|
|
|
 Re: تحية و إجلال للإبنة إمتثال (ربنا يحفظك) (Re: محمد البشرى الخضر)
|
Quote: .إجازتي الفاتت ما قدرت اشوفك لكن المرة الجاية حالفة اعزمك في إحدى محلات اولاد ام درمان
وبخروف كامل محشي بمكرونة ...
والله يبعد عنكم شر الكرونا ويديكم الصحة والعافية
|
الكريمة الهميمة امتثال،
العزومة مقبولة و تستاهل أتخلى ليوم واحد عن النظام النباتي الماشية عليه.
إن شاء الله الكورونا تنتهي عما قريب و ترجع الحياة العادية و السفر و
الإجازات و تشرفونا في السودان.
| |
 
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: muntasir)
|
و الله ود حلال يا muntasir انا جاية أرشحك بي هناك الأول مهذب مشترك
بالنسبة للخروف المحشي احتمال أكون ود أمدرمان فرع الرياض جنب جامعة
مأمون، قالو شغال عادي لي الساعة كم كدا بالليل. الأمير ما يزعل، في خرفان
محشية فراخ و حمام أو خضار مشكل او تين و زبيب و زيتون ورز أوريجانو بارميزانو.
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: نعمات عماد)
|
منتصر
الخروف المحشي بالمكرونة سمعنا الوصفة دي من قريب بت السيد شغال في السعودية وقال أن
الأغنياء السعوديين بيحشو الخروف بالمكرونة ومرات بيشوو جمل كامل ويختو الجمل الكامل فوق
صينية ضخمة مليانة مكرونة ومرات مليانة أرز....هل تصدق ....وكأن الحكاية من روايات الف ليلة وليلة ..
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: muntasir)
|
الشيوعيين منهم وغادي .. أتذكر الطلفة التي تقول يا البشير بالغت جنس بوليغ ..!
والطفل في الجزيرة أبا الذي حرروا له شهادة وفاة .. رغم أنف أهله وهو ما زال حي يرزق ..
دا فرقوا شنو من البيدوفايل .. !!
دا بشبه ماري جون والخروف المحشي فراخ ..
أسف واصلوا ..
بريمة
| |
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: نصر الدين عشر)
|
الشكر للمرور الكريم و بإعتباري صاحب البوست أسمحوا لي و بمناسبة الصفحة الثانية
أن اختار هذه القصه من كتاب تحت الاعداد سوف اصدره قريباً ...
و أيضاً لكي أكسر حاجز الرتابة في البوست.
هدية لكم جميعاً و خصوصاً الكنداكة إمتثال
((المكان مدينة الاسكندرية الزمان في بداية حياتي الجامعية
شقة متواضعة نعيش بها نحن 5 طلبة ... دخلنا محدود بالكاد
يكفي مصاريف الشهر من ايجار وأكل وشراب.
عمل المطبخ كان موزع بيننا حسب جدول المحاضرات
الاكل كان عبارة عن فول و عدس و بطاطس كوسة بامية
بدون لحمة.
صديقنا في السكن قال عندي ليكم مفاجأة و كانت عبارة عن ملاح
نعيمية بي لحمة مفرومة و طعمة شهي جداً. لكن كان الإحتجاج انه
ده ح يخرب الميزانيه لكن اكتشفنا انه صرف قروش أقل من المحدد له
و قال ده ملاح إقتصادي جداً. و شاع خبر هذا الملاح الاسطورة لدرجة
انو بقينا نعزم زملاءنا في الجامعة للبروتين الحيواني المحرومين منه.
تحدثت مع بعض زميلاتي عن هذا الملاح الإقتصادي و الشهي و كانت
عندهم رغبة شديدة في التعرف علي كيفية طبخه لكن زميلنا كان حريص
علي إخفاء الخلطة السحرية.
بعد ضغط و الحاح شديد مني أخبرني بانه بشتري بيف معلب زي الساردين و التونة
و يقوم بطبخه بالبصلة و يضيف اليه الويكة و ان علبة البيف رخيصة جداً. و عرفت
شكل العلبة.
فضول الزميلات و الحاحهم كان شديد لدرجة انو مشينا الدكان عشان أوريهم علبة
البيف دي قدر ما قلت ليهم بتشبة علبة التونه و مكتوب فيها بلوبيف الا انهم أصروا أن
نمشي الدكان و أوريهم ليها.
عموماً ذهبنا و عندما أشرت اليها لم أسمع غير
سجمي سجمي سجمي ووووب عليكم و كلام من هذا القبيل
أصبت ب صدمة شديدة جداً .... و لكن زالت الدهشة عندما علمت بان هذا النوع من الاكل
صنع خصيصاً للقطط و الكلاب.))
أتمني أن أجد وقت لأحكي ماذا حدث في الشقة بعد أن عرف زملائي بهذه المصيبة
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: Hamid Elsawi)
|
| Quote: صنع خصيصاً للقطط و الكلاب |
بالله ديل انتوا ؟ قصتكم دي حكوها لينا داخل ردهات المعهد العالي للموسيقى العربية بعدكم بسنوات
يعني اشتهرت وانتشرت.واتذكر واحد قال المشكلة انها مخصصة للكلاب والقطط المحلية
لو كان البلوبيف دا لكلاب وقطط مستوردة ( كلنا كنا حناكله)
| |
|
|
|
|
|
|
|
|
 Re: تحية و إجلال للإبنة إمتثال (ربنا يحفظك) (Re: Ahmed Yassin)
|
Quote: ابو حسين
معليش ترشيحي دا كلام كبير، حاول أكتر عشان تفهمه. |
الكلام دا حيرني لأنو ليها اكتر من تفسير .... !!!!!!!
واحد من التفسيرات لو طلع هو و طلبت تفسيرو بفسد المعنى و بكون انا غبي (لا قدر الله) .... 😂
و واحد من التفسيرات انو انا غبي(دا كلام كبير) بس ناقصة(عليك) .... 😂
تكون قاصدة شنو ؟؟؟؟؟
و الله فعلا كبرنا ......
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: ABUHUSSEIN)
|
Quote: بالله ديل انتوا ؟ قصتكم دي حكوها لينا داخل ردهات المعهد العالي للموسيقى العربية بعدكم بسنوات
يعني اشتهرت وانتشرت.واتذكر واحد قال المشكلة انها مخصصة للكلاب والقطط المحلية
لو كان البلوبيف دا لكلاب وقطط مستوردة ( كلنا كنا حناكله) |
معقولة تكون إشتهرت للدرجة دي يا أحمد
الظريف إنو صاحبنا قال الأكل ده بعد اضافة الويكة
و البصلة و النار بكون صالح للبشر ....
واحد قال ليهو هسه انت بتقابل زميلاتك السودانيات
في الجامعة بي ياتو وش ... ما بتخجل...
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: Fatima Alhaj)
|
| Quote: صنع خصيصاً للقطط و الكلاب.)) |
أذكر فى كورس باليابان صافت عرب كانوا مبعوثين ومقيمين ليهم سنة
أخبرونى أنهم لعدة شهور كانوا يأكلون لحم معلب شهى يوم إتعاطوا
لحم بقر وللا ضان وللا ماعز .. شالوا العلبة وفتشوا على يابنى يعرف اللغة
الإنجليزية وطلبوا منه يترجم لهم المكتوب باليابانية على العلبة،
قال ليهم لحمة حمير!
بعدين يا الصاوى زميلاتك السودانيات ديل، دغيلات إصرارهم على أن توريهم
علبة البلوبيف، غالباً لأنهن إتمقلبن قبلكم ..عشان كدا عاوزين يتأكدن .. وطوالى
ووب عليكم!!
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: نادر الفضلى)
|
Quote: دي مفروض تاخد جائزة البوليترز
جائزة الجولدن جلوب
جائزة البافتا
البوكر
السعفة الذهبية
او على الاقل( اوسكار) امتثال |
ياخ شتارتك دي ما تخليها .....
في بوست تكريمها و الإحتفاء بيها تجيب اوسكارها في ذيل قائمتك البايخة دي .... كمان على الأقل .... ؟؟؟
لمتين انا اعلم فيك و اثقف فيك و اجتهد علشان ارتقي بيك و انت لسه حايم لي في المنبر بي شتارتك دي ...
تعبت و الله ..... اوووووف
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
مولانا محمد علي طه الملك
وحفظك الله ايضا من كل سوء ومن شر فيروس الكرونا ...
وقد سعدت والله بمرورك وتعليقك الطيب ،،،
ولقد بدات الحياة تعود تدريجيا الى عاصمة العالم ولكن يتخوف
المراقبون بان هذا سوف يؤدي الى ازدياد حالات الاصابات بالكرونا،،
لكن الناس زهجت من الحبس المنزلي وبدات تطلع الشارع،،،
فليحفظنا الله جميعا من هذا البلاء والوباء
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
ود ابو سن
ولك التحية والتقدير ،وسعيدة بمرورك الطيب يا ود منطقتنا ،،،فان كوستي
هي عاصمة قرانا وبوادينا وفيافينا ،،،
ولقد صدق من سماك حكيم المنبر فقد تعلمنا منكم الصبر وكتمان الغضب والقول الحسن،،،
ولمن نتذكرك دائما بتذكر ود البوش،وود شيقوق ،وود المنسي وذلك البوست الانيق الملئ
بكل ما هو جميل وكل ما هو تراث شعبي رائع،،
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
Quote: بعدين يا الصاوى زميلاتك السودانيات ديل، دغيلات إصرارهم على أن توريهم
علبة البلوبيف، غالباً لأنهن إتمقلبن قبلكم ..عشان كدا عاوزين يتأكدن .. وطوالى
ووب عليكم!! |
الوكت داك كانت البراءة كاتلانا
و تفكير عميق زي دا ما كان يخطر علي بالنا
تصدق في ناس شاي بقوا ما بشربوهو عندنا
و بقينا نخجل نعمل عزومة في الشقة
تفادياً للاحراج ....
شكراً نادر للمرور
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
عمر التاج
شكرا كتير للمرور والتعليق البهي ،،،
: "" الحفيدة: "" بس كمان ما للدرجة دي،،انا حاتخرج من الجامعة الصيف القادم،،
لكن للاسف التخريج حيكون بدون لمة وبهرجة في قاعات التخريج ورمي قبعات التخريج
في الهواء اذا استمرت الكرونا ...وحيرسلوا لينا الشهادات بالبريد .والكرونا مستمرة ....والله يكضب الشينة ..
اما قولك : "الغائبات عن المنبر ا لحاضرات في قلوبنا :"" فتعليق اوسكار
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: نعمات عماد)
|
نعومي
حاضربن
انا عملت داون لزد للكتاب امس بالليل ...والكتاب اسمه
The room where it happened
White house memoir
John Bolton
National Security Advisor of
The United States
وانا بدات اقرا الفصل الاول وعنوانه :
The long match to the west wing corner office
والكتاب في النسخة الالكترونية ٥٨٨ صفحة
واظن ان الصفحات المثيرة البيتهم فيها ترامب حتكون في الفصول الداخلية
وسوف احاول امر على الكتاب مرور سريع واخذ مقتطفات مختصرة لان ترجمة الكتاب
كامل طبعا ممنوع بموجب حقوق النشر ،،،
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
الإبنة الحبيبة امتثال يحضرك الخير و العافية و السعادة
في إنتظار الترجمة الما خمج.
شكراً يا باش. م. محمد الشيخ.
هل تصدقو ولدي لقى الكتاب بي دي أف. في موقع هاكرز
روس، اسم الموقع libgen إختصار لي library genesis
الظاهر عندهم كل الكتب. لكن برضو مستنية بوست امتثال.
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
محمد عبد الله الحسين
الكلمات لا تسعفني الآن كي اوافيك حقك من الشكر والامتنان
والتقدير ....فشكرا ليك كتير على كلماتك الطيبة..
وانا بالمناسبة متابعة مواضيعك الاوسكار متابعة لصيقة ...فشكرا ليك
على كل ما تقدمه من معلومات وفيرة تخص حياتنا الاجتماعية...
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
محمد عبد الماجد الصائم..
سعيدة والله بمرورك الكريم....وشايفاك انت لسه شباب ما شاء الله ..
وانت تزرع فينا الامل والتفاؤل دائما بضحكتك المعروفة هنا في المنبر
ولا سيما عندما تمر بنا حالات الإحباط واليأس ...
مع تمنياتنا لك بالصحة والعافية والسعادة
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
سناري..
التحيات والإمنيات الطيبة لك ولأسرتك أيضا ...وشاكرة ومقدرة على المرور والتعليق..
..وان شاء الله تكونوا وجدتوا كل ما تريدونه...والاميرة النوبية على استعداد دائما...
..وهل لقب سناري عشان انت من سنار ...لان كسلا وسنار من اجمل مدن السودان ..
| |
|
|
|
|
|
|
|
|
|
Re: تحية و إجلال للإبنة إمتثال (ربنا يحفظك) (Re: امتثال عبدالله)
|
هاشم كاروري
لك الشكر والامتنان والتحيات والإمنيات الطيبة
وربنا يبعد عنكم شر الكرونا ....
ومن هنا أود أود أن أعبر عن شكري وامتناني العميقين لكل من مر على البوست وشكرا حرفا
وارجو أن أن اكون على حسن ظنكم جميعا..ودعواتكم جميعا معنا كي نعود لأرض الوطن غانمين
سالمين ..وربنا يحفظكم جميعا ...
| |
|
|
|
|
|
|
| |
عفاف أبو حريرة
محمد نجيب عبدا لرحيم
نعمات عماد
Ahmed Yassin
محمد البشرى الخضر
ABUHUSSEIN
Biraima M Adam
نصر الدين عشر
Hamid Elsawi
Fatima Alhaj
نادر الفضلى
الباقر ابوبكر ابراهيم
Hasheem Karouri
MOHAMMED ELSHEIKH
فيس بوك
تويتر
انستقرام
يوتيوب
بنتيريست