|
Re: رسالة لجنة مقاومة جنوب الحزام للمخذلّين (Re: محمد البشرى الخضر)
|
Quote: زعلان وانت شايف الكيزان رتبو نفسهم وبقوا يطلعوا مسيرات وعايزين اعتصام؟ كنت فرحان وانت شايف نفسك الثائر الوحيد وشغال تخون في رفاق نضالك الصمدو 30 سنة لا اغرتهم مناصب ولا اشتروهم بقروش ولا كسرتهم معتقلات وتعذيب؟ مشيت ورا خط الكيزان والامنجية وهم بكسروا في تجمع المهنيين ولجان المقاومة والحرية والتغيير وشابكنهم قحاته ،قحاطة، بقر حول حمدوك، عمبلوك، فشلوك، السكران عدو الدين. ما خطر على بالك انو الحريه والتغيير الشابكهم قحاطه ديل ياهم لجنة اطباء السودان جيشنا الابيض وشبكة الصحفيين ولجنة المعلمين ولجنة الصيادلة والمختبرات والمهندسين والمصرفيين واحزاب وطنية ومنظمات مجتمع مدني ..الخ يطلع ليك كوز مستتر لايف يشبكك ما دايرين احزاب وهو تربية حركة اسلامية على اساس انها كانت رابطة معجبي الفنان عمر البشير عايز تنجز اهداف ثورتك بالتشكيك والتخوين والهدم لكل ثائر لانو اختلف معاك في وجه نظر ولا فكرة ولا خط سياسي؟ عايز تفصل لجان المقاومة من تجمع المهنيين من الحريه والتغيير وتكسر المدنيين وتقوي العسكر عشان يحققوا اهداف الثورة ويجيبوا حق الشهداء؟ في مسيرات الزواحف دي سمعت بي كوز بهتف بسقوط برهان ولا حميدتي ولا مشكلتهم حمدوك والحريه والتغيير (القحاتة)؟ عايز تنتصر ببث الاحباط وروح اليأس في ثورة شبابها فيهم الكان بضحك وتاتشرات كلاب الامن وبكاسي كلاب المؤتمر الوطني مطارداه وفيهم الثائر الاستشهد عاصر على جرحه ومبتسم زي الشهيد عمر عثمان؟ كنت متخيل انو حزب عقائدي حاكم 30 سنة مسيطر على مفاصل الامن والاقتصاد والاعلام في البلد ولسه مسيطر على كل ولاية وكل محلية حا يتخفي من الوجود بمجرد سقوط رئيسة وحكومته الاتحادية؟ ما عارف الكيزان مسيطرين الولايات والمحليات وبتمول فيهم حتى الان ليه؟ كنت متخيل حكومة بي امكانية معارضة حا تنجح في شهور تسيطر على البلد وتنضفها من الكيزان البعارضو فيها بي امكانية دولة؟ ما قدرت تفرق بين النقد البخدم الثورة والهدم والتفتيت الخدمت بيه الكيزان؟ فرحان وانت بتعلن فشل حكومة من 20 وزير وعارف انها ماشة بدون حكومات ولائية؟ ما سألت نفسك ليه فترة انتقالية 3 سنوات مقابل 30 سنة كيزان؟ الكيزان حا يتبلوا لانو دي ثورة ما لعب لكن تأكد انك كنت بتساعد فيهم لانك عايز تغير وضع 30 سنة بي 20 وزير اتحادي وفي 6 شهور بدون تحقيق سلام وتشكيل حكومات ولائية. اسهل طريقة لتفتيت الثورات استعجال تحقيق المطالب والكيزان اشتغلوا على الحته دي لانو املهم الوحيد الناس تنسى انو دي فترة انتقالية عمرها 3 سنوات مخصصة لبلهم ويحسو بالاحباط. |
| |
|
|
|
|
|
|
Re: رسالة الثوار للمخذلين (Re: محمد البشرى الخضر)
|
في 30يونيو في اسوأ كوابيس المتشائمين ماكانوا متخيلين انه الكيزان يطلعوا مسيرات في قلب الخرطوم محميين بالشرطة وبقية الاجهزة الامنية لحكومة الثورة اللي لا تمت هيكلتها او اصلاحها مع كتائب الظل اللي اغتالت الشهداء وحصدت رجال المقاومة من قدام بيوتهم. قوي الحرية والتغيير دي مش اللي قالت الاعتصام ما فضاه حميدتي ولا عنده علاقة بيه وكمان رئيس الوزراء اللي جابته وفي اكرامية ما حلم بيها فريق خلا ومليشيته انه يحضر تخريج للمليشيا دي زاااتها اللي كوولنا شفنا كيف فضت اعتصامنا واغتصبت كنداكاتنا وحرقت خيام الاعتصام!! لا وكمان يزيد كيل بعير ويختار قائد المليشيا دي زاااتها (لانقاذ) اقتصاد جابوه هو خصيييصا لاصلاحه!!!. وهياكل الثورة لسة ما أكتملت.. التشريعي والولاة المدنيين ما عارفين يعملوهم كيف لانه الكيكة قسمتها بينهم بقت مااااا بتحوق. أما الكيزان فهم اكتر ناس مبسوطين من قوي الحرية ورئيس وزراءها وجوقته الموقرين. لا حاكموهم لا جردوهم من حقوقنا لا وكمان قالوا فيهم (كويزين) اختاروهم يعملوا في الحكومة (كفاءات). أما قصة 30عام من الخراب ما حتتصلح في 6 شهور دا الحق المراد بيه باطل. مافي عاقل منتظر الاصلاح بين يوم وليلة لكن العاقل دا كان منتظر تغيير بين الليلة وضحاها علي الاقل حال الشرطة اللي لن تتواني في ضرب جيشنا الابيض ومنعه من ممارسة عملهم واعتقالهم واهانتهم ورئيس وزراءنا يشجب بس ويدين في تغريدة. اما لجنة تفكيك نظام الكيزان بتفكك في المفكوك اساسا, والمحتاج بالجد تفكيك هو عند العسكر والامن من شركات ومؤسسات (دولة جوة دولة) قروشهم اكتر من قروش حكومة ثورتنا اللي عاملة (قومة) ما معروف كانت لحمدوك ولة لحميدتي في الألية العليا لاصلاح الاقتصاد. اخيرا.. مافي دولة ح تدعمك وعسكرك مستوليين علي المشهد. مافي حكومات ح تساعد اقتصادك وفريق من الخلا قائد مليشيا قتل واغتصاب معروف علي راسه..
| |
|
|
|
|
|
|
Re: رسالة الثوار للمخذلين (Re: محمد البشرى الخضر)
|
ودالبشري كيفك.. انا مخذّل كبير واعتز..
Quote: ههه معتصم اوعى تكون اتحسست من "مخذّلين" دي |
ما اخذّل حميدتي عاد..؟ دفع ستة مليون لشركة العلاقات العامة تجمل صورته , بس زولنا (قزم الثورة) احتفل معاه بتخريج جنجويده وعمله رئيس الآلية الاقتصادية العليا ههه. عشان مؤتمر المانحين يجي يدي (أُمي) معروف عندهم بانه مجرم حرب ملايين . ههههههه. قشة ما تعتر ليكم انتو الما مخذّلين.. بعدين هو (قزم الثورة واقصر هاماتها) فضل ليه شنو بعد ما قلعوا منه كل شئ بالمصفوفة وأهدي حميدتي الباقي؟.. سفر وسياحة وسلامات وترحابات.. مش..
| |
|
|
|
|
|
|
Re: رسالة الثوار للمخذلين (Re: Mutasim Idris)
|
Quote: ما اخذّل حميدتي عاد..؟ دفع ستة مليون لشركة العلاقات العامة تجمل صورته , بس زولنا (قزم الثورة) احتفل معاه بتخريج جنجويده وعمله رئيس الآلية الاقتصادية العليا ههه. عشان مؤتمر المانحين يجي يدي (أُمي) معروف عندهم بانه مجرم حرب ملايين . ههههههه. قشة ما تعتر ليكم انتو الما مخذّلين.. بعدين هو (قزم الثورة واقصر هاماتها) فضل ليه شنو بعد ما قلعوا منه كل شئ بالمصفوفة وأهدي حميدتي الباقي؟.. سفر وسياحة وسلامات وترحابات.. مش.. |
سلام ودالبشري ومعتصم .
نحنا بطبعنا كبشر دائما مستعجليين ، وعايزين نتائج سريعه " عطفا علي العنوان قبل التعديل " . ثورتنا السودانية ، " ثورة فريدة " في نوعها ، يجلس " الضحيه والجزار " في مائدة واحدة معا . باقي الثورات . " تقوم الضحيه غالبا بقتل الجزار " . وعشان ثورتنا فريده ، سوف ننال مانبغي ، حتي لو علي مراحل . هناك رجال يعملون بجد ، وهمهم مصلحه الامة ، تركوا الغالي والنفيس ، متجردين من كل شئ " للمهمة المستحيلة " . فلندعوا لهم بالتوفيق
تحياتي ،،،
| |
|
|
|
|
|
|
|