هلا باشمهندس محمد سليمان.. و تراه البوست جاء بخيره المرقك..
لو شفت الصورة التانية، الجزء اليسارى.. تلق كل إشارات المرور، و لافتات الشارع، و علامات المرور فى الشارع، للمشاة و غيرهم، كلها مصورة مما يعنى أنها مضمنة فى السيستم. والتقنية تستعمل الأقمار الصناعية GPS.. ثم ان أنها adaptive أى عندها المقدرة للتكيف مع الحركة.. حركة الموج طبعا ساهلة لأنها برمجة عادية، لكن التكيف مع ال traffic load وإعطاء جهة معينة وقت إضافى على حسب كمية السيارات فى تلك الجهة فهذه أخذت وقت طويل لتطويرها، و هى الان مضمنة فى النظام.. المراية الشايفها تشتغل مراية عادية فى الشارع حتى تصل قريب من التقاطع (المسافة أيضا تتكيف مع السرعة وكلما كانت السرعة أكبر كلما كان التنبيه من مسافة أطول.. برضه adaptive.. ثم ان السائق لا يحتاج للنظر الى الجهاز سواء كان المراة الخلفية أو جهاز فى الطبلون، لأن هناك صوت منبه مع تغير الإشارة، فيلقى نظرة عابرة على الجهاز أو يكتفى بالصوت.. تماما مثل صوت دليل خرائط قوقل أثناء القيادة. خلال حوالى سنة وتصف من التطوير كان لازم نجاوب على كل الإسئلة (what if) .. حتى المخالفات تسجل فورا.. لو قطعت لمبة حمراء طبعا السيستم يعرفها ويرسل المخالفة فورا ويرسل رسالة قصيرة فى تلفون صاحب السيارة بالمخالفة وتاريخها وقيمتها .. تذكرة الكترونية فورية.. بعدين السواق اساسا بيعمل حسابه فى كل الحالات.. لأنه فى زول سكران فى زول مطارد من الشرطة فى زول فراملو فكت,, طبعا هذه تحصل و لا يستطيع أى نظام الحماية منها سوى يقظة السائق. بعد التدرب على النظام فإن السائق سيكون أكثر تركيزا على الشارع و حرية من اللافتات. شوف مشاكل اللافتات الحين.. بعدين فى مشاكل كتيرة جدا تتعلق بنظام المرور الحالى.. الفيديو أدناه يوضح بعضا منها.. وأيضا توجد executive summary فى شكل PDF ممكن ارسلها ليك. صيانة هذا النظام فى امريكا تكلف 5 بليون دولار فى السنة.. الكهرباء فى شيكاغو كانت فاتورتها 200 الف جنيه باللمبات الحرارية.. لما غيروها لل LED بقت ما تسيح الجليد فى الشتاء لأن LED لمباته باردة فصارت صينته تعادل كهرباء اللمبات الحرارية!!! شكرا على الإهتمام و تأكد فى شغل كتير جدا إتعمل على مدى شهور طويلة.. و أهم من كدا لو ما عملناه اليوم يجى واحد زى ماسك بتاع تيسلا أو غيره وسيعمله لأن الأبراج الضخمة الفى الشوارع هذه، صدقنى الجيل العمره اليوم سنتين سيضحك علينا حين يراها فى المتحف.
اسف الفيديو دا عملتو بسرعة لكن فى فيديو تانى more professional
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
فيس بوك
تويتر
انستقرام
يوتيوب
بنتيريست