Quote: لاني متابع و يقرا وبحلّل يا معتصم بستغرب في الثقة البتتردد بيها أكاذيب - نعم مجرّد أكاذيب -وتهويمات ويتم الاستدلال بها في تخوين الناس بكل المجّانية و السهولة الفي الدنيا!
اولا كدا جيب لي ثقتي في ترديد اكاذيب من بدات معاك هنا في المنبر دا.. ما يكون كلام ساااي واتهام باطل. أنا عودت نفسي اي موضوع كتبته دعمته بالمصدر سواء كان تغريدة او فيديو او تصريح في جريدة.. ما قاعد انجر من راسي. مرة جبت موضوع عن دعم السفير السعودي لمفاوضين الشرق ونزلته في المنبر بصورة من خطاب مروس بالسفارة السعودية وانت زاااتك قلت لي دا ضنب ككو.. وتاني مع عارف ناشد في بوست ذكرت فيه البرهان اعاد للخدمة معاشيين وطلب مني المصدر ووجدته بس في تغريدات ما مصدر موثوق.. تاني جيب لي وين رددت اكاذيب بثقة ولة عدمها!! دا انت ودا المنبر وارشيفه بمواضيعي وردودي ودا أنا.. ما يكون اتهام باطل منك ساااي او تأكد فعلا ان ببث في كضب وبثقة كمان.
Quote: طيب ساعدني بالاشارة لموضع الكلام دا و اتمنى أن يكون موضع موثوق يمكن الاحالة إليه بثقة فيما يخص تصريحات السيد الإمام!
تابع كلام الامام من الدقيقة 3:44. هيئة شؤون الانصار اليوم داك لسبب يعلموه هم وربنا بعد ما صلوا بجزء من القرآن قاموا صلوا بجزء تاني يوم ٢٨ رمضان وختموا القرآن.. مع العلم اللحظة ديك كان معروف انه يوم 29 رمضان لم يعلن عيد. مصادفة عجيييبة جداااا من الهيئة دي تلملم عدتها (مصاحف يمكن) وتقرر أنه بكرة ما ح يكون في فطور كعادتهم طيلة ايام الشهر الكريم. الله عرفوه بالعقل ما شوف عين.. اما باقي كلامك يا محمد أنه البرهان في إتهامه للقوي دي بخداع الناس (بتكلموا بالصايدين من خشمهم) عاااادي وما محتاج دحض من القوي ببقي مضحك. دا تخوين عديييييل لشركاءه في المفاوضات مش؟؟ ولة البرهان كلامه لا يؤاخذ عليه.!! أكيد مافي زول بقدر يغير من قناعات الناس بمجموعة ما اتفقت في تاريخها مع بعض واعترفت بفشلها في ادارة دولة وعدمانة الشفافية.. يااخ حميدتي قال ليهم انتو ما جادين وخلينا كووولنا نستقيل لاننا فشلنا.. قناعتي يا ودالبشري أنه الحاصل دا فضيحة تاريخية وكتبت عنها هنا بوستات كثييييرة ادلة من يوم توقيع الوثيقة المخرمة وعدم قيام التشريعي وربطه بالسلام مع الولاة لحدي قومة البقوم دفرة وماقادر حتي يحمي الاطباء..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة