|
Re: لا تحاربوا رجال الأعمال هؤلاء (Re: جلالدونا)
|
Quote: ههههههههه اللهم لا نسألك رد القضاء لكن نسألك اللطف فيه |
جلالدونا.. مرحب بيك
ما فى أى تصريحات أو أقول إضافية ممكن تكرمنا بيها ياخ.. انت فى امريكا و اكيد سمعت بحاجة اسمها حرية الرأى.
.
| |
|
|
|
|
|
|
Re: لا تحاربوا رجال الأعمال هؤلاء (Re: بدر الدين الأمير)
|
يا ابو الريش اسامة داؤود و ناس البرير عندهم قروش من قبل الانقاذ تجي و زيد عليهم ناس ابراهيم مالك و النفيدي و ود الجبل وووووووو كتار و بكدا شوية كلامك يكون مقبول و يمكن مناقشته
لكن مأمون حميدة دا كان عندو شنو قبل الانقاذ عشان تختو مع ديل دا مفروض يتصلب في ميدان عام
| |
|
|
|
|
|
|
Re: لا تحاربوا رجال الأعمال هؤلاء (Re: Abureesh)
|
Quote: دا بدل تقول يقام عليهم حد السرقة ياخى بطريقتك دى حاتمندم الواحد انو مابقى كوز غير انك انتهيت من الثورة |
يا مولانا شيخ بدر الدين، حد السرقة لا يقام على السرقة من مال عام. بعدين لجنة التفكيك قاعدة تعمل شنو غير استرداد المال العام؟ و هل أنا قلت غير ذلك.. المال الذى حصلوا عليه بأساليب فاسدة (المبلغ الأصلى) يرجع على دائرة المليم (ارجع لكلامى فوق) و لكن ما اقوله هو عدم مصادرة المصانع التى تعمل بنجاح لأنه لا اللجنة و لا الحكومة سوف تستطيع تشغيلها.. وسوف يخسر الإقتصاد السودانى. و تنهار المصانع مثلما حدث بعد تأميم النميرى للبنوك و المؤسسات فى عام 1969-1970 لو نحن أدينا الأولوية للأيديولوجيا على الإقتصاد الرماد كال حماد.
| |
|
|
|
|
|
|
Re: لا تحاربوا رجال الأعمال هؤلاء (Re: Abureesh)
|
الخ معاوية أعلم ناس إبراهيم مالك عملوا قروشهم بعرق جبينهم من زمن كانوا فى كوستى.. و ليس بالسمسرة و فساد الإنقاذ.. و كذلك بمن ذكرتهم أنت. و لكن أين ناس ابراهيم مالك و على دنقلا و حجار...الخ حاربتهم الإنقاذ و أفلسوهم و معهم مئات الرأسماليين الشرفاء الذين أوقعوهم فى شراك الشيكان و قادوهم للسجون..
| |
|
|
|
|
|
|
Re: لا تحاربوا رجال الأعمال هؤلاء (Re: Abureesh)
|
Quote: و لكن أين ناس ابراهيم مالك و على دنقلا و حجار...الخ |
لا اعلم عن علي دنقلا وحجار .. الخ, لكن ابراهيم مالك ماشاء الله اعماله في زيادة وتطور, مجموعة أراك بعد البيبسي اضافت كريستال وعمل مصنع تعبئة في مدني ومجمع آخر في جنوب الخرطوم أكبر من مجمع بحري, واضاف ويتا (إعتقد الثانية في الحجم بعد سيقا) و عندهم مجمع فلل الأراك الفاخرة في سوبا و غيرها من المشارع
لكن يا ابو الريش انت لم تجب عن سؤال معاوية, ماذا لديك من مآخذ على مجموعة البرير و مجموعة دال لتضعهم في نفس المقارنة مع مامون حميدة وهم اصحاب مال و اعمال من قبل الانقاذ بكثير
| |
|
|
|
|
|
|
Re: لا تحاربوا رجال الأعمال هؤلاء (Re: Abureesh)
|
وين بووست العار بتاع "عاش الطرمبة"؟
جريت لي بكري وتوسلتا اليه، عشا ييسحبو؟
الطريف جدا،، وكت ييهفا ليهو يروح مركب، مكنة جمهوري، وهو انقاذي!
الانقاذي عندنا، اخير منو الكوز!
االانقاذي،، زول منفعة صر، اما الكوز فديماغوغ!
فقط تاملو هذا البوست!!!
| |
|
|
|
|
|
|
Re: لا تحاربوا رجال الأعمال هؤلاء (Re: Bashasha)
|
قال رجال اعمال قال، بكل بساطة!!
كيف اذا الاخرين او بالملايين فقدو حياتم، كيف اللي كوش عليي اموال، اليتاما، الغلاابا، المهمشين، في نظام فاسد، فاسق او قبلها مجرم، كيف تقول عليهو رجل اعمال؟
ناس تموت تحت التعذيب، فقط عشان عبرو عن رايم، واخرين حولو كل هذا الي ثروة،، شغل فسدة، فسغة، تقول عليهم رجال اعمال؟
ماهذا، يا جمهوريين؟
| |
|
|
|
|
|
|
Re: لا تحاربوا رجال الأعمال هؤلاء (Re: Bashasha)
|
Quote: وين بووست العار بتاع "عاش الطرمبة"؟ جريت لي بكري وتوسلتا اليه، عشا ييسحبو؟ الطريف جدا،، وكت ييهفا ليهو يروح مركب، مكنة جمهوري، وهو انقاذي! الانقاذي عندنا، اخير منو الكوز! االانقاذي،، زول منفعة صر، اما الكوز فديماغوغ! فقط تاملو هذا البوست!!! |
طيب تأملوا هذه المداخلة.. هل فيها أى نوع من نقاش موضوعى أو منطقى؟
طيب يا بشاشا أنا زاتى سأرد عليك بنفس عدم منطقك دا.. ما أديتنا فرصة تانية..
نبدأ بعمتك اللابسها دى أول.. و هى عشان تغطى بيها جمجمة ما فيها أكتر من خليتين مخ. لكن لو إستشرتنا كان أديناك معلومات تساعدك.. و العلوم الطبية الحديثة فيها حل سريع.. هو أن تحقن هذه الجمجمة بالخلايا الجزعية، فتتحول الى خلايا مخ جديدة و تملا فراغ الجمجمة و لا تحتاج الى عمة تانى. و بعد ستة شهور ستبدأ تكتب كلام رصين يقدره كل من قرأه حتى لو إختلف معه.. و لن يتأذى منك أحد بالسخرية و السخف و الكلام الما عنده معنى.
يللا أجرى على الجمهوريين اشتكى. و الكل متابع ترصدك لى و استفزازك المتكرر.. لكن تانى مافى حدود.. و مستعد أنزل معاك سوق الحمير.
.
| |
|
|
|
|
|
|
Re: لا تحاربوا رجال الأعمال هؤلاء (Re: Abureesh)
|
جاوب علي اسئلتنا نحن الاغبياء يا ابو مخ:
كيف من اغتني ليلا في ظل نظام فاسد فاسق أو مجرم يكون رجل اعمال ايها الانغاذي ولا لحقت نسيت؟
هل صدفة كلام زي ده يصدر عن انغاذي أو برضو جمهوري!
قال كان صابيها قال الانغاذي! ماعندو قشة مرة تب! موضوعو كلو شغل عض! قال عاش الطرمبة أو من دون مايرمش حتي!
| |
|
|
|
|
|
|
Re: لا تحاربوا رجال الأعمال هؤلاء (Re: Bashasha)
|
يا زول قوم إتلم..
عارف لما الزول يتكلم و هو رافع نخرتو فوووووق معناه فاضى ما عنده شئ.. عاوز يغتى بالكبرياء الفارغ و الإستخفاف بالناس و السخرية منهم. لما تحترم نفسك و تتكلم زى ما قاعدين نتكلم معاك بإحترام بعدين نرد عليك..
بالمناسبة أنا كتبت للأخ بكرى عن بوست أمريكا و ترمب، و رد على إيميل مشكور، قال حصلت مشكلة فى السيرفا و لكن ممكن أكتب البوست تانى. شكرته لأنى لم أحتفظ بنسخة فى المبيوتر. التوضيح دا للزملاء و زوار المنبر.. أنت حتى تغير اسلوبك المتعالى فى الفارغة لا تستحق الرد.
| |
|
|
|
|
|
|
|