|
Re: دي أجمل شاعرة سودانية ويجوز تكون أجمل شاب� (Re: ترهاقا)
|
الموسيقار الكبير ترهاقا سلامات . ملاحظاتك مهمة ومحتاجة التفات. وانت الناظر بعين الفنان. نعم ظهرت مواهب عديدة. وفي جميع المجالات وخاصة في فن التصوير والإعلان. أصبح في إبداع في فنون الدعاية والإعلان. نفس الشيء في الشعر. والرسم . المحبط في السودان هو مجال الرياضة .الرياضة ماشة داون بصورة مخيفة . السبب شنو يا ترهاقا ؟
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: محمد عبد الله الحسين)
|
Quote: المحبط في السودان هو مجال الرياضة .الرياضة ماشة داون بصورة مخيفة . السبب شنو يا ترهاقا ؟ |
أديبنا عثمان الذواق تحياتي 1- سقف طموح اللاعب السوداني اللعب في الهلال أو المريخ 2 - إنعدام العلاقة بين المدرب وخططه واللاعب بعد دخول اللاعب إلى الميدان 3- عدم تدريب اللاعب السوداني على الاستلام الصحيح للكورة وكذلك التمرير الصحيح 4- عدم الاعتماد على اللعب الجماعي والاعتماد على المجهود الفردي 5- عدم تقييم الموقف والاعتماد على خطط لا تتناسب (الخطة الدفاعية مثالا وهي الهزيمة بعينها) 6- عدم دراسة خطط الخصم ونقاط الضعف والقوة 7- عدم الالتزام بقوانين صارمة في معسكر الفريق من منع السهر والمشروبات الكحولية والتدخين 8- الاعتماد على اسماء معينة من اللاعبين في تمثيل الفريق بصرف النظر عن استعداده البدني 9- تدخل من ليس له علاقة بالتدريب في مهام المدرب 10- انعدام الوطنية والقلب الحار في كثير من اللاعبين وعدم معرفتهم لدورهم الوطني اللاعبين دييل ما عارفين إنو الهزيمة من خصم أجنبي بيطلع دين أم اربعين مليون سوداني
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: ترهاقا)
|
الموسيقار الكبير ترهاقا سلام الاحباط الجوانا كتير في زمن البرهان و 9 طويلة وسرقة الوطن. لكن الحمد لله اهو كل مره بتطلع زي بنتنا الشاعرة الفرهيدة دي ف تقوم تمسح منك رماد الاحباط والدبرسة. لاحظ فلاحة وحضور الشابة الشاعرة . البنية زي الفيها دم حضرمي. لابد انو حبوبتها جات من مدينة المكلاء اليمنية. بنات المكلاء كلهن بكونن بي زي دي الزينة. لاحظ في الدقيقة 4 لحظة بتقول انتف رموشي. سلامة رموشك يا احلي صبية في العالم .
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: ترهاقا)
|
الأخ الموسيقار الكبير ترهاقا سلام مع الإفطار طوالي كانت شغالة كورة ليفربول والارسنال انتهت قبل شوية وحتي ما خلتنا نتابع برنامج اغاني وأغاني. متعة عجيبة وانت بتشاهد فيها كانو فاينال كأس العالم . الكورة أصبحت علم . فرق كبير بيناتنا في الكورة. زي الفرق بين عمر البشير وهينري كيسنجر في السياسة . الشغلة محتاجة لك ومط وعجن من جديد . غايتو البركة في بنيتنا الشاعرة دي الشغالة تخفيف في ورم كجار ناس براهينو .
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: دفع الله ود الأصيل)
|
استاذ ود الأصيل السلامات ربط ربط عمك قال : ( وحاكي الطرفة في نص الخريف بكاي ) ما انو عمك ما اسعفو الزمن يحضر مهرجانات أفنان . دا شعر مارق يشع من صبينة الصبية وكبسيبة رموشها العجيبة . عليك الله اسمعها . أو اشرب من دا الكلام. تحياتي. قلت لي سايق البص السريع عمك مضروب الكوريلا اخرو لمان نقرلو بالريال لزوم الزنقة.
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: Osman Musa)
|
Quote: المهندس محمد عثمان ؟ معقولة ؟ سلامات يا زول يا مستودع البهجة. البركة فيكم في الاموات. قدور والقدال وخطاب لهم جميعا الرحمة . وما شفتك في عزاء والدة اخينا بكرى لها الرحمة اخبارك . |
سلاام كتير
والله اياام يا زمان و البركه فينا و فيكم في كل الاموات...لهم الرحمه و المغفره
والده اخينا بكري لها المغفره و الرحمه...كنت خارج السودان ايام العزاء
يديك العافيه يا حبيب
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: دفع الله ود الأصيل)
|
حكيتها يا اخ عثمان والاخ ود الاصيل في مقالات لي عن كتاب تاريخ حياتي بابكر بدري والقصة باختصار انو بابكر بدري تعلق كثيرا بالبقيع التي تزوجها وكانت معهم في حملة ود النجومي لفتح مصر وكان في الحملة ام البقيع وابنائها وكذلك ام بابكر بدري وفي الطريق لتوشكي طلبت ام البيقيع من ابنائها ابلاغ بابكر بامرين اما ان يترك تعلقه بامه وخدمته لها او يترك البقيع بالطلاق فاختار الاخيرة انتهت المعركة وكان هو البقيع واخوتها من الاسرى ومن الطريف ان الزبير باشا تزوج بالبقيع وعندما زاره بابكر بدري في قصره بالقاهرة (اي الزبير باشا) فسر الزبير ان زيارة بابكر هي البقيع وليس له فقام بتطليقها له وباختصار توصل ام البقيع حسب روايته مع باتبافاق معه وهو رجاعهم امدرمان على ظهر بعير وهناك سوف تعاد له البقيع وكان يقود بعير البقيع من القاهرة حتى دنقلا كل هذا مقدمة لما ساقوله لاحقاً في احدى سنوات موسم القبول بالجامعات كنت بمكتب بروف قاسم بدري مدير جامعة الاحفاد واتت امرأة هي اقرب ان تكون شابة ولكنها ام برفقة زوجها وبنتها التي تريد تسجيلها بالجامعة ومن حديثها عرفت انهم مغتربين بالامارات فقدمت نفسها قائلة لبروف قاسم: انا حبوبتي البقيع فقاطعها بروف قاسم قائلاً: عشان كدا جدي كان ممكن يودي حبوتك دي جوبا بالناقة وما اظن اي من في مكتب البروف فهم رمزيته غيري فقد كانت حفيدة البقيع رقم تقدم سنها تقول لشاعرتنا هذه انتي وين مننا
فالجمال احيانا يجعل الانسان عبدا فهنئا لشاعرتنا هبة الله عليها جمالا في السمت زاده الله هيبة بجمال في الشعر هذا ان كففتُ بصرك عن الشعر وارهفت اذنك للشعر وهنا ينطق قلب المؤمن بالآية: ﴿ هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِن دُونِهِ ۚ﴾
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: دفع الله ود الأصيل)
|
هاك دي يا ود الاصيل بس بعد ما تسلم لي على عليش عبدالحافظ وود الامير نقدا لله ادناه مقدمة لمقالي الذي اشرت اليه اعلاه ومن اراد التفصيل فاليه الرابط
Quote: اريخ حياتي لبابكر بدري: الإمتاع والمؤانسة .... بقلم: علي يس الكنزي سودانيلنشر في سودانيل يوم 19 - 07 - 201 6-9 إن أمر البقيع لعجبا؟! البقيع امرأة خاصة: قلنا في مقالنا السابق أن شيخنا بابكر تزوج من النساء ست، ولكن أكثرهن حظوة في قلبه البقيع (بت عثمان) التي تزوجها في يونيو 1887 أثناء حملة ود النجومي لفتح مصر. وللبقيع قصة تستحق الذكر من دون سائر نسائه، فشيخنا تعلق بها تعلقاً لم يكن لنسائه الأخريات حظ مثله. مما يجعل من البقيع هذه امرأة خاصة، ذات سحر ودلال وجمال جعل شيخنا مفتوناً بها. إلا أن للبقيع أم كثيرة الشكوى (نسيبة نقاقة)، تطورت هذه (النقة) إلى أن خيرت شيخنا يوماً بين أمرين، أحلاهما مر. إما أن يترك عائلته ومن فيها (أمه) ويتفرغ (لبنتها)، أو أن يفارق البقيع! جاءه أخوة البقيع يهرعون، ودخلوا عليه ووجدوه واضعاً رأسه على حجر أختهم، وابلغوه بخيار أمهم، والحوا عليه بأن يطلق البقيع إرضاءً لها، ووعدوه بأنهم لن يزوجها لأحد غيره، وستعود إليه ريثما ترضى أمهم. فما كان من شيخنا إلا أن ينحاز لأمة بسجيته، ورفع رأسه من حجر أختهم ونطق بالطلاق، فبكت البقيع بدموع عينيها كما يصف شيخنا، وبكى هو بدموع قلبه المفتون بها. وتفارق الزوجان بعد أن عاشا لعامين في حب ووئام سنرى كيف تطورت أحداثه. وطفق شيخنا يعزي نفسه ببيت شعر مشهور كثيراً ما جرى على لسانه: فأي امرئ ساوى أم حليلة فما عاش إلا في شقاً وهوان، |
ومن اراد ان يستزيد فعليه بالرابط ادناه : https://www.sudaress.com/sudanile/17089https://www.sudaress.com/sudanile/17089
| |
|
|
|
|
|
|
Re: دي أجمل شاعرة سودانية ويجوز تكون أجمل شاب� (Re: دفع الله ود الأصيل)
|
يا استاذ ود الأصيل سلامات دايرك تفنجل عيونك وترخي اضانك وتتفن في الواطة وتستمع وتعاين ليها. هي قالت كسلاوية وتسكن الخرطوم. لكن يا ود الأصيل انا ظنيتها من أصول يمنية اليمنيين من افن شعوب الدنيا. في الشعر والغناء ونحت الحجر . احلف عليها الدم اليماني الحريم في خدودها يوريك أصلها وفصلها في حياتي قابلته زيها كتيرات بس دي فاتتهم. بلاي ارجع للحتة البترول فيها انتف رموشي. ياخ سلامتك. ياخ خلي جدك زول البص السريع الينتف رموشو.
| |
|
|
|
|
|
|
|