة كان كضبة. تعيين ولاء كيزان او منتمين ليهم (حسب بيان الشيوعي) في التعينات الاخيرة اكيد ما كان اختيار (الدلوكة) زي اختياره للسفراء الكيزان. الثورة لا اتسرقت ولا حاجة.. الثورة ما قامت.
08-02-2020, 07:27 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
تصريح اكييييد كان مدفوع الاجر.. الجيش حامي الديمقراطية وعاوز يبيع (النموذج) دا للعالم ونحن ببلادة بنتساءل ليييييه (العقوبات) لسة ما اترفعت ولييييه العالم (اصحابنا) ما دفعوا!! القومة الجاية ح تكون من (الكرسي)..
من بوست تاني.. مواعيد الصورة في تزامن مع مقابلة قوش (تحليل مني سااااي كدا). حمدوك مع اقزام الانقاذ في اديس.
08-02-2020, 09:32 AM
adil amin adil amin
تاريخ التسجيل: 08-01-2002
مجموع المشاركات: 37007
Quote: العلم القديم مع الثلاثة نجمات (الثورات ودم شهدائها) اتمني يكون شعار الشوط الثاني.
https://top4top.io/ عرفنا العلم يا معتصم البرنامج شنو انا في البورد ده ومن زمان قلت دي ما ثورة دع انقلاب وبعمل في صدمات عشان يفتح البلد علي الفوضي الخلاقة وديل ممثيل قذرين بس عشان كده بصنع البديل العلمي والعملي والدستوري لا قحت لا الاعلان الدستوري لا الجنرالات ديل مشروع سوداني من الاساس وليس الحل التوهان معاهم او الولولة قلنا نرجع للصبة المحترمة لي الحركة الشعبية مشروع وطني سوداني حقيقي شرحو منصور خالد دستور 2005 والمحكمة الدستورية والانتخبات الشعب الواعي بس بس السلاح القادم في السودان وهي ثورة الوعي والبصيرن شنو البلخليني ما انتخب الوالي وبرلمان الولاية وبرلمان المركز ورائيس الجمهورية المدني ؟؟؟؟ والقصة بقت كوسة وريحتا مرقت دي نظرية الصدمة والاحباط لمن يكون في بديل واعي ومحترم بفشل المشروع تماما لحسن نرجع لي د منصور خالد اخر الرجال المحترمين ونتحرك في الدستور 2005 فقط وايضا دستور 1973 وقوانين 1974 عشان ينظف السودان تماما من هذا الهراء الرخيص اتاكد كل يوم تشرق فيه الشمس حتكون في فضيحة سياسية وسقوط اخلاقي مشين
08-02-2020, 09:33 AM
adil amin adil amin
تاريخ التسجيل: 08-01-2002
مجموع المشاركات: 37007
Quote: العلم القديم مع الثلاثة نجمات (الثورات ودم شهدائها) اتمني يكون شعار الشوط الثاني.
https://top4top.io/ عرفنا العلم يا معتصم البرنامج شنو انا في البورد ده ومن زمان قلت دي ما ثورة دع انقلاب وبعمل في صدمات عشان يفتح البلد علي الفوضي الخلاقة وديل ممثيل قذرين بس عشان كده بصنع البديل العلمي والعملي والدستوري لا قحت لا الاعلان الدستوري لا الجنرالات ديل مشروع سوداني من الاساس وليس الحل التوهان معاهم او الولولة قلنا نرجع للصبة المحترمة لي الحركة الشعبية مشروع وطني سوداني حقيقي شرحو منصور خالد دستور 2005 والمحكمة الدستورية والانتخبات الشعب الواعي بس بس السلاح القادم في السودان وهي ثورة الوعي والبصيرن شنو البلخليني ما انتخب الوالي وبرلمان الولاية وبرلمان المركز ورائيس الجمهورية المدني ؟؟؟؟ والقصة بقت كوسة وريحتا مرقت دي نظرية الصدمة والاحباط لمن يكون في بديل واعي ومحترم بفشل المشروع تماما لحسن نرجع لي د منصور خالد اخر الرجال المحترمين ونتحرك في الدستور 2005 فقط وايضا دستور 1973 وقوانين 1974 عشان ينظف السودان تماما من هذا الهراء الرخيص اتاكد كل يوم تشرق فيه الشمس حتكون في فضيحة سياسية وسقوط اخلاقي مشين
08-02-2020, 05:33 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الاستاذ عادل.. دا بالضبط العلم اللي انا بقصده. شباب الجيل دا واعي جدا بثورته واكتسب وعي بالتجربة الفاشلة اللي افتكر ممكن تكون رصيد ليه في المستقبل لتجنب الانحدار في متاهات الاحزاب الجوفاء او الدوران في مداراتها. اكيد التجربة الديمقراطية محتاجة (لاحزاب) لكن علي الاقل ما موجودة الليلة في الساحة عشان تضع صورة واضحة لمستقبل افضل وحياة سياسية ناضجة تتجسد فيها معاني الحرية السلام والعدالة.
08-02-2020, 06:57 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9164
صلاح قوش مو ابراهيم ديل حالياً عاوزين أيه؟ و صلاح مناع عاوز يصل لي شنو؟ و لما قوش قابل ق ح ت في نمرة 2 و كان الوسيط محمد وداعة، هل اخبرهم مناع عن لقاء أديس مع قوش ومو و حمدوك؟ هل في أسرار أخرى سيتم الكشف عنها قريباً؟
08-02-2020, 07:39 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
ماشين علي كدا يا دكتورة.. ونبيل اديب (بذكاء) عشان ما يشيل وش القباحة منتظر (البيض في المنظومة) براااااااه يبوظ والريحة تطلع.. الخرطوم مدينة لا تعرف الاسرار.. اللي بصحي ابدر من التاني ح يفتوا لينا هههههههه. لجنة التفكيك بقت شغالة مخابرات وشرطة ياااخ.. في طلس اكثر من كدا.
08-02-2020, 07:57 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الدكتورة نعمات.. في الحقيقة تصريحه في المواعيد دي تحديدا بالنسبة لي بيوحي بالظهور الكامل لقوش علي المشهد وطبعا علاقته بقوش لا تخفي علي احد.. ربطه ل(حمدوك) بقوش في فترة تفتيت المفتت مناورة قد تكون اولي لتمهيد الظهور العلني والكبير. قوش بدخل الخرطوم وبطلع منها متي ما اراد. المعبد اتهدأ يا دكتورة بعد كلام الامام في دبي وتصريح الدقير من يومين في الجامعة..
08-02-2020, 01:32 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: دا ح يفتح الباب للاسئلة المشروعة.. هل قوش (مدوّر) الحكومة دي؟ هل قحت (تعلم فقط) بليلة فض الاعتصام؟ اختيار حمدوك وااااضح كان لأجندة غير ما ثار الشارع عليه. وتناغمه مع العسكر وتجنبه تماما ااي ضغط من الشارع لهيكلة الاجهزة الامنية ليه ما يبرره.
سلام عليكم وانشاء الله العدي القادم الثوره استعادت كامل اطرافها ومضت فى طريقها الصحيح قصه قوش وعودتو للمشهد باى شكل من الاشكال وارده رغم تهرب الكثيرين من التناول بموضوعيه واللجوء هربا بالهتافيه. قوش وعطا ببساطه لعبوها (تقيه) مع امريكا والا ما كانو يسرحو ويمرحو وتسمح امريكا لعطا بالخروج .مش حسب مواقعهم جزء اصيل من ما حدث ويحدث فى دارفور وجبال النوبه ؟؟؟ وما داير استرسل فى قائمه الجرائم اختصارا لوزمن الكتابه. وقوش يجى ناطى بعد شويه ويقول شريك فى التغيير واعتقد بالنظر لموضوع اجتماعو مع شله قيادات الاحزاب والان تصريح لقائو بحمدوك يؤكد انو مفاتيح القصه كلها حتى الكاكى فى السيادى مجرد ظل ليهو وموضوع حمدوك دا اصلا من البدايه شعي=بيتو اللقاها بس عشان رفض (صدقا او كان القصه كلها تمثيليه عشان الترويج ليهو كجزء من مسرحيه الخبوط الناعم واللى الفصل الاول فيها سقوط الانقاذ 1) مشكلتنا عندنا شعب بيحب اللعبه (الحلوه) حتى لو سجلت هدف فى مرماه.(ابتسامه ساخره) المشهد ونهر الاحداث كلو بيشير انو مسرحيه الهبوط الناعم وبروز الانقاذ 2 ماشه بشكل رتيب لغايه مايصحى الهتافيين والمنظراتيه على الحقيقه . غايتوشخصيا قاعد اتفرج لسلبيه من يدعو الثوريه والطنيه وركونهم للعتافيه او الله يقدرنى على خشمى قدر ما اقول اسكت لكن الصمت بيكون جريمه فى حق الثوره والشهداء وفى حق وطن اصبح مرتع خصيب لبنى كوز بكل وجوههم الظاهره و(المستتره)
08-02-2020, 01:40 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات معتصم و الزملاء و عيد مبارك للجميع امصح بمشاهدة كامل اللقاء او على الاقل الدقائق التي تسبق الجزئية التي تسابقت الصحف على تلخيصها و اغفلت بقية اللقاء عن قصد وفيها اجابات عن شراكة مزعومة لمناع مع قوش لكن الاهم هو الدقائق التي تلي هذه الجزئية وفيها معلومات اهم مما ذكر خاصة عن رؤية مناع للدور الحالي لقوش و مستقبله في العملية السياسية الجارية حاليا
08-02-2020, 05:44 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
العزيز عاصم.. كل عام انت والاسرة بخير وينعاد علينا في وطن نحن فيه (اوفي).
Quote: مشكلتنا عندنا شعب بيحب اللعبه (الحلوه) حتى لو سجلت هدف فى مرماه.(ابتسامه ساخره) المشهد ونهر الاحداث كلو بيشير انو مسرحيه الهبوط الناعم وبروز الانقاذ 2 ماشه بشكل رتيب لغايه مايصحى الهتافيين والمنظراتيه على الحقيقه .
شعب صبر علي جلاديه وهسي بصبر علي تمثيلية تمثيلية فصولها اكتملت وح ينسدل ستارها قريب. رجعت قوش اصبحت (متين) مش (كيف) للاسف. من زماااان كنا بنقول الثورة دي بقت تصحيحية وقزم الثورة طلع احسن من ان يقوم بالدور القذر ويمرر ليهم اجندتهم. الحساب بعدين ولد..
08-03-2020, 05:11 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: لكن الاهم هو الدقائق التي تلي هذه الجزئية وفيها معلومات اهم مما ذكر خاصة عن رؤية مناع للدور الحالي لقوش و مستقبله في العملية السياسية الجارية حاليا
قيادات في قوي الحرية علي اتصال بقوش وكمان بتسمع وتسمح ليه (برؤيته) في المستقبل السياسي!! والكلام دا من عضو في اللجنة المركزية لقوي الحرية والتغيير. زمان يا ودالبشري لما الحال بدأ يميل قلتو ما تخونوا الليلة كلام مناع دا ياها الخيانة العظمي زااااتها. حمدوك فعلا خازوق وثمنه ح تدفعوا قوي التغيير لانه المشهد واضح وطلع هبوط انعم من الناعم. مناع زاغ من الاجابة عن شركات قوش وتجارته ودغمس رده عن امكانية لجنة التفكيك بمحاسبته. غايتو الفلم دا نهاية ما موت البطل بس.
08-03-2020, 05:38 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: قيادات في قوي الحرية علي اتصال بقوش وكمان بتسمع وتسمح ليه (برؤيته) في المستقبل السياسي!! والكلام دا من عضو في اللجنة المركزية لقوي الحرية والتغيير.
كلامه عن رفع الحصانة عن قتلة الشهيد الاستاذ احمد الخير.. ولة تخوفه نقل رساله للبشير وروح الوطنية لديه بابعاد الصف الاول والتاني مع ابقاء البشير!!؟ او انقلابه علي البشير نفسه.؟ دا في اللقاء بتاع اديس. اتكلم عن دوره التحريضي وليه علاقات في قحت او سياسين في الحكم وفقدانه للبوصلة واعتقاد مناع انه مكانه السجن.؟ انا كل اللي طلعت بيه من اللقاء دا هو لقاءه بحمدوك في وجود مو ومناع نفسه. صراحة ما اهتميت بباقي الكلام كثير لانه فيه تقطيع كثير اولا وحسيت بأنه مناع بفتكر أنه دوره في اللجنة دي بسييييييييط مقارنه بامكانياته وتاريخه النضالي. الخلاصة حقتي قوش موجود في الساحة وامكانية عودته من بوابة قوي الاعلان وارده دا من ناحية ومن ناحية تاني مناع اداني احساس انه هو اكبر من اختصاره في لجنة التفكيك بس.. نسمع رايك يا محمد..
08-03-2020, 06:11 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الادانة اكتملت ووضح الوعد الحق والفجر الكاذب الجديد والله يرحم د منصور خالد الشخص الناس ديل من 1964 خلونا نشوف البديل الديمقراطي والفدرالي الحقيقي بالشارك فيه الشعب ذى ما حصل في انتخابات 2010 بس في ظروف جديدة بسم الله الرحمن الرحيم
رجعو دستور 1973 وقوانين 1974 والحكم الاقليمي باسس جديدة ما قبل المصالحة والترابي المقبوح برجع السودان النظيف من جديد وينتخب كل ناس اقليم الحاكم الاقليمي والبرلمان بتاع الاقليم ويشكل حكومته الاقليمية بدون وصاية مركزالفشل المازوم والموبوء بالمخابرات الاجنبية خلو الخرطوم تفضى اول
https://top4top.io/
08-03-2020, 06:21 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: دا ح يفتح الباب للاسئلة المشروعة.. هل قوش (مدوّر) الحكومة دي؟
سلام يا معتصم
اجابتى على سؤالك ح تكون من خلال المصدر الذى اوردته انت فى صدر البوست من "جريدة التيار " الاخوانية .
حيث ورد فى السطر الاخير :
Quote: ... وقال مناع انه رفض خلافة قوش لنظام البشير وان مو علق قائلاً _لايمكن ان نستبدل عسكرى بعسكرى )
يعنى اجتماعهم كان فى شهر فبراير 2019م فى عز الثورة وقبل سقوط النظام
وعلى هذا كيف يعنى يكون قوش ( مدوّر ) الحكومة دى ؟
لو كان تساؤلك فى صدر البوست مع الاسئلة الاخرى المطروحة : مثلا : ما هدف صلاح مناع من اثارة موضوع اجتماع قوش بهم فى اثيوبيا ؟؟ الهدف منه والآمال المرجوّة والدلالات . كان ح يدعم عنوانك الصادم : ( : الحرية والتغيير ما وجدت اوسخ من دا ؟ )
وعلى العموم انا شخصيا فقدت الثقة نهائياً فى حزب الامة والسبب الامام ومواقفه الضبابية الداعمة بكل وضوح للنظام السابق !! وآخر موقف للحزب كان البيان الهزيل الصادر من القيادى بحزب الامة القومى عبدالرسول النور والذى كان فى معية الكيزان فى منزل الكوز المشهور الصحفى جمال عنقره وكان هناك مجموعة كبيرة من الكيزان : لماذا لم يكن هناك احد غير الكيزان سوى عضو حزب الامة عبدالرسول النور ؟؟
حزب الامة اكثر دعماً للحركة الاسلامية الكيزانية اكثر من الكيزان .
08-03-2020, 06:44 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: اجابتى على سؤالك ح تكون من خلال المصدر الذى اوردته انت فى صدر البوست من "جريدة التيار " الاخوانية .
هو يا علاء اللي ما (اخواني كيزاني) في المشهد الليلة شنو؟.. الكيزان كانوا عاوزين يجيبوه عديييل ما خبر. وزي ما كنت بقول دوما هنا انه الكيزان اكبر المستفيدين من رئاسة حمدوك للوزارة. لا فككهم لا حاكمهم بل يشيل ويحشر لينا بيهم في الولايات والسفارات ولسة متمكنين في دولايب الدولة وابوابها وشبابيكها كمان. حتي تاوق تلقي منيس وش قدامك في وزارة..
Quote: وعلى هذا كيف يعنى يكون قوش ( مدوّر ) الحكومة دى ؟
لو كان تساؤلك فى صدر البوست مع الاسئلة الاخرى المطروحة : مثلا : ما هدف صلاح مناع من اثارة موضوع اجتماع قوش بهم فى اثيوبيا ؟؟ الهدف منه والآمال المرجوّة والدلالات . كان ح يدعم عنوانك الصادم : ( : الحرية والتغيير ما وجدت اوسخ من دا ؟ )
اما تدوير قوش للحكومة ياهو من بداية اجتماعه بالسيد قزم الثورة حمدوك لعلمه التاااااااام انه حمدوك ح يكون في راس الوزارة ( يمكن حاوي). من دون خلق الله يتم لقاءه بيه في اديس ولو في شفافية عندنا يا علاء هذا الحمدوك ما كان مفرووووض يكون علي راس بيت عندنا في السودان ناهيك وزارة.. عاين للصور في البوست دا واسمع تصريح مناع. تدوير قوش للحكومة يا علاء من خلال اصابع في قحت وسياسيين السيد مناع (امتنع) عن تسميتهم وهو اللي مفرووووووض يكون يملك كل الشفافية في الدنيا بس من كلامه عن نفسه ومحاربته للمفسدين!!
Quote: وعلى العموم انا شخصيا فقدت الثقة نهائياً فى حزب الامة والسبب الامام ومواقفه الضبابية الداعمة بكل وضوح للنظام السابق
وانا فاقد الثقة نهائيا في كل المنظومة دي من ساسها لراسها.. طلس ليس الا.. قال النموذج السوداني.. خلطة عسكر ومدنيين.. حولااااا.
08-03-2020, 09:02 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الخلاصة حقتي قوش موجود في الساحة وامكانية عودته من بوابة قوي الاعلان وارده دا من ناحية ومن ناحية تاني مناع اداني احساس انه هو اكبر من اختصاره في لجنة التفكيك بس.. نسمع رايك يا محمد..
مهم تسمع جواب مناع على سؤال المذيعة بالتحديد عن الدور الحالي لقوش, ما ممكن تصل لخلاصات من عندك و تبنيها على حديث لم تسمعه يا معتصم! اي منطق هذا السؤال و اجابة مناع بعد دقائق من الجزئية الفيها الحديث عن الاجتماع و حضور مو و حمدوك (بالصدفة)
08-03-2020, 08:24 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
ودالبشري.. رديت عليك قال دوره تحريييييييييضي. الفيديو فيه قطعه ويرجع بعدها بعلاقته برموز في الحكومة وقوي الاعلان.. عاين فوق. دا ما موضوع البوست يا ودالبشري. راي بنيته علي السمعتو وقراته..
08-03-2020, 09:18 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
هي بالله وقفت علي (لجنة).. مركزية قوي التغيير زااتو فيها منو لو سألنا.. انا غايتو بعرف ابراهيم الشيخ اللي (برأ) الجنجويد من فض الاعتصام واتهم (شنو كدا ماعارف) من اذرع الامن اللي كانوا اتمردوا وقالوا حلوهم,, خخخخخخخخ. الفيل قاااااعد يتقازم والناس تطعن في ضلها.. غااااتو.
Quote: ؟؟؟؟؟؟؟؟؟؟ اللجنة المركزية لقوى الحرية والتغيير دي شنو كمان؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
adil amin
Hassan Farah
نعمات عماد
Asim Ali
محمد البشرى الخضر
علاء سيداحمد
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست