ما عاوز أقول ليك رسلت ليك أجمل خطاب ولليلة ردك ما وصل زعلانة ولا شنو الحصل الماسنجر هو أحد كرامات مواقع النقاش الجادة فأحياناً لما تكون بتقدر زول أو حتى ما بتقدره وعاوز تقول ليه حاجة قد ما يكون مناسب تقولها على الملأ أو عاوز ما تحرج زول ومهم تلفت نظره أو نظرها لحاجة مهمة بيكون الماسنجر أفضل خيار لكن الماسنجر دا مفروض ما يكون إتجاه واحد يعني لو وصلتك رسالة وإقتنعت بالفيها أو إتفقت مع مرسل كلمة شكراً مهمة جداً لأنها على الأقل بتقول للمرسل نحن مقدرين إهتمامك وكلمة معذرة أو شكراً لكن لا أشاركك الرأي أو أي حاجة توضح إنك قريت الرسالة لكن لا تتفق مع ما فيها دي أقل حاجة إنسانية الواحد يعملها أما لما ترسل رسالة تظن إنها مهمة وما يترد ليك عليها أبداً فما ظريفة هل يا أخواننا في مشكلة في الماسنجر بمعنى إنه بعد ما يأكد ليك إنه الرسالة أرسلت ممكن ما تصل للشخص المعني؟ وهل تتفقون معي بأن عدم الرد على الرسالة (لو كانت محترمة ومنضبطة) فيه نوع من الإستخفاف بالناس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة