|
Re: نبحث عن الاخ/ جلال دياب دياب بامريكا للضرو (Re: يحي قباني)
|
يا سلام يا سلام سرني هذا والله وكثيرا هذا من عمل الصالحين ---- ذكرني هذا بقصة حقيقية للأستاذ عبداللطيف عمر حسب الله وهو من كبار الأخوان الجمهوريين... لما تشتتنا في الأرض أخذنا نرسل له (زمن البريد) على رقم بريده أم درمان 1165 وصايان لأهلينا أستاذ عبداللطيف له معرفة موسوعية بالناس وأنسابهم (كذلك الهادي نصر الدين فضل الجليل / ظريف ود نوباوي)... من كثرة تردد استاذ عبداللطيف على البوستة أم درمان عرفهم وعرفوه فأحبوه ... لا حظ يوما كمية من الشوالات مليانة خطابات فسألهم دي جادعنها مالها؟ قالوا ليهو عنوانين غلط وما عرفنا أصحابها وح نحرقها قال ليهم تحرقوها كيف دب فيها أسرار ناس ووصاياهم وحوالات وغيره ... قال لهم هل عندكم مشكلة أشوف لو لقيت فيها ناس أعرفهم آخدها فسمحوا له أخذ يمسك جواب جواب ياخوانا دا ما فلان في سوق الموية ... دا في أم سويقو ... ديل ناس اللدر في الكبجاب... ديل ناس فلان .. ديل ناس فلان.. بقى يوميا يشيل خطابات ويحوم على حي العرب والعرضة وودالبنا وغيرها ويوزع مثل كروت الأفراح نفعنا الله بجاهكم جميعا يا باش
| |
|
|
|
|
|
|
|