|
|
|
 Re: جهاز المغتربين- مشروع لنظام إلكتروني يربط (Re: Ahmed musa)
|
| Quote: يربط تحويلات المغتربين بتأشيرة الخروج |
ثم
| Quote: إعادة الثقه بين المغترب والدولة |
كيفن تجي دي !! ...
دي اسمها وضع العربة قبل الحصان
إنت في الأول ما تستعيد الثقة بينك وبين المغترب
ثم بعد داك أمش للخطوة دي
لانها خطوة ماكرة وخبيثة جدا ..
وأكيد حتزيد هوة فقدان الثقة اتساعا ..
لانك الآن جاي تتاجر بي عودة المعترب لأسرته وأهله ..
عشان تتربح من وراء ذلك بلوي الذراع ..
ودي منتهى الخباثة والوضاعة ..
مكين تيراب ده شكلو أمكر وأخبث ..
ممن اخترع هذا الجهاز الزلنطحي الحرامي ..
| |
 
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: عبدالمنعم الطيب حسن)
|
حبيبنا مكين تيراب .. كان مناضل ؟؟
هل النضال هو الوصول الى السلطة ا
اي تأشيرة خروج ؟؟
ده فات الكيزان نفسهم
على الاقل كان يسمع خطاب وزير المالية السعودي الاخير
لماذا نحن كلنا بدون استثناء وأنا كمان .. نضالنا وتمردنا وظيفي
لم أكن أتخيل حبيبنا يأتي بمثل هذه المبادرات
في وقت يعتبر فيه الاغتراب ورطة ومشكلة .. مع كورونا .. وهبوط سعر النفط
أمريكا 27 مليون عاطل .. اليوم معظم العمالة في الخليج في اجازة بدون راتب
يا ريت كل الحكومة يكونوا على خطى وزير الصحة
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: الامين موسى البشاري)
|
اول حاجة مفروض تطلع مظاهرة مليونية، رغم انف الكرونا ، للمطالبة بطرد مكين حامد من جهاز المغتربين والعاوز يربط تأشيرة الخروج بتحويلات المغتربين، ،،،قولوا ليه ياخي من مطالب الثورة والثوار إلغاء تأشيرة الخروج ....
وكمان الحالة قالوا مكين ده كان من الثوار ومن المعارضين ، طلع لينا أنه أفظع من الكيزان وجاي لتعذيب المغتربين...!!!؟؟؟؟؟
أولا جهاز المغتربين ده ذاتو مفروض يتلغي إذا كان هدفه ليس مساعدة المغتربين وتشجيعهم لتحويل العملات الصعبة عبر منحهم تخفيضات في الجمارك ..والخ..والخ....
وسمعنا أنه كان عضو هنا في المنبر العام ....إذا في زول بيعرفه..وصلوا ليه الرسالة دي ...
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: منتصر عبد الباسط)
|
| Quote: حيدر الزين تعال أقرا |
سلامات استاذنا
قبل شوية لقيت الكلام دا في ماسنجر الفيسبوك واحد بيكاويني بيهو .. قايلو بيهظر ساي..
مشيت سونا واخبار السودان لقيتهم وش
خلونا جرحنا صيامنا .. بل وكفرنا ومرقنا من الملة من صباح الرحمن
دا كلام تــافــه وحكومة أتـفه من مكوكية مكوك العنج !
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
شكرا عزبزتي اخلاص
في ناس في الحكومة دي بيفقعوا المرارة ..واولهم مكين ده الجاي ينتقم من المغتربين،،،وكانه حاقد عليهم،،
وبدل ما يطالب بالغاء تاشيرة الخروج جاي يربط تاشيرة الخروج بتحويلات العملات الصعبة من المغتربين،،
ومفروض كل المغتربين يحتجوا ويقولوا ليه "تبا لك"...لانك بقرارك هذا لن تستطيع ان تلوي ايدي المغتربين
وسوف لن يحولوا لك ولا ريال واحد،،،،وكان من الممكن ان تكسب ثقتهم وتقول للمغتربين انك سوف تسعى
لالغاء تاسيرة الخروج بس ساعدوا الوطن للنهوض من كبوته واصلاح الاقتصاد الوطني وكنت ستجد ملايبن
المغتربين والمهاجرين يقفون صفا واحدا ويحولون جميع مدخراتهم للوطن وكنت سترى ان ازمة العملات الصعبة
قد انتهت خلال عام او عامين ....ولكن تاكد انك لن تستطيع ان تلوي ايديهم وترغمهم بالقوة ....
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: امتثال عبدالله)
|
يا مكين يا سجم لو دايرنا نحول لبنك السودان اعمل لينا التالي بالتشاور مع الوزارات المختصة
1- الغي لينا تأشيرة الخروج عشان دي حركة ما حضارية و ما موجودة الا في السودان بس
2- سهل لينا الاراضي و المزارع و المصانع عشان نجي نستثمر قروشنا في السودان
3- دخل لينا عرباتنا و معدات الزراعة و الصناعة و الاستثمار بتسهيلات جمركية لانو العرب ديل ما احسن مننا
علي الاقل سنوفر وظائف للشباب و حنصدر للخارج و حنكب الارباح بالعملة الصعبة في بنك السودان
غير كدا يسمكم سنت واحد ما بندخلوا البنك وبندخل و بنمرق بجوازاتنا التانية
| |
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: امتثال عبدالله)
|
السلام عليكم
وهذا " عاهه " اخري في شكل وزير !!! يسير علي نفس خطي الكيزان .بل واضل .
وكل ذلك للمحافظة " الوجودية " لجهاز المغتربين ، وضمان استمرارية عمله مستقبلا ، للسيطرة علي المغتربين ، ومدخراتهم .
لابد من حل هذا الجهاز ، وتسريح كل موظفيه ، وهو اصلا من بقايا العهد المقبور ، وبؤرة لتجمع الكيزان ، والسماسرة ، والكومسنجية ، مثله مثل بنك امدرمان الوطني الذي " يعج " بالكيزان اصحاب الدقون الخربه .
لابد من الكنس ، واصلاح ما ابتدعه الكيزان .
#حل جهاز المغتربيين
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: ناصر النعمان البدوي)
|
قبل ما تتلغي التأشيرة يجب حل الجهاز اولاً
قصة يجو يقولوا خلاص نلغي ربط التأشيرة ويبقى الجهاز دا حنك عاضي..
لجهاز غير انه نقطة جباية مافي شئ ممكن يقدمه للمغترب ما ممكن تقدمه القنليات والسفارات
ولو سألنا اساسا القنصليات والسفارات فائدتها شنو وجاهات وقعدات ورسمات في الفاضي والا كيف؟
يتحل الجهاز
وينجلد الامين العام الجديد ا 15 صوط عشان قبل يقعد في كرسي كرار التهامي
بلاش استهبال معاهم
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
و ١٥١ سوط تاني عشان فكر يعذب المغتربين عبر التفكير الجهنمي ده،،والعقوبة تنفذ
في ميدان عام،،،
وعقوبة ثانية وهي إدخاله بالقوة في عربة إسعاف يرقد بداخله ٣ أشخاص مصابين بفيروس الكرونا
وما لابسين كمامات و هو ما لابس كمام لأنه لم يفكر في إلغاء تأشيرة الخروج في أول يوم قبل
فيه المنصب ..لهذا الجهاز الخبيث، ،
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: Hani Arabi Mohamed)
|
وندعو الفنان الكاريكاريست عمر ود دفع الله ان يرسم لنا كاريكاتير لهذا المكين ، مدير جهاز المغتربين، على غرار
كاريكاتير احمد هارون وفيروس الكرونا، على ان ينشر الكاربكاتير في كل الصحف السودانية وكافة وسائط الاعلام
حتى يعلم الناس جميعا ان هذا المكين ينفذ اجندة نظام اللصوص والحرامية ويريد ان يمكن نفسه من رقاب المغتربين
ويريد من الشعب ان يكره الحكومة الانتقالية وهي حكومة الثورة،،،
ونحن نسال الله ان يجعل مكره في نحره ولا يمكن مكين من رقاب المغتربين ،،،
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: امتثال عبدالله)
|
في مرة كنت بتكلم مع مدير مكتب من مكاتب جهاز المغتربين في عهد الكيزان الغابر
وقلت ليهو رسوم الخدمات دي بشيلوها من المغترب عشان شنو ؟!
قال لي عشان الناس الموظفين وهذه المباني ومصروفاتها
قلت ليهو يعني المغتربين يدفعوا قروش للناس البشيلوا منهم قروشهم
عشان يشيلوا قروشهم ؟!
قام قال لي ديل ما ناس دي حكومة
قلت ليهو ناس والكان حاكمين قبلهم ناس
(وفات علي أن أقول له (فعلاً ما ناس))
قام قال لي أمشي للمدير قول ليهو الكلام دا (يعني مدير الجهاز )
قلت ليهو بقول ليهو أكتر من كدا
قام قال لي أمشي للمكتب داك أعمل كذا وكذا وتعال جيت
ليقتو قفل المكتب وشمعوا وطلع تعميم ولصقوا في الباب
بأنو خدمات هذا المكتب تحول لمكتب مدير المغتربين
بخطاب عليه دمغات والمدير القال لي أمشي قول ليهو الكلام دا لم يسمحوا بمقابلته
وفقط يتم استلام الخطاب وفعل اللازم عبر السكرتيريين
جهاز المغتربين عبيء على المغتربين وعلى الدولة لأنه جهاز ليس لخدمة
المغتربين ولا للتنمية والاستثمار والتعمير وتقديم تسهيلات وخدمات تواصل للمغتربين
مع من يرغب المغترب التواصل معهم لخدمة نفسه أوبلده أوأهله فقط جهاز جبايات
يجب تسريح موظفي هذا الجهاز عاجلاً واستخدام مبانيه لخدمات أخرى
تدر النفع للناس دون ضرر لأحد
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: منتصر عبد الباسط)
|
محمد البشري
نعم اقول بسم الله الرحمن الرحيم
واذا انت كنت نزلت البيان الهام بتاع مكين ده ما كنا شنينا عليه الحملة الضارية دي ....لكن رد الفعل كان
على اساس ذلك التصريح الذي كتب في هذ البوست ...وطبعا ابو الزهور معذور لانه نقله من جريدة السوداني
وكاتب المقال هو ، كما عرفنا الان هو ضياء بلال ..واظنه انقاذي نعروف،،،،
والان نعتذر بشدة للسيد مكين ،حفظه الله ورعاه وجعله ذخرا للوطن ونصيرا للمواطنين وللمغتربين ،،،
والان حول كل الهجوم الموجه للسيد مكين الى ضياء بلال،المستهبل ،،،
ويلا يا عمر دفع الله شوف ليك كاريكاتير كارب كده لي ضياء بلال ...المنافق ...
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: امتثال عبدالله)
|
توضيحي
اشارة إلى اللبس الذي حدث نتيجة للخبر الذي نشرته صحيفة السوداني نقلآ عن سونا حول ما دار في اجتماع الجهاز مع بعض ممثلي الصرافات فإننا نوضح الآتي :
في سعيه لإيجاد معالجات جذرية لكل قضايا المغتربين ، وكما هو في قوانين الجهاز وسياساته فإن الأولوية في رؤيته الاستراتيجية هي جهاز بلا جبايات ، هذا فضلا عن سعيه لتحقيق تطلعات المغتربين في السكن ، التعليم ،وتأمين مشروعات العودة النهائية وغيرها .
بناءً على ذلك تمت لقاءات أولية مع جهات ذات صلة منها بنك السودان المركزي بهدف معالجة تحديات تحويلات المغتربين بحيث أنها تتم بالسعر المجزي عبر القنوات الرسمية وتدعم الدولة لانجاز التغيير والتحول للدولة المدنية وهذا لا يكون إلا بالسعر المساوي للسعر الموازي إن لكم يكن أفضل .
كما طرحت ونوقشت فكرة وتصور لإصدار بطاقة ذكية للمغترب للاستفادة من الخدمات الإلكترونية (On line Services) تشمل كل احتياجات المغترب بحيث تربط بالبنوك ، الوزارات ، الهيئات والمؤسسات ذات الصلة ، وكالات السفر ، خطوط الطيران ، والمراكز التجارية الكبيرة ، وغيرها لتسهيل استخدامات المغترب وأسرته بحيث يمكن له أن يحول مصروفاته ومصروفات ابناءه وأي رسوم حكومية أو مبيعات أو التزامات مالية تجاه أي طرف ، هذا المسعى يهدف لمعالجة قضايا السمسرة والفساد وهو ما يتماشى مع توجه الدولة السودانية وسنسعى للتواصل مع شركات أخرى للحصول على مزيد من العروض وصولا للعرض المناسب .
هذه البطاقة ليست لها أي علاقة بتأشيرة الخروج أو الضرائب والزكاة وإنما هي خدمة للمغتربين وأن ما ظهر في وسائط الإعلام من أحاديث حولها لا أساس له من الصحة .
كما تناول الحديث مع الصرافات التحديات التي تواجهها وامكانية تسهيل مهامها في تحويلات المغتربين وربطها بالنظام المالي السوداني بصورة رسمية وبالتالي ليست هنالك أي اشتراطات بأن يحول المغترب مبلغ محدد من المال أياً كان قدره ولا ترتبط براتب أو نسبة أو أي شكل من أشكال المساهمات الخاصة بالمغترب.
في الختام ما نؤكد عليه على الدوام هو أننا نعمل لجهاز وطني خال من الجبايات داعم للعاملين بالخارج ومحافظ على حقوقهم وداعم للدولة السودانية ومساهم في بناءها رؤيتنا ثابتة (جهاز وطني بلا جبايات قادر على استقطاب جهود أبناء السوداني العاملين بالخارج لبناء الدولة المدنية التي تحقق مصالح الجميع ).
هذا وبالله التوفيق
مكين حامد تيراب. الامين العام
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: najma)
|
شكرا الاستاذة نجمة
تحياتي للامير بدر
شكرا على النقل ..
ومن هنا كامل الاعتذار لأي غلظة من طرفنا كان خارج السياق
ولكننا نصر على الغاء شئون المغتربين والنقد البناء
كامل الاعتذار لصديقي الحبيب مكين
تحياتي .. الاستاذة نجمة .. شكراً
| |
|
|
|
|
|
|
|
|
 Re: جهاز المغتربين- مشروع لنظام إلكتروني يربط (Re: محمد البشرى الخضر)
|
Quote: وكاتب المقال هو ، كما عرفنا الان هو ضياء بلال ..واظنه انقاذي نعروف،،،،
والان نعتذر بشدة للسيد مكين ،حفظه الله ورعاه وجعله ذخرا للوطن ونصيرا للمواطنين وللمغتربين ،،،
والان حول كل الهجوم الموجه للسيد مكين الى ضياء بلال،المستهبل ،،،
ويلا يا عمر دفع الله شوف ليك كاريكاتير كارب كده لي ضياء بلال ...المنافق . |
هههههههههههههههههههههههه
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
| Quote: جهاز المغتربين يصدر بيان توضيحي للاشاعة التي اوردتها صحيفة السوداني بأن |
يا علاء الدين
الله يرضى عليكم السوداني ناقلاهو من سونا ..
يبقى مافي داعي الناس عاين للفيل وتطعن ضله ..
أيوة نعم ضياء البلال اي حاجة كعبة وكل شئ
لكن صحيفة السوداني ماروجت إشاعة عن صحيفة السوداني نقلاً عن ضياء البلال
اعدلوا هو اقرب للتقوى ..
ثم الحاجة التانيـة موضوعنا الأساسي والمبدئي هو وجود الجهاز في حد زاتو ..
والتالتة ما قريت في البيـان دا نفى او الغاء لتأشيرة الخروج ..
والبطاقة المقترحة دي مازاتها هي الربط .. إنت قايل كيف!
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
يا محمد البشرى
عليك الله التصريح القريناه في الاول عن ربط تأشيرة الخروج للمغتربين بتحويلاتهم من العملات الصعبة ما بفقع المرارة ويخلينا نطالب بمسيرة مليونية ،بل قل بليونية، للإطاحة بمدير جهاز المغتربين...!!!والحمد لله المسكين طلع برئ براءة الذئب من دم ابن يعقوب...والا كان راح شمار في مرقة ...والمسيرة المليونية كانت حتصل لغاية قدام بيته هههههههه..
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: Hafiz Bashir)
|
شكرا حبيبنا حافظ
ما أظن ده يكون موقع مزور
الاخبار جاءت من سونا
لو سونا نقلت الخبر من السوداني
المدير جديد حقو يستقيل اليوم
تحياتي الحبيب حافظ .. لو سمحت أنقل نفس الموضوع لبوست
حبيبنا الامير بدرالدين
بصراحة يا حافظ أحلى حاجة الحرية .. تنتقد كما تريد
مع التحية والتقدير الحبيب حافظ
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
Quote:
يا علاء الدين
الله يرضى عليكم السوداني ناقلاهو من سونا ..
يبقى مافي داعي الناس عاين للفيل وتطعن ضله ..
|
نعم يا حيدر السودانى ناقلاهو من سونا { ولكن زادت من عندها اشاعة :
- ربط تأشيرة الخروج بالبطاقة الذكية وفى التعميم الصادر من جهاز المغتربين انّ هذه البطاقة ليست لها اى علاقة بتأشيرة الخروج .
- وايضا ليست هناك اى اشتراطات بأن يحول المغترب مبلغ محدد من المال .
ونقف معك يا حيدر بقوة ونطالب بالغاء تأشيرة الخروج وايضاً حل جهاز المغتربين وتحويل صلاحيات الجهاز الى وزارة الداخلية
ووزارة المالية والسفارات .
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: Hafiz Bashir)
|
| Quote: حول ما دار في اجتماع الجهاز مع بعض ممثلي الصرافات |
يا إخوان السلام عليكم
في حاجة والله مافهمتها فأرجو المساعدة والإعانة على الفهم .. الإجتماع تم مع ممثلي الصرافات
والبطاقة المراد تطبيقها تخص خدمات المغترب مع بنك السودان والجهات الأخرى .. الصرافات
دي تابعة لوين ومن يملكها .. وهل هي المعنية باستخراج تلك البطاقة المنكور إستخدامها مع
التأشيرة؟ ماهو الدور المطلوب من ممثلي الصرافات؟ حاجة تحير .. نورونا بارك الله فيكم ....
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: Hani Arabi Mohamed)
|
صاحب البوست وضيوفه
رمضان مبارك وربنا يتقبل صيامكم وقيامكم
التثبت من الاخبار من مصادرها مهم ويقينا الكثير من الزلل ، مع التأكيد على ما اجمعتم عليه من ان تاشيرة خروج المواطن من بلده تعتبر من المهانة بمكان ولا توجد الا في السودان ، يجب ان تلغى التاشيرة فورا مع قناعتي بان نساهم جميعا في دفع متطلبات تنمية الوطن شرط ان تذهب الى المواطن وخدمته وان نرى اثر ذلك على ارض الواقع لا ان تتحول الى سيارات ومنازل وخدم وحشم للوزراء والمسؤولين .
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: محمد الزبير محمود)
|
خبر ربط تحويلات المغتربين بتأشيرة الخروج مصدره سونا ..
يعني وكالة الأنباء السودانية الحكومية الرسمية ولا أحد غيرها ..
ناقلة مبادرة عن عمنا مكين تيراب بتاع جهاز المغتربين ..
واقتراحا منه لبنك السودان بالتواطؤ مع أصحاب الصرافات ..
بأنه المغتربين أولاد الهرمة ديل لابد من تظبيطهم ..
وأخذ الأتاوه والمعلوم منهم ..
وليدفعوا الجزية عن يدٍ وهم صاغرون
بالطريقة الوقحة دي مااااااا بندفع نهاااائي ..
وجواز سفر واحد بل وجوازين كمان ..
عشان الواحد يخش بيهو السودان ما بتغلبنا ..
عمرنا كله قضيناهو منافي وسفر
فالشغلة لو بقت كده اليوسعوا كيسهم عشان يلموا قروشنا
الدايرين يشيلوها قوة عين وعنقله وابتزاز ..
ياتقنعونا كمغتربين كي نساهم في بناء الوطن ..
حسب برامج فيها اقناع واغراءات لينا ..
يا طوط فيكم ..
شخصيا اصلا ما مقتنع بالنفي ده ...
وحاسي أنه حيضعوه موقع التنفيذ وجعله أمر واقع ..
لانه خبر تنشره سونا على لسان رئيس جهاز المغتربين
يجي نفس رئيس الجهاز ينكروا ويعلقوا في رقبة صحيفة السوداني .!!!!!!!!!.
يا خي تخ ...
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: جمال ود القوز)
|
جهاز المغتربين ده يتحل يا حكومة قحت ..
ده مطلبنا النهائي انتو براكم جيتو قلتو ..
انكم عايزين جهاز بلا جبايات ..
أها شن لازمة الجهاز !! .. يقعد يعمل شنو ؟ ...
مافي داعي ليهو صاح ولاّ ما صاح .. ؟
نحن كمغتربين ما عايزين أي زول ينظم لينا شؤوننا
برانا بنقدر عليها وبنظمها ..
وزينا وزي أي مواطن سوداني حندفع ضرائب -
تاني أي حاجة مافي
أي تحويلات لتكون عبر بنك السودان بسعر
أكيد حيكون فرق كبير وباضطراد عن سوقكم الأسود ..
لابد من تصحب ذلك الإجراء اعفاءات وإغراءات ..
امنحوا المغتربين إعفاءات جمركية وضريبية ...
لادخال مكاين وأدوات انتاج زراعي وصناعي ..
حكاية التأشيرة واعلان ربطها بالتحويلات ..
ثم سحب الاعلان والمبادرة وتعليق الأمر ..
في رقبة صحيفة السوداني ده كلام عيب منكم ..
لانه عايز تفسير مقنع .. !!!
الخبر جاء على لسان مكين تيراب لوكالة سونا ..
فقامت صحيفة السوداني ( الشيلتوها الليلة ) بنشره
فما تضحكوا علينا وتخمونا نحن ما عندنا قنابير ..
اعملوا الحاجات دي للمغتربين وابشروا بتحويلاتهم ..
غير كده طوووووط ..
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: محمد الزبير محمود)
|
جهاز المغتربين لزومو شنو؟ ‘تكون فى عهد نميرى لجبايات الضرائب الباهظة والتحويل الإجبارى العالى القيمة ورسوم خروج عاية نسبياً. وبعد داك إذلال المعتربين بإضاعة وقتهم فى صفوف طويلة، يا الدفع يا ما فى خروج وعودة للعمل ببلد الإغتراب. وحتى لو التحاويل الإجبارية ألغيت، فلا بد من إلغاء تأشيرة الخروج وليس فقط للمغتربين بل لكل مواطنى السودان. وأيضا إلغاء الجباية بمطار الخرطوم بقرصنة رسوم مغادرة بالدولار أو بالجنيه حسب جواز السفر أجنبى أو سودانى.
حتى إمتيازات المغتربين بإستيراد عربة أو أى أجهزة كهربائية أو أثاثت لا توجد وتفرض ضرائب عالية، بل ويفرض إستيراد موديل السنة أو سنة قبله لا أعلم ما آخر المستجدات فيه. وتبعث الدولة للمعتربين بعثات بيع آرضى أو خدمات إستخراج أو تجديد جوازات سفر ورقم وطنى وبطاقة شخصية برسوم عالية جداً وبالدولار الحار أ, أآ عملة صعبة أخرى. ووبيع الآراضى عبارة عن إستهبال ببيع أراضى بالعاصمة فى مناطق نائية بعيدة عن العمار وبأسعار باهظة بالعملة الصعبة. كرهوا المعتربين قضاء الإجازات بالسودان. والهدايا التى يحضرونها لتفريح أهلهم وأصدقائهم تخضع لسخف رسوم جمارك عالية ما عارف دستة قمصان أو قماش أ, خلافه تعتبر تجارة تحتاج لرخصة وزارة التجارة، مواد أخرى واحد ا, إتنين منها تجارة حسب النوع .. بدلاً م مرااة المعترب وعادات البلد وما يقوم به المغترب من دور غير مباشر فى عدم إنهيار البلد وأن تتماسك وتتحمل كثير من ألأسر شظف الكعيشة وغياب الدولة.
المغترب السودانى مظلوم ظلم السنين ويهدر عمره فى غربة بدون تحقيق أقل طموحاته التى خرج منها، ويصبح معلقاً فى الغربة لأنه أصبح عائلاً لأسرة أكبر ممتدة فى السودان من ضمنها من هم ليسوا بأقرباء. أصبح المعتربيين وخاصة بالسعودية والخليج وهم أ,ل المتربيين هم من يعولون السودان. أذكر فترة عملى بالسعودية أنه أنه بعد حرب الخليج الأولى كانت هنالك موجة عامة بتخفيض رواتب غير السعوديين، الجنسية الوحيدة التى معظم مغتربيها هناك إرتضوا تخفيض رواتبهم، لأنهم يعواون أسر بالسودان وثانياً لأنهم لم يدبروا وضعا معيشياً يسترون به حالهم بالسودان. فهم يعيشون راتب شهر بشهر دون توفير أو فائدة وإستثمار بالسودان. الدولة لا تسهل لهم ليستفيدوا من غربتهم وليختصروا فترة غربتهم ويعودوا لبلدهم. ولذلك كثر من معتربى الخليج إختاروا مجبرين (الهجرة) لدول أوربا وأمريكا الشمالية وأسترالية.
لو عاوزين يكون جهاز للمغتربين، يكون كيان أهلى تابع للمغتربين ويتعامل مع الدولة. يكون له فروع بالخارج بدول الإغتراب، وسيكون له فائدة كبيرة تعود على البلد وعليهم.
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: نادر الفضلى)
|
سلامات علاء الديـن سيد احمد ...
Quote: ولكن زادت من عندها اشاعة :
- ربط تأشيرة الخروج بالبطاقة الذكية |
ماعارف والله انت قاصد شنو بقصة ناقلاهو وزادت إشاعة دي!!
الخبر جابو مولانا حافظ بشيـر بالصورة من موقع سونا نفسه ومذكور فيهو بالنص الصريــح
وإستعرض الإجتماع مشروع النظام الإلكتروني الذى يعمل على ربط تحويلات المغتربين بتأشيرة الخروج وغيرها من المعاملات عبر بطاقه ذكيه وتطبيق يعمل بنظام النطاقات لتغطية كافه خدمات المغتربين بالتنسيق والتعاون مع شركه سايبر وشركة ريمتت.
ودا فوق لي مداخلتك دي ..
بتجبر الزول يكون غصباً عنه في موقع المدافع والمنافح عن صحيفة السوداني وهو موقف مرهق حتى ولو ضد الفريـة والإشاعة والتهمة البيحاول يلبسها أميــن جهاز المغتربيـن لصحيفة السوداني دي والمكنتها شالت فيـك ..
وحتى لو لا ..
لكن كمان تكرارك وإصرارك على الموضوع ما ممكن يكون بالصورة دي ..!
ثم النقطة التانيـة .. بيانه ونفيه دا متوقع .. واكيد متوقع بس ما متوقع يكون بالهزالة دي ..
كتبت في بوست تاني عن الاشكاليات البيقول قعد عشان يحلها :/
Quote: مساعي حل مشاكل المغتربين وتمكينهم من إيصال تحويلاتهم المالية، ومدخراتهم عبر النظام المصرفي
|
دا التعميم الصحفي الواصل لسونا بعد الجلسة ..
وجاء قال في البيــان :/
| Quote: معالجة تحديات تحويلات المغتربين |
شايف كيف !
مافي حاجة اسمها مكلة تحويلات المغتربين .. المغترب ما عندو مشكلة اسمها ما قادر يحول ..
دي ما مشكلة لي او للمغترب دي .. مشكلة عندك انت العاوز تلم قروشي لانك نقطة تحصيل ومتحصل ..
ضابط ضرائب وجابي مكوس بإختصار .. عشان كدة بتعبرها مشكلة
زي ما قلت ليك
أيه اللي حل مشاكل وتحديــات تحويلات مغتربيــن دي !!
يعني يا كافي البلاء المغتربيــن مكدسين قروشهم في المهاجــر ودافننها مالاقين طريقة يوصلوها :)
بالله ..
المغتربيــن بالإضافة للجهاز دا مشاكلهم واضحة ومعروفة ياريت كنا نسمع إجتماع لحل مشاكل المغتربيـن في تأشيرة الخروج
اجتماع لحل مشاكل المغتربين في فروضات الزكاة والضرائب
حل مشاكل المغتربين في تعليم ابناءهم ..
حاجة تزر الرماد في عيــون البقرة دي
مش طوالي خلق حاجة اسمه تحويلات المغتربين
ههههههه
اي والله بقر وفينا قرون كمان..
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
بالله أول ما يجي ويبدأ نشاطه يقول ليك قاعد أحل ليكم مشكلة التحويلات ههههههههههه
وبي بطاقة
لا تفتيحة والله وبزنس مان شاطر
قلت لي بطاقة ذكية نسدد بيها الرسوم والضرائب ومصاريف الأولاد واقساط القطع السكنية والاقساط الاستثمارية وحق القراية والتسويق ..
فيــزا كارد للمغترب هههههههه
أها والبينزل فيها رصيد للمغترب منو ياروح امك
وحا يعبيها رصيد من وين
مش ياها التحويلات دي
وهو الربط كيف ..؟!!
الكيزان عملوها البطاقة دي قبلك .. لكن كانت للحصر والتوثيق ومربوطة بالجواز يا سعادتك
وفشلت لانها ما كانت ذكية ولا حساب بنكي
طبعاً هسه الجباية والتحصيل اتطور
وبكي رقمي وذكي هههههههههههههه
صحي تجار شاطرين والله
حلو الجهاز بلا استهبال واستنكاح معاكم
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: HAIDER ALZAIN)
|
شكرا كثير كثير .. حيدر
ما ممكن طوال الفترة الفاتت نلعن يوم كرار التهامي
وناس مكين كانوا قادة لحملة النقد والانكار
نرجع في نفس مكتب كرار التهامي وعشرات الموظفين
والمخصصات ..
حبيبنا حيدر المشكلة الكبيرة خاصة أولادنا وبناتنا الشهادات العربية
عليهم رسوم تأشيرة الخروج تخيل بنت في سنة أولى جامعة تقيف صف وتدفع رسوم
للحصول على تأشيرة الخروج .. بالله ده في اي بلد في العالم .. والمشكلة هناك عشرات ماكنيات التصوير
وكأن الموظف له نسبة من قيمة التصوير ..
المشكلة الاساسية في الشهادات العربية .. كيف لهذا الابن أو الابنة تتخيل الوطن عندما تدفع الرسوم وتعاني ..
تربوياً وسلوكيا لا يليق .. كيف ستكون صورة الوطن في مخيلتهم .. الموضوع أكبر من جباية ومال
شكرا كثير كثير حيدر .. واصل هذا الموضوع .. عسى أن يأتي بخير .. وخاصة (( تأشيرة الخروج )) حتى لوكانت مجانية
شكرا مليون حيدر الحبيب ..
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: علي عبدالوهاب عثمان)
|
Quote: قلت لي بطاقة ذكية نسدد بيها الرسوم والضرائب ومصاريف الأولاد واقساط القطع السكنية والاقساط الاستثمارية وحق القراية والتسويق ..
فيــزا كارد للمغترب هههههههه
أها والبينزل فيها رصيد للمغترب منو ياروح امك
وحا يعبيها رصيد من وين
مش ياها التحويلات دي
وهو الربط كيف ..؟!! |
الاستهبال والاستكراد والخم هنا يا حيدر يا أخوي
حيقوموا بتسديد ضربات متعددة على مختلف المناطق الحساسة للمغترب
حيتاجروا ويعملوا بزنس في كل حياة المغترب
أحسب بقى وشوف أي تفصيلة من حياة المغترب وأنشطته ..
هم حيغزوا فيهو عودهم كيفن ..
كان داير تعرس عودهم معاك راكب
كان داير تحول قروش عودهم راكب
كان داير تقري اولادك عودهم معاك راكب ..
كان ... وكان ... عييييييييييييك ده نهب راسو عديل
وسيتمدد الجهاز في كل حياتك كمغترب ويبزنس فيها ..
ويقلع منك شقاك ودمك الطافحو وبعد ما حيديك شيء
لا اعفاءات لي عربية تجيبها
لا اعفاءات لي مكاين او مصنع تدخلو البلد
لا عفش تجيبوا باعفاءات جمركية
كان باعو ليك ارض تذهب وتجد انك ركبوك ماسورة
وقيمة الارض الاشتريتها ودفعت قيمتها ..
اقل من قيمتها عند سماسرة الاراضي
وتضطر تبيع بي خسارة لانها حتة نقعة
لا فيها خدمات لا ناس بانيين مكان خلا فاااااضي
ولا بعد 15 سنة لي قدام ما يعمر
( الماسورة دي انا شخصيا جربتها ولا فخر
وبعت الواطة الاتغشيت فيها من السفارة بي خسارة )
سيصرخوووووووووووووووووووون المغتربين ديل ...
انتو مكين ده ما كان يلحقوهو ..
وجهاز المغتربين بي لجنة ازالة التمكين
عشان نصرخ نحن برضو مع الكيزاااان ..
فعلا شر البلية ما يضحك ....
المغتربين ناس مساكين شايلين هموم الأسر بالهم نوم ما بينوموا ..
عاتلين هم البقرا والعايز يعرس والمقطوع ما لاقي مصاريف
والعيان داير يعمل عملية والعربيتو خسرانة عايزة عمره ..
كل مغترب شايل هم ما يتلم وبدل يشكروهو على دوره ده
جوه النار زايدنو حطب ..
مش تأشيرة الخروج المذلة وبس ..
كمغتربين لن نرضى بغير إزالة هذا الجهاز اللص نهائيا ..
| |
|
|
|
|
|
|
|
|
|
Re: جهاز المغتربين- مشروع لنظام إلكتروني يربط (Re: جمال ود القوز)
|
جمال امبس ..
تحياتي بالضبط لا يعرفوا حقيقة المغترب ده شنو
مثال فقط جامعة دنقلا ( الدعم كان بقيمة 600 الف ريال ) معامل بأكملها
لكلية الطب .. حتى لحداثتها سحبوها من جامعة دنقلا الى جامعة الخرطوم
فقط مثال .. هناك العشرات ( غسيل الكلى ومركز السكر .... الخ )
========================
أنامستغرب من مكين .. اصبح نسخة مكررة من كرار التهامي
الحبيب جمال بعد عمرنا المديد هذا أنا اكتشفت حقيقة إننا كلنا من طينة واحدة
ده يتاجر بالاسلام .. ودا كمان بالحرية والعدالة والسلام
هذا السودان لن يخطو خطوة واحدة للامام .. أنا اتحدث من أجل الابناء والاحفاد
اي واحد حوالي السبعين لن يرى أي تغيير في البلد سوف يرحل هكذا والمغفرة عند الله سبحانه وتعالى
فقط نحمدالله اذا بقي الوطن آمناً وبدون نزاع .. وتقسيم وتطهير عرقي في المدن ..
الواحد ثائر ومناضل ويتحدث لسنوات طويلة بكل تجرد يوم جلس في الكرسي نفس النسق من بعد الاستقلال الى اليوم
نعم الحكم هكذا حتى بعض الصحابة رضي الله عنهم وابناءهم ذهبوا الى هذا البعد
الثوار الصادقين من استشهدوا ومن هم من الابناء والبنات الى يوم تواقون الى وطن أفضل
صدقني يا الحبيب جمال عندما تصل مرحلة من العمر يزول الحماس وتفكر بنوع من الواقعية
| |
|
|
|
|
|
|
| |
زهير عثمان حمد
Ahmed musa
جمال ود القوز
عبدالمنعم الطيب حسن
علي عبدالوهاب عثمان
الامين موسى البشاري
منتصر عبد الباسط
HAIDER ALZAIN
Moawia Mohammed
Hasheem Karouri
اسامة محمد ابوبكر
الحاج حمد الحاج
Hani Arabi Mohamed
mekki
محمد البشرى الخضر
علاء سيداحمد
Hafiz Bashir
بابكر قدور
نادر الفضلى
فيس بوك
تويتر
انستقرام
يوتيوب
بنتيريست