|
|
|
 Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
فتوي لابن الباز في حكم اللواط.
فقد ذكر الشيخ إبراهيم وأفتى العلماء:
اللوطي كما سمعتم والعياذ بالله، اللوطي الذي يأتي الرجل، إتيان الرجل هذه اللواطة، والله أنكر ذلك وبين أمر اللوطية في قصة قوم لوط، والله أهلكهم جميعاً وخسف بهم بلادهم وجعل عاليها سافلها نعوذ بالله ثم أمطرهم بحجارة من سجيل نسأل الله العافية.
قال الوليد بن عبد الملك أمير المؤمنين:
لولا أن الله ذكر قصة اللوطية في القرآن ما كنت أظن أن رجلاً يركب رجلاً! فهي فاحشة شنيعة أفحش من الزنا نعوذ بالله وأقبح، فلهذا جاء أن حكمه القتل الذي عليه أصحاب الرسول ﷺ وقد أجمعوا جميعًا على قتل اللوطي مطلقًا سواء كان بكرًا أو ثيبًا، بعض الفقهاء قالوا: إنه كالزاني يرجم المحصن ويجلد البكر مائة جلدة ويغرب عامًا، ولكنه قول ضعيف
والصواب: أن اللوطي يقتل هذا هو أحد الأقوال، وهو الصواب، يقتل قتلاً بالسيف أو بالرجم بالحجارة كالزاني المحصن، وقد أجمع الصحابة رضي الله عنهم وأرضاهم على قتله، لكن بعضهم قال: يرجم كما يرجم الزاني المحصن وبعضهم قال: بل يلقى من شاهق وبعضهم يقال: يحرق بالنار.
والصواب في هذا أنه يقتل قتلاً بالسيف كما جاء في الحديث عن النبي ﷺ أنه قال: من وجدتموه يعمل عمل قوم لوط، فاقتلوا الفاعل والمفعول به نسأل الله العافية، وهذا الحديث لا بأس بإسناده جيد، وإن كان فيه بعض الاختلاف لكن يعضده ويؤيده إجماع الصحابة، وقد أجمع أصحاب الرسول ﷺ على قتله، وأن اللوطي يقتل مطلقًا سواء كان بكرًا أو ثيبًا وإنما اختلفوا في صفة القتل، فهل يقتل بالتحريق بالنار أو بالرجم أو بالسيف؟
والصواب: أنه يقتل بالسيف لأن النار لا يعذب بها إلا الله جل وعلا، والرجم إنما جاء في الزاني المحصن فلا يقاس عليه اللوطي، فاللوطي له شأن آخر، ولكن يقتل بالسيف الفاعل والمفعول به إذا كانا مكلفين لخبث معصيتهما ولشناعتها العظيمة، ولأن الواجب التنفير منها والتحذير منها، وكان القتل مناسبًا في هذا المقام للتحذير من هذه الفاحشة الشنيعة القبيحة.
نسأل الله للجميع العافية والسلامة.
| |
 
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
غايتو الزول بتاع الكهرباء البلغ دا أتوقع ان يكون عند الله أسوأ من المثليين
ياخي الحارق رزك شنو؟
الا تعلم انك الحقت الاذي بهذين الشابين المريضين
والحقت الاذي باسرتهما
والحقتها بقبيلتهما
ما سمعت بمن ستر مسلما ستره الله يوم القيامة؟
اسأل الله ان لا يسترك دنيا وآخرة
| |
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: محمد البشرى الخضر)
|
Quote: غايتو الزول بتاع الكهرباء البلغ دا أتوقع ان يكون عند الله أسوأ من المثليين
ياخي الحارق رزك شنو؟
الا تعلم انك الحقت الاذي بهذين الشابين المريضين
والحقت الاذي باسرتهما
والحقتها بقبيلتهما
ما سمعت بمن ستر مسلما ستره الله يوم القيامة؟
اسأل الله ان لا يسترك دنيا وآخرة |
هم ما سترو نفسهم و مشو ليهم مكان آمن عايزو يسترهم هو ... ؟؟؟؟؟
من ستر مسلما دي لي ديل ... ؟؟؟؟
و الله جزاه الله خير الما بقبل الشذوذ القذر دا .....
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
Quote: يا زول في 24 القرشي و ل الخرطوم ؟؟؟؟؟
و ل 24 القرشي ضموها للخرطوم ؟؟؟؟
و ل الخرطوم ضموها لي 24 القرشي ؟؟؟؟
حدد .... 😂😂😂 |
تصدق يا ابو حسين 24 القرشي مفتكره حي جديد بالخرطوم
من كثرة الأحياء الجديدة ال ظهرت في السنين الاخيرة.
لزم تعديل العنوان.
لكن برضو الشغلانية دي بقت منتشرة.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
Quote: مالك علينا شايل حالنا يا عمك ...
قاليك تم ظبط المذكورين في 24 القرشي
ونفذت الحكم فيهم محكمة 24 القرشي
تاني الخرطوم دي حاشرا في الخبر مالك .. خخخخ
شوف ناس الجزيرة وين ياخ ... هههههه
|
ود القوز يعني خلاص الشغلانة دي فايته الخرطوم.
الحال من بعضه ويقال والعهدة علي الراوي بأن 24 القرشي معقل من معاقل الكيزان.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
| Quote: السؤال كيف تم اثبات الجريمة؟ |
يا أحمد إثبات فاحشة الزنا لا تتم إلا بشهادة أربعة شهود ويرون البتاع في المكحل او بالاعتراف لكن فاحشة اللواط هل لها نص لاثباتها.
في اعتقادي الشابين اعترفوا لوجود دليل لا يمكن نكرانه.
يكون الزول ده صورهم بالموبايل صوت وصورة عشان كده اقروا بالوقائع.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
Quote: هم ما سترو نفسهم و مشو ليهم مكان آمن عايزو يسترهم هو ... ؟؟؟؟؟
من ستر مسلما دي لي ديل ... ؟؟؟؟
و الله جزاه الله خير الما بقبل الشذوذ القذر دا ..... |
يا ابو حسين من عظم هذه الفاحشة ربنا خسف الأرض بقوم لوط وردمهم بحجارة من سجيل وهو حكم بالقتل والرجم في ان واحد.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
Quote: ثم زولك ده ما تضمنو جاب الجماعة ديل بي ياتو حالة
مش ممكن يكون عارف الموعد ومشى جاب شهودو ثم كابسهم متلبسين ..هههههههههه |
غايتو يا ود القوز البقع في إيدك نقرأ عليهو الفاتحة خخخخخ
من البديهي ما بقدر يسوق ليهو اتنين يجرجرهم للقسم باخوي وأخوك الزول بكون عارفهم ومترصدهم وصورهم في ذلك الوضع المشين ومشي فتح البلاغ مستندا علي الفيديو.
ود البشري غايتو أكرمك 😅😅
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
Quote: والله حاجة شينة خلاص..
لكن هم بكون وشهم مجلد..
ودي ما بتكون اول مرة..
يستاهلوا...
لازم تحصل الفضيحة عشان يتوبوا.. |
فعلا يا محمد حاجة قبيحة للغاية.
لكنها حالة مرضية ان صح التعبير.
وزي ما قالو السترة والفضيحة متباريات.
لو تتذكر الحادثة الحصلت في الشمالية القالوا بأنها زواج مثليين.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
غايتو من زمنا بعيييد الناس البعملوا الحاجات دي بكونوا معروفين في الحلة والحلال المجاورة
ومسألة التشهير دي يمكن تجي بس لما الأهل يعرفوا او لما يتختوا قدام الأمر الواقع
غير كده مافي اي تشهير لأنك لو سألت جميع من هم في عمرهم بكونوا عارفين ميولهم
وعارفين علاقتهم واي شي. لا جديد تحت الشمس.
لو في زول عنده حيثيات الحكم يمدنا بيها فضلا لنر كيف يفكر مولانا عماد الدين ده وإلى
اي قانون او مذهب فقهي يستند.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: سيف النصر محي الدين)
|
| Quote: نفذت محكمة ٢٤ القرشي برئاسة القاضي عماد أحمد التوم، عقوبة الجلد ٤٠ جلدة تعزيراً على شابين، وفرضت عليهما غرامة قدرها ٤٠ ألف جنيه، وذلك لإدانتهما بالأفعال الفاحشة واللواط. |
اعوذ بالله من غضب الله .. عقوبة بسيطة جداً وليست رادعة ولا توازى شناعة الجُرم
لان الاصل فى العقوبات الردع .
يا عبدالبارى يا وزير العدل هذه العقوبة تحتاج الى مراجعة .
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
24 القرشي مدينة صغيرة شديد جمب المناقل مجتمعها أقرب للقرية يعني حادثة زي دي بتكون وصلت لحدي الماطوري في دقايق
ما كيزان يا جماعة .. الحكومة انتهت من مناطقهم دي أول ما جات .. زمان لو سمعتو بالرأسمالية ناس أبو زيد الهلالي وغيرهم كان نشاطهم في المناطق دي والمناقل كانت مدينة صناعية تكاد تنافس بحري فيها أحسن شعيرية وأحسن مكرونة وحلويات الكريمت الكانت براند وغيرها .. جات الإنقاذ حاربت كل الرأسمالية الهناك واتقفلت المصانع واتشردوا العمال وبعد ما كانوا ناس الجزيرة بغتربوا في المناقل بقوا ناس المناقل بفتشوا أرزاقهم في الخرطوم
المهم إنه 24 القرشي منطقة عادية والكيزان الفيها ماسكينها من ناحية دينية لكن ما فيها حاجة تتنهب عشان نسميهم حرامية ومنتفعين وكدة
غايتو السيناريو البتخيله إنه الزول دة لقاهم وكورك لم فيهم الناس سيروهم للبوليس عشان كدة ما قدروا ينكروا
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
| Quote: يعني مع الموبايل يمكن الاستغناء عن الشهود الاربعة |
لا لا طبعاً مافي كلام زي دة
التصوير ما بحل محل الشهود الأربعة
حد الزنا بيحمل موانع تنفيذه داخله لأنه أصلاً استحالة الأربعة يشوفوا المرود في المكحلة ومن زاوية واحدة .. ولو واحد منهم بس شاف من زاوية تانية ينجلدوا كلهم
إثبات الزنا بالشهود تم تصعيبه لدرجة الاستحالة لأنه بهدم بيوت ودليل استحالته إنه لم يحدث في التاريخ الإسلامي بالكامل منذ تشريع الحد وحتى هذه اللحظة أن تم إثباته بالشهود
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
Quote: قلت أخير كدا ههههه , مشيناها رضينا
المهم كويس انك مقتنع بأنو كلامك عن التعديلات ما صحيح |
معقولة يا ود القوز تقتنع ليهو بالسهولة دي
في تعديل في المواد 148 اللواط و 151 الأفعال الفاحشة
التعديلات وردت في الفقرة 24 و الفقرة 26 من الباب الثالث الفصل الرابع في الجريدة الرسمية لجمهورية السودان العدد 1904 المؤرخ في 13/7/2020
التعديلات وردت في الفقرة 24 و الفقرة 26
والتعديلات كالآتي
اللواط .
148ـ (1) يعد مرتكباً جريمة اللواط كل رجل أدخل حشفته أو ما يعادلها في دبر امرأة أو رجل آخر أو مكن رجلاً آخر من إدخال حشفته أو ما يعادلها في دبره .
(2) (أ ) من يرتكب جريمة اللواط يعاقب بالجلد مائة جلدة كما تجوز معاقبته بالسجن مدة لا تجاوز خمس سنوات ،
(ب) إذا أدين الجاني للمرة الثانية , يعاقب بالجلد مائة جلدة وبالسجن مدة لاتجاوز خمس سنوات ,
(ج) إذا أدين الجاني للمرة الثالثة يعاقب بالإعدام , أو بالسجن المؤبد .
تم تعديلها كالآتي
في المادة 148 (2):
(اولاً) الفقرة (أ) تحذف عبارة " بالجلد مائة جلدة كما تجوز معاقبته"
(ثانيا) تلغى الفقرة (ب) ويستعاض عنها بفقرة التالية:
"(ب) إذا أدين الجاني للمرة الثانية، يعاقب بالسجن مدة لا تجاوز سبع سنوات"
(ثالثاً) في الفقرة (ج) تحذف عبارة "بالإعدام، او)
الأفعال الفاحشة .
151ـ (1) يعد مرتكباً جريمة الأفعال الفاحشة من يأتى فعلاً مخلاً بالحياء لدى شخص آخر أو يأتى ممارسة جنسية مع شخص آخر ، لا تبلغ درجة الزنا أو اللواط ، ويعاقب بالجلد بما لا يجاوز أربعين جلدة كما تجوز معاقبته بالسجن مدة لا تجاوز سنة أو بالغرامة .
(2) إذا ارتكبت جريمة الأفعال الفاحشة في مكان عام أو بغير رضا المجني عليه ، يعاقب الجاني بالجلد بما لا يجاوز ثمانين جلدة كما تجوز معاقبته بالسجن مدة لا تجاوز سنتين أو بالغرامة .
تم تعديلها كالآتي
في المادة (151):
(اولاً) في البند (1) تحذف عبارة " بالجلد بما لا يجاوز أربعين جلدة كما تجوز معاقبته"
(ثانياً) في البند (2) تحذف عبارة " بالجلد بما لا يجاوز ثمانين جلدة كما تجوز معاقبته"
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
Quote: أريتك يا مستنير قاضي السرور .. ههههههههه
دايرهم ينكرو ليه إتا طيب .. |
كيفن ما أدورهم ينكروا لو أنا القاضي يا ود القوز؟
وهو القاضي شغلتو شنو غير يدور الناس الزي ديل ينكروا
وإنت قايل الرسول لما قال لماعز "لعلك قبلت او غمزت او نظرت" كان دايرو يسوي شنو غير ينكر؟
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
| Quote: 151ـ (1) يعد مرتكباً جريمة الأفعال الفاحشة من يأتى فعلاً مخلاً بالحياء لدى شخص آخر أو يأتى ممارسة جنسية مع شخص آخر ، لا تبلغ درجة الزنا أو اللواط ، ويعاقب بالجلد بما لا يجاوز أربعين جلدة كما تجوز معاقبته بالسجن مدة لا تجاوز سنة أو بالغرامة . |
اذن الأخ عماد الدين ده حكم بالمادة دي وتجاهل التعديلات التي ادخلت عليها!
او ربما أن التعديلات لم تصبح نافذة بعد.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
اللواط : بعد التعديل :
Quote: تم تعديلها كالآتي
في المادة 148 (2):
(اولاً) الفقرة (أ) تحذف عبارة " بالجلد مائة جلدة كما تجوز معاقبته"
(ثانيا) تلغى الفقرة (ب) ويستعاض عنها بفقرة التالية:
"(ب) إذا أدين الجاني للمرة الثانية، يعاقب بالسجن مدة لا تجاوز سبع سنوات"
(ثالثاً) في الفقرة (ج) تحذف عبارة "بالإعدام، او) |
الافعال الفاحشة : بعد التعديل
Quote:
تم تعديلها كالآتي
في المادة (151):
(اولاً) في البند (1) تحذف عبارة " بالجلد بما لا يجاوز أربعين جلدة كما تجوز معاقبته"
(ثانياً) في البند (2) تحذف عبارة " بالجلد بما لا يجاوز ثمانين جلدة كما تجوز معاقبته" |
يا مولانا حافظ انتا الناس القامو بتعديل القانون المقتبس اعلاه هل فعلاً ناس بتوعين قانون !1؟؟
حسب الاجزاء المقتبسه اعلاه ليس هناك فى القانون السوداني عقوبة لجريمة اللواط
والافعال الفاحشة .!!!
وكيف ما الاوضاع تسوء فى السودان لو هذا هو حالنا ..
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: علاء سيداحمد)
|
Quote: غايتو تخفيف العقوبة بدلا عن تغليظها بالذات في حد زي اللواط
بيكون الأمر ده محض افتئات على قيم مجتمعنا ..
ومحاولة سحب عادات وافعال مجتمعات لا دخل لنا بها
بتتساهل كثيرا مع المثلية والمثليين وتساعد على انتشار هذه القاذورات |
يعني لو طارت عز!!
انت يا ود القوز في الاول قلت Quote: الجماعة ديل ماخالفوا القانون
حسب التعديلات الجديدة .. |
و مولانا جابها ليك ظريفة و بي فوق بدل يقول ليك انت يا ما قربت التعديلات يا ما وقعت ليك عشان تقول مافي مخالفة قانون هنا ووراك انو التعديل الجوهري في العقوبة فقط وليس في توصيف المخالفة للقانون
هسي بالنسبة ليك شيلة المية جلدة هو الماش يفتئت - بالغت فيها دي - على قيم مجتمعنا!!
يا زول اقول ليك حاجة! اطلع لايف بعد دا :)
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: علاء سيداحمد)
|
يا علاء بعدل التعديل المواد تقرأ كالآتي:
اللواط .
148ـ (1) يعد مرتكباً جريمة اللواط كل رجل أدخل حشفته أو ما يعادلها في دبر امرأة أو رجل آخر أو مكن رجلاً آخر من إدخال حشفته أو ما يعادلها في دبره .
(2) (أ ) من يرتكب جريمة اللواط يعاقب بالسجن مدة لا تجاوز خمس سنوات ،
(ب) إذا أدين الجاني للمرة الثانية، يعاقب بالسجن مدة لا تجاوز سبع سنوات ,
(ج) إذا أدين الجاني للمرة الثالثة يعاقب بالسجن المؤبد .
الأفعال الفاحشة .
151ـ (1) يعد مرتكباً جريمة الأفعال الفاحشة من يأتى فعلاً مخلاً بالحياء لدى شخص آخر أو يأتى ممارسة جنسية مع شخص آخر ، لا تبلغ درجة الزنا أو اللواط ، ويعاقب بالسجن مدة لا تجاوز سنة أو بالغرامة .
(2) إذا ارتكبت جريمة الأفعال الفاحشة في مكان عام أو بغير رضا المجني عليه ، يعاقب الجاني بالسجن مدة لا تجاوز سنتين أو بالغرامة .
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
شكرا يا مولانا حافظ
القاضى مش مفروض وحسب نص القانون كان يحاكمهم بالسجن كما هو فى المقتبس ادناه
| Quote: (2) (أ ) من يرتكب جريمة اللواط يعاقب بالسجن مدة لا تجاوز خمس سنوات ، |
من
عشان نفهم شويه يا مولانا من وين القاضى جاب الحكم الذى اصدره بمحاكمتهم 40 جلدة !؟
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: muntasir)
|
تحياتي صاحب البوست و ضيوفه الكِرام
معليش ح انظر للموضوع بي جهة اخري تماما وهي
إن الميل لنفس الجنس سواء كان لـــ ـــواط او سِحـــــ ــــــــــاق
هل هو مرض و خلل نفسي قد يكون في التركيبة البيولوجية للفرد
أم هو جريمة في حق الوضع النفسي و الأخلاقي للمجتمع.
اعتقد الجلد او السجن او الغرامة ممكن تكون غير مبررة اذا كان
هناك هرمونات نثوية زائدة عن المعدل الطبيعي في الذكر
او العكس في الانثي. و اعتقد اولا يتم كشف طبي علي نسبة
الهرمونات و التاكد من نها في المعدل الطبيعي.
ثم بعد ذلك عرضهم للطبيب نفسي للتاكد من انهم لم يتعرضوا
في طفولتم الي انتهاكت و إعتداءآت جنسية جعلتهم يقدمون
الي هذا العمل كرد فعل لطفولة بها جروح اخلاقية حدثت لهم
من قريب او جار او شيخ خلوة ...
عشان ما يزداد حقدهم علي المجتمع و يكونوا خارج دائرة الانسانية
و يصعب دمجهم في المجتمع و تظهر ظواهر انتحار و امراض نفسية أخري.
الجلد و الغرامة و السجن ممكن اذا تكرر الفعل من الشخص اكثر
من مرة بعد استيفاء الشروط السابق ذكرها باعتبار انه بعد تكرار
هذه الفِعلة اصبح خطر علي اخلاقيات المجتمع.
معليش زمني بقي ممحوق اتمني أن أجد وقت اكثر للحوار
تحياتي
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: أحمد محمد عمر)
|
Quote: اذن الأخ عماد الدين ده حكم بالمادة دي وتجاهل التعديلات التي ادخلت عليها!
او ربما أن التعديلات لم تصبح نافذة بعد. |
أيوا يا دكتور سيف
واضح إنو القاضي حكم على المتهمين بموجب المادة 151 الأفعال الفاحشة بنصها قبل التعديل.
اللواط دي أفتكر أدخلت في الخبر بالخطأ
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
Quote: القاضى مش مفروض وحسب نص القانون كان يحاكمهم بالسجن كما هو فى المقتبس ادناه
Quote: (2) (أ ) من يرتكب جريمة اللواط يعاقب بالسجن مدة لا تجاوز خمس سنوات ،
|
مافي تواريخ في الخبر عن تأريخ البلاغ او الجريمة ولا عن تأريخ إصدار الحكم من المحكمة
التعديلات أصبحت ساربة من يوم التوقيع.وافتكر كان يوم 13/7/2020
قد تكون المحكمة أصدرت الحكم قبل التوقيع وتم نشر الخبر لاحقاً
وقد تكونالواقعة قد حدثت قبل التعديلات وتمت المحاكمة بعد التعديلات وفي هذه الحالة ورغم مبدأ عدم رجعية القوانين،إلا أن العرف القانوني في السودان يستثني القوانين من عدم الرجعية إذا كانت في صالح المتهم .
والمبدأ يقول أن نصوص القانون المستحدثة او تعديلاته لا تسري بأثر رجعي على الجرائم التي حدثت قبل إصدرها.
والإستثناء هو إذا كان النص الجديد او التعديل يعمل في مصلحة المتهم جاز للقاضي أن بطبق النص او التعديل الجديد في القضايا التي لم يصدر فيها حكم.
ربما وجد القاضي أن القانون قبل تعديله يعمل أكثر في مصلحة المتهم.
وفقاً للتعديلات كان للقاضي أن يحكم بالسجن مدة لا تجاوز سنة او الغرامة
ربما في تقدير القاضي أن من مصلحة المتهمين الحكم عليهم بالجلد بدلاً عن السجن.
وفي هذه الحالة يكون تقدير القاضي خاطئ لأنه من الواضح أن هدف المشرع من التعديلات هو التخفيف وليس التشديد.
وبالتالي فالعقوبات الواردة في التعديلات هي الأصلح للمتهم في نظر المشرع.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Hafiz Bashir)
|
إنت في دا والا في العلم والمعرفة القاعد تكب فيها دي..
فعلا المعرفة والفهم سمح وقعت لي الكلام مظبوط كان فيهو لي ل خبطة ..
شكراً يامولانا والخبير خبير ..
ــــــــــــــــــ
حبيبنا عاطف عمر إعجابي بمحاضرة مولانا حافظ أكيد لا يؤثر في صداقتنا الوطيدة بشئ :)
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
Quote: مالك بقيت حساس يا جمال!
كلامك عادي ما فيه حاجة
ماهو كل الناس الجواهم سلفي صغير مدسوس زيك كدة دة رأيهم في نصر الدين والتعديلات القانونية
أخد راحتك وسيب السلفي يتنفس ما تموت بيه براك :) |
لا والله ما حساس لكن ما بدور كلامي يتفهم غلط ..
وبالعكس ما اتضايقت لكن قلت الضمان أمان
الدنيا دي رحلة قصيرة
ولينا هنا مع بعض سنين ما داير زول ياخذ في خاطره مني ..
بسبب وجهة نظر تخصني ..
وبالعكس انا مش سلفي نهائيا
ولا بجي بي جنبها ذاتو ..
لكن ربما هي تنشئة فيها نوع من التمسك بالتقاليد
ما أكتر
بعدين ما قاعد ربطا بالدين خالص تصدق ..
المهم .............
انت خلي الزول المتحرر الجواك ده يتنفس ... خخخخخخخ
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: طلحة عبدالله)
|
شكرا جزيلا مولانا حافظ
الصورة وضحت تماماً
Quote: وقد تكونالواقعة قد حدثت قبل التعديلات وتمت المحاكمة بعد التعديلات وفي هذه الحالة ورغم مبدأ عدم رجعية القوانين،إلا أن العرف القانوني في السودان يستثني القوانين من عدم الرجعية إذا كانت في صالح المتهم .
والمبدأ يقول أن نصوص القانون المستحدثة او تعديلاته لا تسري بأثر رجعي على الجرائم التي حدثت قبل إصدرها.
والإستثناء هو إذا كان النص الجديد او التعديل يعمل في مصلحة المتهم جاز للقاضي أن بطبق النص او التعديل الجديد في القضايا التي لم يصدر فيها حكم. |
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: ABUHUSSEIN)
|
Quote: يا جيمي انت الوداك تسلم على جرجير دا شنو ؟
انأ شاهد انت غير طايبتو وسألت من صحتو
وصحة اهلو واتمنيت ليهو طول العمر تاني ما
قلت حاجة ومستعد أحلف..
دا جرجير وأجرك على الله ياخ .. خخخخخخ |
ههههههههههههه
لا والله
ود البشرى ظريف معاي ما قال حاجة ..
منتصر ده الجهجه لي باكاتي .. خخخخخخخ ...
ونبهني ليحاجة ما قدرت أفهما فقلت أخير أكسح المداخلات كلها ...
يأخ سلفي شنو الجواي إتا ماش تباري لي تحليل حمادة ده .. ههههههه
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
| Quote: حبيبنا عاطف عمر إعجابي بمحاضرة مولانا حافظ أكيد لا يؤثر في صداقتنا الوطيدة بشئ :) |
ماهو شوف .. الحق حق
إشادتك دي بي حافظ دي لو ما رزعتك معانا في لستة المطاردة بين البوستات معناها الشغلة خيار وفقوس
يا تجي تخش معانا طائعاً باختيارك يا حنتهم عاطف - لو ما جابك - بالقصدانية :)
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: جمال ود القوز)
|
Quote: يا حامد استهدى بالله ياخ
هو شالو مادة اللبس الفاضح طلعوا مظاهرات قالوا دة تقنين للدعارة! تجي تقول ليهم اللواط مرض؟!!!
علي الحلال يهدروا دمك ضحى
|
يعني نمسح المداخلة الوحيده في البوست ده
معني كلامي يتعاقب إذا أصر علي الممارسة
و شَذَ/ او شَذَت... عن العُرّف السائد
لكن بعد دراسة الحالة اجتماعيا بواسطة طبيب
و اخصائي نفسي قبل الجلد او السجن
لان اغلبهم هم ضحايا قست عليهم الظروف و المجتمع
و يجب ان يمد لهم المجتمع يد العدل قبل يد البطش.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Arif Nashed)
|
كتب حافظ:
مافي تواريخ في الخبر عن تأريخ البلاغ او الجريمة ولا عن تأريخ إصدار الحكم من المحكمة
التعديلات أصبحت ساربة من يوم التوقيع.وافتكر كان يوم 13/7/2020
قد تكون المحكمة أصدرت الحكم قبل التوقيع وتم نشر الخبر لاحقاً
وقد تكونالواقعة قد حدثت قبل التعديلات وتمت المحاكمة بعد التعديلات وفي هذه الحالة ورغم مبدأ عدم رجعية القوانين،إلا أن العرف القانوني في السودان يستثني القوانين من عدم الرجعية إذا كانت في صالح المتهم .
والمبدأ يقول أن نصوص القانون المستحدثة او تعديلاته لا تسري بأثر رجعي على الجرائم التي حدثت قبل إصدرها.
والإستثناء هو إذا كان النص الجديد او التعديل يعمل في مصلحة المتهم جاز للقاضي أن بطبق النص او التعديل الجديد في القضايا التي لم يصدر فيها حكم.
ربما وجد القاضي أن القانون قبل تعديله يعمل أكثر في مصلحة المتهم.
وفقاً للتعديلات كان للقاضي أن يحكم بالسجن مدة لا تجاوز سنة او الغرامة
ربما في تقدير القاضي أن من مصلحة المتهمين الحكم عليهم بالجلد بدلاً عن السجن.
وفي هذه الحالة يكون تقدير القاضي خاطئ لأنه من الواضح أن هدف المشرع من التعديلات هو التخفيف وليس التشديد.
وبالتالي فالعقوبات الواردة في التعديلات هي الأصلح للمتهم في نظر المشرع.
كتر خيرك يا حافظ..
وعبر تحية للجميع هنا..
اضافة لكلامك ، قد يكون القاضي لم يستلم التعديلات بعد ، لأن تعديلات القوانين والمنشورات القضائية عادة ترسل عبر بريد رسمي.
قصة (اللواط) دي اصلا للإثارة وفعلا ، حسب الخبر الموضوع جريمة الأفعال الفاحشة.
كبر
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: منتصر عبد الباسط)
|
في عهد الكيزان الغابر مر أحد القضاة بأحد الشوارع في منطقتنا بالجزيرة
فوجد راعي بقر ينزع العراقي وصار لابس فنلة داخلية وسروال طويل
ويدخل أحدى الزرائب ليحلب بقرة فيناديه القاضي ويسجل اسمه كامل
وعنوانه ويطلب منه ليحضر للمحكمة بتهمة الزي الفاضح
هههههه
دا كلو عشان الغرامة طبعاً
لما جاء القاضي الأول بعدما كانت تحول القضايا الكبيرة للحصاحيصا
والصغيرة يحكم فيها العمدة
لما جاء أول قاضي في أواخر التسعينات أو أوائل الألفينات
قال للجماعة إن شاء الله في كم شهر من الغرامات بس حا نبني المحكمة الجديدة
وقد كان !
علماً بأن الغرامة في الإسلام محرمة إلا لجبر ضرر لأحد الخصمين.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: منتصر عبد الباسط)
|
Quote:
يا ود القوز جبت الكلام دا من وين؟ عندك التعديلات
كدي ورينا المادة التم تعديلها كانت شنو وبقت شنو؟
|
ود البشرى سلام ، طولنا من مهابشاتك مرات لنا أو علينا. ياخي ود القوز دا لحس حاجاتو سبع مرات إحداهنَّ بالتراب ومرق نان و تيب مالكم يا جماعة الخير ملاحقنو ياخ ما تستروه موش قالو: من ستر مسلمن ستر الله عليه. ترا جنس دا المخلينا نتجنب اللخوانيات. دي دايرة حممد عبد الغفار و لا جني . بفرد كلمة ينهو الموضوع.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: دفع الله ود الأصيل)
|
حكايه التشهير يمكن يكون ليها اثار عكسيه
حادثه حكوها لينا ناس ناس درسو قدامنا فى الخرطوم القديمه بسنتين تلاته فى التمانينات والعهده على الراوى
ضبط اتنين من الطلاب فى حاله مواقعه بحمامات المدرسه بعدها حام بيهم استاذ تربيه اسلاميه -صادفناه خلال دراستنا بالمدرسه والطرف انو شديد الشبه بمطرب الرقى الراحل حتى اطلق الطلاب اسمه على الاستاذ هذا - فصول المدرسه ويقول للطلاب هذا ادخل عصا بطنه فى عين ظهر اخيه
.
ماعارف زى ديل وضعهم بقى كيف بعد الفضيحه دى وهل استمرو فى المدرسه او الدراسه اصلا ام لا ؟
.
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: Asim Ali)
|
يا عاطف عمر إنت البوست دا طلعت منو ملوص وما فهمت فيهو التكتح
ولو كنت فهمت حاجة كنت قلت "شكرن حمدوك وشكرن مولانا"
وإليك الأدلة على إنك ما فاهم حاجة:
ولو كنت فهمت المبدأ كنت عرفت أنو المبدأ أصلاً إتعمل عشان يحمي المواطن الضعيف من تغول السلطة القضائية وأجهزة تنفيذ القانون عليه.
فمبدأ عدم رجعية القوانين مستمد من مبدأ الشرعية والذي يقيد القاضي في حكمه على المتهمين ويحفظ حق المواطن وحريته في ممارسة أي أفعال لا توصف بالجريمة في وقت فعلها.
وبالتالي سؤالك الإستنكاري " وشغالين بيهووو وين؟ مع الضعاف !" سؤال لا معنى له ويدل على عدم فهمك للمبدأ وتطبيقاته.
Quote: رجعية دي معناها شنو؟
هههههههههههههههههه
تتفهم من(السياق) موش؟
ههههههههههههههههههه |
رجعية في الإصطلاح القانوني تعني سريان القانون او القاعدة القانونية على فترة من الماضي.
والمصطلح معروف وهو ليس تعبير من عندي ولكنه المصطلح المستخدم في مجالات القانون والفقه القانوني.
ويقابله في اللغة الإنجليزية مصطلح non-retroactivity of law ويعبر عنه في الدستور الأمريكي بfreedom from ex post facto law
ولو كنت كلفت نفسك بإدخال عبارة "مبدأ عدم رجعية القوانين"، زي ما أنا كتبتها في المداخلة، في قوقل لعرفت أن المصطلح معروف ومفهوم لذاته ولا يحتاج لسياق لفهمه.
وبالتالي أسئلتك المعقوبة ب"هههههههههههههههههه" تدل على قصور معرفتك.
Quote: Atif Omer Mohamed Ali
والمبدأ يقول أن نصوص القانون المستحدثة او تعديلاته لا تسري بأثر رجعي على الجرائم التي حدثت قبل إصدرها.
.....
وين الكلام دا ؟
كدي جيب فضيحتكم
بتاعت تعويضات ضحايا
السفارتين!
هههههههههههههههههه |
وين الكلام دا؟: في أغلب دساتير الدول هنالك نص يدل على عدم سريان القوانين بأثر رجعي.
الوثيقة الدستورية نصت في المادة (51) فقرة (4) على :"لا يجوز توجبه الإتهام ضد أي شخص بسبب فعل او إمتناع عن فعل ما لم يشكل ذلك الفعل او الإمتناع جريمة عند وقوعه"
النص في الوثيقة الدستورية غير مكتمل ومختصر ولم يذكر تفاصيل ولا إستثناءات ولكن تفاصيل تطبيق هذا المبدأ وإستثناءاته موجودة في السوابق القضائية والمصادر التأريخية للقوانين الجنائية السودانية المتمثلة في القانون الهندي المأخوذ من القانون الإنجليزي.
قضية تعويضات ضحايا السفارتين ما عندها أي علاقة بمبدأ عدم رجعية القوانين وتطبقاته.
إضافة إلى أن مبدأ عدم رجعية القوانين أصلاً هو مبدأ راسخ في القانون الجنائي الداخلي وتطبيقاته في القانون الجنائي الدولي و القانون الدولي العام فيها عدة إشكالات معروفة وقتلت بحثاً ونقاشاً.
ولو كانت لديك أدنى فكرة عن الموضوع لكنت سمعت بمحاكمات نورمبيرج والتي عقدت عقب الحرب العالمية الثانية
ولكنت سمعت بالجدل الكثيف الذي دار حول عدم تطبيق هذا المبدأ فيها.
Quote: Atif Omer Mohamed Ali
عقوبات جرائم المعلوماتية
"جت" خففوهن!
هههههههههههههههههههه |
وما علاقة جرائم المعلوماتية بجريمتي اللواط والأفعال الفاحشة.
هذه جرائم مستقلة عن بعضها وطبيعي جداً أن يخفف المشرع العقوبة على بعض الجرائم ويشدد العقوبة في جريمة أخرى.
وبكرة ممكن يجي برلمان منتخب ويصدر قانون يلغي تجريم وعقوبة اللواط تماماً ويتشدد في عقوبة جريمة إنتهاك الخصوصية.
لو عندك أدنى فكرة او أساس لتفكير منطقي لعرفت أن نية المشرع في تخفيف العقوبة او تشديدها تتغير بين جريمة وأخرى
رقم (18) صفحة 21 تقع تحت قانون مفوضية إصلاح المنظومة الحقوقية والعدلية. وتنص على:
"كل من يخالف أحكام هذا القانون او اللوائح الصادرة بموجبه تطبق عليه أحكام القانون الجنائي لسنة 1991، او أي قانون آخر ينص على عقوبة أشد"
طبعاً المادة دي ما عندها أي علاقة بموضوع البوست والمواضيع المفرعة منه.
إذا كنت تقصد تشديد العقوبة فكما ذكرنا سابقاً أن المشرع من الممكن أن يشدد العقوبة في بعض الجرائم ويخففها في البعض الآخر حسب مفهومه للعدالة.
وإذا كنت تقصد الإستثناء الوارد على عدم رجعية القانون بتطبيق العقوبة الأخف، فالمبدأ أصلاً لا ينطبق هنا. مبدأ عدم رجعية القوانين يطبق لإزالة التعارض في النطاق الزمني لقاعدتين قانونتيين الغت أحدهم الأخرى.
وينطبق على الوقائع التي حدثت في وقت سريان القاعدة القديمة ونظرت فيها المحكمة في وقت سريان القاعدة الجديدة.
أما المادة (18) التي ذكرتها فأعطت للقاضي الخيارفي توقيع العقوبة الأشد من بين القوانين السارية في نفس الزمان.
المادة (5) صفحة 23 تتحدث عن جرائم المعلوماتية والتعديلات شددت العقوبة في هذه الجرائم.
سبق أن ذكرنا أن هذه الجرائم مستقلة تماماً عن جريميتي اللواط والأفعال الفاحشة.
وأنه لا يوجد ما يمنع المشرع من تشديد العقوبة على بعض الجرائم وتخفيفها في بعض آخر.
التعديل في المادة (5) من قانون مكافحة جرائم المعلوماتية شدد العقوبة على الجريمة موضوع المادة بزيادة مدة السجن.
في جريمتي اللواط والأفعال الفاحشة خفف المشرع العقوبة بإلغاء العقوبة الأصلية والإستعاضة عنها بالعقوبة المكملة إما معدلة او كما كانت في السابق.
والمعروف أن العقوبة المكملة في أي قاعدة قانونية يجب أن تكون أخف من العقوبة الأصلية حتى لا يكون للقاضي سلطة واسعة في معاقبة الجاني.
فمثلاً لا يمكن أن تنص قاعدة قانونية على "من يرتكب فعل كذا يعاقب بالسجن لمدة لا تتجاوز سنة، كما تجوز معاقبته بالإعدام"
فالعقوبة الأصلية هنا هي السجن لمدة لا تتجاوز سنة والعقوبة المكملة هي الإعدام. فالقاعدة غير منطقية إذ أن العقوبة المكملة أشد من العقوبة الأصلية
فمثلاً الفقرة (أ) المادة 148 كانت تقُقرأ "من يرتكب جريمة اللواط يعاقب بالجلد مائة جلدة كما تجوز معاقبته بالسجن مدة لا تجاوز خمس سنوات"
العقوبة الأصلية هي الجلد والعقوبة المكملة هي السجن. في مفهوم المشرع أن الجلد هي عقوبة أشد من السجن.
تاني في شنو ما ردينا ليك عليهو؟
ايوااا نافلة الكلام
Quote: يا صوفي
ما تكلمنا عن القاضي السخطووو جدك !
هههههههههههههههههههههههههههههه
هو عمل شنو؟
ههههههههههههههههههههههههههههههه |
الشيخ محمد الهميم ود عبد الصادق في الحسبة جدي أنا ذاتي، منتصر عبد الباسط جدو الشيخ أحمد الطيب البشير، فخلي معلوماتك دقيقة.
القاضي دشين ما بعرفو لكن قال لجدي "فسخت عقد نكاحك من بنات بانقا الضرير كلتوم وخادم الله"
جدي قال ليهو "يفسخ جلدك"
وأنا شايف إنو جدي الشيخ الهميم تشدد في العقوبة وكان من الممكن أن يسامحه او يدعو عليه بعقوبة أخف.
ولكنه ليس مخطئ في زواجه ولم يخالف الشرع، واحدة من البنات ليست بنت بانقا من صلبه بل هي إبنة إحدى زوجاته من زواج سابق لها ورباها الشيخ بانقا.
فالشيخ بانقا أبوها وليس والدها.
يا عاطف عمر الرد عليك ممل جداً لأنو أغلب الكلام بيكون رد على كلام بسيط وساذج ويفتقر للمعلومة وليس فيه ما يحفز على التفكير.
المهم أنا رديت ليك عملاً لله عسى ولعل إنو مستواك في النقاش يرتفع شوية.
وبعد مجهودي معاك دا ما بقبل منك غير تقول "شكرن ابوي الهميم ود عبد الصادق، شكرن حمدوك، شكرن مولانا"
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: أحمد محمد عمر)
|
Quote: ياخي ود القوز دا لحس حاجاتو سبع مرات إحداهنَّ بالتراب ومرق
نان و تيب مالكم يا جماعة الخير ملاحقنو ياخ ما تستروه موش قالو:
من ستر مسلمن ستر الله عليه. ترا جنس دا المخلينا نتجنب اللخوانيات. |
تسلم يا أصيل ..
لا والله مافي ملاحقه ولا حاجتين ..
كل الحصل هو سوء تفاهم أو فلنقل سوء تقدير مني ..
أو إني اعتقدت بأنه جاء في فحوى أحدى مداخلاتي ..
ما يسيء أو يقلل من شأن أخ عزيز وهو ود البشرى ..
فلم أكلف نفسي عناء البحث صراحة ..
فمسحت المداخلات الفي البوست ..
ليأتي بعدها توضيح منتصر وبأن الأمر كان مجرد مزحة ..
الآن بطلب منه يرجع لي مداخلاتي الاتمسحت .. خخخخخخ
العشم كبير ومن الباب ده الواحد بيتعامل باريحية
لكن مرات كده الزول بلاوز زي ما قلت من الاخوانيات
أو سوء الفهم ....
لكن الاحترام متوفر للجميع هنا ..
تسلم يا أبو الدفاع ...
وأضحى مبارك عليك وعلى من تحب .....
وعلى كل الأحباب بسودانيز ..
ــــــــــــــــــــــــــــــــــــــــــــــــــــــــــــــــــــــــــــــــــ
غايتو أحمد محمد عمر السنيح لقاها فرصة وروج بأني سلفي .... خخخ
أكيد حاشكو الكلام وحاقص ليهو وما صدق لقى ليهو فرصة ...
| |
|
|
|
|
|
|
|
|
|
Re: تنفيذ عقوبة جلد شابين مثليين ضبطا أثناء م� (Re: سيف النصر محي الدين)
|
لا يسعني الا ان اتقدم بالشكر لكل الإخوة لمداخلاتهم القيمة التي وضحت العديد من النقاط القانونية والشرعية حول الموضوع والفائدة العامة.
وأيضا الشكر موصول لناس الفيسبوك.
المستنير، عاطف عمر.
منتصر (بالتنقليزي) ياااخي بالغت معانا خليت جيمي يتحسس ويمسح مداخلاتو.
ياااخي جيمي نحلة وبنقط شهد.
| |
|
|
|
|
|
|
| |
Arif Nashed
MOHAMMED ELSHEIKH
ABUHUSSEIN
جلالدونا
جمال ود القوز
محمد البشرى الخضر
Hafiz Bashir
محمد عبد الله الحسين
سيف النصر محي الدين
علاء سيداحمد
علي عبدالوهاب عثمان
Hamid Elsawi
HAIDER ALZAIN
طلحة عبدالله
Kabar
منتصر عبد الباسط
دفع الله ود الأصيل
Asim Ali
فيس بوك
تويتر
انستقرام
يوتيوب
بنتيريست