|
|
 Re: انهيار امريكا والحضارة الكنفوشسيسة هي ال� (Re: Abureesh)
|
الأخ الكريم ذواليد سلامات
وحمد لله علي العودة ياخ.
انهيار امريكا ؟ ههههههها
شنو حركات الطيب مصطفي دي ؟
انت قايل أمريكا دي قطية ؟
والله العظيم نحب امريكا جدا ونحب العالم كلو حتي إسرائيل زاتها.
وابدأ ما نحب دولة تنهار .
ممكن تتعدل بعض القوانين ودي ضرورة .
وممكن يتغير ترامب ودي امنيات.
وممكن يتعب الاقتصاد شديد . وتمر أمريكا بي ضيق.
لكن انهيار . ده ما بيحصل يازول . ياخ دي بلد عظيمة .
مهما حصل .
في قانون وفي محامين ودم جورج ما حيروح ساكت
وما حيكون في جرجرة في العدالة زي الجرجرة
الحاصلة عندنا .
الانهيار حاصل في بلدنا . بلدنا المليانة خير اكتر من
خير أمريكا . الانهيار حاصل عندنا . البلد المابتلأقي
فيها حبة بندول .
ربنا يحفظ أمريكا ويحفظ السودان والعالم كلو .
ويبعد عنو الاشرار والحرامية والحاقدين.
..
تحياتي أخ ذواليد
وانشاءالله ربنا يوريك أمريكا عشان تصدق.
|
|
  
|
|
|
|
Osman Musa
فيس بوك
تويتر
انستقرام
يوتيوب
بنتيريست