نموذج لمن يمتلك القدرة على ترويض لغة الضاد... انتاجه غزير... تقل المشاركات فيما يكتب...وفي تقديري ان السبب عو عدم القدرة على مجاراة قدراته في الكتابة..
كسرة: ننتظر منه ان يتحفنا ببعض قصائده.
07-10-2020, 04:40 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
نموذج لمن يمتلك القدرة على ترويض لغة الضاد... انتاجه غزير... تقل المشاركات فيما يكتب...وفي تقديري ان السبب عو عدم القدرة على مجاراة قدراته في الكتابة..
كسرة: ننتظر منه ان يتحفنا ببعض قصائده.
Over Qualified
07-10-2020, 05:39 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
الاستاذ علي عبد الوهاب قدرات فوق العادة عن الثقافة العامة والعادات والتقاليد السودانية ... لكن دعنا ننتظر قليلا ،فإذا لم نقرأ عن كبر ، وأبو جهينة وخمسة أسماء آخرين فسوف نعود... واستمر في هذه الدهشات الرائعة...واندهاشاتنا مستمرة..
07-10-2020, 07:47 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: الاستاذ علي عبد الوهاب قدرات فوق العادة عن الثقافة العامة والعادات والتقاليد السودانية ... لكن دعنا ننتظر قليلا ،فإذا لم نقرأ عن كبر ، وأبو جهينة وخمسة أسماء آخرين فسوف نعود... واستمر في هذه الدهشات الرائعة...واندهاشاتنا مستمرة..
غايتو يا امتثال بالغتي بوليغ :):)
يعني معقول دهشه يكون مافيها استاذنا الجليل "علي عبدالوهاب "تكون دهشة ؟؟ خليتيني اتلفت ..زي كأنك جالسه جنبي وبتشوفي في لائحة المدهشين :)
شوفي الزول المدهش القادم في اللائحة ..نشوف رايك فيه شنو؟؟
07-10-2020, 07:58 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
ما عندنا فيه أي كلام ...وكان مفروض تبدا اللستة باسمه وتقول هو الذي جعل المستحيل ممكنا وهو الذي جعل لكم صوتا يسمعه كل اهل السودان ، وهو الذي جعل لنا أسرة ثانية في هذا الاسفير الرائع..
07-10-2020, 08:38 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
حبيبنا الشيخ أنا ولله حبيتك في الله لكن بصراحة يا أخوي زي البوست دا حيزعل كتار بيظنوا في نفسهم القيمة وانت نفسك تكون بتقدرهم زي بت تاور مثلاً وعادل عبدالعاطي وما حيرد اسمهم لأنه البوست محدود وما ممكن تتذكر كل زول
داشيء أما هذا النتن دينق وحات رب السموات والأرضين كنت عارفو حيدخل ينبذك الزول دا فيه كمية من الغتاتة تكفي بلد أي زول إحتد معاه بختها ليه وتاني الله أعلم تنطفي وهاك يا المبارا بس انت ذاتك شليق وما بنقدر عليك يعني آكشن جاهز بس انت ما فيك عقدة ولا مركب نقص يعني عادي ممكن تسامحه وتنسي لكن هو لا
07-10-2020, 10:10 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
Quote: حبيبنا الشيخ أنا ولله حبيتك في الله لكن بصراحة يا أخوي زي البوست دا حيزعل كتار بيظنوا في نفسهم القيمة وانت نفسك تكون بتقدرهم زي بت تاور مثلاً وعادل عبدالعاطي وما حيرد اسمهم لأنه البوست محدود وما ممكن تتذكر كل زول
احبك الله الذي احببتنني فيه...القلوب شواهد يا "عبدو" تعرف يا عبدو ..في ناس حقيقة "ناطا جوز في نفسها"
زي "دينق" :)
انا بامانه فتحت البوست بي فهم انو في ناس فعلآ عندهم اشراقات ..يستحقون ان تمنح لهم حروف تقدير..وان كنت اظن ان حروفي تتقاصر عن قاماتهم لكنها غاية ما املك في هذا المنبر.. فأرجو شاكرآ ان يتم قبولها من جانبهم.
Quote: داشيء أما هذا النتن دينق وحات رب السموات والأرضين كنت عارفو حيدخل ينبذك الزول دا فيه كمية من الغتاتة تكفي بلد أي زول إحتد معاه بختها ليه وتاني الله أعلم تنطفي وهاك يا المبارا بس انت ذاتك شليق وما بنقدر عليك يعني آكشن جاهز بس انت ما فيك عقدة ولا مركب نقص يعني عادي ممكن تسامحه وتنسي لكن هو لا
هو بالله يا عبدو "دينق" شن طعو اذا ما ناضمناهو نحن :) الناس عاملة ليهو قومة وقعده وهو زول "دلوكة" بس. ياخي انا مابتذكرو الا يجي داخل بي دخلاتو الغبية دي.. معقول يا عبدو..دينق شنو كمان البنعمل ليهو راس وقعر:)
اشكرك على مداخلتك التي تبين الى حد بعيد من انت ولماذا احببناك..
07-10-2020, 10:39 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
الشيخ سيداحمد خليني اجيك من خلال مصطفى عمنا الشيخ ودسيداحمد في المنبر ياهو الركيزة .. هو البشيل حمل الرضاعة وعنده كلمة على الجماعة .. وفى المنبر باقلنا سابة وكل طيب ليهو غاية وللضعيف .. تلقاهو سادر ويقهر( الكعب المعاند) للضيوف بوستيهو فاتح .. ديل يقوموا وديل ينزلوا
07-11-2020, 04:02 AM
adil amin
adil amin
تاريخ التسجيل: 08-01-2002
مجموع المشاركات: 36908
Quote: من اكثر الاعضاء مشاركة... ظل يكتب حول فكرة محددة.. سخر لها كل ملكاته في الشرح والفكر ومستصحبآ حقائق التاريخ
ملاحظتي...ان لغته في "الحوار المتمدن" اكثر اناقة مما هي عليه في منبر حبيبنا بكري..
حياك يا شيخ في الحوار المتمدن بخاطب ناس اذكياء متواضعين وفي التسجيلات بخاطب الشعب السوداني لبر لعفيف الذكي وفي البورد بخاطب الموقوذة والنطيحية والمتردية وما اكل السبع قاعد معاهم من 2001 وعارفهم كويس الشيوعيين والكيزان ديل قرود بافلوف كيسهم فاضي وبجو يتمسخرو وعندهم طبعة نجسة الاستهانة بوعي وذكاء الاخرين وجزء من التنوير تعريهم في البورد الا تديهم بالحتة الفيها الحديدة وده علاج لي نصلحتم علي المدى البعيد وانا ما قعد اشتم الشخص بل اصفه وهو ما متصالح مع نغسو ومعقد عشان كده بشوفا شتيمة واصلو الزول في بيتو بقعد ام فكو وسودانيز اون لاين بيتنا ممكت تعمل احصا تلقي اكثر من استخدم كلمات سياسية واضحة جقود وحتلقي 90% كتابات جادة وبوستات جادة وووعي متطور في مستور الحوار المتمدن نفسه 9% هترشة 1% اسلحة شمار شامل وصورة قرود ولاريكس ودي وسائل تعليمية تخدم البوست وكل واحد بشوف الحاجات البتشبهو https://top4top.io/
البورد بي النسبة لي ساحة تنوير ما مهم كيف نا معحب بي ماما اميرة في امريكا وموقفا متقدم في امر العدوان علي اليمن ودي قضيتي المركزية في البورد والبورد ليس ساحة علاقات عامة ولا اءمن اطلاقا بالقطيع والشلة ولااستخدم المسنجر اطلاقا للتحريض او التخطيط ولا افتح بوست لاغتيال الشخصية وحياك الله يا الشيخ
07-11-2020, 05:25 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
ما قلت الا الحق في عادل امين .. هو من صناع الدهشة الحقيقية بدون رتوش .. ودهشته نكهتها مختلفة تماما.. بتذكرني جو عمال السكة حديد في ورش المرمة والعمليات ..
شوف هسه بالله زي الدحشة دي
Quote: وفي البورد بخاطب الموقوذة والنطيحية والمتردية وما اكل السبع قاعد معاهم من 2001 وعارفهم كويس
في زول ممكن " يدحش " الناس بطريقة روع من كدة :)
07-11-2020, 05:52 AM
adil amin
adil amin
تاريخ التسجيل: 08-01-2002
مجموع المشاركات: 36908
Quote: في زول ممكن " يدحش " الناس بطريقة روع من كدة :)
ويا الشيخ جاك نموذج حيدر الزين ده من ما اكل السبع وشوف مداخلتو في بوست عطبرة عشان ما تاخذ في خاطرك وانا محكمك ادخل شوف عليك الله عشان تشوف عمك جقود بصارع في منو وفي شنو في البورد محاضرة صوتية :اهل عطبرة ..جيدا جيتو!!..محاضرة صوتية :اهل عطبرة ..جيدا جيتو!!.. شوف المدخلة بتاعة حيدر الزين والجهاز ده محسوب علينا في عطبرة كده بقا ما تلومني ليه اسلوبي مختلف هنا نحن جنجويد هنا ديل ما بنفع معاهم لمن طلل بين الجدية والجبل او عيون المها
07-11-2020, 06:26 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
مولانا محمد علي طه الملك بثقافته الموسوعية وقدراته التحليلية العالية ونفسه الهادي في الحوار
يا الشيخ سيد أحمد طالما البوست تضمن مولانا محمد المرتضى حامد ومولانا مولانا محمد علي طه الملك خلينا نختصر القصة ونقول كل المولانات الفي المنبر من صناع الدهشة😝
Quote: اما يحي قباني ده بيني وبينو ريد شديد ولن ازيد.... وزهت ايامي وانا بتغزل ما بهتم بي قول العزل لسه ما ختيتو في فتيل
من منا لا يحب "قباني" با "عادل"...
اي بالله ختو في فتيل...وشوف كيف لمن تفتح الفتيل ح تلقى كيف الزول ده معتق زول لذيذ جدآ...
Quote: حياك يا شيخ في الحوار المتمدن بخاطب ناس اذكياء متواضعين
انت عارف يا عادل..انا اتخيل لي جزء كبير من احتكاكاتك في المنبر هو نوع مداخلاتك الزي دي...لأنها بتخلينا قاعدين في السهلة "عريانين"... انت عارف انا مرات قاعد احس انو محاكماتك دي بالرغم من كم السخرية اللاذعة الفيها لكن فيها حقائق بتكشف لينا حجمنا الحقيقي وإدعاءاتنا الزائفة في معرفة الحل لمشكلنا السوداني..
حيدر الزين كيفنك ياخي..
Quote: سلامات الشيخ..
ما قلت الا الحق في عادل امين .. هو من صناع الدهشة الحقيقية بدون رتوش .. ودهشته نكهتها مختلفة تماما.. بتذكرني جو عمال السكة حديد في ورش المرمة والعمليات ..
انت عارف يا حيدر ...مرات بحس انك بتتعمد تكون ساخر... مع انو عندك اراء احيانآ بتخلعني عديل كده:) ياخي انت واحد من الناس الحلوين جدآ في المنبر...
Quote: ويا الشيخ جاك نموذج حيدر الزين ده من ما اكل السبع وشوف مداخلتو في بوست عطبرة عشان ما تاخذ في خاطرك وانا محكمك ادخل شوف عليك الله عشان تشوف عمك جقود بصارع في منو وفي شنو في البورد
دي ريده منو ساااي كده يا عادل وخجلان يقول ليك على الملأ:) الطريفي اجدع ليهو في الخاص اشارات المحبة...كلنا يا الطريفي نحب عادل امين.
كسرة: يا "ابوبكر عباس" مالك حايم بي تحت؟؟ تعال ورينا نوع دهشتك كيف.
07-11-2020, 10:25 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: الشيخ سيداحمد خليني اجيك من خلال مصطفى عمنا الشيخ ودسيداحمد في المنبر ياهو الركيزة .. هو البشيل حمل الرضاعة وعنده كلمة على الجماعة .. وفى المنبر باقلنا سابة وكل طيب ليهو غاية وللضعيف .. تلقاهو سادر ويقهر( الكعب المعاند) للضيوف بوستيهو فاتح .. ديل يقوموا وديل ينزلوا
تسلم حبيبنا احمد ياسين.
07-11-2020, 10:27 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: مولانا محمد علي طه الملك بثقافته الموسوعية وقدراته التحليلية العالية ونفسه الهادي في الحوار
يا الشيخ سيد أحمد طالما البوست تضمن مولانا محمد المرتضى حامد ومولانا مولانا محمد علي طه الملك خلينا نختصر القصة ونقول كل المولانات الفي المنبر من صناع الدهشة😝
سبقتني ...يا حافظ...اسمو مكتوب هنا :)
اها انت مالك ومال المولانات :) لمن نجي على الاطباء والbiomedical نشوفك رقم كم في اللائحة:):) بالله يا حافظ قول ليتا نوع دهشتك..
أحمد محمد عمر يا هلا بيك ياخي... انا قلت ليك بنتلاقى في ملف من ملفات المنبر العجيب ده:) متظرين دهشتك...
كسرة: الرايقة إمتثال..وينك يا زولة.. الناس منتظراك...
07-11-2020, 10:47 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: بالله يا قريبك شوف حاجة مدهشة للمستنير بكور اي حاجة ان شا الله اكتر زول بيحرد و يقول رجعوني! شايف قصة مقدراتي الفكرية اطلت معاه جمبة وقراها مفكر😀
ههههههههههههه تصدق ياقريبك اول مرة يتداخل معاي "ابوبكر عباس" بي صورة مباشرة.
بالله هو حردان يعني عشان كده حايم بي تحت:):):) يا ابوبكر بالله اطلع لينا فوق ياخي...ما تسوي لينا فلايت ووجع ضهر.
Quote: وقراها مفكر
ههههههههه نفس التفسير ياقريبك..قراها مفكر بدل مابقرا المقدرات بتاعة التفكير.
يا ابوبكر اطلع فوق ياخي وسيب الحردان.
07-11-2020, 11:41 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
اجمع الكل على حبه واحترامه.. إلتقيته مرة واحدة في حياتي في زيارة خاطفة له الى "دبي"...قضينا ساعات مع بعضنا البعض.. رجل هادئ وعقلاني متصالح مع نفسه للحد البعيد وصادق جدآ في تعاطيه مع الآخر.. كان رجلآ مدهشآ بحق.
اسأل الله تعالى له الرحمة والمغفرة
07-11-2020, 11:50 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
سلام أ. الشيخ شكراً لتوفير فرصة لنتذكر بعض أصحاب البوستات الرائعة. الفاتح ميرغني سمارت انا البرنس عليش الريدة دهب تيليبو عبد العزيزعثمان خالد المنسي شيقوق اميرةالسيد تاج السر الملك الفاضل مدثر (اعتذر اذا كان الأسم الأول غير صحيح)
07-11-2020, 12:50 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: سلام أ. الشيخ شكراً لتوفير فرصة لنتذكر بعض أصحاب البوستات الرائعة. الفاتح ميرغني..سمارت انا..البرنس..عليش الريدة..دهب تيليبو عبد العزيزعثمان..خالد المنسي..شيقوق..اميرةالسيد..تاج السر الملك الفاضل مدثر (اعتذر اذا كان الأسم الأول غير صحيح)
الشكر ليك على مرورك بي هذا النفاج...
ماشاء الله ...شايف المدهشين عندك فعلآ عنندهم دهشة مختلفة.. مع تحايا خاصة الى "الطيب ود شيقوق"... لسه عندك فرصة للتفتيش في حفائب الذاكرة لإيراد المزيد من اصحاب الدهشة. تعرفي يا نعمات لانك جيتي وشايلة معاك دهشة نناس كتيرين خلينا نديك الهدية الصغيرونه دي...
الثنوغرافيك "بريمة" ده زول عندو قدرة على التوثيق فيها ابداع عجيب... بريمة مشروع فنان فعلآ... احب توثيقاته جدآ.
"كبر" الشهير ب "محمد النور"... قاص بدرجة عالية جدآ من التشويق والمتعة... تشعر انو افكارو مرتبة جدآ.. بس مداخلاته آخر الليل بتكون عجيبة اظنو من ضعف الاضاءة :):):)
تحاياي حبايبنا.
Quote: عاطف عمر وسيف بابكر اعتزلوا الشغلانة هسة تقعد تحت براك كدة زي المجنون!
غايتو يا احمد لقيت شغلتك شغلة...حتى ناس اننفاج ما مخليهم في حالهم:)
Quote: يا شيخ دا حردان بتضييع كلمة السر لمعالجة الإدمان. مفكر بتاعت ود البشرى فعلاً أكلت معاي جمبة. المنبر دا من عملوهو ما جاب مدهش غيري وصلاح غريبة.
هههههههههههه
يا بكري ...ختيت ننفسك مع حبوبة :) غريبة فعلآ زول ما عادي ...قدرة كبيرة في الصبر على الاذى له منا عاطر التحايا... يا بكري امرق ياخي من الحفرة دي..تعال بي فوق ..وشوف ودالبشرى ده ح تعمل معاهو شنو في الحتة الاكلت منك جمبة دي:)
07-11-2020, 02:19 PM
السر عبدالله
السر عبدالله
تاريخ التسجيل: 11-10-2006
مجموع المشاركات: 1480
Quote: اكثر الناس الذين يثيرون الدهشة والإعجاب هما علي عبد الوهاب ومحمد النور كبر
يا سلام على الدهشة..طبعآ الى الان اكتر اتنين وردت اساميهم هم استاذ "علي عبدالوهاب" و "كبر"...
Quote: يا الشيخ سيد أحمد وأحمد محمد عمر (عاملين أساميكم الطوال ديل) المولنة خشم بيوت ولولا غياب عاطف عمر كان ملينا ليكم البوست بإبن شبرمة وزفر والكاساني
يا حافظ ...ما تركز مع الموسيقى التصويرية...خلي تركيزك مع احداث العرض...ابعد من الآكشن ياخي :)
Quote: أنت طبعا صاحبك جرجير ولا عجب أن تكون من عاشقي النقط نقط والأكس اكس والحوامة حول المعاني خخخخخخ
تنظير يا خطير...من كلامي ده كلو ما ركزت الا في مداخلات اخر الليل..غايتو لقيتك صحفي متخصص إثارة:) صحفي إثارة في الضل ...ولم تصبه اشعة الشمس خخخخخخخخ.
07-11-2020, 05:33 PM
توفيق عيسى مكي
توفيق عيسى مكي
تاريخ التسجيل: 01-26-2010
مجموع المشاركات: 5816
Quote: صحفي إثارة في الضل ...ولم تصبه اشعة الشمس خخخخخخخخ.
ههه يا ريت لو الكلام كدا يا شيخنا انا لم اقدر على المنافسة العالية في السودان عشان كدا ( هرولت ) إلى الخليج لأكسر تلج للخلائجة عشان يشغلوني صحفي عندهم ههههههه .. لاحظ لهرولت دي كيف ساي ولاحظ للمنافسة عالية في السودان مافي طريقة لي وفي الخليج لمجرد كسير التلج ممكن يشغلوك الشغل العايزو غايتو محن في البورد دا يوم بتكتل ليها زول . .................... ياصاحب قائمتك دي خلت من جمال ود القوز لشنو ؟ شوفو لينا وين سريع عشان ما أصنف البوست دا في درجة أقل من الجرائد الحائطية ذاتو .
07-11-2020, 06:27 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: المنبر ده فيه اميرات وأمراء ما تفوت عليكم الحتة دي
صحيح يا توفيق ..والامراء لا يخضعون لقياسات النبلاء.... المعايير هنا خاصة بالنبلاء فقط... معايير الامراء مسؤول منها "بكري" هم سيلف خخخخخخ لكن ده لايمنع من القول ان مرورك اسعدنا يا طويل العمر....
Quote: ياصاحب قائمتك دي خلت من جمال ود القوز لشنو ؟ شوفو لينا وين سريع عشان ما أصنف البوست دا في درجة أقل من الجرائد الحائطية ذاتو .
تسلم كتير يا طلحة يا شفيف على هذه الالتفاته الجميلة .. وهذا من زوقك وطبعك الجميل ويسلم الحبيب الغالي الشيخ سيد أحمد على تثنيته .. لكن أجدني دون ذلك وبكثير ..
مشكورين على محبتكم دي ..........
07-12-2020, 10:33 AM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7206
انا حاتشجع واوريكم من هم صناع (الدهشة) الحقيقيون في هذا المنبر. ولا يوجد غيرهم من اعضاء هذا المنبر.. وصناعة الدهشةليست بالشىء السهل فهي تحتاج الى مقدرات خاصة ونادرة في الكتابة والتعامل وفي الربط بين الكاتب والعضو والموضوع في الردود وفي اكتساب الاحترام والتقدير في وجودك المفيد وفي ثقافتك وانسانيتك وصناع الدهشة في المنبر هم: ....... ..ً..... ..... جميع الاعضاء في هذا المنبر الاحياء منهم والاموات ربنا يرحمهم برحمته الواسعة وان يعفو عنهم ويدخلهم الجنة. كل من كتب حرفا على صفحات المنبر هو صانع دهشة.. لان العدد كبير والناس المروا على هذا المنبر وانقطعوا والذين لازالوا يكتبون كل منهم رائع ومدهش بطريقته الخاصة لذا اقول للجميع لجميع الاغدعضاء منذ تاسيس هذا المنبر ( احبكم جميعا) يا مدهشين
07-12-2020, 09:19 PM
Kamal Alalla
Kamal Alalla
تاريخ التسجيل: 10-14-2018
مجموع المشاركات: 191
Quote: Quote: دفع الله ود الاصيل. نموذج لمن يمتلك القدرة على ترويض لغة الضاد... انتاجه غزير... تقل المشاركات فيما يكتب...وفي تقديري ان السبب عو عدم القدرة على مجاراة قدراته في الكتابة.. كسرة: ننتظر منه ان يتحفنا ببعض قصائده.
●》 صباح الخير بالليل شيخ الترابلة، صراحة ماني عارف أشكر ليك صنيعك و لا كان قريب أعضيككان داير تسو فيني سوات ود تاي العزيز يوم حتو فتح لينا ( كرتلة ) أوسكار دشرتنا الماكلنو من عمنول . و كمان برضك خاتني لصق مع مثلي الأعلى هنا بلا منازع عمو جقود دافنشي كلامو زي شعر فض محمد غنا و د اللمين كاتبين زاد الشجون من سنة 1968 و يا دوبك الناس بدت تتذوق فيها و تطرب ليها . * ●》 علا بقى الداحشني نا و ماغسني حد انفقاع كبدي الرطب أن أحدهم زات مرةٍ قاللي: توقفت عن قراءة جنس خزعبلاتك دي خسوين حين تنامى إلى علمي اعترافك بعضمة لسانك أنك زول{ عنقالي}.
●》بالله دي أمة تستاهل يشفعو ليها :البختفو طاقية مادح الرسول بقروشا في أسواق أربعين و تمبول؟! ياخي ثكلتكم أمهاتكم و أخواتكم من الرضاعة.و هي كمان نعلها بس المرحومة الراحلة المقيمة ( عنقلة ) زاتا بقت شتيمة ينبزو بيها متل ( لكرو)؟! ياخ أقول ليك حاجة: اولن كويس طمنتني الله يطمنك :إنو أمة محمد لا تزال (بتقراً)، هذه أولن ، ثم ثانياً إن العنقلة لنعمةٌ مغبونٌ فيها كثير من الناس. ماكم جايبين خبر.
●》عمومن، نفارقكم نودعكم لا لا ما بنقدر نودع ودع ودع كيف!! و حتى لو دا حصل نبشركم إننا حنفضل نُقرئ سلامنا لكل من نعرف و من لا نعرف و من نخطر له أو لا نخطر له على بالٍ ثم إلى حين ميسرةٍ هدا لينا محجورين منزلياً بجزيرة مالطة و يبقي عزاؤنا في أن نسخر من أنفسنا و نرقص مذبوحين من وطأة الألم ؛ و من شر بلاءاتنا ما يهيج فينا جرثومة الضحكليسيل لعبانا، ثم ما يلبث ان يجهشنا بنوبة البكاءُ. في زحام متناقضات كقطع الليل الأسود يضائل بعضُها بعضاَ. كأن تجد أحدنا ينفجر باكياً في لمة زفاف بصالة للأفراح ، بينما ينفجرضاحكاً في سرادقَ منصوبٍ لتلقي واجب العزاء في أعز عزيزٍ لديه مثلما تداهمه نوبة عُطا س منفلتة في سوق تشاشة لبيع البهارات و التوابل و أهو ، كلها انفجارات في انفجارات بطبقة الأوزون . ثم أياك إياك ياخي ، لا تغزس مسماراً في الحائط. . فلا بدَّ غداً أنتَ العائد .. و لا تتعلم لغةً أخرى..و ماذا تصنع باللغة الأخرى،!!
●》لكأن أحدَنا يناجي عالماً مسحوراً طفولي الأنانية ، غزير الوجاهات..حينما تكتب شيئاً يتململ القرطاس تحت يديك؛ *** و تسوناميينبعثمن مرقده تحت قيعان البحار ليزلزل الأرض تحت قدميك.. *** و حمائمُ زواجلُ بيضاءُ ترفرف بجناحين عند شحمة أذنيك× *** و نار الجوى يقيد من فرط توهجك ليشب في ثيابك ؛ *** و فيض تشبعك يذرف دمعه هتونا سخيناً من بين سبائب لحييك *** و شتلة تينٍ شوكيٍّ بأزهارها الربيعية تنبت في سلة مهملاتك *** و فراشاتُ مزركشةٌ ، تحط سكرانة حيرانة على كتفيك *** ▪》ثم حين تهم بتمزيق كل ما كتبت تصير بقايا قصاصاتك قطعاً مهشمةً من حطام مرايا مشروخة؛ كمن نقضت غزلها من بعدِ قوَّةٍ أنكاياً..أو شئت الأحرى ، قلتَ: كممكنةٍ من ضرعها كلَّ حاالبٍ ثم رافسة ٍ فدافقةٍ من بعد كلِّ ذلك كل ما حلب!!
Quote: Over Qualified
●》كذلك ممن لصاحب الإطلالة البهية والاسم الرنَّنا يرد الروح ، ،أخوي/ هاني عربي معقول ياخي بعد العنقلة دي كولها أوفر كواليفايد مرتنواحدة ؛أهوترا دا جنس الكلام الخايفنو بعدينك يجيب لينا تباريح الهوى الغلاب من حيث ندري ولا ندري . لامن الوحد يقرب يصدق إنو فعلن كاتبنحرير و لا أديب أريب و يحس بأنو منسلخ من رقعة ضلو المباريهدا زاتو و كأنو ضل لحطام شخصغير الذي بين جنبه زي ما عبر عن ذلك عمنا الراحل عمر الدوشسب (الضل الوقف ما زاد ) .
●》 طيب عشان نوريكم العنقلة البصح، هسة عندنا طلب حسيس ليكم كلكم ، محتاجنكم تعلمونا، و ينوبكم ثواب ، كيف بتغيرو بيانات ملفاتكم الشخصية، بما فيها بالذات صورة بروفايلنا المغوفة دي مزهجانا؛ و لأننا رهن إقامة الجبرية مانا لاقين حلاق يشيل لينا التفة المغلبانا دي .
♤ ود ال ح ي ش ان ال ت ل ا ت ة/ مؤذنٌ محجورٌ منزلياً بجزيرة مالطة؛
07-14-2020, 03:16 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
. مولانا حافظ بشير ... انا قاعد في مكان شبكتو كعبة جدا مرات تجي E ومرات H ... ولي يومين طاشي شبكة فاااا بلدا ما فيها التمساح يقدل فيها ابو القدح ...🙊🙉🙈
07-15-2020, 02:23 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: ●》 طيب عشان نوريكم العنقلة البصح، هسة عندنا طلب حسيس ليكم كلكم ، محتاجنكم تعلمونا، و ينوبكم ثواب ، كيف بتغيرو بيانات ملفاتكم الشخصية، بما فيها بالذات صورة بروفايلنا المغوفة دي مزهجانا؛ و لأننا رهن إقامة الجبرية مانا لاقين حلاق يشيل لينا التفة المغلبانا دي .
طيب يا ودالاصيل..
تمشي اول حاجة تختار الصورة العايز تضعها في بروفايلك. تعمل right click..... ح تجيك خيارات كتيرة...تقوم تختار copy image address تقوم تمشي على ملفك...تفتح ملفك بعدما تعمل دخول عليهو..وتمشي على change profile...تمسح الرابط الموجود بتاعة الصورة الموجوده في بروفايلك.. تتاكد انو مافي ولا حرف ولا نقطة من الرابط القديم...بعدما تتاكد من انو مافي اي شئ.. تقوم تعمل تاني right click وتختار paste...ح تلقى اننو بروفايلك اتغير .
07-15-2020, 05:26 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
سيدنا الشيخ.. لك ولكل الأعزاء هنا شكر طويل التيلة.. لا داع للثناء على سودانيز لأننا أهلها ولا أرى سببا لمدح الأعضاء النشطين ولا (الخلايا النائمة) فقد أصبحوا عندي كأخواتي وإخواني، بالمعنى الحميد للإخوان، ولايمكنك أن تدرك أن سودانيز جعلت لي موطنا في كل الدول التي زرتها في كل قارات الأرض بلا استثناء وهذه ثروة حقيقية. عرفتني إلى ناس كالماس والحمدلله وأتاحت لي المشاركة في خير كثير بمبادرات الجميلين هنا. بس يا بركه الوقت بقى ممحوق ولكني أزور هذا الوطن كلما أتاح الوقت ساعة صفاء. لست من صناع الدهشة وسط المحترفين هنا ولكن مجاملتك مقبولة ووالله أنت زول شجاع البتكتب بوست زي دا. الله يحفظك.
07-19-2020, 09:17 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
Quote: تفتح ملفك بعدما تعمل دخول عليهو..وتمشي على change profile.
* بس دا ياهو محل الأذى يا شيخ الترابلة : ملفي ما بفتح. من يومي العملتو مصلب و ساقف على كدا. شفت و لا حتى بمفتاح إنجليزي زاتو. نفس الحتة العك فيها معاي عمو جقود لامن فتر. عارف بعدا كلها مشكلتي دي ح تتفاقم إلى قضية رأي عام. لكن برضو أحسن برضو تنسينا كرونة و مليان سد النهضة. عاد علا نبرك ليها جدي أب صوبان الدفق ( الوبان) يرقد لينا ليها بالخيرة. ياخي دا قالو: جر الشمشي مع الملايكة ما غلبو و التمساح حجر في شان جلوك قلبو" يجي يغلبو تغيير بروفايل؟!
الشيخ بالنسبة لتغيير صورة البروفايل الانت شرحته لود الاصيل ،انا حاولت عدة مرات ان اضع صورتي في البروفايل وجربت الخطوات الانت شرحتها ولكن للاسف دائما بيظهر فقط اللنك الانا نقلته من الانترنت ولا تظهر الصورة ،،،وارجع مرة ثانية وامسح اللنك ، واستشرت خالتي ، وهي خبيرة في تكنلوجيا الكمبيوترات ولكنها نصحتني بان لا اضع صورتي في البروفايل ولا في اي موقع اسفيري لان ناس الهاكرز ممكن يتلاعبوا في الصورة ،،،،وهذه النصيحة هي التي جعلت بسمات بت عطبرة تمسح صورتها من البروفايل ،،، ولكن فكرت ان اضع رمز او صورة تعبيرية ولكن فشلت وتوقفت عن المحاولات الفاشلة ،، ولكن هل فعلا الهاكرز ممكن يتلاعبوا في الصورة ويحوروها الى صور مسيئة ام ان هذه مبالغات،،
07-19-2020, 02:18 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
غايتو يا الشيخ قولك في صورة البروفايل فيها معقولية
Quote: حيد في قلوبننا يا استاذ علي...قاعد ومحكر ..
الخواجة ده احبو جدآ... اسمو روجر فيدرر ..لاعب تنس فنااانن يا استاذ.. ايه رايك انو انا التربال ده كنت مدمن الاستماع الى الاغاني لغربية ابتداء من "مايكل جاكسون" وصولآ الى دكتور البان.
يا اخي دا انساني بشكل مدهش ؟ وكل من هو انساني فهو متواضع (وكمان بشكل) من اجمل واعظم الشخصيات التي جملت سويسرا Roger Federer ويعتبره السويسريون انه من الشخصيات الاسطورية a living legend وهاك بعض ما قالته ويكيبيديا عن
World's most respected, admired and trusted personalities In 2011, on the Reputation Institute's study of the World's most respected, admired and trusted personalities, Federer ranked No. 2 just behind Nelson Mandela but ahead of Bill Gates, Steve Jobs, Oprah Winfrey and Bono.
Switzerland's most recognizable personalities On July 2016, Roger Federer ranked No. 1 in the list for the most recognizable people in Switzerland, surpassing personalities such as Albert Einstein and William Tell. In a poll of more than 9,000 people from 15 countries, the Swiss legend topped the list of most recognizable Swiss with 600 votes more than the country's second national hero, William Tell, who came up at the second place. Federer got 916 votes, Tell got 316 and Einstein ranked third with 204. The other three in the first six were Henry Dunant, Jean-Jacques Rousseau and cartoon character Heidi.[392]
Swiss coin On December 2019, Federer became the first living person to be celebrated on Swiss coins. His face will be on the 20-franc coin and in May 2020, Swissmint plans to issue a Federer 50-franc gold coin featuring a different d esign.[395]
Philanthropy and outreach Roger Federer Foundation In 2003, he established the Roger Federer Foundation to help disadvantaged children and to promote their access to education and sport.[371][372][373]
Since May 2004, citing his close ties with South Africa (his mother is South African) he has been supporting the South Africa-Swiss charity IMBEWU, which helps children better connect to sports as well as social and health awareness. In 2005, Federer visited South Africa to meet the children that had benefited from his support.[374][375][376] Also in 2005, he auctioned his racquet from his US Open championship to aid victims of Hurricane Katrina.[377]
يكفيه فخرا ان وضع في القائمة السويسرية التي تحوي اسماء : Albert Einstei Jean-Jacques Rousseau Henry Dunant والاخير هو مؤسس الصليب الاحمر في عام ١٩٠١، وحاصل على جائزة نوبل والملاحظ ان الثاني Jean-Jacques Rousseau والثالث Henry Dunant كلاهما من جنيف أما Albert Einstei وRoger Federer فهما من القطاع الالماني بسويسرا الاول من مدينة بيرن عاصمة سويسرا والثاني من مدينة بازل مركز صناعة الادوية السويسرية
07-20-2020, 11:32 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13685
[QUOTEلشيخ بالنسبة لتغيير صورة البروفايل الانت شرحته لود الاصيل ،انا حاولت عدة مرات ان اضع صورتي في البروفايل وجربت الخطوات الانت شرحتها ولكن للاسف دائما بيظهر فقط اللنك الانا نقلته من الانترنت ولا تظهر الصورة ،،،وارجع مرة ثانية وامسح اللنك ، واستشرت خالتي ، وهي خبيرة في تكنلوجيا الكمبيوترات ولكنها نصحتني بان لا اضع صورتي في البروفايل ولا في اي موقع اسفيري لان ناس الهاكرز ممكن يتلاعبوا في الصورة ،،،،وهذه النصيحة هي التي جعلت بسمات بت عطبرة تمسح صورتها من البروفايل ،،، ولكن فكرت ان اضع رمز او صورة تعبيرية ولكن فشلت وتوقفت عن المحاولات الفاشلة ،، ولكن هل فعلا الهاكرز ممكن يتلاعبوا في الصورة ويحوروها الى صور مسيئة ام ان هذه مبالغات،،
لستة لا يزينها اسم الكاتب والصحفي زهير عثمان حمد صاحب الحضور الدائم بالمنبر فهو كمثل البناء التام ولكن هناك لبنة ناقصة فصانعو الدهشة بدون زهير كفريق الهلال بدون هيثم ايام مجد هثيم ومجد الهلال
07-22-2020, 04:34 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: في خير كثير بمبادرات الجميلين هنا. بس يا بركه الوقت بقى ممحوق ولكني أزور هذا الوطن كلما أتاح الوقت ساعة صفاء. لست من صناع الدهشة وسط المحترفين هنا ولكن مجاملتك مقبولة
Quote: * بس دا ياهو محل الأذى يا شيخ الترابلة : ملفي ما بفتح. من يومي العملتو مصلب و ساقف على كدا. شفت و لا حتى بمفتاح إنجليزي زاتو. نفس الحتة العك فيها معاي عمو جقود لامن فتر. عارف بعدا كلها مشكلتي دي ح تتفاقم إلى قضية رأي عام. لكن برضو أحسن برضو تنسينا كرونة و مليان سد النهضة. عاد علا نبرك ليها جدي أب صوبان الدفق ( الوبان) يرقد لينا ليها بالخيرة. ياخي دا قالو: جر الشمشي مع الملايكة ما غلبو و التمساح حجر في شان جلوك قلبو" يجي يغلبو تغيير بروفايل؟!
اكتب لي (بكري ) في الخاص...واضح انو عندك مشكلة في الملف.
07-23-2020, 01:55 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: الشيخ بالنسبة لتغيير صورة البروفايل الانت شرحته لود الاصيل ،انا حاولت عدة مرات ان اضع صورتي في البروفايل وجربت الخطوات الانت شرحتها ولكن للاسف دائما بيظهر فقط اللنك الانا نقلته من الانترنت ولا تظهر الصورة ،،،وارجع مرة ثانية وامسح اللنك ، واستشرت خالتي ، وهي خبيرة في تكنلوجيا الكمبيوترات ولكنها نصحتني بان لا اضع صورتي في البروفايل ولا في اي موقع اسفيري لان ناس الهاكرز ممكن يتلاعبوا في الصورة ،،،،وهذه النصيحة هي التي جعلت بسمات بت عطبرة تمسح صورتها من البروفايل ،،، ولكن فكرت ان اضع رمز او صورة تعبيرية ولكن فشلت وتوقفت عن المحاولات الفاشلة ،، ولكن هل فعلا الهاكرز ممكن يتلاعبوا في الصورة ويحوروها الى صور مسيئة ام ان هذه مبالغات،،
إتاكدي قبل ما تعملي paste انو مافي ولا حتى نقطة موجودة في الفراغ... واذا المشكلة ما اتعالجت ..اكتبي لي "بكري" في الخاص ...
07-23-2020, 02:01 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: الغريبة لستتك دي كلها ظلاميين ما فيها مستنيرين و لا حداثيين.
●الغريبة يا هاني بين الظلامية و الحداثة لم يعد هناك سوى خيطٌ رفيعٌ جدن كشعرة معاوية ، رضي الله عنه. عندك مسلن زواحف النظام البايظ { ظلاميي } الشعارات و الشعائر، {حداثيين } للطيش في السلوكيات و المشاعر سعني ممكن تقول:حاجة زي بالنهار يسبح و بالليل يضبح. كسرة : ♤ ممتن لتعليقك الأوسكار(Over~Qualified) عن شخصي الضعيف، قدرما قلبتو، لقيتو زي المدح بما يشبه الذم. علماً بإنو في دول الخليج البترو~دولارية، و المتخمة بالعمالة، دا مرات بكون سبب كافٍ لطردك من وظيفة ، أو حرمانك منها أصلن.
07-25-2020, 00:40 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
"كبر" الشهير ب "محمد النور"... قاص بدرجة عالية جدآ من التشويق والمتعة... تشعر انو افكارو مرتبة جدآ.. بس مداخلاته آخر الليل بتكون عجيبة اظنو من ضعف الاضاءة :):):)
كااااااااك وتاني كاااااااااااااك علي قول حبيبنا الضاحك الجميل سيدنا محمد عبد الماجد الصايم عليه السلام..!
بالجد شكرا يا سيد احمد..سنين ولم اضحك بعمق بقدر ما ضحكت في هذا التعليق الأنيق ، خصوصا حكاية (اظنو من ضعف الإضاءة)..ياخي احبك يازول يا اصيل..!
كل المحبة يا صديق لك ، ولكل اهل الجمال: بتنا القروية الأنيقة امتثال (بالمناسبة جكسويتي في الجامعة اسمها امتثال..ولغاية اليوم قاعدين نتغالط منو الأدا التاني شاكوش..!!) ، حبيبنا ول ابا على عبد الوهاب عثمان (الزول ده يا سيد احمد عندو ثقة في كبروبريمة بصورة عجيبة للغاية..!!) ، حبيبنا السر عبد الله ، حبيبنا احمد ياسين ، وبقية الصحاب ممن يثق فينا وفي ما نكتب..كلهم نساءا ورجالا لهم صادق المحبة..!
يدهشني في المنبر: توما ، دوما ، سلوى السعيد ، امينة عيسى ، انصاف ابراهيم ، دفع الله الأصيل ، الفاتح ميرغني ، ابراهيم كوجان ، اسامة الخواض ، مصطفى مدثر ، طه جعفر ، محجوب عبد الله ، حاتم ابراهيم ، وبالطبع ايقونة الإدهاش ول ابا بريمة محمد ادم بلل..!
وبعد تجربة امتدت لسنوات في هذا الفضاء الجميل ، فضاء سودانيز اونلاين ، اكثر من يدهشني واقرأ كلماته بعمق ، واستفيد منها واشهد علمتني الكثير ، هو صديقنا الحبوب الهبيب محجوب عبد الله..امنياتي له بالعافية والعمر المديد..
دمتم
كبر
07-28-2020, 05:11 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
دهشة ممتده منذ امد... بدأت قبل فترة طويلة ..وصاحبها الكثير من العناء في سبيل الحصول على تلك الحروف المضيئة.. كانت انطلاقتها عبر "ترانيم على حافة الصمت". هذا الديوان تحديدآ فيه بيتان من الشعر كانا المحفز للبحث عميقآ عن احرف اخرى..يقول "المعز" : فأتوه ارقب ذبذبات الوقت أسمع شقشقات الصمت. هذه الصورة المتفردة الغريبة ..ووصف الصمت بان له شقشقات..ادهشتني وما زلت مندهشآ... لتستمر الدهشة عبر منبر حبيبنا "بكري اب صلعة".
معز... مدهش للحد البعيد.
اتمناه بخير وعافية
07-29-2020, 06:50 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة