|
|
|
 Re: ماقادر اخت عنوان للبوست (Re: Asim Ali)
|
الامام يستنكر الحركه فى الاسواق وهل كانت الاسواق مفتوحه رسميا تغلق حسب الاجراءات ؟
كلو تجاوز وعدم تقيد بالتوجيهات الصحبه بالتجمعات فى اى مكان ولاى نشاط
.
الحاج يوسف
| |
 
|
|
|
|
|
|
|
 Re: ماقادر اخت عنوان للبوست (Re: عبدالحفيظ ابوسن)
|
كل عام وانتم بخير نعمات وعبدالحفيظ
البحصل دا مدبر من الفلول واذكر قبل كم يوم كان فى واحد من صفحات الفلول دعوات لما يسمى بمليونيه كسر الحظر اول ايام العيد وطبعا استغلال المشهد اعلاميا للاستمرار فى تحريض الناس على كسر الحظر
| Quote: واضح انو السلطات الامنية ضد القرار ومامقتنعة بيهو |
تراخى السلطات الامنيه واضح .اذا كان جنبنا سوق بحرى امس شغال بعد موعد الحظر (الساعه واحده) وسيارات شرطه واقفه وسط السوق بل وجود بعضهم يتجولو ويتسوقو
| |
|
|
|
|
|
|
|
|
 Re: ماقادر اخت عنوان للبوست (Re: Asim Ali)
|
فى ناس لسه واقعه تحت سيطره وتخدير خطاب تجار الدين ومحاولات كسر الحظر بالاصرار على تجمعات الصلوات الغرض منها سياسى رخيص وادعاء ان ان الدوله تحارب الاسلام باستفزاز السلطات حتى تتعامل مع تجعات الصلوات واستخدامها فى التباكى بدموع التماسيح على الدين.
اصورو لو حصل المشهد ادناه كان نشوف كميه دموع تماسيح ونفاق ومتاجره باسم الدين والغيره عليه لدرجه تثير الاشمئزاز
| |
|
|
|
|
|
|
|
|
|
Re: ماقادر اخت عنوان للبوست (Re: Yasir Elsharif)
|
سبحان الله ....ده استهتار بكل المعنى ،،،،حتى ان ديننا الحنيف بيقول "ولا ترموا انفسكم للتهلكة،""
وهذه التصرفات المجنونة تعتبر الهلاك بعينه،،،ولا شك بعد هذه المشاهد ان السودان سيكون اسوا دولة
ينتشر فيها فيروس الكرونا ،،،،
..وعنوان البوست المقترح هو :"صدمة واستهتار بالموت الزؤام ""...
| |
|
|
|
|
|
|
|
|
|
Re: ماقادر اخت عنوان للبوست (Re: Yasir Elsharif)
|
حبيبنا عاصم .. تحياتي
شكرا يا عاصم وانت تنقل لنا الاحداث من الداخل
دائما انتظر بوستاتك وكمان الحبيب أبوسن ينقل اخبار كوستي
كده تكون تغطية للوطن
عاجز عن الشكر الحبيب عاصم والحبيب أبوسن
تعرف الحبيب عاصم أنا شفت الصلاة في قناة الجزيرة اليوم
ولكن قلت انتظر لأنني لا أتأكد إلا من ما تنقله من أخبار
الموضوع خطير يا عاصم .. ملاحظ في تراخي أمني في مشكلة لدى الشرطة
من بداية الثورة والآن تفاقمت بسبب عدم رفع رواتبهم كباقي العاملين في الدولة
اكبر مشكلة في أي دولة هي التراخي والهشاشة الامنية ..
كمان نفسياً ائمة المساجد بدون خطب وظهور يصيبهم مرض نفسي
لازم استعراض في صلاة القيام والجمعة والعيدين .. الامام لا يستطيع العيش
بدون اضواء
تحياتي الحبيب عاصم ..
| |
|
|
|
|
|
|
|
|
|
Re: ماقادر اخت عنوان للبوست (Re: Yasir Elsharif)
|
Quote: شعب غريب
يعتدى على الاطباء
لا يجد فرصه لكسر الحظر وعدم التقيد بالاحترازات الصحيه فى مواجهه الوباء الا وفعلها
فى رمضان فى العشر الاواخر كانت بعض مساجد تقيم الليل بل وعلى مكبرات الصوت
اليوم تجمع المئات والالاف لاداء صلاه العيد رغم كل شىء |
كل عام والجميع بخير وصحة وعافية
ونسأل الله اللطف بأهل السودان ...
دي وصاية الكيزان زاتا ... بلحمها وعضمها ...
وهل تظن بأن الخلق دي جاهلين بما يفعلون ...
حرية سلام وعدالة ...
الناس دي حرة فيما تفعل وكل حسب معتقده ...
حقو نسيب المحاولات الباءيسة لتغيير معتقدات
الناس كما كان يفعل الكيزان ...
من شاء فليؤمن ومن شاء فليكفر ...
فزاعة الكوزنة لكل من يصلي او يذهب للمسجد لن
تجدي مع هذا الشعب المسلم بالفطرة ... شاء من
شاء وأبي من أبي...
وحقو الحكومة تشتغل في كيف تخدم هذا الشعب ..
والناس القلبها علي البلد تشتغل علي كيف يخرج
البلد من كربه التي لا تعد ولا تحصي ...
| |
|
|
|
|
|
|
|
|
|
Re: ماقادر اخت عنوان للبوست (Re: Salah Zubeir)
|
يعنى ياصلاح زبير مافى كورونا ؟
اذا فى كورونا من المقصر ؟
التقصير من من اى مكون فى الحكم ؟؟
بعدين القضيه فى التجمعات بشكل عام مش العباده بس وربنا رحيم بعبادو ولايدعو فى دينه التشدد .
اى نعم الكيزان - جاتهم فى جرح حكايه كورونا- يستخدمو كورونا اداه حرب بيولوجيه تستغل لاسقاط حكومه الثوره النتقاليه بل اجهاض الثوره ووالعوده عبر نظام ووجوه نظام الانقاذ 2
| |
|
|
|
|
|
|
|
|
|
Re: ماقادر اخت عنوان للبوست (Re: Asim Ali)
|
كل عام وانتم بخير عاصم وزواره الكرام
بصراحة دي مسئولية الدولة انها تطبق القانون على الجميع ، من البداية الرسائل تكون واضحة
جدا ، اي زول مسجد يتفتح دي مسئولية الزول الفتحو ، الزول المسئول منو ايا كان ، اي امام
ما يطلع من بيتو يصلي بي جماعة يتحمل المسئولية . لكن الحصل انو الكل شاف التراخي
واتشجع وربنا يستر ، بعد العيد اتوقع موجة انتشار عنيفة جدا ..
ناس متخلفة
| |
|
|
|
|
|
|
|
|
|
Re: ماقادر اخت عنوان للبوست (Re: Asim Ali)
|
| Quote: يعنى ياصلاح زبير مافى كورونا ؟ |
يا عاصم منو القال مافي كرونا؟
انا متأكد في كرونا والناس الجبتا صورم ديل اغلبم
عارفين في كرونا .. لكن إنتا وأنا وهم كل واحد
شايل فهم مختلف للحماية من كرونا ... تتعدد
الأسباب والموت ياهو الموت وما في زول لام
ليهو زول ميت وقال الزول دا أهمل في روحو ...
| Quote: اذا فى كورونا من المقصر ؟ |
مافي زول انتقد او اتهم بالتقصير زول او
جهة في إنو هو او هي السبب في وجود
كرونا ... الناس انتقدت (الإجراءات) التي
تمت في مكافحة الوباء ...
| Quote: التقصير من من اى مكون فى الحكم ؟؟ |
التقصير في (مكافحة) الوباء معني به جهة
الإختصاص وهي الحكومة ووزاراتها المعنية ...
| Quote: بعدين القضيه فى التجمعات بشكل عام مش العباده بس وربنا رحيم بعبادو ولايدعو فى دينه التشدد . |
دا اجتهاد منك ساي الدين مفاهيمو الغير
متشدده برضو بتدعو للتجمع ...
| Quote: اى نعم الكيزان - جاتهم فى جرح حكايه كورونا- يستخدمو كورونا اداه حرب بيولوجيه تستغل لاسقاط حكومه الثوره النتقاليه بل اجهاض الثوره ووالعوده عبر نظام ووجوه نظام الانقاذ 2 |
هنا بتفترض (وهم) اسمو الكيزان قاعدين يخططو
وينفذو ويحركو هذه الجموع الغفيرة من المسلمين
السودانيين ... انتا كدا ماسكاك جايحة الكيزان وربنا
يشفيك منها ...
| |
|
|
|
|
|
|
|
|
|
Re: ماقادر اخت عنوان للبوست (Re: Salah Zubeir)
|
منتهى الاستهتار بحياة الناس ، لقد نجح إخوان الشياطين والفلول فيما لم ينجحوا فيه بالتخريب فبالتمريض
فهؤلاء هم شياطين الانس لا يهمهم حياة إي إنسان ، يعني الناس الصلوا جماعة دييل فاكرين إنو ربنا حيديهم
ثواب مضاعف؟ وماذا عن المضاعفات التي ستترتب على تجمع اليوم؟
ماذا ستفعل وزارة الصحة مع هذا الجهل المدقع والعسكر الذين لا يريدون القيام بواجبهم
لا وبل مع تواطء واضع مع هذه الزمرة الفاسدة وكأن الكرونا ستثتسنيهم من الاصابة
وكل عام وجميعكم بخير وسودانا بخير.
| |
|
|
|
|
|
|
|
|
Re: ماقادر اخت عنوان للبوست (Re: ترهاقا)
|
حاجة مؤسفة ومحزنة والله
أن يلقي الناس بأنفسهم في التهلكة بقوة رأس
وعناد غير مسبوقين
من وجهة نظري نحن أمام عدد من الحقائق المحبطة
الأولي الأجهزة الأمنية متعمدة عدم تطبيق القانون في تنفيذ
الإجراءات التي طلبتها السلطات الصحية..
الحقيقة الثانية في جهل من رجال الدين وتعمد
مخالفة الحكومة بدعوى امشوا وقفو صفوف الخبز والمواصلات
وبعدين تعالوا للمساجد (خطاب المعاكسة دا شغال)
الحقيقة الثالثة هي عجز الحكومة في ابتداع وسائل تتواكب مع عناد
بعض من الناس.. مثلا توزيع كمامات من القماش على نطاق واسع
ونشر المعقمات في كل ركن وزاوية.. لتقليل إنتشار الوباء
غايتو اذا لم يضعف هذا الفيروس أهلنا الكبار وضعاف المناعة
حيموتوا موت الضأن
غايتو فعلا حاجة محيرة جدا
يبقى السؤال المهم ماذا فعلت الحكومة والمنظمات حتى تساعد
السلطات الصحية في تطبيق الحظر ومساعدة الناس
من أصحاب الدخل المحدود المعتمدين على الأسواق
القصة دي قصة كبيرة كل زول مسؤول من جانب
إذا في تقصير من الصعب إلقاء اللوم على جهة واحدة بعينها
| |
|
|
|
|
|
|
|
|
|
Re: ماقادر اخت عنوان للبوست (Re: ترهاقا)
|
سلامات يا عاصم كل سنة انت وزوارك بخير ..
بالمناسبة في اتجاه جديد بدؤا الهولندين في تجريبة ..
بعد الـ lockdown لاكثر من شهر بدون القدرة على السيطرة الكاملة وغياب العلاج ..
قرروا يفكوها تدريجيا بحجة تحفيز اكتساب الناس للمناعة الطبيعية..
طبعا اجراء زي دا في مجتمع أوربي واعي وعلاقاته الاجتماعية محدودة جائز ..
لكن تجريبه في مجتمع زي المجتمع السوداني النتيجة بتكون كارثية.
ربنا يلطف بأهلنا.
| |
|
|
|
|
|
|
|
|
|
Re: ماقادر اخت عنوان للبوست (Re: ترهاقا)
|
Quote:
الناس دي حرة فيما تفعل وكل حسب معتقده ...
حقو نسيب المحاولات الباءيسة لتغيير معتقدات
الناس كما كان يفعل الكيزان . |
كل سنة و انت طيب يا صلاح الزبير
ممكن نقول هم حرين في تعريض أنفسهم للعدوى و لكن
غير أحرار في نشر العدوى لآخرين ملتزمين بالإحترازات
الصحية من حظر و تباعد و لبس ماسكات و تعقيم.
لو هم ح يطلعوا من الصلاة و يعزلوا أنفسهم لمدة اسبوعين
أو تلاتة حسب ظهور الأعراض او لا. حريتهم تنتهي عند حدود
حرية الآخرين في المجتمع.
ثم اذا ظهرت الأعراض عند الآف المصلين، هل النظام الصحي
قادر على استقبال و فحص و علاج الآف المرضى في نفس
الوقت؟ يا استاذ صلاح من هو الذي يحاول تغيير التدين؟
هل سيدنا محمد صلى الله عليه و سلم في دعوته للحجر أبان
وباء الطاعون، هل كان يحاول تغيير دين المسلمين، استغفر الله؟
| |
|
|
|
|
|
|
|
|
|
Re: ماقادر اخت عنوان للبوست (Re: نعمات عماد)
|
Quote:
أكبر عملية انتهاك للحظر في دولة عربية لأداء صلاة العيد في ظل تفشي كورونا
24.05.2020 | 10:35 GMT
رغم حظر السلطات السودانية أداء صلاة عيد الفطر في المساجد، في ظل تفشي وباء كورونا، خرق المئات في الخرطوم الحظر وخرجوا لأداء الصلاة.
وأعلنت السلطات السودانية في وقت سابق، عن تمديد الحظر العام المتبع في ولاية الخرطوم لمدة أسبوعين آخرين، اعتبارا من الثلاثاء الماضي، وذلك بعد دراسة التقارير الأخيرة حول الوضع الوبائي في البلاد.
المصدر :RT بالعربى
|
| |
|
|
|
|
|
|
|
|
|
Re: ماقادر اخت عنوان للبوست (Re: نعمات عماد)
|
ما في حاجة اسمها حرية في شئ يجلب الضرر للآخرين...
وحريتك حدها عندما تبدأ حرية الآخرين...
وللأسف ما في توعية كافية حول خطورة هذا الفيروس الفتاك ...القاتل والذي ليس له علاج...
والسلطات تتهاون في تنفيذ حظر التجول...
عالم بطاااااااااااااالة..
(وحقوق الطبع محفوظة لمحمد مجيدو)
| |
|
|
|
|
|
|
|
|
|
Re: ماقادر اخت عنوان للبوست (Re: امتثال عبدالله)
|
Quote: غير أحرار في نشر العدوى لآخرين ملتزمين بالإحترازات
الصحية من حظر و تباعد و لبس ماسكات و تعقيم.
لو هم ح يطلعوا من الصلاة و يعزلوا أنفسهم لمدة اسبوعين
أو تلاتة حسب ظهور الأعراض او لا. حريتهم تنتهي عند حدود
حرية الآخرين في المجتمع. |
ربنا يكرمك ويديم عليك نعمة الصحة
والعافية دكتورة نعمات ..
والله يا نعمات إن بقيتي عشرة علي
التزامك بالإحترازات الصحية من حظر
وتباعد ولبس ماسكات وتعقيم أصلن
ما حا تقابلي الناس ديل عشان نقعد نفرز
حدود حرياتكم ... والوباء دا الناس دي
كلها عارفاهو (قاتل جدا) والدليل عدد
الموتي في الأيام الأخيرة والمعروف عن
المرض من ما يمسك الواحد لأمن ربنا
يشيل امانتو كلها أيام وإن بالغت اسبوعين
لي تلاتة أسابيع ... يعني وزارة الصحة
ما حا تصرف علي مريض كرونا زي
البتصرفو علي مريض السرطان عشان
يجي وزير زي ابو قرده ويقول الصرف
عالي علي مريض كرونا بدون فايده ...
| |
|
|
|
|
|
|
|
|
|
Re: ماقادر اخت عنوان للبوست (Re: Salah Zubeir)
|
الأخ صلاح الزبير كم سؤل شخصي لو سمحت،
و اذا ما عاوز تجاوب ما مشكلة،
هل انت معانا في السودان؟
اذا الإجابة نعم، هل تطبق نظريتك في رفض التباعد
الإجتماعي، يعني هل صليت مع المصلين في الميادين؟
بي ماسك أم بدون؟ هل زرت الجيران و الأهل للمعايدة؟
الله يستر علينا و عليكم.
| |
|
|
|
|
|
|
|
|
|
Re: ماقادر اخت عنوان للبوست (Re: نعمات عماد)
|
Quote: هل انت معانا في السودان؟
اذا الإجابة نعم، هل تطبق نظريتك في رفض التباعد الإجتماعي، يعني هل صليت مع المصلين في الميادين؟ |
نعم موجود في السودان ...
مين قال انا (رافض) التباعد الاجتماعي ...
منزل اختي وأسرتها يبعد عني ٥ دقائق بالعربية
نتواصل عبر الموبايل منذ مارس ...
ما حصل صليت في المسجد او الميادين منذ
صدور الإلتزام بالإحترازات الصحية في مارس الفات ...
بخرج للتسوق كل ٣ يوم من مكان واحد فقط وملتزم
جدا بكل الاحترازات ...
كذلك ملتزم جدا بالاحترازات في العمل والسفر
لي قريتنا للقيام بالتزامات لا تقبل التنصل ...
ربنا يلطف بنا جميعا ويلطف بأهل السودان ....
| |
|
|
|
|
|
|
|
|
|
Re: ماقادر اخت عنوان للبوست (Re: Salah Zubeir)
|
اتفق مع رأي الاخ صلاح الزبير
المسألة أصبحت موت او حياة
الدولة بذلت جهد توعوي بمخاطر المرض وطرق انتقاله والوسائل الاحترازية التي يجب ان تتبع في كافة الوسائل الإعلامية.
الكنترول أصبح بيد المواطن في تحديد مصيره.
الوفيات التي تعلن يوميا والإعداد المهولة من الموتي في بعض الأحياء التي تتعدي العشرين وفاة في اليوم كل ذلك لم يردعهم.
لكل أجل كتاب.
| |
|
|
|
|
|
|
|
|
|
Re: ماقادر اخت عنوان للبوست (Re: Arif Nashed)
|
الزاحفون الي الفجيعة ، هذا الوباء وباء إبادة جماعية والناس يأساً وجهلاً وتواكلاً وسبهلليةمستسهلين المسألة ، يا ملك مناعة القطيع يمكن تطبيقها اذا كانت المرافق الصحية قادرة على التعامل مع كمية مهولة من المرضى ولكن في السودان اذا تعدينا حاجز ال٥٠٠ حالة جديدة في اليوم حيقولوا ليك امش بيتكم يا تموت يا تمرق منها وما حيستقبلوا حالات جديدة وإمكن الجيش الأبيض ذاتو ينسحب ويمشوا بيوتهم ونقعد بعد داك نرمي في اللوم ونندم حيث لا ينفع الندم
| |
|
|
|
|
|
|
| |
Asim Ali
نعمات عماد
عبدالحفيظ ابوسن
Yasir Elsharif
علي عبدالوهاب عثمان
Salah Zubeir
Abdullah Idrees
ترهاقا
عبدالعظيم عثمان
محمد على طه الملك
Osman Musa
Arif Nashed
فيس بوك
تويتر
انستقرام
يوتيوب
بنتيريست