♧ خميرة سودنة/ أبعاج أخوي دراج المحن£

♧ ﺍﻟﻴﻮﻡ ﺩﺍﻙ ﺍﻟﻌﺼﻴﺮ ﻛﺎﻧﺖ ﺍﻟﻤﻄﺮﺓ ﺷﺎﻳﻠﺔ ﻭﺍﻟﺴﻤﺎﺀ ملبدة.. ﻭﺍﻟﺠﻤﺎﻋﺔ
ﺭﺍﻛﺒﻴﻦ ﺍﻟﻠﻮﺭﻱ ﻣﺎﺷﻴﻦ لعزا ﻓﻲ كمل نومك ترعة ود المنسي، ميجر ﺍﻟﻤﺎﻃﻮﺭﻱ ‏
ريفي أم صفقن عوراض ، محلية حشرو عباس في جزيرة واغ الواغ.

♤ ﺍﻟﻠﻮﺭﻱ هوستن داوودي ﻣﺴﺘﻒ ﺗﺐ ﺭﺟﺎﻝ ﻭﻋﻮﻳﻦ ﻭ ﻋﻮﺍﺽ ﻭﺩ ﺍﻟﺒﻨﺎ
ﻤﺴﺎﻋﺪﻱ الحَلة ﺭﺍﻛﺐ مشعبط ﻓﻲ ﺍﻟﺘﻨﺪﺍ .. ﻛﻠﺘﻮﻡ ﺑﺖ ﻣﻬﻮﻗﻨﻲ ‏ﻭ ‏ ﺍﻟﻌﻤﺪﺓ
ﻭﺩ ﺑﻠﻮﻟﺔ ﺭﺍﻛﺒﻴﻦ مقعدين بﻗﺪﺍﻡ ﻣﻊ ﺍﻟﺴﻮﺍﻕ.. ﻭﺑﺎﻗﻲ ﺍﻟﺠﻤﺎﻋﺔ ﺭﺍﻛﺒﻴﻦ
ﻭﺭﺍ 28 ﻧﻔﺮ ﻭﺷﺎﻟﻴﻦ ﻣﻌﺎﻫﻢ ﺷﻮﺍﻝ ﻓﺤﻢ ﻭ ﺗﻼﺗﺔ ﺷﻮﺍﻻﺕ ﻋﻴﺶ و سايقين
ﺧﺮﻭﻓﻴﻦ .. ﻭ ﻣﺨلاية ﺳﻜﺮ ﻭ ﺑﻘﺠﺔ ﺷﺎﻱ..ﻭﺣﻖ ﺍﻟﻜﺸﻒ صرة ﻓﻲ خيت .

● ﻭﻗﻮﻟﻲ ﻛﺪي ﻳﺎ تعل اﻟﻤﻄﺮﺓ شهفوفة ﺟﻮﻭﻭﻭﻭﻭﻭﻭﻭﻭ صُبِّي ..
ﻭ بريب القبلي يشلع لامن يختف البصر ﻭﺍﻟﻠﻮﺭﻱ ﻓﻲ ﻃﺮﻑ ﺣﻠﺔ
ﺍﻟﻌﺰﺍﺯﺓ غتس ﻓﻲ ﺍﻟﻄﻴﻦ..ﻭ ﺍﻟﻨﺎﺱ ﺿﺠﺖ ﻭﺍلكبسيبة ﻗﺎﻣﺖ.
● ﻋﻮﺍﺽ ‏ ﺍﻟﻤﺴﺎﻋﺪﻱ ﻗﺎﻝ ﻟﻠﺮﺟﺎﻝ ﺍﻧﺰﻟﻮ أﺩﻓﺮﻭﺍ .. ﻭﺍﻟﺮﺟﺎﻝ ﻧﺰﻟﻮ
عن بكرة أباهم و أمهاتم . ﻭﻫﺎﻙ ﻳﺎ ﺩﻓﺮ ﺣﺴﻴﻦ ﻭﺩ ﻣﺮﻏﻨﻲ ‏ﻭﻗﻒ ﺑﻌﻴﺪ
ﺷﺎﻳﻞ ﺳﺒﺤﺘﻮ ﻓﻲ ﻳﺪﻭ ﻭﻳﺸﻴﻞ ﻭﻳﻘﺮا في ﻳﺎﺳﻴﻦ .. ﺑﺖ ﻣﻬﻮﻗﻨﻲ ﻗﺮﺕ
ﺍﻻﺧﻼس حداشر ﻣﺮﺓ ﺑﺨﻴﺘﺔ ﺑﺖ ﻋﻮﺝ ﺍﻟﺪﺭﺏ ﻻﺑﺴﺔ ﻟﻴﻬﺎ ﺗﻮﺏ أﺑﻮ ﻗﻴﺠﻴﺠﺔ
ﺃﺯﺭﻗاﻨﻲ و مفحضتا مدلدلة ﻧﺰﻟﺖ ﻭﻗﻌﺪﺕ يوووي ﺗﺰﻏﺮت ﻟﻠرجال ﻭﺗﺤﻤﺲ
ﻓﻴﻬﻢ ﻓﻲ ﺷﺎﻥ ﻳﺪﻓﺮﻭﺍ ﺍﻟﻠﻮﺭﻱ تقول أريت يا يمة الصبايين يحضرو
بلاي ما يحضرو عشاي ﻭ ‏ ﺑﺎﺑﻜﺮ ‏ ﻭﺩ ﺷلقامي ﺍﻟﺴﻮﺍﻕ ﺣﻖ ﺍﻟﻠﻮﺭﻱ ﺷﻐﻞ
ﺍﻟﺒﻮﺭﻱ معلق) سايرين) عبارة عن نداء الاستغاثة الأخير.
● يلا ﻭﺍﻟﻨﺎﺱ ﺍﻟﻔﻲ ﻃﺮﻑ ﺍﻟﺤﻠﺔ ﺳﻤﻌﻮ ﺍﻟﺒﻮﺭﻱ ﻭجو منكسرين ﻭﻭﺻﻠﻮﺍ ﺑﻜﺎﻥ ﺍﻟ
ﻠﻮﺭﻱ ﻭﺣﻼﻥ .. ﻭﺍﻟﻨﺎﺱ ﺳﺎﻋﺘﻴﻦ ﻳﺸﻴﻠﻮﺍ ﻭﻳﺪﻓﺮﻭﺍ ﻓﻲ ﺍﻟﻠﻮﺭﻱ..ﻭﺍﻟﻠﻮﺭﻱ ﻏﺎتس
لشوشتو ﻓﻲ ﻄﻴﻦ لكوك !!
● ﻣﺤﻤﻮﺩ ﻭﺩ ﺑﺸﺎﺭﻱ ‏ﻃﺎﻟﻊ ﻣﻦ ﺍﻟﺰﺍﻭﻳﺔ ﺑﻌﺪ ﺻﻼﺓ ﺍﻟﻤﻐيرﺏ ﻳﻨﻀﻢ ﻣﻊ ‏ﻋﻠﻲ ﻭﺩ ﺍﻻﻏﺒﺶ:
ﻫﺎ ﺯﻭﻝ ﺍﻧﺖ ﺍﻟﻠﻴﻠﺔ ﻣﺎﻻ ﺍﻟﺰﺍﻭﻳﺔ ﺩﻱ ﻓﺎﺿﻴﺔ ﻛﺪي .. ﺍﻟﺼﻼﺓ ﺻﻒ ﻭﺍﺣﺪ ﺑﺲ!! ﺍﻟﻨﺎﺱ دي
طفشت ﻣﺸﺖ ﻭﻳﻦ!؟ ﺍﻟﻠﻴﻠﺔ ﺍﻟﺤﺎﺻﻞ ﺷﻨﻮ؟!ﻭﺩ ﺍﻻﻏﺒﺶ ﻗﺎﻝلو: ﺍﻓﺎ ﻋﻠﻴﻚ ﻳﺎ ﻭﺩ ﺑﺸﺎﺭﻱ ﺇت
ﻇﻨﻴت ﻣﺎك ﺟﺎﻳﺐ ﺧﺒﺮ !!.ﻟﻮﺭﻱ ﻭﺩ ﺍﻟﺨﺰﻳﻦ ‏ﺟﺎﻱ ﻣﻦ ‏ﺍﻟﻌﻘﺪﺓ ‏ ﺷﺎﻳﻠلﻮ ﺟﻤﺎﻋﺔ ﻣﺎﺷﻴﻦ ﻳﺸﻴﻠﻮلم
ﻓﺎﺗﺤﺔ ﻓﻲ جيهة ﺍﻟﻤﺎﻃﻮﺭﻱ ‏ ﻭﻫﺴﻊ ﺍﻟﻠﻮﺭﻱ ﻭﺣﻼﻥ ﻓﻲ ﻃﺮﻑ ﺣﻠﺘﻨﺎ !! ﻭﺩ ﺑﺸﺎﺭﻱ ﻗﺎﻝ ﻟﻴﻬﻮ ﺑﻲ
ﺯﻋﻞ شديد .. ﺍﻋﺪﻡ ﻋﺎﻓﻴﺘﻲ ﻣﺎ ﺳﻤﻌﺖ .. ﻧﺎﻥ ﻟﻲ ﺷﻨﻮ ﻣﺎﻓﻲ ﺯﻭﻝ ﻛﻠﻤﻨﻲ؟!! ﺍﻫﺎ ﻳﻼ ﺑﺴﺮﺍﻉ ﺑﺴﺮﺍﻉ
ﻧﻤﺸﻲ ﻋﻠﻰ ﺟﻤﺎﻋﺔ ﺍﻟﻠﻮﺭﻱ .. ﻭﺩ ﺑﺸﺎﺭﻱ ﻣﻌﺎﻫﻮ ‏ ﺣﻤﻴﺪﺓ ‏ ﻭﺩ ﺑﺘﻮ ‏ﺑﻨﻮﻧﺔ ﻭﻟﻴﺪن ﻧﺠﻴﺾ بلحيل ﻋﻤﺮﻭ
11 ﺳﻨﺔ .. ﻗﺎﻝ ﻟﻴﻬﻮ ﻳﺎ ﺍﻟﻔﺎﻟﺢ ﺍﺟﺮﻱ ﺍﺟﺮﻱ ﺑﺴﺮﺍﻉ ﺑﺴﺮﺍﻉ ﺑﺲ ﺍﻋﻤﻞ ﺣﺴﺎﺑﻚ ﻣﺎ ﺗﻘﻊ ﻓﻲ ﺍﻟﻄﻴﻦ ﻛﻠﻢ
أﺧﻮﺍﻧﻚ ﻭأﻋﻤﺎﻣﻚ ﺟﻴﺒﻮﺍ ﺍﻟﺤﻤﻴﺮ .. ﻭﻛﻠﻢ ﺍﻣﻚ ﻭﺣﺒﻮﺑﺘﻚ ﻗﻮﻝ ﻟﻴﻬﻢ ﻭﻟﻌﻮﺍ ﺍﻟﻨﻴﺮﺍﻥ ﻋﻨﺪﻧﺎ ﺿﻴﻮﻑ ..
ﻭﺗﺤﺮﻙ ﻭﺩ ﺍﻟﺒﺸﺎﺭﻱ ﻭﻋﺼﺎﻳﺘﻮ ﻓﻲ ﻳﺪﻭ ﻭﻣﻌﺎﻫﻮ ﻭﺩ ﺍﻻﻏﺒﺶ .
● ﺑﻌﺪ ﺷﻮﻳﺔ ﻭﺻﻠﻮ ﺑﻜﺎﻥ ﺍﻟﻠﻮﺭﻱ لقوه ﻭﺣﻼﻥ ﻭﺷﺎﻓﻮ ﺍﻟﺮﺟﺎﻝ ﺟﻼﻟﻴﺒﻬﻢ ﻣﻠﻴﺎﻧﺔ ﻣﻮﻳﺔ ﻭﻃﻴﻦ ..
ﻭﺍﻟﺤﺮوﻢ ﻓﻲ ﺿﻬﺮ ﺍﻟﻠﻮﺭﻱ ﺑﺮﺩﺍﻧﺎﺕ ﻳﻜﺪﻛﺪﻥ ﻣﻦ ﺷﺪﺓ ﺍﻟﺒﺮﺩ :ﻫﺎ ﺟﻤﺎﻋﺔ ﺍﻟﻔﺎﺗﺤﺔ ﻭﺍﻟﻨﺎﺱ ﺷﺎﻟتا
ﻣﻌﺎﻮ:ﺍﻣﻴﻦ ﻫﺎ ﺟﻤﺎﻋﺔ ﺳﻼﻡ ﻋﻠﻴﻜﻢ ﺍﻥ ﺷﺎﺀ ﺍﻟﻠﻪ ﻛﻔﺎﺭﺓ .. ﻭﻗﺒﺎﻝ ﻣﺎ ﺍﻟﻨﺎﺱ ﺗﺮﺩ ﺍﻟﺴﻼﻡ .. ﻭﺩ
ﺑﺸﺎﺭﻱ ﻣﺸﻰ ﻗﺪﺍﻡ ﺍﻟﻠﻮﺭﻱ ﻭﻗﺎﻝ ﻟﻠﺴﻮﺍﻕ ﻳﺎ ﻭﺩ ﻋﻤﻲ ﺍﻧﺰﻝ ﺍﻧﺰﻝ ﺧﻼﺹ ﺧﻠﻮﺍ ﺍﻟﺪﺍﻫﻲ ﺩﺍ ﺍﻧﺰﻟﻮ
ﻣﻄِّﺮﻭﺍ ﻣﻌﺎﻧﺎ ﻭﺑﻌﺪ ﺗﻘﻴﻒ ﺍﻟﻤﻄﺮﺓ ﺑﻨﺠﻴﺐ ﺍﻟﺘﺮﻛﺘﺮ ﻭﻧﺠﺮ ﺍﻟﻠﻮﺭﻱ .. ﺍﻟﺴﻮﺍﻕ ﺍﺗﻠﻔﺖ ﻭﻋﺎﻳﻦ ﻟﻠﻌﻤﺪﺓ
ﻭﺩ ﺑﻠﻮﻟﺔ .. ﺍﻟﻌﻤﺪﺓ ﻃﻮﺍﻟﻲ ﺭﺩ .. ﺃﻫﻼ ﺃﻫﻼ ﺣﺒﺎﺏ ﺍﻷﺭﺑﺎﺏ ﺍﻧﺎ ﺍﻟﻌﻤﺪﺓ ﻭﺩ ﺑﻠﻮﻟﺔ ‏.د ﻭﺩ ﺑﺸﺎﺭﻱ ﺭﺩ
ﺍﻟﺴﻼﻡ : ﺣﺒﺎﺏ ﺍﻟﻌﻤﺪﺓ .. ﻭﺣﺒﺎﺏ ﻧﺎﺱ ﻭﺩ ﺑﻠﻮﻟﺔ عِلا ﺣﺮّﻡ طلاق بالتلاتة ﺗﻨﺰﻟﻮ ﺗﻤﻄﺮﻭﺍ ﻋﻨﺪﻧﺎ
ﻭﺧﺴﻤﺘﻚ ﺑﺎلله ﺗﻜﻠﻢ ﺟﻤﺎﻋﺘﻚ ﻳﻨﺰﻟﻮﺍ .. ﺍﻟﺪﺍﺭ ﺩﺍﺭﻛﻢ ﻭﺍﻟﺤﻠﺔ ﺣﻠﺘﻜﻢ .. ﻭﺩ ﺑﻠﻮﻟﺔ ﻗﺎﻝ ﻟﻲ ﺑﺖ
ﻣﻬﻮﻗﻨﻲ ﺍﻧﺰﻟﻲ ﻭﺍﻣﺸﻲ ﻧﺎﻏﻤﻲ ﺍﻟﺤﺮوﻢ ﻳﻨﺰﻟﻦ ﻣﻦ ﺍﻟﻠﻮﺭﻱ .. ﻭﻣﻦ ﺑﻌﻴﺪ ﻇﻬﺮﺕ ﺍﻟﺤﻤﻴﺮ 9
..ﺣﻤﻴﺮ .. ﻭﺍﻟﺤﻤﻴﺮ ﺗﻬﻨﻖ .. ﻭﺍﻟﻠﻤﺒﺎﺕ ﻣﺎ ﺗﺪﻳﻚ ﺍﻟﺪﺭﺏ .. ﻭﺩ ﺑﺸﺎﺭﻱ ﻗﺎﻝ ﻟﻠﻌﻤﺪﺓ ﻭﺩ ﺑﻠﻮﻟﺔ.
ﻫﺎ ﻋﻤﺪﺓ ﻗﻮﻝ ﻟﻠحريم ﻳﺮﻛﺒﻦ ﺍﻟﺤﻤﻴﺮ ﻓﻲ ﺷﺎﻥ ﺍﻟﺨﻤﺞ ﻛﺘﻴﺮ .. ﺑﻨﺨﺎﻑ ﻋﻠﻴﻬﻦ ﻣﻦ ﺍﻟﻮﻗﻌﺔ
..ﻭﺍﻟﻨﺴاﻮﺍين ﻧﺰﻟﻦ ﻭﺭﻛﺒﻦ ﺍﻟﺤﻤﻴﺮ .. ﻭﻛﻞ ﺷﺎﻓﻊ ﻣﺎﺳﻚ ﻟﻴﻬﻮ ﺣﺒﻞ ﺣﻤﺎﺭ ﻭﻳﺸﻴﻞ ﻭﻳﻨﻬﺮ
ﻓﻲ ﺍﻟﺤﻤﺎﺭ .. ﻭﺍﻟﺮﺟﺎﻝ ﻛﻠﻬﻢ ﺍﺗﺤﺮﻛﻮﺍ ﻣﺎﺷﻴﻦ ﻋﻠﻰ ﺧﻠﻮﺓ ﻭﺩ ﺑﺸﺎﺭﻱ ..

● ﻟﺎمن ﻭﺻﻠﻮ ﺍﻟﺨﻠﻮﺓ .. ﻃﻠﻌﺖ ﺍﻟﺒﻨﻮﻧﺔ ﻭﻣﻌﻬﺎ ﻗﻨﺎﻭﺓ ﺑﺖ ﺣﻤﻴﺪﺍﻥ .. حبابكن
عشرة برا كشرة أدخلن ﺍبقن لا جوة ﺣﺒﺎﺏ ﺍﻟﻀﻴﻔﺎت.. ﺍﺩﺧﻠﻦ لي ﺟﻮﺓ ﻣﻦ ﺍﻟﻤﻄﺮﺓ ..
ﺧﺸﻦ ﻋﻠﻴﻜن ﺍلله .. ﻭﻓﻲ ﻗﺪﺍﻡ ﺍﻟﺨﻠﻮﺓ ﺃﻭﻻﺩ ﺍﻟﻌﻤﺪﺓ ﺟﺖ ﻭﺍﻗﻔﻴﻦ على باراتم ﺑﺎللباﺭﻳﻖ
ﻟﻠﻀﻴفان ﻓﻲ ﺷﺎﻥ ﻳﻐﺴﻠﻮﺍ ﻣﻦ ﺍﻟﻄﻴﻦ .. ﻭﺍﻟﺨﻠﻮﺓ ﻣﺎ ﺷﺎﺀ ﺍﻟﻠﻪ ﻗﻄﻴﺔ ﻋﺸﺎﺭﻳﺔ ﻛﺒﻴﻴﻴﻴﻴﻴﻴﺮﺓ ﻓﻴﻬﺎ
8 ﻋﻨﺎﻗﺮﻳﺐ ﻭ 4 ﺑﺮﻭﺵ ﺳﺒﺎﺗﺔ .. ﻭﺍﻟﻨﺎﺱ ﺍﻟﻜﺒﺎﺭ ﻗﻌﺪﻭﻫﻢ ﻓﻲ ﺍﻟﻌﻨﺎﻗﺮﻳﺐ ﻭﺍﻟﺼﺒايين ديل
ﺍﺗﻮﻫﻄﻮﺍ ﻓﻲ ﺍﻟﺒﺮﻭﺵ .. ﻭﺷﻮﻳﺘﻴﻦ كدسدي ﺍﻟﺸﺎﻱ ﻭﺍﻟﻘﻬﻮﺓ ﻭردﻦ .. ﻭﺍﻟﻜﺒﺎﺑﻲ ﺗﺘﻄﺎﻗﺶ .. أهو
ﺍﻣﺴﻚ ﻳﺎ ﺯﻭﻝ ﺻﻠﻲ ﻋﻠﻰ ﺍﻟﻨﺒﻲ .. ﺍﻟﺒﺮﺩ ﺷﺪﻳﺪ ﻭﻣﺎ ﻓﻲ ﻟﻴﻬﻮ ﻋﻼﺝ ﺑﻼ ﺍﻟﺸﺎﻱ .. ﺍﺷﺮﺏ ﺍﺷﺮﺏ
ﺁﺯﻭﻝ .. ﻭﻛﻓﺘﻴﺮﺍﺕ ﺷﺎﻱ ﺍﻟﻠﺒﻦ ﻭﺍﻟﺸﺎﻱ أﺣﻤﺮ ﻓﻀﻦ ﺟﺖ .. ﻭﺍﻟﻌﻤﺪﺓ ﻭﺍﻗﻒ ﺣﻔﻴﺎﻥ ﻓﻲ ﺍﻟﻄﻴﻦ
ﺩﺍ ﻭﺍﻭﻻﺩﻭ ﻛﻠﻬﻢ ﺣﻔﻴﺎﻧﻴﻦ ﺷﺎﻳﻠﻴﻦﻛﻓﺘﻴﺮﺍﺕ ﺍﻟﺸﺎﻱ ﻭﻻﻓﻴﻦ ﻋﻠﻰ ﺍﻟﺠﻤﺎﻋﺔ .. ﻭﺩ ﺑﺸﺎﺭﻱ ﻗﺎﻝ
ﻟﻠﻌﻤﺪﺓ : ﻳﺎ ﻋﻤﺪﺓ ﻗﻮﻝ ﻟﻠﺠﻤﺎﻋﺔ ﻳﻤﻠﺼﻮ ﺍﻟﺠﻼﻟﻴﺐ ﻓﻲ ﺷﺎﻥ ﻣﺎ ﺗﺠﻴﻬﻢ ﺣمﻰ ﺍﻡ ﺑﺮﺩ .. ﻭ
ﺍﻟﺠﻤﺎﻋﺔ ﻣﻠﺼﻮﺍ ﺍﻟﺠﻼﻟﻴﺐ ﻭﻗﻌﺪﻭﺍ ﺑﺎﻟﻌﺮﺍﺭﻳﻖ ..ﻭﺍﻭﻻﺩ ‏) ﺍﻟﻌﻤﺪﺓ ‏ ﺷﺎﻟﻮﺍ ﺍﻟﺠﻼﻟﻴﺐ ﻭﺟﺮﻱ
ﻭﺩﻭﻫﻢ ﻟﻠﺤﺮﻳﻢ ﻓﻲ ﺷﺎﻥ ﻳﻐﺴﻠﻮﻫﻢ .. ﻭﺑﻲ ﻫﻨﺎﻙ ﺑﻨﻮﻧﺔﻭﺍﻗﻔﺔ ﻓﻲ ﺍﻟﺘﻜﻞ ﺗﻮﺟﻪ ﻓﻲ ﺍﻟﺒﻨﺎﺕ
ﺍﻟﻠﻘﻤﺔ ﺩﻱ ﻣﺎ ﺧﻠﻮﻫﺎ ﺗﻜﺮﺩﻡ ﺻﻮﻃﻨﻬﻦ ﺯﻳﻦ .. ﺯﻳﺪﻭﺍ ﺍﻟﺪﻗﻴﻖ ﺷﻮﻳﺔ .. ﻳﺎ ﺧﺎﺩﻡ ﺍﻟﻠﻪ بت
عمسيب ﻣﻼﺣﻚ ﺩﺍ طعامو ﻣﺎ يرخي كمان زﻳﺪﻱ ﻟﻴﻬﻮ ﻓﻨﺠﺎﻥ ﻭﻳﻜﺔ ﺗﺎﻧﻴﻦ ﻓﻲ ﺷﺎﻥ
ﺍﺗﻼﻳﻖ ﻛﻮﻳﺲ .. ﻳﺎ ﺍﻟﺴﺮﺓ ﻋﻠﻴﻚ ﺍﻟﻠﻪ ﺷﻮﻓﻲ ﺍﻟﻤﻼﺣﺎﺕ ﻭﻛﺒﻲ ﻓﻴﻬﻦ ﺷﻄﺔ ﻭﻣﻠﺢ ..
ﻳﺎ ﺑﺪﺭﻳﺔ ﺍﻣﺸﻲ ﻟﻲ ﻧﺎﺱ ﻓﻄﻴﻦ ﺑﺖ ﺍﻟﻔﻜﻲ ﺟﻴﺒﻲ ﻣﻨﻬﻦ ﺍﻟﻄُّﺒﺎﻗﺔ .. ﻭﻛﺎﻥ ﻋﻨﺪﻫﻢ
ﺻﺤﺎنت ﺑﺎﺷﺮﻱ فطارات ﺟﻴﺒﻬﻦ ﻣﻌﺎﻙ ﻣﻊ ﺑﻨﺎﺕ ﺍﻟﺘﺎﻳﺔ ﻭﺑﻨﺎﺕ ﻓﻄﻴﻦ.و يلا ،
ﻓﻲ ﺍﻗﻞ ﻣﻦ ﺳﺎﻋﺔ ﻃﻠﻌﺖ ﺍﻟﺼﻮﺍﻧﻲ .. ﺃﻗﺪﺍﺡ ﻟﻘﻤﺔ ﺑﻲ ‏ ﺗﻘﻠﻴﺔ ‏ ﻭ ﻣﻼﺣﺔ
ﻓﻴﻬﺎﺷﻄيكﺔ ﻭ أتي.. ﻭﺍﻟﻨﺎﺱ أﻛﻠﻮﺍ شبعو تب ﻻﻣﻦ ﻏﻠﺒﺘﻬﻢ ﺍﻟﻘﻮﻣﺔ
.. ﻭ ﺷﺮﺑﻮ ﺍﻟﺸﺎﻱ ﺗﺎﻧﻲ ﻭ ﻣﻌﺎﻫﻮ اللقيمات و ﺍﻟﻘﻬﻮﺓ.
● ﻭ أﺫﺍﻥ ﺍﻟﻌﺸﺎﺀ ﺃﺫﻥ .. ﻭﺷﻮﻳﺘﻴﻦ ﻛﺪي ﺃﻱ ﺯﻭﻝ ﻣﺸﻰ ﺍﻟﺰﺍﻭﻳﺔ
ﻣﻦ ﺍﻟﻨﺎﺱ ﺍﻟﻜﺒﺎﺭ ﺳﻤﻊ ﺧﺒﺮ ‏ ﺍﻟﻠﻮﺭﻱةﺍﻟﻮﺣﻼﻥ ﺟﺎ ﺷﺎﻳﻞ ﻣﻌﺎﻫﻮ
ﺻﻴﻨﻴﺔ ﻋﺸﺎﺀ .. ﻭﺍﻟﻔﻮﺍﻧﻴﺲ ﺗﺘﻄﺎﻗﺶ .. ﻛﻞ ﺯﻭﻝ ﺷﺎﻳﻞ ﺻﻴﻨيتو
ﻭﻓﺎﻧﻮﺳﻮ ﻓﻲ ﻳﺪﻭ ﺟﺎﻳﻴﻦ ﻟﻲ ﺣﻮﺵ ﻣﺤﻤﻮﺩ ﻭﺩ ﺑﺸﺎﺭﻱ ..ﺣﺴﺐ
ﺍﻟﺮﺳﻮﻝ ﻭﺩ ﺑﺸﺎﺭﻱ ﻗﺎﻝ ﻟﻲﻣﺤﻤﻮﺩ ﺗﻌﺎﻝ ﻳﺎ ﺍﺧﻮﻱ ﺑﺪﻭﺭﻙ ﻓﻲ ﻛﻠﻤﺔ
ﺭﺍﺱ .. ﻭﻃﻠﻌﻮﺍ ﻭﻗﻔﻮﺍ ﺑﺮﺓ ﻓﻲ ﺍﻟﺮﺍﻛﻮﺑﺔ ﻭﺍﻟﻤﻄﺮﺓ ﻟﺴﻪ ﺻﺎﺑﺔ ..
ﺣﺴﺐ ﺍﻟﺮﺳﻮﻝ ﻗﺎﻝ ﻟﻲ ﻣﺤﻤﻮﺩ ﺍﻧﺎ ﺯﻋﻼﻥ ﻣﻨﻚ .. ﻣﺎ ﺗﺮﺳﻞ ﻟﻲ
ﺷﺎﻓﻊ ﺗﻘﻮﻟﻮﺍ ﻋﻨﺪﻧﺎ ﺿيفان؟! ﺩﻱ ﻋﻤﻠﺔ ﺗﻌﻤﻼ ﻳﺎﺧﻮﻱ .. ﻫﺴﻊ
ﻛﺪﻱ أرحكا ﻧﻮﺯﻉ ﺍﻟﻨﺎﺱ ﺩﻳﻞ ﻟﻠﻨﻮﻡ ﺑﻴﻦ ﺧﻠﻮﺗﻲ ﻭﺧﻠﻮﺗﻚ
..ﻓﻲ ﺷﺎﻥ ﻳﺎﺧﺪﻭﺍ ﺭﺍﺣﺘﻬﻢ .. ﻣﺤﻤﻮﺩ ﻗﺎﻝ ﻟﻴﻬﻮ ﺧﻴﺮ
ﺗﺐ .. ﻋﻼ ﺑﺪﻭﺭﻙ ﺗﺴﻮﻕ ﺍﻟﺘﺮﺍﻛﺘﺮ ﻭﻣﻌﺎﻛﻢ ﺣﻤﻴﺪﺍﻥ
ﻭﺍﻟﺴﻮﺍﻕ ﺗﻤﺸﻮﺍ ﺗﻄﻠﻌﻮﺍ ﺍﻟﻠﻮﺭﻱ ﻣﻦ ﺍﻟﻮﺣﻞو تجو
تقرشوﻩ ﻫﻨﺎ ﻗﺪﺍﻡ ﺍﻟﺨﻠﻮﺓ ..ﻭﺍﻟﺼﺒﺎﺡ رباح!!!


● قصة من الزمن الجميل تعلمنا قيمنا
السودانية السمحة واللي بنلقى فيها متعة
روح النفير و ماوأحوجنا في لمثل هذه الوقفات
لأنو حالنا حال اللوري الوحلان يرازي في الوحل و
الطين و راجي إيدك و إيدي. و عايش يا وطن.
ود ال ح ي ش ات ال ت ل ا ت ة
مؤذنٌ محجورٌ منزلياً بجزيرةِ مالطا