هل هناك خلافات خفية بين البرهان وحميدتي !.

Quote: كلام غير صحيح نسبة الضباط الكيزان داخل القوات المسلحة ما أظن  يصل عددهم 3% لو كان الكيزان مهيمنين ويدهم مطلوقة في القوات المسلحة كان ما لقينا في قوات مسلحة ولا جيش متبقي. ولو الكيزان مهيمنين بالصورة التي تتخيلها أنت يا عارف لما احتاج الكيزان لتكوين الدعم السريع ومن قبله الدفاع الشعبي يا زول الكيزان لو حاولو يهظروا مع القوات المسلحة هظار بايخ كانو الجيش خلاهم يخروا في لباسن يا زول انت بتلعب وحتى قلتهم لضباط رمضان حدثت بسرعة والوكت داك كانو لسع في ضباط كبار مساندين ليهم ليس ككيزان ولكن كانوا فاكرين هذه سلطة عسكرية محضة وفي الأخير انسلخو لمن كشفوا عن كوزنتهم وبرضو الإعدامات تمت بسرعة قبل  أن يتمكن الجيش من منعها بالمناسبة هل أنت خريج كلية الفنون جامعة السودان أم خريج فنون العراق أو بلد آخر؟ عشان عايز أقول ليك كلام ذو صلة أقسم بالله العظيم أننا كنا بقيادة الفرقة الشرقية بالفاو ضيوف عليها لما كنا طلبة في كلية الفنون السنة الأولي نقضي رحلة دراسية في ولاية كسلا قبل ما تسمى ولاية في أواخر فبراير 1990م بعد شهور من الإنقلاب المشؤوم تصدق قيادة الفرقة كل ضباطها كانو ضد الكيزان وعبروا لنا عن كرههم للكيزان علناً من اللواء عبد الحي قائد الفرقة مروراً بالعقيد الذي خاطبنا هو اللواء عبد الحي قوات الشعب المسلحة لم يستطيع الكيزان تغيير شيء فيها  وقوات الدعم السريع لولا استمرار الاعتصام وما حدث من عراك مع القوات المسلحة  لما وجد الدعم السريع والسيد حميدتي كل هذه المكانة .