|
|
|
 Re: تجربتى مع لوايفة الفيسبوك (Re: النصرى أمين)
|
وين يا نصري!
لحدي ما تجي تحكي تجربتك هاك البياض
أغلب اللوايفة لوايفة ساي! قليل جدا من يعطيك شي مفيد
و للأسف أغلبهم - خاصة ناس المواعيد الراتبة - بلفوا اليوم كلوا في الفيس و الواتس يلقطوا في الشائعات و الاخبار بدون بذل اقل مجهود للتقصي و التثبت و يعرض بيها في اللايف و يزيد ويعيد ويغالط كأنو حاضر الحدث بل احيانا تلقى من يحلف ودي اغرب حاجة خاصة للموجودين بالخارج
المهم هو انو الواحد يطلع في مواعيده ويحص اكبر كمية من الشير
لكن في نفس الوقت هناك البعض يطلع لايف حين يكون هناك أمر يحتاج و تلقاه دارس الموضوع العايز يناقشه و متمكن منه ومدرك لكل جوانبه وتفاصيله وديل عل اصابع اليد منهم دكتور بكري علي و بخت عثمان صاحب الفيديو المشهور البشرح فيه تفاصيل موضوع الفصل السادس بتمكن
وفي برضو الزميل هشام عباس بطلع لايفات جيدة و بتناول مواضيع ساخنة
عموما في مشكلة في تناقل الاخبار بدون التثبت منها أو زنها بمنطقية و\ي ليست قاصرة على اللوايفة بل في مختلف الوسائط وفي منبرنا دا الشباب ما مقصرين في اللفحي
| |
  
|
|
|
|
|
|
|
|
Re: تجربتى مع لوايفة الفيسبوك (Re: محمد البشرى الخضر)
|
من الناس الموضوعيين جداً وكنت بستمتع بي لايفاتو أيام الثورة راشد عبدالقادر
بس حالياً بطل لايفات وبقى يكتب بوستات بس
ياسر كريستيانو برضو من الواعين وبعملوا فيديوهات قصيرة .. بستأنس بي وجهة نظره لما يكون في موضوع شاغل الناس
لكن برضو بقع في فخ الكلام ساي لما يكون مافي قضية
| |
|
|
|
|
|
|
|
|
|
Re: تجربتى مع لوايفة الفيسبوك (Re: أحمد محمد عمر)
|
النصري سلامات
و الله ناس اللايف بوي ديل مرات يحيّروا..
أنا بزهج من اللايفات خاصة لما تلاقي واحد ما جاهز و قاعد يتلفت و يظبط يا دوب في القعدة و في المكرفون..
أو واحد يتنحنح و يتلفت وراءه التقول سارق ليه سرقة..
أو التطويل المافي داعي ليه خاصة لما يكون اللايف أصلا ما مهم..بس يكون الواحد عايز يظهر..
| |
|
|
|
|
|
|
|
|
|
Re: تجربتى مع لوايفة الفيسبوك (Re: أحمد محمد عمر)
|
والله العظيم لمن عملت البوست ده كان عندى حبة مروة ، اتضح انى منتهى تماما.
رمضان عندنا جهاد حقيقى ؛ الشغل لم يتأثر بظروف الكورونا.
معذرة يا شباب .
موضوع اللوايفة ديل فى بالى من فترة طويلة.
ان شآء الله نرجع للبوست اول العيد
| |
|
|
|
|
|
|
|
|
|
Re: تجربتى مع لوايفة الفيسبوك (Re: أبوبكر عباس)
|
اللايفي يعتقد ان كلامه هذا اهم كلام يجب ان يسمعه الناس
فما يبدا الكلام الا كمية من الناس تشير او تتشاركه الفيديو
وكمان يغيظني اللايفي اللي شوية كده و يطلع يدق المشاهدين
واللايفي الطويل اللي بالساعات وفي الغالب هما الاتنين
ي المليف و المشاهدين كما يقول عنهم شبهين واتلاقينا
وبالمختصر كل المليفين ما عندهم الحبة وكذابين الا قلة نادرة جدا
| |
|
|
|
|
|
|
|
|
|
Re: تجربتى مع لوايفة الفيسبوك (Re: احمد عمر محمد)
|
أقترح أسم اللايفويسي .. مفرد .. واللايفوسيات .. جمع ..
أو اللايفوني .. واللايفونات ..
عجبتي الأسماء الأخيرة .. مقطع فوني .. يعنى صوتي .. (ربما صوت فارغ ساكت) .. الأول ممكن اللايفويسي .. شخص موضوعي .. (فويس معناها صوت .. ممكن صوت حقيقي)
وعلي هذا الأساس ممكن نقسمهم إلي قسمين: لايفويسي .. ولايفوني.
ليكم الخيار ..
بريمة
| |
|
|
|
|
|
|
|
|
|
Re: تجربتى مع لوايفة الفيسبوك (Re: أحمد محمد عمر)
|
ايام الثورة انا كنت متابع لحظة بلحظة اللوايفة
الى ان جاء يوم وقال ذوالنون فى لايف انو احد
اصدقائه قال ليهو انو واحد من اقرباء على عثمان محمد طه
بيفتش عليك ( الكلام دا خلانى اودى واجيب )
وتقريبا بعد يوم او يومين خرج هو و مصعب الضى
فى لايف من غرفة ذو النون فى ماليزيا واستضافوا فى اللايف
معاهم من الخرطوم احمد الضى .
انا من تلك اللحظة التلاتة ديل حذفتهم من لستة الاصدقاء
وبقيت بعده اتابع ثلاثة فقط من اللوايفة وحتى الآن .
| |
|
|
|
|
|
|
| |
محمد البشرى الخضر
محمد عبد الله الحسين
Ahmed Yassin
أبوبكر عباس
احمد عمر محمد
Biraima M Adam
علاء سيداحمد
فيس بوك
تويتر
انستقرام
يوتيوب
بنتيريست