وقبل ما اواصل احب اقول الثوار ماضيين في ثورتهم وتحقيق اهدافها خاصة (حق الشهداء). وعد (الحر) دين عليه ونحن شعب احرار. والدة الشهيد عبدالسلام كشة ( لا وقت للراحة يا صديقي اثناء المعركة).. ومعركتنا لم تنتهي بعد يا اسيادنا الشهداء.
03-17-2020, 06:01 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
سلام معتصم المماطله مابتنفع طال الزمن او قصر لازم كل شىء يكون مكشوف على الطاوله
Quote: مظاهرات في الخرطوم والجيش يغلق الطرق المؤدية إلى القيادة 2020 ,17 مارس• الخرطوم: الانتباهة أون لاين أضرم عشرات المحتجين النار أمام شوارع محيطة بمكتب لجنة التحقيق في مجزرة القيادة العامة الثلاثاء بعد ساعات من تصريح أدلى به رئيس اللجنة نبيل أديب بطلب مهلة ثلاثة أشهر أخرى لإعلان النتائج في تحقيقات فض الاعتصام. وحاصر المحتجون مبنى التحقيقات القريب من القيادة العامة فيما أغلق الجيش شوارع تؤدي الى القيادة. وردد المحتجون هتافات تطالب بالقصاص من مرتكبي فض الاعتصام. وشهدت مناطق بري والديم ووسط الخرطوم مظاهرات واحتجاجات، واغلاق للشوارع، منها شارع البلدية قبالة مقر لجنة الاعتصام. وأشعل المحتجون النار في اطارات السيارات في شارع البلدية والديم تقاطع باشدار وفي موقف جاكسون بالخرطوم. وأدى إغلاق الجيش لعدد من شوارع القيادة إلى ازدحام مروري امتد الى شوارع وسط الخرطوم (القصر الجامعة والجمهورية البلدية السيد عبد الرحمن والشوارع الفرعية والشوارع الموازية للقيادة).
03-17-2020, 11:27 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: المماطله مابتنفع طال الزمن او قصر لازم كل شىء يكون مكشوف على الطاوله
يا عاصم نبيل اديب اتحمل مسئولية ما ساهلة. مافي حد اجبرهو عليها (نعتقد) يعني كان خيار منه القيام بالمهمة دي. الادلة موجودة مع الاعترافات والشهود. المماطلة شنو.
Quote: أيضا هناك اعتراف الكضباشي بفك الاعتصام.
يا عارف اعتراف الكباشي في (دولة) ما محترمة حتي كان علق رقبته في شدرة.. نحن لسة ما عملنا دولة والحاصل دا لعب في لعب وادوار مرسومة.
03-18-2020, 03:39 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
كل عواصم الدنيا لديها حماية عسكرية معروفة. الخرطوم حسب علمي عندها سبعة نقاط تعرفها الاستخبارات العسكرية او ما يعرف بقوة تامينات العاصمة. اتعرض اعتصام القيادة العامة لاكتر من محاولة لفضه. كانت الاولي عندما اتي حميدتي ومعاه الف من مرتزقته وجنجويده للقيادة العامة بدعوة نظافة المكان في محاولة (سلمية). اما المحاولات التانية فكانت كوولها دموية. المسؤول عن حماية القيادة العامة لقوات الشعب المسلحة هو المسئول بالتالي عن ارض الاعتصام. من هو مدير الاستخبارات العسكرية؟
من المحاولات الاولي الفاشلة لفض الاعتصام.
03-18-2020, 05:07 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
لجنة التحقيقات دي من (اصل الوثيقة الدستورية) الموقعة بين الشريكين ديل. انتظروا لحدي تعيين حمدوك بعد اكثر من شهر من التوقيع وانتظر حمدوك نفسه اكثر من شهر بعد اداءه قسم الوزارة. يعني لو ما كانت مليونية 21 اكتوبر القصاص وتصحيح المسار ما اظن اللجنة دي زاااتها اتشكلت واكتفينا بلجان العسكر الكثيرة للتحقيق.
03-18-2020, 05:11 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
القرار الوزاري دا يعتبر تاريخي. التحقيق في المئات من الشباب في ثورة التغيير يجب ان يكون ملزم. ومافي حد فوق العدالة. فض اعتصام القيادة العامة كان الغرض من تركيع الشعب السوداني والقبول بحكم العسكر وشرذمة الكيزان. دولة اعتصام القيادة العامة كانت صورة لسودان بكرة.
دا الجزء المهم في القرار.. علي لجنة اديب تقديم تقرير شهري عن سير التحقيقات. يعني فترة المد 3 شهور تكون عندها اسباب منطقية خاصة وللجنة دي صلاحيات واااسعة للتحقيق. اسر الشهداء ليهم الحق في معرفة ومتابعة عمل اللجنة.
03-18-2020, 07:04 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
تحياتي معتصم و الشباب مسالة التمديد دي مضمنة في القرار من أول يوم و الناس عارفنها طيب الاحتجاج على شنو! و طالما الناس كلها عارفة المجرمين طيب مطالبين بتحقيق ليه من الاساس! عملت لجنة تحقيق قانوينة خلاص خليها تشتغل ما تاكل راسها في الطالعة و النازلة وتطالبها بنتيجة معينة توافق رغبتك! لجنة التحقيق لم تمنع اي مطالب بحق او صاحب اتهام من اتباع السبل القانونية في مواصلة قضيته او متابعة بلاغه ولم تخالف المانديت في قرار تكوينها بطلب التمديد, و الصبر سنة يصبر تاني تلاتة شهور المشكلة شنو!
03-18-2020, 09:02 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48756
ننتظر نتائج التحقيق ونحكم بعدها. 3 شهور أخرى ليست بعيدة. أرجو الرجوع إلى مقاطع الفيديو الموجودة في البوست دا: كباية شاي مع نبيل أديبكباية شاي مع نبيل أديب
Quote: سلامات يا محمد البشرى وشكرا لك لوضع الشريحة وقد كانت مفيدة جدا لي، خاصة ما جاء في الموضع 40:17 وما بعده عن الفرق بين قانون ويستفاليا الذي يعطي الدول حق السيادة وبين القانون الإنساني الدولي الذي يعطي المجتمع الدولي حق حماية الشعب إذا تعرض لعدوان بواسطة دولته. في القانون الإنساني الدولي الحماية للشعب وليس للدولة.
03-18-2020, 09:34 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: توضيح من (نبيل أديب) بخصوص نتائج التحقيق في مجزرة الـ 29 من رمضان.
(لم يحدث تأجيل من الأساس لأننا لم نعلن أننا سنعلن نتيجة التقرير غدا .. هذا إعلان صادر من دجاج إليكتروني بغرض التشويش على اللجنة. بالنسبة للجنة فإن التحقيق ما زال يسير على قدم وساق ، وقد سمعت بالفعل عدد كبير من الشهادات وهي الآن تقوم بتحليلها .. كذلك طلبت اللجنة معلومة من المعلومات والمستندات من جهات رسمية وحصلت على أغلبها ومازالت تتابع الجهات المسؤولة الحصول على الباقي، كما أنها تقوم بتحليل ما حصلت عليه من معلومات بغرض تحديد إعلان عدد من الأشخاص ظهر للجنة أنهم على علم بمعلومات ترغب اللجنة في الحصول عليها بالإضافة لأنها بصدد تحديد الخبراء الذين تقرر الاستعانة بهم للتوصل للقيمة الاثباتية للمستندات المسجلة بالصورة أو الصوت، وللوصول لذلك لا بد من مراجعة المعامل الجنائية ذات السمعة العالمية .. كل ما يجري الآن هو محاولة لعرقلة عمل اللجنة بغرض إجبارها على كلفتة التقرير حتى تقدم قضية جنائية متهافتة لا تكشف عن ماتم ويتم شطبها من جلسة المحكمة الأولى، هذا هو الهدف الذي يسعى له الذين رفضهم الشعب).
لا اتفق معه في تجيير كل الحراك لمن يريدون افساد القضية, نعم قد يكون بعضهم يصيد في الماء العكر لكن الأغلبية شباب متحمس و ثوري و هم ايضا اعيب عليهم تخوين الاستاذ نبيل و افتراض سوء نيته نحتاج لتعود الثقة و الوحدة بيننا كما كانت ايام الثورة الأولى
03-18-2020, 01:01 PM
محمد قسم الله محمد محمد قسم الله محمد
تاريخ التسجيل: 06-13-2011
مجموع المشاركات: 2784
Quote: مسالة التمديد دي مضمنة في القرار من أول يوم و الناس عارفنها طيب الاحتجاج على شنو! و طالما الناس كلها عارفة المجرمين طيب مطالبين بتحقيق ليه من الاساس! عملت لجنة تحقيق قانوينة خلاص خليها تشتغل ما تاكل راسها في الطالعة و النازلة وتطالبها بنتيجة معينة توافق رغبتك! لجنة التحقيق لم تمنع اي مطالب بحق او صاحب اتهام من اتباع السبل القانونية في مواصلة قضيته او متابعة بلاغه ولم تخالف المانديت في قرار تكوينها بطلب التمديد, و الصبر سنة يصبر تاني تلاتة شهور المشكلة شنو!
الثوار ما طالبوا بلجنة تحقيق يا ودالبشري بل طالبوا بمحاكمات طوالي بعد الاعترافات. اللجنة دي جابتها الوثيقة اولا. اللجنة القانونية عمرها الليلة خمسة شهور ومافي نتائج واضحة لعملها ودا اللي خل الشارع يتململ. مش مفروض تقدم كل شهر تقرير للسيد كبير الوزراء؟ يعني مددوا لنفسهم من غير طلب. صاحب الاتهام طلع امس من الوجعة وطالب يعرف وين وصلت (التحقيقات دي). اما الصبر سنة يصبر تاني ثلاثة شهور دي جاوبت ليك عليه ام الشهيد والصادق سمل. روح الابن غاااااااالية.
03-18-2020, 04:18 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
ننتظر نتائج التحقيق ونحكم بعدها. 3 شهور أخرى ليست بعيدة. أرجو الرجوع إلى مقاطع الفيديو الموجودة في البوست دا: كباية شاي مع نبيل أديبكباية شاي مع نبيل أديب
يا دكتور اللجنة دي تم تشكيلها قبل خمسة شهور.. يعني تمت ثلاثة شهور وزيادة شهرين. يا نعرف متين بدات عملها عشان نمسك ليهم زمن ما يمسكو بينا او حسب حسابنا مفروض يقدموا لينا حاجة نعرف انهم فعلا شغالين.
03-18-2020, 04:36 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: كل ما يجري الآن هو محاولة لعرقلة عمل اللجنة بغرض إجبارها على كلفتة التقرير حتى تقدم قضية جنائية متهافتة لا تكشف عن ماتم ويتم شطبها من جلسة المحكمة الأولى، هذا هو الهدف الذي يسعى له الذين رفضهم الشعب).
في البداية عاوزين نعرف انه دي لجنة تحقيق في (منو فض الاعتصام) ولة لجنة تحقيق في (كيف فض الاعتصام)؟؟ لانه يفرق كثير. التحقيق في منو فض الاعتصام الياته القانونية تختلف تماما عن آليات كيف فض الاعتصام. نبيل اديب بتكلم عن محاكم هنا!!
03-18-2020, 04:40 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: الثوار ما طالبوا بلجنة تحقيق يا ودالبشري بل طالبوا بمحاكمات طوالي بعد الاعترافات
كيف في رأيك كانت ستتم المحاكمات دي و منو هم المتهمين الاعترفوا ديل؟ ووينها الاعترافات و عليك النبي ما تجيب لي تسجيل كباشي البقول فيه حدس ما حدس لأنه دا قاضي تحت التمرين - لو كان في حاجة زي دي - حيشطب القضية قبل اول جلسة زاتو!
بالنسبة لامد اللجنة تقول كملت خمسة شهور في هذه النقطة يقول اديب - في واحد من حواراته ولقاءاته الكتيرة ما مذكر ياتو - ان الثلاث اشهر الاولى تنتهي في مارس هو يحسب من لحظة توفير المقر و المعينات الواردة في القرار كإلتزام على الدولة!
اختصاصات ومهام اللجنة حسب القرار
Quote: مهام واختصاصات اللجنة في التحقيق بغرض تحديد الأشخاص المسؤولين عن فض الاعتصام بالتحريض أو المشاركة أو الاتفاق الجنائي أو ارتكاب أي انتهاكات أخرى، وتكليفها بتحديد وحصر عدد الضحايا من الشهداء والمصابين والجرحى والمفقودين، وقيمة الخسائر المالية والجهات والأشخاص المتضررين من ذلك.
بالتالي واضح ان الحديث عن "من" فض الاعتصام في المقام الأول و بديهي ان التحقيق ومجرياته ستتعرض للكيفية
بالنسبة للتقرير الشهري فدا حسب القرار لرئيس الوزراء وليس للاعلام فلا احد يمكنه غير حمدوك والمسؤولين يمكنه السؤال عنه
نحترم و نحس بألم ذوي الشهداء لكن هذه هي الوسيلة التي اختارها ابناؤهم بل و الثورة كلها طريقا و شعارات السلمية والقانون و العدالة ولا توجد اي وسيلة لتحقيقها العدالة لإبنائهم سواها.
03-19-2020, 03:34 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: كيف في رأيك كانت ستتم المحاكمات دي و منو هم المتهمين الاعترفوا ديل؟ ووينها الاعترافات و عليك النبي ما تجيب لي تسجيل كباشي البقول فيه حدس ما حدس لأنه دا قاضي تحت التمرين - لو كان في حاجة زي دي - حيشطب القضية قبل اول جلسة زاتو!
امرك غريب جدا.. كيف اعتراف الكباشي والبرهان مافي قاضي او محكمة ح تعترف بيهم؟ آخذ في الاعتبار انه الفيديوهات و الشهود تأكد انّ من قام بفض الاعتصام هم الاجهزة الامنية اللي علي راسها البرهان والكباشي. عاوز ادلة كيف انت؟
Quote: بالتالي واضح ان الحديث عن "من" فض الاعتصام في المقام الأول و بديهي ان التحقيق ومجرياته ستتعرض للكيفية
تتعرض علي (الكيفية) لكن دا ما إختصاص السيد اديب عشان يكلمنا عن ادلة هو مضيع زمن في تجميعها. لا عنده الصلاحيات زي (اجهزة الدولة المعنية) ولا عنده الرجال (كولهم 7 في اللجنة). أديب مهمته فقط (من فض الاعتصام). طبعا متوقع منه لانه وزير الماليه في المطار مع اجهزة الامن اللي قبضت الكوكايين ووزيرة الرياضة بتكلمنا في (لايفاتها) عن كرونا ووزير التجارية حايم مع العسكر يفتش محجر. وكبيرهم ما معروف زااتو وين.
Quote: بالنسبة للتقرير الشهري فدا حسب القرار لرئيس الوزراء وليس للاعلام فلا احد يمكنه غير حمدوك والمسؤولين يمكنه السؤال عنه
والباشا دا كم لجنة كونها لحدي هسي (تقسي) الحقائق؟؟ ما فاضي زااتو ووزراءه لا شغل لا مشغلة.
Quote: نحترم و نحس بألم ذوي الشهداء لكن هذه هي الوسيلة التي اختارها ابناؤهم بل و الثورة كلها طريقا و شعارات السلمية والقانون و العدالة ولا توجد اي وسيلة لتحقيقها العدالة لإبنائهم سواها.
الاحساس حاجة يا ودالبشري والمطالبة حاجة تانية. ابناءهم اختاروا كدا في ذمتك؟؟؟ ابناءهم اختاروا ابسط شئ المدنية اللي رئيس وزراءنا بذكرنا يوميا بالعسكر ودورهم في الثورة. ابناءهم ما اختاروا يموتوا للقرف حميدتي الامر الناهي. ابناءهم لو كانوا عارفين كدا كان انتظروا برضو (البشير) ولجنته الامنية اللي لسه حاكمانا لحدي الليلة. طلس نخلو يا محمد..
03-19-2020, 07:03 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
خليه كلامي يا ريت يجينا مولانا الملك أو كبر أو اي من الزملاء القانونين يدلي برأي في الحتة دي, الطريقة الببعمل بيها النظام القضائي ليست كقضاء الاسافير و الواتساب, الاعتراف الراسه عديل دا لو المتهم نكرو في المحكمة او قال انو اجبر عليه او في ظروف تعذيب او خوف مثلا ممكن لايؤخذ به.
Quote: تتعرض علي (الكيفية) لكن دا ما إختصاص السيد اديب عشان يكلمنا عن ادلة هو مضيع زمن في تجميعها. لا عنده الصلاحيات زي (اجهزة الدولة المعنية) ولا عنده الرجال (كولهم 7 في اللجنة). أديب مهمته فقط (من فض الاعتصام). طبعا متوقع منه لانه وزير الماليه في المطار مع اجهزة الامن اللي قبضت الكوكايين ووزيرة الرياضة بتكلمنا في (لايفاتها) عن كرونا ووزير التجارية حايم مع العسكر يفتش محجر. وكبيرهم ما معروف زااتو وين.
ما عارف اقول ليك شنو! غايتو بصفة عامة الافضل ترك الخبز لخبازه بدل نوريه شغله و نحن عير متخصصين او دارسين الموضوع
Quote: والباشا دا كم لجنة كونها لحدي هسي (تقسي) الحقائق؟؟ ما فاضي زااتو ووزراءه لا شغل لا مشغلة.
كون لجان كثيرة حتى الان لا استطيع حصرها, كوه فاضي ولاشغل ولا مشغلة لا تعليق عليها, لكن ما علاقة كلامك دا بسؤالك الاساسي و اجابتي عليه عن التقارير الشهرية المفروض يرفعها, نعم للرأي العام قوة وحق في المعرفة لكن كمان ما لدرجة يتابع تقارير شهرية مفروض ترفع لرئيس الوزراء
Quote: ابناءهم اختاروا كدا في ذمتك؟؟؟
كل من شارك في الثورة و انت نفسك اختار السلمية منهاجا و صدح بالعدالة شعارا العدالة التي تعمي سيادة القانون و تطبيقه و الصبر عليه, لجنة التحقيق للوصول للحقائق ثم المطالبة بتطبيق القانون هو الوسيلة الوحيدة التي تتسق و نهج وشعار الثورة غير كدا الطرق الأخرى متاحة ومعلوم بتأدي لوين
03-18-2020, 07:56 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
القول ما قالته أم الشهيد كشة .. ان كانت أم الشهيد غير صادقة في حدسها وكلامها .. فحدث من سيكون صادقا وكلام من سيقنعنا .. بان الثورة لم يتم اختطافها وسرقتها وتسلق ظهر الثوار .. هذه الأم أجهزت على نبيل أديب ولجنته .. وكل قوى الحرية والتغيير وتجمع المهنيين .. وحكومة حمدوك ووزراءها .. هذه الأم قالت كل مانريد قوله وما نحسه من ألم وحسرة وخزلان .. لا تنتظروا حقيقة من لجنة تعمل في ظل نظام لا يعبأ بالمواطنين .. فضلا عن حق شهداء كانوا وقود لثورة أجلستهم على الكراسي ..
حكومة حمدوك ضعيفة وهزيلة ولاتعبر عن الثورة والثوار .. لامن تقدر ترفع وجهها وتفرض هيبة الثورة وتخلي الخوف .. من العسكر وتزهد في حكم بائس هذا هو وضعه .. ديك الساعة يكون ليهم عندنا حق أن ندافع عنهم .. أما في ظل بؤسهم وخنوعهم وخوارهم هذا .. عندهم عندنا كلمة واحدة بس ..
تبا لهم ...
03-18-2020, 08:12 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
شايف فى الوسائط الليله انو قال انو بيصرف على اللجنه من جيبو الكلام دا لو صحى تبقى فعلا مشكله وانو اللجنه مجرد حاجه اى كلام ومافى جهه رسميه مههتمه بانهاتصدر تقريرها
03-19-2020, 03:49 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: حكومة حمدوك ضعيفة وهزيلة ولاتعبر عن الثورة والثوار .. لامن تقدر ترفع وجهها وتفرض هيبة الثورة وتخلي الخوف .. من العسكر وتزهد في حكم بائس هذا هو وضعه .. ديك الساعة يكون ليهم عندنا حق أن ندافع عنهم .. أما في ظل بؤسهم وخنوعهم وخوارهم هذا .. عندهم عندنا كلمة واحدة بس ..
يخلي الخوف كيف وهو واقع في حضن العسكر والمحور حقهم. عنده سلطات رئيس جمهوريه استفاد بس من السلطات دي في (الطائرة) البسافر بيها سياحة.
03-19-2020, 03:57 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: شايف فى الوسائط الليله انو قال انو بيصرف على اللجنه من جيبو الكلام دا لو صحى تبقى فعلا مشكله وانو اللجنه مجرد حاجه اى كلام ومافى جهه رسميه مههتمه بانهاتصدر تقريرها
دا خبر كويس والله. علي الاقل ما قاعد يصرف عليهم حميدتي خاااااصة وانه قد تم تبرأته من قوي الحرية وممثلها ابراهيم الشيخ من فض الاعتصام ورماها في جهاز الامن. يطالبنا بعدين نعمل شير ندفع ليه بس الاهم ينجز.
03-19-2020, 04:56 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
Asim Ali
Arif Nashed
محمد البشرى الخضر
Yasir Elsharif
محمد قسم الله محمد
جمال ود القوز
HAIDER ALZAIN
فيس بوك
تويتر
انستقرام
يوتيوب
بنتيريست