♧ شُعَراءُ الفُصْحى بِأَدَواتِ زَمانِ الحَداثَةِ £

معتوقة ومعتقة ومنعتقة
نوافير إنتشاء وحشمة
وحَـمار العين ..
تضحك كلما وقعت مصيبة
تمشى على العجين وتلخبطو
وترطن إذا جاها الحنين
************
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
***************
صوتك وكت قطع البحر
قبال مراكب العمدة
ضهر النيل عرق ..
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
☆ عاطف خيري.
● إلامَ تظل تتمدد يا ضلنا المرسوم على رمل المسافة
و يفيض بينا الحزن النبيل كلما طافنا طائف مت ذكراك
عم عبد الرحيم، يا مصطفي يامستطاب يامشتهى!!

●عندما كنت تسرظ لين في قصه غناك" طال الليل للمساهر"
و بعدين سرحت بعيد تغةص في مقطع تاني من غنوة نورا
أنت ياحضن الصحاري
شفع العرب الفتاري
البفنو الشيلا إيدم
ويجرو كايسين القطاري

●قال مصطفي: في سكة مشترك
كسلا هيا بورتسودان؛ الشفع لما يجي
القطر بجرو وراهو و يجدعوه بالحجار
عشان يجدعو ليهم كيس رغيف أو سبيطة
موز ؛ و مرات يختفوها من يدين الركاب.
يرحمك الله