♧ شُعَراءُ الفُصْحى بِأَدَواتِ زَمانِ الحَداثَةِ £

{39}
و قبل ما نشطح بعيداً عما ذكرناه عن علاقة التوءمة بين نص كلٍّ من "بنادهيها"
و"قلت أرحل" ننوه إلى أنها جاءت في شكل تناصٍّ عفوي على سبيل المجاراة.

🌸 فبينما تجاني سعيد يضعها حفنة قراراتٍ بها حسم يشوبه التمَلمُل حين يقول:
قلت أرحل اسوق خطواتي من زولاً نِسى الإلفة..أهوم ليل و أساهر ليل اتوه من مرفى
لي مرفى..أبدل ريد بعد ريدك..عشان يمكن يكون أوفى(شُغل يعني عامل زي حردان)💜
بعد كده جاء يقول 🌸
~》رحلت و جيت في بعدك لقيت كل الأرض منفى.(أي: كانك يا أبزيد ما غزيت)💚
و عشان يقفل الموضوع بعد ما قبض الريح جاء في النهاية راضياً مرضياً بواقعه،قال: 🌸
و أنت معايا لا بندم و لا بقضى العمر تبريح(مشينا و جبيا ل"ضل الدليب أرريح سكن")💖
♡ يجي بهنا عمر الطيب الدوش راخي مقاديفو و رافع الراية البيضاء و يصيح من هنوك: يناديها و كمان بي كرم جعليين حاتمي ..و يعْزِم كُلّ زول الغاشي و الماشي يرتاح على ضحكَة عيون فيهَا و يَحْلم كأنو عايش في أكوان بتْرحَل من و إلى مراسيها..عصافير
نبّتَت جِنْحات و طارت للغيوم بيهَا..مسافرِ من فرح لي شوق و نازِل في حنان ليهاَ
يغنّي مع مراكب جات وراها بلاد حتمْشيهَا و يحزَن لسُفُن جايات وما تلقَى البِلاقيها

♡ و لسة الدوش بِيَنادِيــــــهَا.. و لمّا تغيب عن الميعادبِيَفتِّش ليهَا في التاريخ و يسأل عنَّها الأجداد و يسأل عنّها المستقبل اللسّع سنينو بُعاد بيَفتِّش ليها في اللوحات مَحَلَّ الخاطر الما عاد .. في شهقَة لون وتكيَة خط و في أحزان عيون الناسوفي الضُّل(التَّنح) وقَف ما زاد..!!

♡ و لسة كمان يناديــــــهَـا و يلاقيـــــهَــا و يَحِس بالُلقيا زي أحلام حتصْدِق يوم و يَلاقيــــــهَــا و يحْلًم في ليالي الصيف يَسَاهر الليل ويَحجِّيـــهَــا يَدوبي ليهَا ماضيهَا
و يطنْبِر ليها جاييــهَا ويرسِّل ليها غنوَة شوق و يَقيف مرات و يلُوليهَا و ينادِيـــــــــهَــا
و يناديــــــــهــا و يناديـــــهــا.
ود ال ح ب شا ان الت ل ا ت ة
مؤذنٌ محجورٌ منزلياً بجزيرة مالطا