|
كتب الكاتب الفاتح جبرا المتوفرة بمعرض الدوحة
|
|
 Re: مجموعة المدمنين على الشراء من امازون (Re: النصرى أمين)
|
Quote: السبب الاسعار ابوالرخا
الديليفرى مجانى
و العملية تاخد معاى خمسة ثوانى لانى كل المعلومات مخزنة عندهم ، عنوان ، كرديت كارد.
اموت ركن فى امازون |
عشان كده جيف بيزوس بقى أغنى رجل في الكوكب :)
انت عارف بسبب أمازون كم شركة في أمريكا طلعت أوت أوف بيزنس يا النصري ؟؟ لعجزهم عن مجاراة أمازون
تقريباً معظم الـ retailers يا النصري تم طرحهم أرضاً وبالضربة القاضية وعلى رأسهم: jcpenney ـ sears , وفي الطريق macy's والبقية
تمشي المولات بقت عبارة عن خرابة بس :)
وفي النهاية الصراع حا يبقى بين عملاق تجارة التجزئة ( الولمارت ) وبين أمازون
| |
 
|
|
|
|
|
|
|
|
Re: مجموعة المدمنين على الشراء من امازون (Re: النصرى أمين)
|
انا برضي مدمنة شراء من امازون وتقريبا كل شهر لازم اشتري حاجة من امازون ،،،
لكن المدمنة الجد هي بسمات بت عطبرة ،،وهي تقريبا كل يوم بتشتري حاجة من امازون
وطبعا ما حتصدق هي شترت شنو الاسبوع الفات ...!!!!
اشترت عفريتة بتاعة عربية ،،،لكن هي عفريتة نصاح!!عفريتة بتشتغل بالكهرباء،،،فيها سلك طويل
وتوصلها في محل ولاعة السجاير وتضغط على زر والعفريتة ترفع العربية في اقل من دقيقة ،وفي
نفس الصندق مع العفريتة في مكنة صغيرة بتفك صواميل عجل العربية في اقل من دقيقة ،،،وطبعا
هي شافت اعلان دعاية في التلفزيون وطوالي طلبت العفريتة من امازون ،،،لانها يوم نزل ليها لستك
وهي جاية من كوينز ..وما قدرت تغير اللستك وساعدها واحد رجل خير بعد وقفت اكثر من نصف ساعة
متحيرة ،،،هسع ممكن تغير اللستك في دقيقة وبدون مساعدة ،،،،هسع بقت تقول هي بتتمنى ينزل ليها لستك
....طبعا هي مؤجرة parking بي ١٧٥ دولار في الشهر ،،،بعد ما كانت بتدفع غرامات ٥٠٠ دولار شهريا ،،،
| |
|
|
|
|
|
|
|
|
|
Re: مجموعة المدمنين على الشراء من امازون (Re: امتثال عبدالله)
|
مرات الأخ الهادي بكون طاشي شبكة
شركة JCPenny طلعت من السوق عام 1999م .. أنت قديم خلاص.
Macy's جاء بدل Hecht's في نفس العام ..
Sears طلع قبل أكثر من 4 سنوات .. وطلع ال K Mart في نفس العام ..
كلها ما كان لها علاقة مباشرة بالسوق التجاري في الأولاين .. ببساطة كان ممكن يحولوا كل تجارتهم لتباع في أمازون نفسها .. ما الذي يمنع؟
بريمة
| |
|
|
|
|
|
|
|
|
Re: مجموعة المدمنين على الشراء من امازون (Re: Elhadi)
|
النصرى سلام
قلت طلبت نظارة شمسية عشان تلبسها فى كالقرى!!!! طيب أنا هسى ح أدرس زكاة الإبل بدل كل سنة أدفع لبتاع الضرائب..
المهم يا سيدى الدكاكين دى كلها حتقفل.. .الما قفل الليلة يقفل بكرة. بل الشركات الكبيرة بعضها أعلن ما ح يرجعوا الموظفين للمكاتب بعد كرونا.. إكتشفوا انهم كانوا
يدفعوا الاف فى الإيجارات والكهرباء فى الفاضى.. و إن إنتاجية الموظف الشغال من بيته أكبر.. العالم يمر بتحولات كبيرة جداً. الحروب زاتها.. الدبابات و الصواريخ و الحاجات الكبيرة العويرة دى
إنتهت فى الواقع.. بس الدول الكبيرة ما معلنينها لغاية ما يصرفوا المخزون لدول العالم التالت البهائم.
| |
|
|
|
|
|
|
|
|
|
Re: مجموعة المدمنين على الشراء من امازون (Re: Abureesh)
|
انتم تتناقشون يا ناس العالم الأول في التجارة الالكترونية والعمل عن بعد من المنازل والاكتشافات الحديثة في سبيل تركيب وإصلاح عجلة السيارات ونحن بعض من ناسنا أيضا يتناقشون ، يتناقشون في ماذا ؟ يتناقشون في هل طلاء الاظافر يبطل الوضوء ام لا يبطله ، هل ظهور خصلة من الشعرعند المرأة خارج غطاء الرأس حلال ام حرام ، ماذا لو كان باب الحمام متجه على القبلة هل يصح ام لايصح ، هل بول البعير فيه دواء ام لا ، هل تجوز الصلاة في ثوب فيه سؤر الكلب ، هل اعفاء اللحية واجب ام سنة ، هل تجوز الصلاة في ارض مغتصبة ام لا تجوز ، هل تجوز موالاة اهل الكتاب ام لا تجوز ، هل يجوز الترحم على ميتهم
كل زول بهمو الا جحا وعمو
| |
|
|
|
|
|
|
|
|
|
Re: مجموعة المدمنين على الشراء من امازون (Re: محمد الأمين موسى)
|
حبيبنا النصري .. تحياتي
قبل قليل في اسكاي نيوز
مكافآت لموظفي امازون :
قالت شركة أمازون، الاثنين، إنها ستدفع 500 مليون دولار على شكل مكافآت لموظفيها في الخطوط الأمامية
وشركائها الذين يعملون أثناء أزمة فيروس كورونا. وأضافت أمازون، في منشور على مدونتها،
أن الموظفين والشركاء الذين يعملون في شركة التجارة الإلكترونية حتى يونيو سيحصلون على مكافآت تتراوح من 150 دولارا إلى 3000 دولار
| |
|
|
|
|
|
|
|
|
|
Re: مجموعة المدمنين على الشراء من امازون (Re: علي عبدالوهاب عثمان)
|
كان عندنا في الامارات و الخليج الشركة الاولي في التسوق الالكتروني اسمها سوق.كوم جا اتسلّط عليها زولكم دا اشتراها بتمنمية مليون دولار و انتهى منها
خدمات أمازون في الامارات بدأت سيئة جدا من ناحية البضاعة المعروضة و الاسعار وخدمات التوصيل و ما بعد البيع حتى تفوقت عليها مواقع زي نوون و غيرها كانت لاتذكر حتى مع سوق, لكن شايف أمازون شوية شوية اتحسنت و بدت تستعيد اراضي سوق
| |
|
|
|
|
|
|
|
|
|
Re: مجموعة المدمنين على الشراء من امازون (Re: محمد البشرى الخضر)
|
ود الزين ..بالانجليزي
الله يجازي محنك...
ويبعد عنك شر الكرونا ...
وبالمناسبة ١٤ ولاية في أمريكا انتشرت فيه الكرونا والناس بيموتوا فيها بالآلاف كل يوم
وحكام هذه الولايات قفلوا أسواقها مرة ثانية ..
وطبعا امازون استفادت من حبسة الناس في البيوت لان الناس كلها بتشتري online من امازون
| |
|
|
|
|
|
|
|
|
|
Re: مجموعة المدمنين على الشراء من امازون (Re: امتثال عبدالله)
|
| Quote: اذا كنت احد المدمنين ورينا اشتريت شنو من امازون و تنصح بشراءه |
قاعد اشترى كتير من امازون لكن ما مواد إستهلاكية.. روبوت (إنسان الى) بحوالى 3 الف دولار.. و الواح طاقة شمسية و الاات تلسكوبية...الخ. ميتين تلتمية دولار.. كان عندى
معهم حساب برايم أو بريميم لذلك الشحن كان مجانى
| |
|
|
|
|
|
|
|
|
|
Re: مجموعة المدمنين على الشراء من امازون (Re: Hani Arabi Mohamed)
|
ياسلام عليكم ايها الامازونين (ماعدا قبانى شكله عنده حنين لناس الضهارى)
فى الاقتصاد ؛؛البقاء للاقوى ، امازون تخدم خدمة رهيبة للزبائن و العايز ينافسها يجود شغله .
طبعا صعب اعلق على كل مداخله هنا لانى كده حاكتلكم بالملل
عشان التحية للجميع بدون فرز لكن يدى بتاكلنى بخصوص عفريتة امتثال ههههه
انا عندى كمبروسور صغيرونى يركب فى ولاعة السجائر فى العربية يملا اللستك النازل هواء.
عندى برضه شاحن للبطارية اذا نزلت .
اما عفريته العربية ما اشتريها لسبب بسيط ، تشترك فى AAA و تخلص ، اى مشكله فى العربية يجو يشيلوها ولو لستك يغيروه .
فيا متثال لو عندك عربية لازم تشتركى فى AAA و ما تبقى زى صاحبتك ال cheap هههههه
| |
|
|
|
|
|
|
|
|
|
Re: مجموعة المدمنين على الشراء من امازون (Re: Abureesh)
|
بسمات و النصري ... و القروية امتثال ...
انتو من زمن اللستك بنزل و الاسبير !!
قال كم لبثتم ...🙄
انا عربيتي ما فيها اسبير من اساسو ...
Run flats و انتهينا ...
ما سمعتو بال run flats !!
تخريمة ....
النصري ليه ما قلت ليهم CAA
عارف الامريكان ما حيفهمو ... ههههههه
بيني و بينك ... هم فاكرين هم براهم في الدنيا دي ...
| |
|
|
|
|
|
|
|
|
|
Re: مجموعة المدمنين على الشراء من امازون (Re: يحي قباني)
|
الحبيبة إخلاص
أوع كمان الغنى بقى عيب !!!هههههههه
إذا ما المسنوحة بت عطبرة ما كنا بنقدر نكمل الشهر...المشكلة كيف نرد ليها الديون !!!!
...
ود قباني
اول مرة نسمع بي run flat ....طبعا بسمات إذا اتاكد ت بأنه في عربية بتمشي بلستك نازل...ما حتتردد تشتري ...
| |
|
|
|
|
|
|
|
|
|
Re: مجموعة المدمنين على الشراء من امازون (Re: اخلاص عبدالرحمن المشرف)
|
Quote: ود قباني
اول مرة نسمع بي run flat ....طبعا بسمات إذا اتاكد ت بأنه في عربية بتمشي بلستك نازل...ما حتتردد تشتري ... |
الرن فلات لو انقدا بمشي معاك ٨٠ كيلو على الاقل
يعني بوصلك اقرب محل تصلحيو
و لو مسافره ... ممكن في اي محطة تتمي الهواء و تسوقي لغاية ما تصلي اي محل تصليح ...
قوقلي run flat tires
اغلى شوية من العاديات لكن يستاهل ...
| |
|
|
|
|
|
|
|
|
|
Re: مجموعة المدمنين على الشراء من امازون (Re: اخلاص عبدالرحمن المشرف)
|
سلام يا نصري أنا مشتري دائم من أمازون نفعتني شديد أيام الكرونا خاصة في الماسكات والمعقمات وبعد ان اشترت امازون هول فود اصبحت يمكن شراء القروسري وبالمناسبة حتى في الخليج اصبحت كارفور وغيرها من السيوبر ماركت تستطيع الشراء من تطبيقاتهم ويتم التوصيل بالمنزل كذلك في شباب سودانيين في أمريكا عملوا تطبيق اسمه افروسيل تقوم بشراء جميع المستلزمات منهم في أمريكا ويتم التوصيل خلال ٢٤ ساعة في السودان اذن التجارة الاكترونية هي المستقبل لذلك جيف ومالك علي بابا والهندي أغنى رجل في اسيا ما ثرواتهم لأنهم تنبهوا باكراً لأهميتها وكذلك في السودان وحتى بعدم توفر بطاقات الإئتمان يمكن الدفع عند التسليم بشرط توفر الثقة والنزاهة بين الطرفين ، وبمناسبة الAAA أصبحت أغلب شركات التأمين تقدم خدمة مساعدة الطريق مجاناً مع تأمين السيارة لكن لو ما سألت ما بكلموك وممكن تستعين بهم بتطبيقهم وبخدمة تحديد الموقع بيجوك في مكانك بكليك دون الحوجة للاتصال بهم
| |
|
|
|
|
|
|
| |
Elhadi
Biraima M Adam
Abureesh
wadalzain
محمد الأمين موسى
علي عبدالوهاب عثمان
محمد البشرى الخضر
يحي قباني
Hani Arabi Mohamed
فيس بوك
تويتر
انستقرام
يوتيوب
بنتيريست