كواليس تخليص صفحة تجمع المهنيين على الفيسبوك من يد الشيوعين

Quote: من احد اعضاء لجان المقاومة:- لما جزو من صفحات لجان المقاومة نشرت انها ماشة البرلمان صفحة التجمع بقت جارية انها تنشر البيانات عندها ودي حاجة كويسة نسبيا .. لما وصلنا البرلمان وبدا الضرب وانا في نص ثوار امدرمان كان عندهم لجنة تأمين قعدت وقررت انها تنسحب لمجموعة معطيات في الواطة منها تغيير مسار الموكب من ال40 للبرلمان ومنها انه البرلمان غير مؤمَّن وفيه خطر على الشباب .. هنا صفحة ابناء امدرمان العاصمة الوطنية المنبر الاعلامي لامدرمان القديمة شمال وجنوب نزلت وبعدها كرري وامبدة مناشدة لكل الثوار بالرجوع للأحياء وطلبت مني نشر البيان في صفحة التجمع وقد كان توصيل البيان باللينك بتاع الصفحة للنشر لكن ما اتنشر في محاولة لعملية تصعيد ثوري والبنبان والرصاص زي الرز .. بعدها بدقايق قام السكرتير الجديد ان صح التعبير بحذف اي ادمن بنادي بنشر بيانات الرجوع ومواصلة نشر اي بيان تصعيدي … يعني لما البيان يخدم خطك تنشر ولما ما يخدم خطك ما تنشر .. وقبلها رفضت تنشر بيان لجنة الاطباء الرافض للمواكب لاسباب صحية رفضو ينشرو ليهم في صفحة التجمع … بعدها حصل الحصل وتم وقف النشر لكل الناس عدا الادمن الاساسي وبدا ينشر في اي بيان بجي … بعدها الناس بدت ترجع … والله لو ما الناس دي قرت التنويه ورجعت والله ووالله ووالله كان الموت ح يكون بالعشرات والرماد كال حماد وربنا يرحم شهيد امدرمان السقط في اليوم ده …

(عدل بواسطة عبدالعظيم عثمان on 07-04-2020, 11:45 AM)